بدي تشتريلي كفن waell

مساء الخير
مساء الخير على عيونكم
اليوم الموضوع غريب شوي
يمكن أحاسيس مختلفة ما جربها الواحد
-------------
بس يمكن لو أختصرت الكلام
ولوحده طلع معي
كأنه اليوم الزمن أعطاني أكتر ما بستاهل
طبعا مشاعر وطيبة وأحاسيس طيبة وغاليه
----------
اليوم بعد العشا جاني تليفون من قريبة لي
صغيرة بالعمر يعني بدري تفكر وتحكي هيك حكي
بس الحمد لله مع صغر سنها
صايرة داعية داعية بكل معنى الكلمة
حب الدين وحب الله والتعلم والتفقه في الدين وقت القلب بيطلبهم يمكن بيصير معنا هيك
---------
بإختصار
رن جوالي بعد السلام والكلاام
المهم
شو المهم قولي
بدي تشتريلي كفن
أووووف اووووف اووووف كفن مرة واحده ليش سلامات
بيتصل علي كتير زباين بس زبونه متلك لسه ما إجاني
لا بجد بدي تشتريلي كفن
طيب من عيوني بس قبل الكفن لازم توصي
وصيتي....؟؟؟؟
أيه وصيت كتبت وصيتي
طيب لازم أقرا الوصية
طبعا بتقراها وخليها عندك كمان
طيب وصيتي ولادك يسمعوا كلامي
أيه وصيتهم يبروك ما خطر ببالي يسمعوا كلامك
والله هيك ما بيصير بدك تشوفيني الوصية
طيب الحمدلله كتبتها وخبيتها
طيب بشو وصيتي
وصيت ربع ما املك يروح صدقة
كويس والباقي
والربع التاني الك
كويس يعني فيني أخد النص
كيف يعني بتاحد النص
من بكرا بسمي حالي صدقة
الربع الأول بيروح لصدقة بكون انا صدقة
والربع التاني بطبيعته الي
-----------
طبعا بعد شوية مزح انتهت المكالمة
مع العلم طلب الكفن موضوع جدي
----------------
السؤال هون
فركت بحالي
الموضوع مو موضوع مادي
وقت واحد طبعا أنت مو من اللي بتورث منهم وبيفكر فيك بها الطريقة
بيفكر يخصصلك شي من وصيته
طبعا في عشرة عمر في تعب بينك وبين هذا الشخص في معزة في وفي
وبيجي بيفكر فيك وقت بيكتب وصيته
بتحس حالك كانه مجرد أنه يفكر فيك شي كبير
بتحس أنه لسى في بالدنيا معاني
بتحس أنه في شي أكبر من قدرة البشر على الوفاء أكبر من قدرة ها الدنيا اللي صارت بوقتنا بالفعل دنية
--------------
ركبت سيارتي ورحت للسوق بعدها ولهلق ما عم يروح من بالي المعنى مو الكلاام
معنى أنه واحد يخصك ولو بكلمة بوصيته
ومين مو أبوك ولا أمك
ولا بعمر جدك وجدتك
واحد بعمرك
---------------
أوقات بحس أمته ربي بده يفتح بصيرتي لكون أكثر من داعي
-----------
أخوكم
waell

الله يجمعنا بولاد الحلال ويبعث لنا الطيبين الدنيا بالف خير
الحمد الله
وكتير جميل انه الانسان يتذكر الناس بالخير ولو بكلمه او حتى بسلام او ببسمه طيبه المهم يتذكر صعب جدا الواحد يكون منسي من قبل الناس او مجهول لايعلم به احد

ميت اهلين بالسيد وائل والف شكر ع الخواطر والمواضيع اللي بتطرحها انا من المتابعين كتير كل شي بتكتبه شيق ومفيد الله يعطيك الصحه