جلسة الصراحة

هلاء بكون خلصت من امانة مهند منجي لاسئلتي ... :twisted:

س1/ ماهي اجمل اللحظات في حياتك ؟

س2/ مارايك بالكلمات التاليه :::::
الحب - الرومانسيه - الجمال - رقة المشاعر - العراق - فلسطين - السعوديه

س4/ مامعنى كلمة الصداقه في نظرك ؟

س5/ مامعنى كلمة الخيانه في نطرك؟ وهل مررت بتجربه نهايتها خيانه ؟

منشكرك على رحابة الصدر....مع فائق احترامي الك....

مساء الخير
و اخيرا شرفت بجلسة الصراحة اخ وائل . اهلا بيك
مش رح طول عليك كتير
1 - في كتير من المواضيع نرى السيد وائل يحكي على الالم . ما السر في هذه النظرة للالم؟
2 - ككل الناس اكيد تتعرض للحظات انفعال: حزن . غضب . ضيق.... الله يسعد ايامك
في هذا الوضع لمن يلجأ وائل ؟ لمن يروح عشان يفضفض و يحكي و يريح نفسه ؟
3 - هل تؤمن بمقولة "الحب يصنع المعجزات" ؟

إيزيس كتب:رد وائل/// بس الوحده ما تحسب حساب لحدى طلما هيه واثقة من نفسها ما بتخاف
طيب وكيف بدنا نضمن مكائد الرجل نحونا ؟؟؟؟هل يفهم الرجل هذا المنطق ؟

الله يمسيكي بالخير
للجواب شقين
شق بقوله الك خاص فيكي كاإيزيس
وشق عام
أم وائل معروفه أنتي بأنك حرة وأخت الرجال
هذا الإنطباع عرفته عنك منك وممن حولك لكن أنتي ربيتي أو ما حقول ربيتي تعودتي لفترة طويلة من الزمن على هذا النمط من العيش هو أنك بحالك عايشة راضية قنعانه تعلمتي تبعدي عن الشر وتغنيله
يعني متل اللي أله زمان ما شاف البحر ولا سبح فيه مع أنه قادر يسبح لكنه تعود يكون بعيد عن الماء لفترة طويلة
حبك لأولادك وإرضائك لهم ونظرتك لهذا الأطار لهم وسعادتك بسعادتهم خلتك تكتفي بهذه السعاده وأقتنعتي بأن سعادة واحده تكفي
كمان أنتي تعودتي على الكلمة الحرة وعلى المصداقية وعلى الخط المستقيم
واللي اليوم بتشوفيه ومنشوفه مع بعض ألوان وألوان من النفسيات والتعقيدات التي بحاجة لتمارين رياضية قوية تعودتي البعد عنها اصبح عندك هذا الحاجز بينكي وبين ما ترينه من حولك أنها مكائد
أنا عارف أنك ماعندك تجربة ولا بتفكري بتجربة
عندك اخ عندك صديق عندك احد بيحترم أم وائل وشخصيتها صح وبحدود كمان
لكن اللي عم تشوفيه حواليكي من ما تسمعيه من مشاكل من تقلبات بيجعلك تفكري بنفسك ماذا لو كنت أنا مكان فلانه وهذا ما يسبب لكل قلق
وحتبقي خايفة وحتبقي سعيده بسعادة ولادك
وسلمتي
بتمنى ما ينفهم كلامي تفسير خاطئ لآي شيء نحن عم نتحاور عم نحلل عم ندور على موضع الخلل
حلوا أنه أدخل لذاتك وتدخلي لذاتي طالما حوارنا حر ونظيف
تحياتي

يسعد مساكي ام وائل



حكي في بعض الدراسات أن شبكة الإنترنيت والشاة بجميع أشكاله هو نافذة تعطي قليلي الثقة في النفس التحدث والتعبير عن أنفسهم عبر هذا القناع أو عبر ذاك الاسم المستعار

وحكي الكثير عن العلاقات عبر الإنترنيت

وتطرق الكثيرون حتى لرابط الزواج الذي أساسه التعارف عبر الإنترنيت

البعض رفض وأستنكر000

البعض أيد000

والبعض ذهب بعيدا بقصص الحب والعشق والهيام


دعينا نتكلم بأريحية وصراحة واضحة

معظم الشباب ومعظم البنات وحسب المستوى الثقافي الضحل لنسبة 90% منهم بل أقول منا بل أقول مني

حتى ما يكون بالحديث تعالي وتجرد من المشكلة

إذا النسبة الكبيرة والشريحة الكبيرة

مدمنة إنترنيت مدمنة تعارف شباب عم تدور على بنات وبنات عم تدور على شباب

خلينا نكون صريحين واللي بده يقول أنا هاوي ثقافة يسمحلي فيها شوي

لكن كما في الحياة

كما في البيت كما في الشارع

كما في التجارة هنالك مستويات

من منا نحن الشباب لايحب صداقة البنات والتعرف عليهم

ومن من البنات لاتحب أن تتعرف تصادق تحب أو لمجرد دردشة

في الذهاب للممنوع قليلا بل للذهاب للنقاشات التي نتوارى عن فتحها في حياتنا اليومية

((( هذا لو خلص النقاش في حياتنا اليومية ))))

لأنك اليوم أصبحتي حتى مشكلة تؤرقك لاتستطيعين بحثها مع أخوكي مع أبنك مع من حولك فلكل نقاش اليوم له تاثيراته الجانبية وفعل ورد فعل

يعني وصلنا لوقت حتى نفش خلقنا ماعاد فينا

----------------------------

منرجع لقصة المستويات

وخليني ابتدي من نفسي

أنا بحب الصداقة مع الجنس اللطيف ونسونجي كمان مو رجلجي نسونجي

لكن ما حبيت يوم النكنيم

ما حبيت يوم أسال صديق او صديقة شي خاص فيه

حتى يصل التعارف لمرحلة تعطي نفسك الحق في أن تقدم نفسك بشكل واضح عن قناعة

عندي صديقة من اليابان الله يذكرها بالخير لكن عربية

تعرفت عليها يمكن من 6 سنين كنا نحكي كام مع بعض وقت كانت الكام بالبلاد العربية حالته تعيسه وبطيء جدا

قالتلي وائل أنا عايشة ببلد مفتوح من جميع القيم يعني مافي شي باليابان أسمه ممنوع للست بس محتاجة لصديق عربي يوقف جنبي يحس فيني وحس فيه

عندي تجارة في اليابان عندي تجارة في بلاد عربية بس ناقصني صديق يكون رجل جنبي

بقينا فترة طويلة نتواصل مع بعض وسافرت وعملت جولة في بلاد عربية وتركيا وغيرها وكانت متمنية توصل لمكة وبيني وبينها تليفونات


طبعا أنا جمعت الموضوع وطرحته واللي بيني وبينها ماكان قصة حب كان فضفضة صداقة صراحة

سهل رووووووووووووووووووح لبعيد لبعيد معها للوصف اللي وصفتيه أنتي أنه يلاقي طلبه عندها أو ما يلاقي

ومن ها الحكي اللي بيصير

المشكلة مو هون

المشكلة الأساسية أنك ما تخسري نفسك أمام هذا الشخص

هذه علاقة تصاعدية تنازليه متل مؤشر الاسهم يوم صعود يوم هبوط

علاقة توازنيه بين طرفين

مافيكي تناقشيني بعلم الذرة وأنا لاافقه شي بذاك العلم

ولا فيكي تحكيلي عن زرع الثمار ومالي ببستاني

دائما المرافقة موافقة

لكن بيبقى على عاتق كل صديقين مسؤلية تطويل عمر هذا التعارف وتحويله لصداقة حقيقية بالقدر الذي نستطيعه بالقدر الذي يجعلنا لا نتخلى عن ثوبنا عن جلدنا

صديقتي منى من اليابان

كانت تتصل علي تقولي وائل مشغولة عنك كتير كلمة مشغولة عنك كتير يعني فترة 6 شهور ما سمعت أخبارها

بترجاك دعيلي وأدعي لبتنتي الصغيرة بصلاتك

انا بالنسبة الي عندي هذا الطلب غالي غالي كتير على قلبي وبعتبره طلب بيشبع رغبتي أنه أنا في بيتي في وسطي في حياتي ما خربت الدنيا فوق راسي وفضل لي قدر من الإحترام عند ها الصديقة ذكرى جميلة تعتبرني أدعوا لها بظهر الغيب كل فترة وفترة


أم وائل القصص كتيرة بس بتدل على معنى معين من غير ما عدللك نظريات

منجي لموضوع رسالة خاصة ورقم جوال وإيميل

هاي رقم تليفوني وهاي رقم جوالي وهاي وهاي

شو يعني إذا صاحب الرقم غير مقبول إذا صاحب الإيميل في غير محل أن يقدرمن التقدير قصدي

ويطلب من البنت هذا لايميل شو يعني أنا عندي مسالة فيها نظر

خلينا نحكي بعمق أكتر

سؤال لآي شاب مو شرط القصد من شباب المنتدى

أي شاب يكون مع أي بنت مع ايىىىىىىى بنت يعني حطي خط تحت كلمة أي بنت

وخط أحمر يكون معها سهران للصبح وتاني يوم يشوفها بالطريق فكرك لو مابدها تسلم عليه

بيسترجي يسلم عليها ولا يقولها انتي مبارح كنتي معي

طبعا لالالالالا

نحن في زمن الحريات وبنفس الوقت نحن في زمن أنه الشخص لو ما أحترم نفسه صعب يلاقي مين يحترمه


بدك تحكيلي عن الشباب اللي بيوزعوا أرقام ووووو من هذا القبيل

بقولك منطق بجد ما فهمت فيه ولا جربته

هلق مو قصة أنا نبي مو قصة لو شفت حلوة بالطريق ما بتلفت ورقبتي بتدور 360 درجة

بس ما عملتها ولا بعملها

أني وزع رقم أو أبتسامة أو أو

صداقاتي مو كتار كتار لكن شوفي المعادلة كيف

طيب خليكي تكوني أنتي مصادفتيني بالطريق وانتي مرتبطة محترمة ممممممم من ها الفرضيات

ياستي بتحبي شخص

وأجي أنا بجلالة قدري اضحكلك أغمزك ارميلك رقم

كم كم من السخف ومن النظرة الحقيرة التي سوف تنظري الي بها

ما أنتي مرتبطه يعني عندك كل الناس سواسية وعندك رجلك صديقك حبيبك كل الرجال

إذا صعب حقر نفسي لهيك مستوى

كمان صباح الخير ايزيس


واخيرا عندي سؤال
كل واحد فينا قد يكون حقق زاته من دافع جعل مسير حياته افضل وقد يكون هذا الشيء بنظرة مؤلم ومضني لشعوره او لنفسه لحياته او لكبريائه او او او هنا اتوقف

من فضل الله عمري ما أشتغلت عند حدى لاهون ولا بسوريا منيوم كنت صغيريمكن مرة وحده صار حديث هيك صدفة هيك فجأة هيك ثرثرة مع صديقتنا بفرنسا ورد جوري عن تاريخي العملي بالحياة

عمري مارضيت بانصاف حلول عمري مارضيت باقل من تميز

لكني بفترة عمرية قصيرة هديت ما بعرف يمكن شبعت بكير من ها الدنيا مو من النسوان من ها الدنيا يمكن تربية أمي الله يرحمها مابعرف

أمي كانت مدرسة مدرسة بجد موسوعة تاريخ كل من عرف والدتي مازال يذكر كل صغيرة وكبيرة لها الله يرحمها

----------------

شي مؤلم بحياتي بالمعنى اللي قصدتيه ما بعرف لو فهمت قصدك

مافي شيء مؤلم في تجربة بعتبرها لأن مؤلمة لست أسفا عليها بالطبع لأني بنيت بنيت حالي بنيت لنفسي بنيت مو لنفسي بس بنيت


الى من يرسل وائل بطاقة شكر بتحقيق هدف او معجزة او قرار كان في السابق يتزمر منه وائل

كجواب محدد لسؤالك مافي بس بقول ام عبدالله

على فكرة باركولي أهدتني أم عبد الله قبل يومين كفن
من كان وراء نجاح حققه وائل كمان أم عبد الله والصدق قبل كل شيئ
ومن كان وراء نكسه حصلت بمجريات حياة وائل كمان ام عبد الله
ماهي أخطاء وائل بالحياة

الأخطاء كثيرة كتيرة كتيرة بجد

أول شي ما تعلمت معنى القرش لوقت متأخر روحت كتير ومازلت بروح

الصدق اللي تعلمته بحياتي قد ما نفعني بحياتي قد مارجعني للخلف

لكن أنا وياه والزمن طويل

رح رجعه اله وضل متقدم بصدقي


وماهي طموحات وائل بعد عمر طويل ان شاء الله تعالى

بصراحة عندي طموح كبير كبير لازمه خطوة وحده بس

على فكرة طموحي مادي مفيد خيري بيفيد كل اللي بالمنتدى وبيفيدني

لكن هيهات

طموحي القريب انه ننزل للشام ها الصيفية نشوف بعض كلنا مين بيحسن نجتمع فيه بتكون خطوة ناجحة نلاقي بعض نحكي مع بعض نشوف نقاط الخلل في حياتنا مع بعض كم هدرنا من عمرنا كم يلزمنا لبناء نفسنا ليس كمنتدى بل كابناء بلد واحد والنعم بالبقية جميعا اللي مو ابن بلدنا فهو من اسرة المنتدى يعني من لااسرة الصغيرة اللي هيه المنتدى


طموحي الشخصي على المدى القريب

أني لاقي وقت ليكون عملي بجده ومستقري بالشام يعني اغلب وقتي قضيه ببيتي بالشام اشتقتله وتعبت غربة


الى ما يسعى جاهدا وغازيا ومناضلا ؟ والله نواياي شريرة بيهك موضوع


انا بتقدم بالشكر لاخي وائل وياريت ماتنتهي جلسة الصراحه معك لان افدنا بكلامك وشفافيتك وروحك الطيبه
ارجو من الجميع المشاركه لاتفوتوها عليكم مو كل يوم وائل بكون على هاد الكرسي المريح
ارجو ان اكون خفيفة الظل على الجميع والحمد الله انا نهيت اسئلتي ولازم تابع اسئلة الاعضاء الباقين ادعو للجميع بحياة طيبه وكريمه
والسلام عليكم ورحمة الله وبركاته

يسعد صباحك أخ وائل
وأرجو من الله أن تكون مرتاح نفسيا وجسديا بجلوسك على هالكرسي
ممكن أنا وصلت مـتأخر.... وماشاء الله ما خلوا دور لحدا وسألوا كل الأسئلة
لكن سؤال صغير :
شو هو السؤال اللي كنت تتمنى أو تتوقع أنو يسألوك ياه وما صدف انك انسألتو؟؟؟؟؟؟؟
وإن كان موجود نريد الجواب وبمنتهى الصراحة
وشكرا كتير للأخ وائل

مرتاح نفسيا بصراحة عادي بس مبسوط بشغلة وحده

متمني الكل يسألني لسبب

لأنه فقط أني اجهلك من أنت وتجهلني من أنا ونبقى صفحات تقلب الصفحات سنبقى في فتور سنبقى في ملل

في ناس بتقول منتدى وخلاص

لا مو منتدى وخلاص

أنا بصراحة بتصيد وبدور اي فرصة تصحلي قدم خدمة لأي صديق مهما كان نوع الخدمة ولا تستبعد شي

يعين لا تتخيل أنه خدمة والله رد بموضوع رد بغيرة

انا مو بصدد فرد عضلات قدام الشباب

انا بصدد شرح نوايا شرح كيف ممكن نكون منتدى من الخير وللخير

كيف فينا نعطي بعضنا منوقتنا من جهدنا من كل شي لنكون مع بعض يد بيد

بالمناسبة

في منتدى أخر كنت حابب اشتري طابعة طلبوا مني بجده سعرها بحدود ال 35000 وبالنقاش مع الموظف مندوب الشركة فهمت أنه الأفندي حيطلبها من دبي مباشرة بتعع رسالة خاصة لصديق سوري عايش بدبي

اسمه عبد الرحمن الله يذكره بالخير طلبت منه رقم جواله وحكيتله الموضوع

بالفعل راح للشركة بدبي واستفسرلي عن نوع الطابعة ورقم موديلها وجبلي أرقام التليفونات كلها


من هذه القصة

والسيدة أيزيس والسيدة شيراز يمكن بيعرفوني أكتر من غيرهن دائما بتطلع لنكون بنفس المستوى

وبعتز بصداقتك أخ رفيق وأخونا أبو وائل وكل صديق بالمنتدى

شعار الأسرة الواحده مو شعار ولا نيون معلق بالصفحة الرئيسة وكلمة جوفاء

شعار الأسرة الواحده فيه كتير تصرفات حلوة تنفع الجميع


نحن عنا أكتر من حادثة وأكتر من تصرف لكن ليس للعلن والتباهي فيه

لأنه الأسرة الواحده بتكون خدومة بين بعضها ولبعضها وليس شرطا أن نتكلم عن بعض بقدر ما هو جميل

أن نشعر ببعض

في عنا حدث صغير صغير صغير ما بينحكى فيه

الموضوع بتعرفه شيراز وبتعرفه أيزيس

حدى بده مساعده بالمنتدى ونطلب مني الموضوع

لكن حجم المساعدة من البساطة مالم يستاهل أنك تطلب من أحد يسافر لهذا الشخص يقدمها

مباشرة أتصلت على شيراز على ايزيس

طلبت توصيل مساعدة لمكان معين وقلتلهم انا بسدكم ياها

الصديقتين ما تاخروا بس خبروا بالموضوع

قال رفاع ايدك عن الموضوع كله ليش نحن وين رحنا نحن اللي منساعد

المساعدة ما بتتعدى مبلغ 1000 ليرة سورية

لكن يمكن 1000 ليرة سورية ما بتعمل عندك شي بس يمكن عندي بتعمل كتير أو عند غيري

انا ما فتحت سيرة الموضوع من قبل

لكن جات مناسبة أشكر عليها السيدة أيزيس والسيدة شيراز لأنهم حتى الشكر ما سمحولي اشكرهم




في حادثة ابسط من البساطة كمان وانا بعتبرها واجب

انا بجد ما بحب احكي لكن حابب بين لكل صديق بالمنتدى

انه نحن على مستوى من الوعي والنضوج والطيبة لنكون متعاونين مع بعض نقدم لبعض شيء

في صديق من المنتدى قالي قريب قريبي بجده بده يشتري سيارة وجديد بجده بدك تساعده

الصديق بيعرف كيف تصرفت حتى الصديق نفسه ما كتير بيعنيه الموضوع لكنه بإيمانه بانه نحن اخوه مع بعض وبصدق الطيبة تصرف

هلق القضية مو سرد قصص القضية إيمانك أنت بالمنتدى بأننا هنا لنكون يد واحده على الخير بكل شيء


انا هربت من السؤال صح

لكن مو بقصد الهروب انا عندي مواضيع حلوة مفيدة نقوم فيها مع بعض لكن بعدني بدور على الاستعداد على ~إيمانا ببعض

معكم حق ليوم بالعائلة الواحده خف الإيمان

برجع وبقول في كتير من القضايا التي تهمنا كسورين ولاد بلد كاصدقاء منتدى أسرة واحده

وكل مين سجل بالمنتدى مجرد تسجيله معنى مهما كان من اي بلد من سوريه من الخليج من المغرب العربي

تسجيله معنى هو بمثابة توقيع على بطاقة حب وأخوه فيما بيننا –


نحن هنا في المنتدى ملتقى لطيف تجمعه الأخوة والعيش المشترك

ليس لنا اي نشاط لا سياسي ولا إجتاعي ممنوع ولا تجمع بهدف أو لآي هدف يثير الشك سواء لبلدنا الأم ولا لبلدنا المغترب ندع السياسة جانبا نحن هنا فقط جمعتنا الطيبة والمحبة

جمع البعض منا هموم الإغتراب


من منا انصفه الإغتراب من منا أنصفه الزمن

الكثير منا إذا لم يكن جميعنا مازلنا نبحث عن مستقبل افضل بعد تعب السنين هنالك من أتعبه كاهل الوطن ومصاريفه وهنالك من أتعبه كاهل الغربة ومصاريفها كي نسمي الأمور في مسمسياتها ويمضي العام تلوا العاموهكذا للكثيرين في المحصلة مكانك راوح

عندما نعرف بعض جيدا نستطع أن نكون أخوه أكثر قد لا أنفعك ماديا وقد لا تحتاجني ماديا لكن بصدقنا

نستطيع ان نساعد بعضنا البعض أن أكثر قربا

هنالك من تعبته العاطفة هنالك من أتعب الوقت والزمن

وهنا أحببنا بعض في الله وللله

دع التسليات والمشاغبات والمغازلات جانبا كل هذا جميلا مالم يتعدى حدود الأدب

لكن في الحقيقية وللحقيقية

بتشرف باي صداقة من الجميع ومع الجميع

ماحدى بيصدق أنه الأجازة الصيفية قريبة متمنى نجتمع كلنا كل مين وقته بيسمحله يكون بسوريا بنفس التوقيت


في حدى بيخطر بباله يسأل وائل بدك تقول شي وما قلته

يمكن بدي قول شي صح

لكن في الحقيقة مافي شي غير الطيبة ومافي هدف بجد غير انه نفعل تعارفنا مع بعض بمصداقية وبطيبة

مساء الخير مرة تانية أم وائل

لماذا الرجل يتغاضى دموع امرأة احبته بجنون وهو يعلم بها ويستهتربها.. ويرحل ....ويتباهى ايضا ان فلانه تحبه وهو لا يفكر بها ؟اهو كبرياء منه ام ظلم لقلب احبه
ارجو ان اكون موضوعيه بكلامي واأسئلتي ..
وشكرا لك

من أبشع الظلم أن يعرف المرء أن هناك من تحبه ويتغاضى لا يتغاضى ليست في مكانها يتغافل بل يتغابى

هذا لا يمت للكبرياء بشيء

هنالك شيء مؤلم أتمنى أن لا نقوم به جميعا سواء بقصد أو بغير قصد والنصيحة للجميع


عندما يمضي وقت من الزمن وقد يمضي وقت طويل وتكتشف بعد فوات الأوان بانك ظلمت شخص ما / صديق ما / حبيب ما / قريب ما 0000

ماذا ينفع هنا

ماذا يكفر عن ذلك

هل يشفي اي تكفير عن ذنب كهذا

الظلم ظلمات ,ان تكتشف أنك مظلوم قد تطيب النفس مع مرور الزمن ومع نعمة النسيان

لكن أن تكتشف أنك ظلمت من أحبك

هيهات من أن ترجع الساعة للوراء وأن يعاد ترتيب الزمن

فلننتبه جميعا من تورطنا من تواطئنا من جبننا في ان نسارع لرفع الظلم ورفع سوء فهم نعي جيدا في دواخلنا اننا سببا به