كل عام وانتم بخيريا**ADMIN . WAELL

له له يا وائل شو هاد

هيك عيد ميلادك ماساويت لنا حفله لك حتى حتى مارحت وركبت دباب مع رور على الاقليه

وهون بالمنتدى ماحدا عايدك


مع انه منزلين موضوعين ورجعنا موضوع قديم ومع هيك الردود قليله


ناناناااا
انا عايدوني اكثر منك ووصل لل40 رد

شايف شايف بالله شو عم اتشمت

لك حتى الهدايا ما خرجك بتناسبني انا يعني اكسسوارات شو بدك فيها وانت بتعرف اني بموت على الاكسسوارات فاكيد باخذها انا عنك


بس كمان بقولك كل عام وانت بخير

وان شاء الله عيد بعد عيد تحتفل فيه بصحه وسلامه مع كل اهلك واحبابك

وصحيح هالمره راحت علينا وماساوينا عيد ميلاد بس السنه الجايه مافي اكيد بدنا نحتفل سوا وبنعوض هالعيد الي روحتوا علينا

فهي عم قلك من شان تصمد للسنه الجايه من شان ما تقول ما معي مصاري هي من قبل بسنه خبرتك جهز لي حالك من هلئ

waell كتب:

عبورة صباح الورد
شفتي كيف الناس كلها ناسية عيد ميلادي
حتى أنا بصراحة اليوم نسيته
بالمناسبة اليوم كان نهار طويل جداً وشاق
من الصباح نزلت للمحل وكان عندي مشوار للمنطقة الصناعية جبت منها الحداد والكهربائي كان عندي اشغال وتصليحات كهرباء بالورشة
ورجعت الضهر للدفاع المدني طلعت تصريح الدفاع المدني ساعتها فكرت أني ارجع للبيت نام لحد المسا وريح حالي لكن طلعت للورشة لتابع الحداد والكهربائي وهاتي سهرة بالعمل حتى اخر الليل يمكن الساعة 12 رجعت البيت
لما وصلت للبيت وبالأحرى وأنا بالطريق للبيت
متعب مرهق نعسان جلست اتذكر كتير من أعياد ميلادي الي مرت علي
طبعا لو حبيت أتذكر منها خليني أتذكر بعضها رجوع من الحديث للقديم حتى يكون لورد الشام حصة
في هذه الذكرى فالعام الماضي واللي قبله كنت كل عيد ميلاد أشارك ورد الشام فيه وكل ما يكون عندي أخواتي أكتب في المنتدى عن طبيعة عيد ميلادي وعن اليل زاروني للبيت
وكنت سعيد بأنني اتحدث في البيت عن كتابات أصدقاء ورد الشام

بعض أعياد الميلاد سابقا طبعاً
كانت الناس تهتم اكتر بكاميرا الفيدوا أكتر من هذه الأيام ولازم شريط فيدو ولازم تصوير ولازم برجكتور

تخيلي هذه الحاجات شبه نقرضت في لي عيدين ميلاد مصورين فيدوا والفيدوا مش عندي بصراحة ونفسي شوفه مع تعذر ذلك وكانت الناس فاضية أكتر من هذه الأيام يعني لازم يكون بالعزومة عشرين ثلاثين شخص
بينما هذه الايام يادوب على أفراد العائلة وليس الأسرة

عيد من أعياد ميلادي بتذكر انه بنفس اليوم كنت مضطر أطلع لبيروت حتى جيب ضيافة عيد الميلاد من بيروت ورجعت للبيت يمكن بعد المغرب وكان الناس على وصول وكنت مرهق وكان بالمطبخ كثير من مخلفات تجهيز الحفلة يعني حتى البيت مش مرتب بشكل نهائي يعني بإختصار القمامة مليانه بالمطبخ وأضطريت وأنا لابس ابيض بأبيض
طبعا أيام ما كنت ببص
حملت سلة القمامة ورميتها برا وصاروا الضيوف يضحكوا علي أني عيد ميلادي والدين قبل العشاء وأنا حامل القمامة نحن بسوريا منسمية سطل الزبالة
لكن في أحد أعياد الميلاد بذكره ما بنساه
كنت ناسي نهائي انه عيد ميلادي يعني بححححححححح
ولا متذكر حاجة
وكان حسام ابن عمي وبنت أختي فاتن متفقين يعملو الحفلة بدون ما يخبروني ويعزمو الناس بدون ما أعرف وكانت الوقت قبل المغرب لكن صادفتهم مشكلة أنه أنا لابس لبس البيت العادي وكان لازم يقنعوني أني البس بدو ن ما أفهم سبب اني ألبس وليش
طبعا مامن في مخرج غير انه بنت أختي تطلب مني أني أخدها مشوار للسوق وبهذه الطريقة حكون مضطر ألبس وفعلا لبست واستعديت للخروج من البيت
واول الضيوف صار على باب البيت اللي همن أم هشام تيتة ميمي وخالة ميمي هيفاء ودخلت اشرب قهوة معهم وبعدها صاروا الضيوف ضيف ورى ضيف يهلوا للبيت حتى أكتشفت المقلب


في سنة من السنين كان حفلة عيد ميلادي كمان تقريبا نفس الضيوف ونفس الأشخاص كانت الحفلة بسوريا
فيومها جاني هدية ساعة رادو وعلى فكرة أنا من نوع مولع كتير بالساعات
عفوا كنت مولع بالساعات كتير
المهم بنت اختي جايبتلي ساعة رادو مازالت عندي
وقدمتل الساعة وهيه حابة تشوفني وانا بفتح العلبة وتشوف فرحتي بالهدية
طبعا أنا بكل برستيج قال
أخدت الهدية علبة للهدية يعني وخليتها على جنب بدون ما أفتح الهدية واعرف ايه اللي فيها
وهيه حتنجن مني
بعدين راحت جابت العلبة وقال أفتحها ولا ما حتشوف هديتي
طبعا كانت هدية حلوة


وأخيرا وليس أخراً
عبورة
لاحظتي كيف اسعدتيني بموضوعك
لا حظتي كيف ثضيت فيعه وبصدق أوقات حلوة معاكي أتذكرت فيه كتير من محطات عيد ميلادي
بالفعل شكرا كتير
وكل سنة وأنتي سالمة

ايه دا ياأستاذ وائل

دا إنته صعبت عليه
أنا شكلى هاجى بلدكم مخصوص عشان أعملك عيد ميلاد
وهعزملك كل أصحابك
وهخلى بنت أختك تجيب لك ساعه بس مش على حسابى طبعا ههههههههه
أصلك بجد صعبت عليه ومحسسنى انك كبرت وعجزت بدرى ياعينى ههههههههه

عموما كل ثانية وانته بألف خير

و الله فوتتوني بالحيط

و ما عاد اعرف وين عيد الميلاد

ببيتكن اللي بالشام و لا اللي بالسعودية

انا رحت لهنيك و كتبتلك تهنئة

بس يالله

عبورة ما قصرت و عملتلك واحد تاني

و رح ارجع باركلك مرة تانية

......................

و كأنك قلتي اشكروا الزهرة على عطرها ..

أو الكريم على كرمه ..

أو المحسن على احسانه ..

لا تنفع هذه الكلمات مع شخص أمضى حياته عطاءً لغيره ..

أريد أن أقول كل عام و انت بخير

لكن أخشى أنها لا تفيه حقه ..

سأقول ما يمليه علي قلبي ..

كل عام و أنت العطاء

كل عام و أنت الوفاء

كل عام و أنت غالي علينا

كل عام و أنت مشرقاً كشمس لا تغيب

كل عام و أنت فواحاً كزهر الياسمين

كل عام و البسمة لا تفارق محياك

كل عام و الحزن لا يعرف طريقه اليك

كل عام و أنت لنا

كل عام و أنت بألف ألف ألف خير

اخيك الصغير .. وسيم

تحياتي