من طرف زهرة البراري الأحد 15 أغسطس 2010 - 23:20
إليكم الدعوهـ ..
~.. أهلاً بك فرحت لإستجابتك لدعوتي ..~
هاهي الطاولة لقد حُجزت لنا..
اهلا لولو وانا فرحت اكتر بدعوتك
كيف حالك؟
ماشي الحال عم دفش
وكيف هي الدُنيا معك؟
تتلاعب بي كأمواج البحر
عبر لنا عن شعورك عندما تلقيت الدعوة ..
سعدت كتير بدعوتك وبرسالتك
هل أنت من الأشخاص الذين يفضلون كثرة شرب القهوه ..
لا ، لا أفضل شرب القهوة كثيرا
وبالأصح انا مستجدت بشرب القهوة
يعني فنجان كل يوم او كل يومين
لحظة ..!
سـ اقطع حديثك فقد جاء القرسون لِ أخذ الطلب
اي كويس عبالي أطلب كام شغله كمان غير القهوة
حكمتك ومبدأك في الحياه ؟
ليس كل ما يلمع ذهب
ليس المهم انا نقع كثيرا ولكن المهم ان نستمر بالنهوض
شخصية أدبية تاثرت بها ؟
بصراحة مافي حدي
يمكن متأثرة شوي بأفكار فرويد
بحسوا بيشبهني وخصوصا اننا من مواليد نفس اليوم
تؤمن بلبس الاقنعه لتتكيف مع الحياة من جميع النواحى ؟
لا انا لست مع لبس الاقنعة لاي سبب كان ولكن للاسف أقع احيانا في شباكه
فأرتديه مرغمة
.
:
.
ماذا تحب عادةً أن تطلب عندما يُترك لك الأختيار في طلب القهوة ..؟
قهوة حلوة متلك
وبفنجان كبير كتير
وبهتم بشكل الفنجان اي لاني بالاساس عندي ادمان على شراء فناجين القهوة وكؤوس الشراب
إذن :
هل مازلت الى الأن تسعي في الوصول الي حلمك أم انة قد تحقق ..!
أحلامي كثيرة وللاسف لم يتحقق منها الا القليل
وانا مازلت في طور السعي لتحقيقها
ربما ستتحقق في يوم من الايام وربما ستضمحل عبر السنين او تتغير
ولكن لليوم مازال عندي امل انني سأحقق شيء منها
هل لك قوانين وأنت تتناول قهوتك كائن تبدأ بشيء معين وتنتهي بشيْ معين آخر ..!
هههههههههه
اي شوفي وقت بطلب القهوة بكون بوضعيتين
اولا على شط البحر وبحالة استرخاء ذهني
ثانيا بالبيت رابطة راسي او مرخية فوق الكنبة اما بشكل عرضي او راسي للاسفل ورجلي لفوق
وبقول لاختي او لل بابا بدي فنجان قهوة كبير
بس يجي الفنجان يحطوه امامي وانا انظر له من بعيد لبعيد
ياريت لو يصير بين ايدي لحاله
بكون بجد بلا قوة ولا طاقة
بس بعد ما اشرب القهوة بيتغير كلشي وبنط وترجع الحيوية
ولازم طب الفنجان على الصحفة واتأمله شوي ومتل العادة يطلعلي بنصه حبة سميري
ههههههههههه
وبقوم على بهدلة من الماما لانه حرام
بس الغاية عندي مو قلب الفنجان لاقرأه لاني بالاساس ما بعرف اقرا
ولكن اللعب بالقهوة اللي بأخر الفنجان
.
.
مرة أخرى لحظة ..!
سأُجيب على هاتفي .."
......................
خذي راحتك ولا يهمك
أأنت من الناس التي لأ بد ان تتحدث وانت تشرب قهوتك ..!
لا بأجل الحكي لخلص شرب قهوتي وبعوض الحكي بس خلص فنجاني
../ تهتم بِأمر التَجمع على القهوة ..
مو كتير لاني بشربها لصحصح مو أكتر
../ امممم مرة أخرى قاطعنا القرسون .
إذا استعرض معــنـــا أجمل محطاتك في :
[ الطفولة ،السفر ، الدراسة]
فماذا ستجد في جعبتك من مواقف لم تزل قائمة في الذاكرة ؟
طفولتي كانت سريعة جدا
كبرت بسرعة أو بالاصح كبرت حالي ويمكن بندم اليوم على ايام طفولتي الضائعة
كانت طفولة حلوة بوجودي بين افراد عائلتي واولاد عمومتي اللي معظمهم اتغرب
بتمنى لو نرجع سوى كلنا مع بعض نسهر ونتجمع ونطلع مشوير متل الماضي
لليوم ماخرجت خارج القطر ولا مرة
بس داخله كتير بسافر من مكان
في موقف مرة صار معي وتحديدا السنة الماضية قبل رمضان بأسبوع
كان صايبني الاكتئاب فقررت اطلع لحلب مع خالتي مشوار تسوق وترفيه
المهم كنت لابسة اسود مكتئبة بتعرفي ههههه
طلعنا لقلعة حلب وعند سور القلعة قبل الخندق كان في تصليحات بالبلاط للرصيف
كانت الرمل ابيض وناعم كتير والناس بكل مكان وعجقة كتير
وفجأة مابعرف كيف فقدت توازني ووقعت وصرت بيضاء من فوق لتحت
المهم خالتي ساعدتني لوقف فانا تركتها ورحت ماشيت باتجاه الخندق ولو ما مسكتني وشدتني كنت نازلت بوادي الخندق
المهم في جامع قريب دخلت عليه لظبط وضعي فطلتعلي مرة حلبية
انعجبت فيني كتير وبلوكي الجديد
وقررت تخطبني لابنها
وانا بوضعي المضحك عملتلي فحص لاسناني ولعيوني ولقرأتي حتى خلتني اقرأ لها وأكتب
وماتركتني لاخذت رقم موبايلي.
احلى ايام الدراسة كانت دراستي الجامعية
كانت شلة حلوة وكلهم روعة وطيبين
بذكر مرة عملنا مسرحية ( مسرح عرائس ) وكانت اسوء مسرحية بيشهدها العصر ههههههه
ورغم اننا اتعبنا كتير وعرفنا ونحن عم انأديها انوا المسرحية فاشلة تقنياً
الا انا كنا سعداء وطلعنا عم نضحك
آيه قرآنية تجعلها دائماً نصب عينيك ؟
وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا
من صغري حفظتها وكنت دائما اخاف من ان اتأفف امام والدي
ولليوم عندما اتدايق من احد والدي تأتي الاية لتفكير دون سابق انذار
سمه تعتز بها كثيرا في شخصيتك ؟
قلبي الطيب وحبي لمساعدة الاخرين
واعتمادي الكبير على نفسي
هروب الكلمات من مخيلتك عندما تكون في أمس الحاجة لها كيف تعالجه؟
هههه اي هي كتير بتصير معي
وهون يا بخترع شي مرادف اخر وشي بيظبط وشي بيطلع مو ظابط
أو بستخدم لغة الاشارة وبظل ساعة عم حاول قرب الفكرة ليكتشفوا الكلمة
ماهي التجربــه التـي تتمنــى تكـــرارها؟
الخضوع لدورة بالبرمجة اللغوية العصبية سبق وخضعت لها
وكتير ارتحت واستفدت
اليوم بتمنى ارجع كررها
هل تهتم بِ امرالتحلية مع القهوة ..!
اي كتير بهتم بالتحلية حتى اكتر من القهوة بذاتها
وماهي افضل انواع الحلويات لديك؟
مممممممممممممممم
الشوكولا
ايزبريد كتير طيبة مع القهوة
الكاتو على شوكولا
بيتفور
رأيك -{.. بـ صدى الاشواق.. بصراحة ودون مُجاملة؟
بنت روووووووعة
الله يحميكي يارب ويحقق كل امانيكي
بشعر انك بنت موهوبة وبعجب بأفكارك
احيانا بشعر انك اكبر من عمرك
الله يخليكي ويحقق كل امانيكي
عضو تشعر بأنة قريب لروحك وقلبك ؟
بصراحة كتار كتير كل شخص هون له معزة خاصة
الاستاذ وائل بعتبره اب واخ وصديق
رورو _ ميمي _ ريمون _ صدى _ شومي _ سوسو كلكم معزتكم بمعزة الاخوة
إذن ,؛,
أجد الوقت قد أُختُلس بسرعة ..
فقد استمتعت أنا معك بِـ هذهـ الدعوة وأنت ماهو شعورك بعد هذه الدعوة ../
كتير سعيدة والله
مع انه لو بتعرفي شو صاير هلق
هههههههههههههه
هل تحب أن تكرر التجربة مرة أخرى ..
ليش لا
انشاء الله عن قريب وعلى فنجان قهوة حقيقي
وأوقات سعيدة مع فنجان قهوتي ..