دعوًه عًلىً فنجًآنْ قهًوْة ...

شكرا كتير على دعوتك الي

وما في داعي احكي عن الدعوه فهي كل من قراها ادخلت السرور على قلوب الجميع حتى لو لم يكن ضيف

وانا حكيت قبل عن اعجابي بموضوعك

بس ما طلعتي لبيبه هيك يعني

ومره تانيه بثقول شكرا على الدعوه وان شاء الله بجاوب على الاسئله




إن ما يدهشني ..
ذلك الإحساس في كل صباح
إن ما أبصره يصبح شعرا ..
أن ما ألمسه يصبح شعرا ..
أن أشيائي وأشياءك - مهما صغرت -
تصبح شعرا ..
ركوة القهوة ، في حال الهوى - تصبح شعرا ..
كتب الشعر التي تعجبنا ..
ضحكة البرنس في الحمام ..
صوت الماء ينساب على سلسلة الظهر سعيداً ..
آلة التسجيل ..
تنويعات شوبان ..
إضاءات موزارت ..
ومذاق القبلة الأولى على الريق ..
وغوص القدم البيضاء في الموكيت ..
لمس الشعر بالفرشاة ..
وضع الكحل في زاوية العينين ..
ماذا يتبقى؟
كي يصير الكون موسيقى وشعرا؟؟
تلك صفحات من التاريخ ، يا سيدتي
أبداً لن تتكرر ..
أبداً لن تتكرر ..

~.. أهلاً بك فرحت لإستجابتك لدعوتي ..~
وانا فرحت بدعوتك الي

شكرا لكي


هاهي الطاولة لقد حُجزت لنا..
شو على البحر اخترتيها ولا شو

كيف حالك؟

بخير الحمدلله


وكيف هي الدُنيا معك؟

هذه هيا الحياة
يوم معك ويوم عليك...
ويوم يأتي الفرح ويصحبه الملل...
وآخر تنتظر بابك كي يدق الأمل

الدنيا معي كما مع الجميع

يوم تسعدني ويوم تحزني لكنا في الاخير هي حصاد لنا ونسأل الله ان يزيد ايماننا

بحب شوف الدنيا حلوه حتى لو ما كانت معي هيك بضل اقنع حالي بهذا الشي وبهمس حالي دائما الدنيا حلوه ما بحب النظره التشائميه


عبر لنا عن شعورك عندما تلقيت الدعوة ..

هو انا فتت كنت متحمسه بدي شوف مين الضيف الجديد وما كنت ابدا متوقعه انه انا

فكانت في الحقيقه ولا اخفيكي سرا صدمه الي


هل أنت من الأشخاص الذين يفضلون كثرة شرب القهوه ..

لا ابدا ابدا انا اصلا ما بشرب قهوه ومابلشت اشربها غير من كم شهر وكمان بالنادر


لحظة ..!

سـ اقطع حديثك فقد جاء القرسون لِ أخذ الطلب
ايه انا بدي كاسة كابوتشينو وبدي جاتو شوكلا وطبعا الحساب عند لولو



حكمتك ومبدأك في الحياه ؟

امممم بصراحه كتار برايي لكل موقف وظرف ووضع اله حكمته ومبدأ حتى العمروالزمن

اوقات بحب امر على الناس والامور مرور الكرام واوقات بحب اثبت وجودي ويكون الي شي سواء بقلب او مشاعر اشخاص اوبمكان معين

بس انا بحب التفاؤل بحب هون ويسر المواضيع مابحب كبرها واخذ كل الامور ببساطه بحب اسعد غيري بحب التلقائيه والعفويه وما دقق على كل شي يعني في شغلات بحكي فيها وبعلق على بعض التصرفات بس بتكون عن جد مو فارقه معي وبصراحه كتير امور بقول عنها وبالناقص

بتعامل مع الجميع بطيبه وحسن نيه مع اني باخذ على راسي كتير بس يالله دنيا وماشيه

ما بحب اسمع من حدا بحب اسمع من الشخص نفسه وبعدين بحكم

لما بيكون في حكي كتير بسكر اذاني

و لو في شخص حكوا عنه مومنيح والكل شهد انه وانه وانه بس يكون ماساوا معي شي وقتها يضرب بكل الحكي عرض الحائط لاخذ على راسي هههههههههه

واهم شي انا صااااااااامته

هي كلها مبادئ شايفين الله يستر من الحكم هههههههههه ولا تنسوا اني انا صامته يعني ما بحكي كتير



حكمتي

( قل لن يصيبنا الا ما كتب الله لنا )

تفائلوا بالخير تجدوه

وكل شي من الله حلو و و و و كتار

متل لكل موقف وظرف حكمته




شخصية أدبية تاثرت بها ؟

هو شخصيه ادبيه بالتحديد مافي حدا بحس انه متأثره فيه

لكن كشخصيات اتأثر فيها انه اتخذ شي منهم نمط لحياتي هلئ اكيد بيضل قدوتنا جميعا الرسول الكريم صلى الله عليه وسلم وامهات المؤمنين وصحابته

يعني عن جد في كتير شغلات بحياتي مشاكل بمر فيها بدور على طريقه لاتصرف فيها من السيره

يمكن كتير بياخذ عني فكره غير مقنعه او سلبيه بسبب تصرفاتي وتعاملي مع المشاكل والظروف لكن ما يرضيني هو انه بتصرفي الذي لم يعجبهم اخذته منهم من السيره ولو بيراجعوا حالهم بيعرفوا هذا الشي

وفي اوقات بتأثر ببعض المشايخ والدعاة وتلاقيني لما بسمع لهم بقول بدي صير متله وبدي كون هيك والله ييسر لي واقدر كون متلهم يارب


تؤمن بلبس الاقنعه لتتكيف مع الحياة من جميع النواحى ؟

هو أنا ما بؤمن اكيد بلبس الاقنعه بحب الانسان يكون بتلقائيته وبطبيعته كيف ما كان بس ذلك لا يمنع من بعض الاقنعه

انه اوقات كتير بكون مدايقه ومهمومه ومخنوقه او في شي مدايقني انه البس قناع يخالف مشاعري

يعني كون قدام الكل مبسوطه ورايقه وما احلاني وانا في الواقع العكس

لاسباب يعني بحس انه انا مدايقه ومكتئبه ليش لاغم اللي قدامي ودايقه معي وهو ما خصه

ولاني ما بحب شارك اللي معي همومي

وكمان بتقيد بالمقوله اضحك تضحك لك الدنيا انه لو بدي ضل مدايقه شو اخرتها لو ببين من برا اني مبسوطه شوي شوي راح تفوت هالمشاعر على قلبي تلقائيا وبيهون وبصير مبسوطه وعن جد صارت معي كتير

واوقات يكون حدا قدامي مهموم ومدايق وعن جد انا اوقات لما يكون حدا بيعز علي يكون هيك بدايق اكتر ما ادايق على حالي يعني بكون من جوا عم اكل بحالي بس وقتها بحتاج كمان لقناع لابين غير هذا الشي لاهون الموضوع على من معي واقدر خليه يروق

وفي قناع تاني انه بخفي شي يعني حدا بيسالني عن شي وبعمل حالي مو عرفانه اي شي وبجدبها واوقات ولييييييي شو بجدبها يعني بضل قول بيني وبين حالي ولي عليكي شو كذابه ههههههههه

بس ما تقولوا لحدا

غير هيك ما بعرف ارتدي اقنعه




ماذا تحب عادةً أن تطلب عندما يُترك لك الأختيار في طلب القهوة ..؟

قلت انا ما كتير بحب القهوه يمكن لاني ما بحب الطعم المر

فلو شربت قهوه بحبها تكون بسكر

وان كان لي الاختيار بطلب يا كابوتشينو مشروبي المفضل يا نسكافيه او مشتقاتهم

إذن :
هل مازلت الى الأن تسعي في الوصول الي حلمك أم انة قد تحقق ..!

ما زلت

هو في الحقيقه في احلام ماعم بسعى كتير لتحقيقها تاركتها ل الله ييسر لي اياها ولو اجتني فرصه بتمسك فيها مثلا دراستي

وفي احلام انه مثلا كون ام منيحه واقدر ربي ابني منيح وكتير بحب انه مو بس كون ام كون رفيقه لابني واخت واخ وكل شي وعم حاول اسعى اله والله يوفقني واقدر حقق حلمي هذا

وغير حلم اني كون شخصيتي المستقله وحياتي فما زلت

هل لك قوانين وأنت تتناول قهوتك كائن تبدأ بشيء معين وتنتهي بشيْ معين آخر ..!

برجع وبقول ما بشرب قهوه واذا كان في قانون

ما بخفيكم لاحظت على حالي انه بحب اشرب القهوه مع رورو بالذات

عن جد ما بعرف ليش

انا بالاول كنت بفكر انه بحب اشرب ببيتهم بس لاني اتعلمت عليها عندهم

بس لاحظت انه اوقات بساوي قهوه لعمو وائل وبقول لحالي بس ساوي له راح اسكب لي فنجان وبس لاخلص مساواة القهوه بلاقي حالي مو جاي على بالي ومو مشتهيته

لكن عن جد لما بشربها مع رورو بنبسط فيه واوقات بس لتخلص انه بحس حالي كنت مستمتعه وبدي كمان بس ما بطاوع حالي

دخلكم شو السررررررررر.
لكن لو شربت النسكافيه او كابوتشينوا بحب تكون الكاسه كبيره وكون رايقه ومبسوطه واوقات بحب اشربها واسرح وفكر وحس حالي بعالم تاني

بتعرفوا اوقات بشربها وما تضحكوا علي

بتخيل حالي يا على البحر يا بغابه او بستان وقاعده بين الشجر والعشب وعن جد بعيش الجو والصوره كانه حقيقه

واهم اهم شي وقت بشربها ما بحب فكر باي مشكله ولا باي هم ولا اشغل بالي بشي

فاذا كنت مدايقه ولا عم فكر بشي وحدا حابب يلهيني يشربني نسكافيه بلتهي عن جد عن اللي ببالي لان هذا طقسي بشرب النسكافيه
.
مرة أخرى لحظة ..!

سأُجيب على هاتفي .."

ايه جاوبي وسلم لي علي عم تحكي معه

أأنت من الناس التي لأ بد ان تتحدث وانت تشرب قهوتك ..!
لا ابدا عادي ما بتفرق

../ تهتم بِأمر التَجمع على القهوة ..

مو كتير عادي بس ما بنسجم كتير لما يكون في ناس كتير يعني يادوب انا وشخص تاني وبس


../ امممم مرة أخرى قاطعنا القرسون .




إذا استعرض معــنـــا أجمل محطاتك في :
[ الطفولة ،السفر ، الدراسة]
فماذا ستجد في جعبتك من مواقف لم تزل قائمة في الذاكرة ؟

الطفوله

انا كانت طفولتي عاديه لا هي مثيره ولا فيها الكثير من الاحداث بس انا كنت الحفيده الاولى من طرف اهل امي فكنت البنت الصغيره الوحيده بالبيت ودلوووعتهم ومافي ابدا الي اي منافس ما كنت مشاغبه بالعكس كنت هاديه كنت محبوبه من الكل كنت خجوووووله جدا جدا جدا ومرتبه زياده عن الاطفال لدرجة اني كنت الفت الانتباه

بس مافي شي ينذكر غير اني كنت مدلله كتير



السفر



هو انا سفرات ما الي سفرات كتير غير الشام دمشق – اللاذقيه مره رحت حلب

السعوديه طبعا غير المدينه ومكه كانت الطائف ومدينة الرياض

بس انا دائما بقول السفر ما بيكون حلو غير بالناس اللي معك يعني بالجمعه الحلوه

فلو اخذتيني على الصحراء وكان اللجمعه حلوه بتكون احلى سفره

وبصراحه كل سفراتي البسيطه كانت كلها كلها حلوه وكلها انبسطت فيهم كتير وبحتار اي واحده بتمنى ارجع عيدها لان كلهم حلوين

وكنت بنبسط باللاذقيه لما نسبح ونستأجر مركب ونركب الدراجات وفي ملاهي قريبه من الشاليهات كنا نركب فيها الباخره كانت كتير حلوه ونسهر باخر الليل على البحر والمسجله شغاله على طول ونروح كسب والغابات كلها كلها السفره بتكون حلوه



الدراسه

انا كنت بحب الدراسه وبنبسط كتير فيها بستمتع عن جد لما ادرس بس شي وحيد اللي ما كنت حبه هو الفيقه بكير

واللي بحبه بالمدرسه كنت محبوبه كتير كتيرمن مدرساتي

وبالابتدائيه كنت كتير مدلله من كل الطالبات والمدرسات والاداره

حتى بالحفلات المدرسيه اخر السنه كنت دائما كون بطلت الحفله



آيه قرآنية تجعلها دائماً نصب عينيك ؟





قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ [التوبة:51]



فَلا تُعْجِبْكَ أَمْوَالُهُمْ وَلا أَوْلادُهُمْ إِنَّمَا يُرِيدُ اللَّهُ لِيُعَذِّبَهُمْ بِهَا فِي الْحَيَاةِ الدُّنْيَا وَتَزْهَقَ أَنفُسُهُمْ وَهُمْ كَافِرُونَ [التوبة:55]



وقوله تعالي: (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ) (البقرة:155)



وسورة الم نشرح كتير برددها



سمه تعتز بها كثيرا في شخصيتك ؟



متسامحه كتير مابشيل بخاطري من حدا وبنسى اي اساءه من حدا حتى لو مو بسرعه بس مع الوقت الا ما بنسى
لما حدا يحتاجني من جد ولجأ الي بوقف معه بكل مافيني


هروب الكلمات من مخيلتك عندما تكون في أمس الحاجة لها كيف تعالجه؟

بلجأ لرب العالمين بصلاة قيام ودعوه

اوقات اجلس بصفاء اتأمل السماء ادعوا ربي واناجيه بحرقه

ولا اكذب عليكي اوقات الجأ الى خالقي وسبحانه في لحظات تاتيني غفوه ارى بها منام يريحني ويهديني

فسبحانه والحمدلله على ان جعلني عبدا له



ماهي التجربــه التـي تتمنــى تكـــرارها؟
دراسة الجامعه





هل تهتم بِ امرالتحلية مع القهوة ..!

عادي مو كتير


وماهي افضل انواع الحلويات لديك؟

كنافه بقشطه والسلوره والايس كريم والشوكلا

رأيك -{.. بـ صدى الاشواق.. بصراحة ودون مُجاملة؟

صدى الاشواق



انا مابعرف قول رايي بحدا غالبا بطلق العنان لتصرفاتي تعبر عما بداخلي تجاه شخص ما

انا كمان مابعرفك منيح ومافي بينا حكي او تواصل كتير غير بين صفحات المنتدى

بس كمان انتي اختها لريمونه حبيبة قلبي الله يسعدها واول صديقه اتعرفت عليها بالمنتدى

بس بحس انك حبوبه وقريبه للقلب وطيبوبه ودمك خفيف وعندك فيض كبير من المحبه والمشاعر والاحاسيس والابداعات

بتبهريني اوقات بكلماتك وردودك اشهد لكي باعجابي فيكي

بتنمى لك التوفيق والنجاح يارب وتنالي رضا والديكي دائما وابدا


عضو تشعر بأنة قريب لروحك وقلبك ؟

زهرة النرجس _ بحسها مو بس قريبه لقلبي ورحي كمان قريبه كتير لشخصيتي وتفكيري



الريم ­_ كمان بحب احكي معها دائما ومابعرف ليش بحس اني معها بكون اكبر فساده مابعرف اسكت عن شي بالمنتدى معها عاملة لي شي هي البنت

بس كمان الها معزه خاصه وهي اول صديقه الي بالمنتدى



زهرة البراري _ بحبها كتيييييييير وعن جد بنبسط كتير لما بحكي معها عن جد بحسها قريبه لقلبي وروحي الله يسعدها دائما يارب



درة الحجاز _ قريبه كمان لقلبي وبحبها لله ومبسوطه فيها كتير



صدى الاشواق – بحب تواجدك وبنبسط فيكي كتير وبفتقدك وبشتاق لك اذا غبتي

نعم الاختيار لنعم الصديق

بانتظارك شيخ امين

متشوقين لشرب القهوة بصحبتك

هلاً بك فرحت لإستجابتك لدعوتي ..~

هاهي الطاولة لقد حُجزت لنا..

أنا سعيد جدا بدعوتك لي ولي الشرف العظيم

شكرا لك على الدعوة


كيف حالك؟

الحمد الله بخير

وكيف هي الدُنيا معك؟

في الوقت الحالي الحمد الله لان حال الدنيا في تغير دائم

عبر لنا عن شعورك عندما تلقيت الدعوة ..

شعور رائع وجميل وفرحت كثير بالدعوة

هل أنت من الأشخاص الذين يفضلون كثرة شرب القهوه ..

اكيد تقريبا انا مدمن عليها

لحظة ..!

سـ اقطع حديثك فقد جاء القرسون لِ أخذ الطلب

براحتك

حكمتك ومبدأك في الحياه ؟

أن تضيء شمعة صغيرة خير لك من أن

تنفق عمرك تلعن الظلام

اما في خصوص المبدا فأنا اسير على مبدأ واحد هو المثابرة

والبحث عن النجاح وعدم اليأس كما تقول الحكمة لا يحزنك إنك

فشلت مادمت تحاول الوقوف على قدميك من جديد وطبعا التوكل

على المولى عز وجل

شخصية أدبية تاثرت بها ؟

انا بحب المطالعة كثير وفي شخصيات وكتّاب كثيرين والله احب

أقرأ كتبهم بس تصل لحد التأثر بشخصية معينة فلا

يوجد

تؤمن بلبس الاقنعه لتتكيف مع الحياة من جميع النواحى ؟

لا مستحيل ..عيش حياتك كما انت ستجدها جميلة

ماذا تحب عادةً أن تطلب عندما يُترك لك الأختيار في طلب القهوة ..؟

قهوة تركية

إذن :
هل مازلت الى الأن تسعي في الوصول الي حلمك أم انة قد تحقق ..!

نعم مازلت اسعي في الوصول الى حلمي

هل لك قوانين وأنت تتناول قهوتك كائن تبدأ بشيء معين وتنتهي بشيْ معين آخر ..!

بحب اشربها وانا اقرأ في كتاب


مرة أخرى لحظة ..!

سأُجيب على هاتفي .."

تفضلي ..خذي راحتك

أأنت من الناس التي لأ بد ان تتحدث وانت تشرب قهوتك ..!

أحياناااا

تهتم بِأمر التَجمع على القهوة ..

لا

امممم مرة أخرى قاطعنا القرسون .

إذا استعرض معــنـــا أجمل محطاتك في :
[ الطفولة ،السفر ، الدراسة]
فماذا ستجد في جعبتك من مواقف لم تزل قائمة في الذاكرة ؟


في كثير مواقف فأيام الطفولة بحد ذاتها هي ايام جميلة ورائعة أما في خصوص الدراسة فكل المواقف مرتبطة بالصديقة نسرين لانها بالفعل تجعلني في مواقف لاتنسى اما بالنسبة لسفر فأكثر المواقف كانت خلال سفري الاخير لالمانيا مع المنتخب

آيه قرآنية تجعلها دائماً نصب عينيك ؟

آيه الكرسي لكونها القاعدة الأساسية لدين لما فيها من توحيد خالص. وهى أشرف آية في القرآن.· بها خمسون كلمة ... وفى كل كلمة خمسون بركة.


سمه تعتز بها كثيرا في شخصيتك ؟


الصراحة وطيبة القلب

هروب الكلمات من مخيلتك عندما تكون في أمس الحاجة لها كيف تعالجه؟

راح ابحث عن كلمات بديلة لها نفس المفهوم

ماهي التجربــه التـي تتمنــى تكـــرارها؟

مممممم سفري لفرنسا هي تجربة جميلة تعلمت منها كثير وبحب اعيدها وهذا لتعلم اكثر

هل تهتم بِ امرالتحلية مع القهوة ..!
وماهي افضل انواع الحلويات لديك؟

لا أهتم كثير ومافي شيء معين بحب وافضل بيكون في الحلويات

رأيك -{.. بـ صدى الاشواق.. بصراحة ودون مُجاملة؟

صدى الأشواق رائعة بطرح مواضيعها ومميزة بتواجدها ومشرفة في قمة الروعة


عضو تشعر بأنة قريب لروحك وقلبك ؟

الاعضاء كلهم يمتازون بروح الصداقة وبالفعل فالمنتدى هو عائلتي الثانية

أجد الوقت قد أُختُلس بسرعة ..


فقد استمتعت أنا معك بِـ هذهـ الدعوة وأنت ماهو شعورك بعد هذه الدعوة ../


انا استمعت كثيراً بهذه الدعوة وشكرا لكي صدى

الاشواق على الإستضافة

هل تحب أن تكرر التجربة مرة أخرى ..

أكيد

صدى الاشواق كتب:

كعادتكـ

اكثر اكثر اكثر من راااائعة

لا تدعين مجالا لوصفكـ ولشكركـ

استمتعت جدا بصحبتكـ على فنجان قهوتي

كل الشكر لكـ اختي الغالية

دمـتـ بحب عزيزتي

ك والله مابيصير هيك تكون زهرة النرجس بفنجان اقهوه وما تخبروني

والله اتجاكرت كتير بس الحمدلله لحقت حالي


تقبير قلبي كتير ممتع حكيك ورقتك


والله انتي من الناس مو مجامله اللي فاتوا قلبي من غير اي سبب وبحبهم كتير وان شاء الله ما بضيع رفقتك وبتمنى من كل قلبي نجتمع وضلي رفيقتي وصديقتي على طول
اصلا معروف عني دائما بصرع العالم برفقاتي وعند رفقاتي ستوب للجميع ممنوع النقاش بشي غلط عنهم
وعن جد انتي من الاصدقاء المقربين لقلبي وروحي والمميزين جدا

والله بحبك وبموت عليكي

تسلمي لي ياغاليه

وشكرا على احلى فنجان قهوه

وما بنسى اشكر صدى الاشواق على موضوعها واختيارها لضيوفها

شكرا من القلب

ميمي

احلى تحية لاحلى دمشقية الهوى