اجمل ذكرى محتفظ بها

والله ياسوسو الذكريات من الحالتين كتيرة

ممممممممممم

كنا بدرس خصوصي عند استاذنا العربي بالبكالوريا
وكنا نقعد حول طاولة مستديرة
انا بطبعي مابحب الاجواء الهادية كتير
وهذا الشي بيصدم الاشخاص يلي بيعرفوني معرفة سطحية
لان الكل دائما اذا حكيتلهم شي عني بيقولوا (هذا بيطلع منك )
المهم
مرة كان الدرس كتير ممل والصبايا ما عملوا نقاش مهم مع الاستاذ ولا لطفوا الجو باي شي
فأنا بدون قصد وبحركة ما دست على رجل تنين من البنات
ورفعت رجلي على الكرسي بدون ماحدى يشعر بأي شي
ويومها كنت كرسي انا جنب الاستاذ
فالتنين فكروا ان هنن يلي داسو على رجلين بعض
وبدئت الحروب من تحت الطاولة واشتركوا فيها كل البنات
وبالاخير اجت ضربة قوية للاستاذ بدوووووووون قصد
وعينكن ما تشوف الا النور
فمن ضمن البهدلة يلي اكلوها :
( ليش ما تصيروا ولو مرة وحدة متل ريم شوفوا كيف هادية ..... )
ومن هالكلمات فهموا البنات مين عمل هالشي
واكلت نصيبي بعد انتهاء الدرس من البنات
والاستاذ لحد اليوم كل ما بيتذكر مجموعتنا بيقول
كانت اهدى شي ريم


يسلمو ايديكي يا احلى سوسو
خليتيني ارجع لشغلات حلو كتير

لي باك عالموضوع