جلسة الصراحة

Nasser ghali كتب:حتى لو الأسئلة انتهت يتبقى جواب سؤالي من أنت ؟؟

أجبت أنت وفهمت منك الإجابة

لكن هل فهمت أنت إجابتك .....................؟؟؟؟

...................................تحملي الحاحي ........أبووائل

waell كتب:

الصديقة زين

يسعد صباحك

معليش شوية اسئلة أرتجالي مع ها الصباح

----------------------

زين البنت الطموحة صاحبة الروح المرحة ياريت تكتبيلنا كم كلمة تحكيلنا عن الشام

عن الشام القديمة ومكانتها عند زين

والشام الحديثة

وين بتلاقي نفسها أكتر شي زين

اول شي مسا الخير والله يعطيكون العافية على جهودكم
بالنسبة للشام هي بلدي التاني .... وخصوصي الشام القديمة والمكان يلي فيه مركز كليتي
بيسموه العمارة يعني تماما بمنتصف الشام القديمة وهو المكان يلي ممكن لاقي نفسي فيه لأنو بيذكرني ببيروت

----------------------

زين للبنان مكانه خاصة عندك

بيروت حلاوتها جمالها كلنا نحب بيروت وكلنا نرى بيروت مدينة الجمال والطبيعة

زين أين بيروت من زين واين زين من بيروت

بيروت عالمي الساحر يلي بيعجز عن وصفه اكبر شاعر
وشو ماحكيت عن بيروت مستحيل وصلكم لنقطة وحدة من هيدا السحر
انا ببيروت بنت زغتورة شقية لأنو فعلا روعة المكان بترجعني طفلة صغيرة

------------------------

البقاع اللبناني وجمال الطبيعة بالبقاع

بهذا الشهر في شوراع البقاع الممتده بين البساتين والحقول بين المساحات الشاسعة الخضراء

ترين الماء رقراقة تكاثرت وتغلبت على طبقة الأسفلت مياه صافية رقراقة جميلة

جميلة لكل مار سواء بسيارته سواء مشيا على الأقدام

صوري لنا صورة من واقع الطبيعة

الطبيعة الجميلة التي تراها زين وتصيرها

إلى حروف ادبية ومواضيع جميلة

نسمات تدغدغ مشاعري بلطفها.....

قمر يضىء بنوره على ظلام الكون كله ليملأه حباً وفرحاً ....

فنجان قهوة على طاولتي ...

صوت موسيقى يحملني إلى اللاوجود ....

( ورح حلفك بالغصن يا عصفور ).....

كل ما في الطبيعة والكون يقول لي ....

الحياة بمجملها إحساس صادق ....شعور مرهف ....وجمال بيروتي يفوق الوصف.....!!!!؟؟؟؟؟

في ذلك المكان الساحروفي كل يوم يغفى القمر

الذي توسد قلب عاشقة أضناها السهر

وتتبختر شمس الصباح مزهوّة

تعانق ندى الياسمين

وتعطر نسيم الصباح

تتراقص على زقزقات عصافير

الدوح الفرحة بأنشودة قلبين

عزفا سيمفونية حب خالدة

----------------------------

من الملاحظ والحمد لله ان زين تتمتع بروح طيبة للصداقة

والكل يرى أن الإتزان والطيبة والصراحة

وأسلوب التعارف الراقي الذي تتمتع به زين

والذي لحظناه من خلال المنتدى

يهيئ صديقتنا لأن تحصل على بطاقة التميز بالصداقة

زين اليوم

ما رايك بالصداقة ما رايك بالصديق

ما هو أبعد مشوار ممكن تصلين به بالصداقة سواء مع صديقة سواء مع صديق

البعض في هذه الحياة يرى الصديق أخ يراه بعيون طيبة ويعامله معاملة بل تزيد عن معاملة أخ

والبعض تحكمه المصلحة بالصداقة

ألقي لنا نظرتك حول هاذان التفكيران إيجابياتها وسلبياتها

ولنا منك من وحي تجاربك بعض القول والنصيحة في التعامل في الحياة مع الصديق

الصداقة اكيد شيء رائع لكن بشرط واحد وهو انعدام المصالح

الصديقة المقربة جدا مني بأختصار بعتبرها توأم روحي

بالنسبة للصديق انا مو ضد هيدي الفكرة بس طبعا بإلتزامات وطقوس معينة

يعني ممكن يكون فرق العمر الكبير سواء اصغر مني او اكبر مني معقول يكون صديق

اما لو كان عمره قريب من عمري مستحيل

على فكرة وائل هيدا السؤال كتير عجبني فعلا البعض بيعامل صديقه بطيبة جدا

وكأنه أخ والبعض وللأسف بيعامل صديقه على أساس هو طيب كتير وبينضحك عليه

الحياة حلوي كتر خير الله ولو انو مابتخلى من المشاكل بس بالنهاية برأيي هيدا كلو أختبار من الله

وصدقوني الله بيعرف كل شي وبيعطي كل إنسان حسب نيته

-------------------------------------



زين

كل منا له أغنية له لحن له مطرب مفضل

وخصوصا البنات قد لاتستغني عن أغنية معينة في محمولها ( الجوال ) ماهية النغمة التي على جوالك إن وجد

ما هي الأغنية المفضلة عند زين



أكتبي لنا كم جملة من الجمل الغنائية التي تستهويكي

نغمة الجوال الحالية NO PROMISES

غنيتي المفضلة يلي لازم كل مااسمعها ابكي غصب عني غنية نجوى كرم ووديع الصافي

وكبرنا يابيي وكبرت فينا الأيام المسؤولية كبرت معنا وكبرت الأحلام
كرمالي يابيي شاركني المسؤولية .... بحاول ماخبي عليك ولغيرك ما احكي
بطلع بعينيك بحسك عمتفهمني من قبل ما احكي
بيكفي هيك مو ع بالي ابكي

--------------------

زين

أكثر موضوع بل أجمل موضوع كتبته زين في المنتدى وكانت تتوقع أن هذا الموضوع سياخذ حقه شأنه شان مواضيع كثيرة لك الجميع معجب بها

لكن هذا الموضوع لم يأخذ حقه كما يجب

أطبعي لنا عنوان هذا الموضوع

بصراحة مافي بحمد الله على نعمة كبيرة يمكن كتير ناس تدخل وماتعلق
لكن لما بقرأ عدد مرات المشاهدة بلاقي انو الموضوع اخد حقه وزيادة
وهيدا دليل انو في اعضاء مهتمة بمواضيعي حتى لو ماعلقت انا بلاقيلهون اعذار
بس مجرد دخولهون على الموضوع بيفرحني

-------------------------------------------

صديق يدخل الى مواضيعك ويرد عليها رد إيجابي رد جميل تلحظي منه أنه يهتم بقراءة الموضوع قبل الرد

من هو هذا الصديق

ما هو شعورك حول الصديق الذي لا يقرا موضوعك

بل يكتبلك شكرا

Nasser ghali كتب:يسعد صباحك ولن أثقل كعادتي عليك , سؤال بسيط واحد أتمنى الرد عليه من

أميرة المنتدى

كانت ديدي ساسو تكتب متلعثمة ثم انطلقت ويقوة هائلة ولذا كانت أمير الخجل

التي تحررت منه فأبدعت . ثم أتت زين ,

من أنت من هؤلاء الثلاثة ديدي ساسو -أميرة الخجل - زين

تقبلي سؤالي .....................................أبووائل

sameerelhai كتب:

الأخت الغالية زين
يسعد مساكي

عندما يتمتم الانسان ببيت شعر , أو بمقطع أغنية , ويردد ذلك باستمرار
فهذا يدل على شيئ من نفسيته وطويته
هكذا يقولون

وأنا أسأل الغالية زين

- بيت شعر ترددينه دائما
- أغنية ترددينها باستمرار
- حكمة مفضلة لديك

مع فائق التقدير


والله يعينك

Nasser ghali كتب:(العدل أساس الملك)والناس سواسية وكما عوملت ألمى تعامل زين

أجبت أيتها الأميرة ونسيت الأهم وهي الأصل ديدي ساسو

أين ديدي ساسو أيتها الأميرة ونريد إجابة تشبع الفضول .....

تقبلي فضولي ...........................أبــووائل

إيزيس كتب:يسعد صباحك يا اجمل ديدي ساسو بروحك الطيبه وعفويتك الصادقه انا فقط عندي كم سؤال
مالذي يسعدقلب ديدي ساسو
وماهي الخط وط الحمراء عندك التي لاتسمحين لأي احد ان يتجاوزها معك
متى يسقط الرجل من عين ديدي ساسو؟
ومتى يكبر الرجل بعينك ؟
ماهي احلامك العلميه ؟والاجتماعيه .؟والاسريه ..؟
ارجو ان اكون خفيفة الظل على ديدي

زين كتب:

sameerelhai كتب:

الأخت الغالية زين
يسعد مساكي

عندما يتمتم الانسان ببيت شعر , أو بمقطع أغنية , ويردد ذلك باستمرار
فهذا يدل على شيئ من نفسيته وطويته
هكذا يقولون

وأنا أسأل الغالية زين

- بيت شعر ترددينه دائما
- أغنية ترددينها باستمرار
- حكمة مفضلة لديك

مع فائق التقدير


والله يعينك

مشكور اخي
بالنسبة لبيت الشعر هو شعر وحكمة واعذروني على الاطالة
قصيدة بتواسيني كتير للإمام الشافعي

دع الايــــــــام تفــــــعل ماتشاء
وطب نفسا أذا حـــــــكم القضاء





ولاتجــــزع لحـــــــــادثة الليالي
فما لحـــــــوادث الدنــــــــيا بقاء



وكن رجلا على الاهــــوال جلدا
وشيــــــمتك الســـــماحه والوفاء



وأن كـــــثرت عيوبك في البرايا
وســـــرك ان يكــــون لها غطاء



تســـــتر بالســــــخاء فكل عيب
يغــــــــطيه كما قــــــيل السخاء



ولاترى للاعـــــادي قــــــط ذلا ً
فــــــأن شمـــــــاته الاعداء بلاء



ولاتــــرج الســـماحه من بخيل
فمـــــا في الـــــنار للظمان ماء



ورزقــــك ليس ينقـــصه التأني
ولــــيس يزيد في الرزق العناء



ولاحـــــزن يــــــدوم ولاسرور
ولابــــؤس علــــــيك ولا رخاء



اذا ماكــــــنت ذا قـــــلب قنوع
فأنت ومـــــالك الــــــدنيا سواء



ومن نــــزلت بســـاحته المنايا
فـــــلا ارض تقيــــه ولا سماء



وارض الله واســــــــعة ولكن
اذا انزل القضاء ضاق الفضاء



دع الايــــــــام تغدر كل حين
فما يغـــنى عن الموت الدواء

بالنسبة للغنية يلي برددها دايما وبدون شعور القلب يعشق كل جميل لأم كلثوم

القلب يعـشق كـل جميل ,,,,,وياما شفت جمال يا عين
واللي صدق في الحب قليل,,,,,وإن دام يدوم يوم ..ولايومين
والـلـي هـويته اليوم,,,,,دايـم وصـــالــه دوم
لا يعاتـب اللي يتـوب,,,,,ولا في طـبـعـه الـلـوم
واحــد مفيـش غيره,,,,,مــلا الوجــود نـوره
دعـــانـي لبيتـه,,,,,لحـد بـاب بــيـتـه
ولــمـا تـجـلالــي ,,,,,بالــدمـع نـاجـيـتـه


كـنـت أبـتـعد عـنـه,,,,,وكــان يـنـادينـــي
ويـقـول مـصـيرك يـوم,,,,,تخـضـع لـي وتـجـينـي
طاوعــني….. ياعـبـدي ,,,,,طـاوعـنـي أنا وحــدي
أنـا الـلـي أعـطـيـتك,,,,,مـن غـير مـا تـتـكـلـم
وأنـا الـلـي عـلـمـتك,,,,,مـن غـير مـا تـتـعـلـم
والـي هـديـتـه إلـيـك,,,,,لـو تـحـبـه بـاديــك
تـشـوف جـمـأيـلـي عـلـيـك

من كـل شـئ …أعـظـم ,,,,,ســلـم لـنـا تـسـلـم
دعــانـي لــبـيـتـه,,,,,لـحـد بــاب بـيـتـــه
ولـمـا …. تـجـلالـي,,,,,بـالـدمـع نـاجــيــتـه

مشكور جدا

waell كتب:

صباح الخير
صبــــــــــــــــــــــــــــــاح الخير لل زين
-----------------
احيانا بيكون الواحد مقضي عمري مع صديق معين صديق مع صديق صديقة مع صديقة
فجأة بيجيك ألخ وبيقولك معليش مشغول خطبت أو نخطبت لو بنت مثلا
أحيانا وهاي بحسها ببعض الناس بالشام
بيكون صديقك ماشي معك وقبل بيوم كنتوا مع بعض وبينكم المزح والحكي وال ال لابعد الحدود
مع كل أحترام
بتلاقيه ماشي تاني يوم
رقبته منشاية ما عم تلف يمين ولا يسار ماشي ماشية جنبه اخته ولا أمه
سلام ما بيسلم
السؤال هون حلو أخينا السلام ما بيسلم شو رايك بهيك ناس
والسؤال التاني حول اللي بيكون صديقك وبيحترمك وقدانم مشروع حياته ما بيعرف ابوه

هلأ بالبداية لازم نعرف انو لكل شخص بهيدي الدني طقوس وعادات خاصة فيه يعني بغض النظر عن الصحبة القوية مافينا نتوقع هيدا الشخص كيف بدو يتغير ........ وحتى لو اتغير هو صار بوضع بيحكمه بكل تصرف وكل كلمة وانا لازم قدر هيدا الشي ....... بس بظن انو هيدا مابيعني انو مانسلم حتى ..... السلام لله .....
وبالنسبة للسؤال الثاني بصراحة مو صديق لو كان اخي وكان بهيدي النفسية بالناقص منو لأنو بدو يجي يوم مايتعرف عليي كمان

----------------------------
2

وصلنا لزمن بصراحة تقطعت فينا العواطف والمشاعر
حتى العلاقات بين الأصدقاء باتت معقدة نوعا ما
يمكن ال 24 ساعة تبعنا تقزمت صارت مشغولين فاضين بنفس الوقت
ما بعرف في شي تغير
بالنسبة الى مع انه مزعلني صديقي بس خلال رحلة هالعمر
يمكن بقول ألي صديق واحد بس بها الحياة
هلق كيف صديق بمعنى
أنه لازم دور عليه نعد مع بعض نحكي عن كل الناس بدون تجرد بدون تحفظ
حتى لو عندي شغل عندي الجلسة معه لو شرب فنجان قهوة
قبل اي شغل يمكن
يعني رفقات رفقات
--------------
وينك اليوم من هيك رفيق
صادفتيه بعد ما صادفتيه سواء صديق أو صديقة
شو يعني هذا النوع من الصداقة برايك

الصداقة هيك كتير حلوي ........ مع صديقة اكيد لأنو طريقة تفكيرها متلي وبتشعر بشعوري اكيد
والحمد لله هيدي الصديقة صادفتها من زمان ...... هيدا النوع من الصداقة هو استمرارية الحياة لأنو مستحيل حدا يقدر يعيش لوحده

3
البنت بتدرس بتدرس بتدرس حتى تحصل مستوى علمي يحميها من الزمن ويحفظ مكانتها وتوجد ليها مكان في هذا المجتمع
فجأة حبينا فجأة نخطبنا
صرنا بالبيت للضب والكنس وا وال
هلق حتقوليلي كمان كويس بتعرف تربي ولادها الوحده
كمان بقولك اللي تعلمت تحفيظ قرأن وتابعت شوية قراءات يمكن تعلمت أكتر لتربية أولادها
---------
شو بتنصحي كل بنت تدرس
كيف تكون نقلتها اللي ما بتحصل غير مرة وحده بالعمر بالتوفيق بين حياة طويلة عريضة من الدراسة
وبين نقلتها لبيت الزوجية
كيف تكون النقلة موفقة وبدك تسقطي من الحسبان تخطيط تدرس وتتزوج لانه هاي مقولة تحتمل التغير حسب متطلبات العيش

بنصح كل بنت عمتدرس انو مهما كانت الاسباب ماتفكر بيوم من الايام تقطع من نص الدرب لأنو حرام يروح تعبها على الفاضي ...
وبالنسبة للنقلة يلي حكيت عنها أنا برأيي بتكون موفقة بإذن الله طول ماهي مفكرة بهيدا الموضوع بشكل جدي وعن رغبة مو نتيجة ضغوط الأهل .... واكيد بدها تحط براسها بعد الزواج مافي دراسة لأنو حياتها الجديدة هيك بتفرض عليها

------------------
4

في ناس بتتعرف على بعض بإندفاع كبير وبتصير العلاقة شبه ملازمة يومية سواء تعارف على أنترنيت سواء تعارف عادي
وبدون مقدمات
ثورة التعارف الحار تبرد بشكل إنهيار
--------------
بدنا منك كلمة للجميع حول التوازنات في الصداقة

ثورة التعارف الحار تبرد بشكل انهيار عادي جدا مافي دخان بدون نار

5



الناس كل مين بيشوف بعين معينه وعنده طبع معين وتركيبة معينة

سواء الأهل سواء الشاب نفسه أو البنت

يعني الدنيا وجهات نظر

وقت بيمضي عمر الطفولة وبتمضيه بالدراسة وشغل البيت والوقفة على المجلى بالبيت شي مو غلط

لكن وقت تمضي مرحلة الطفولة

منقول والله ما عشت طفولتي انا

كمان يمكن الأهل يساهموا في منعنا من ممارسة طفولتنا بشكل أو بأخر

---------------

بتجي مرحلة المراهقة

لاتعملي لاتروحي لا تجي لا تاكلي لا تشربي

حتى الأكل والشرب يمكن يتنزل فيه قوائم ممنوعات

ومنوقف عند مقولة

لا للحب الحب فقط بعد الزواج

حتى الحب منعيشه بالقطارة

أو منحلم فيه حلم

البنت ممنوع تحب

والشاب لو حب بيحب مستهتر



------------------------------

منتزوج وبيصير عنا بيت



والمسؤليات بتلالاحق علينا وبينتهي زمان الحلم والتخيل هذا إذا لم يساعد الزوج في قتل كل جميل

---------------------

منرجع نبكي ونقول

والله انا ما عشت مراهقتي صح

ولا شفت يوم حلوا

------------

زيــــــــــــــــــــــن

عطينا رايك

عطينا نصيحة

بدنا وجهة نظرك بالموضوع