جلسة الصراحة

Nasser ghali كتب:3_مين بتعرفي من الاعضاء شخصيا؟؟

ابو وائل

نحن اتفقنا على الصراحة أيتها الملكة أليس كذلك ؟؟؟

فكيف تعرفين أبا وائل شخصياً إن كان أبو وائل لايعرف أصلاً نفسه شخصياً!!!!!

إلا إن كان هناك أبووائل آخر لاأعرفه ومعك حق ربما أبووائل غير ناصر غالي.

أشكر سعة صدرك وتحمل أسئلة بسيطة قمت بطرحها عليك لثقة مطلقة مني أنك لن

تخذليني بالإجابة عليها .



أشكر ققتك وإطراءك...............................................ناصرغالي

waell كتب:ما رايك بلون الشعر للبنات


حلو البنات يغيرو بالون الشعر كل يوم ههههه

ما هو لون شعرك حاليا وما كان سابقا

لون شعري اليوم مو مبارح بني شوكولا
وكان اشقر بلاتيني

---------------------
هلق تفضلين الشعر الطويل أم الشعر القصير

بنسبة الي كان عندي شعر طويل كتير
بس ماكنت حبو
وصرت كل كم يوم غير بالوان الشعر ماخليت لون يعتب على حتى الازرق والاخضر
حتى صار قصير كتير وطبعا ندمت
وحاليا بتمنى يرجع شعري طويل

------------------------
أين اميرة من الموضوه موضة الشعر / موضة الملابس / اللباس / او الزي الذي تجدين نفسك به أكثر من غيره
يعني انا عندي هوس بلموضة بصراحة خربت بيت ابي من ورا مصروفي
ههههههههههههههه
بحب غير كتير بشكلي مابحب ضل على نفس الشكل اكتر من شهر كااقصى حد
فدائمة الي بدو ياني بيزورني ب الاسواق
اكتر زي بلاقي نفسي فيه
الي بيكون لابقلي على الاغلب السبور شيك
-----------------------------
كلمة منكي تتوقعين بها ستايل أو تيب أي شيء تصفين به أصدقاء في المنتدى
قصدي شكل الصديق لبسه
امممممممممممم
بضن شكل وائل نحيف ولابس نضارة وعندو سكسوكي حلوة
وبيلبس دائمة جينز
وتيشرتات بيضة
ههههههههههه

-------------------------------------
أوصفي لنا حسب توقعك شكل بعض الصديقات بالمنتدى
بظن كلون حلوين وانيقين
وبياخدو العقل

------------------------------------
رشحي لنا مين حابة تشوفيه بكرسي الصراحة وليش
حابة تكون ا نت وائل حتى اخلص تاري
ههههههههه

------------------------------

أجمل سؤال مر بين الأسئلة سواء لكي سواء لشيراز
احلا سؤال سئل لشيراز
من منيرفا
انو لو عندك روحين وحدة الك والتانية بدك توهبيها لشخص غاب عنك وبهي الروح بتقدري ترجعيه مين بتختاري

---------------------------
السؤال الذي تتمني أن تجيبي عليه ولم نسالك هذا السؤال ما هو هذا السؤال وما هو ردك عليه
عندما تنزف جروحك الم ودموعا ودما
من اقرب الناس إليكي وانتي صامتي ..

--------------------------------

JUOVANE كتب:سلام الما كيفك ..الف مبروك على الكرسي ....انا حبيت اني كون الاخير لي بيسالك او يعني لحتى الكل يسالوكي..وهلا بدي اسالك كم سوال..جهزي حالك...والله بيعينك علينا...

JUOVANE كتب:

. هل تجيدين الطبخ؟
لا ابدا ولاا الي علاقة بلمطبخ ابدا
2. ألديكِ نظريات شخصية حول تربية الأولاد ؟
بفكر بلمستقبل بس يصير عندي ولاد ماعملهم بطريقة معقدة بلعكس رح كون صديقة الهم
4. اعرف انك تحبين والديك لكن من تحبين اكثر اباك ام امك ؟ ؟
بابا
5. أتعتقدين أن الخيانة الزوجية تقضي على الزواج ؟
اي اكيد
6. أتخافين العزلة والظلمه ؟
لا بحب العزلة والظلام
7. أتحتاجين دائماً إلى مظاهر خارجية من العطف و الحب ؟
لا اكيد
8. أتهتمين كثيراً برأي الآخرين ؟
كتير بهتم برئي من حوالي
9. أتشعرين أحياناً بأنك مذنبة دون أن تعرفي لماذا بالضبط ؟
اي بمر علي هيك شعور ولهلا عاجزة اعرف السبب
10. أتشعرين بحاجة ماسة لأن تحاطين بالعطف ؟
انا عاطفية كتير وبحب الكل يهتم فيني الي لحالي يعني بلعاطفة
انانية جدا
11. هل لديكِ الكثير من ذكريات الطفولة ؟
الطفولة احلا مراحل العمر واكيد
ذكرايت كتير لطفولتي الشقية
ببالي
12. أتؤمنين بالقضاء والقدر ؟
نعم
13. هل أنتِ من نصيرات التحرر النسوي ؟
مو التحرير الكلي
14. أتحبين بصورة خاصة أن تكوني ( مع صديقات ) ؟
ماعندي غير ثلاث صديقات واحلا وقتي بقضيه معهم
15. هل انت راضيه عن علاماتك بالمدرسه او عن وظيفتك ؟؟؟
بلمدرسة اي راضية وضيفيا مابشتغل
16. أتعتقدين أن بامكان المرأة أن تحقق ذاتها في الحياة المهنية ؟
طبعا
17. هل انت واثقه من نفسك 100% او 80% او 50% ؟
80%
18. هل يزعجك احد بالمنتديات ؟
اي اشخاص كتار بيزعجوني
19. أتحبين السفر دون مرافق من اهلك؟
لا بحس حالي وحيدة
20. اكتبي 3 صفات لعريس المستقبل
ههههههههههه
بدي ياه بيشبهك
تحياتى

إيزيس كتب:بدي اسأل الما كم سؤال

الي الشرف رد على اسئلتك حبيبتي ايزيس

هل فراق الحبيب اصعب ام بعادة عنك ؟
اكيد بعد الحبيب هوا الاصعب
لان لما نفارق حبيب رح نكون مهيئين نفسيا على هاد الشي
بس بلبعاد رح نضل ننطر رجعتو ولما يجي مارح تكمل الفرحة لان بنعرف رح يرجع يغيب

ماهي اهم خطوط الما لرسم حياة سعيدة عددي ثلاث خطوط مهمة
الصداقة
والوفاء
الحب


ماذا يخيف الما
المجهول

الى اي مدى يتدخل الأهل بشؤونك الخاصه
الحمد الله اهلي عطيني ثقة كبيرة
مشان هيك موكتير بيدخلو باموري الشخصية


كم مرة اتخذت القرار وتراجعت عنه بسبب اقناع الاهل
مرة وحدة اخدت فيها قرار بموضوع كتير مهم بنسبة الي
ولما اخدت رئي اهلي
قدرو يغيرو رئي بس مرة وحدة

لو طلب منك الزواج على زوق الاهل هل توافقين

اكيد لا هي حياتي انا والي بدي اختارو شريك لاحياتي لازم كون مقتنعة فيه كليا

هل انت من النوع الذي يحاسب ضميرة كل يوم
نعم كل يوم كل يوم
مابيمر على يوم بدون محاسب حالي مشان

عل انت مستعدة للاعتذار في حال أخطأت بحق احد
اكيد بعتزر اذا كنت غلطانة بس اعتزاري مرة واحدة فقط

هل اضعت فرص نجاح من يدك
اي كتير فرص نجاح ضيعتها بعنادي

ماهي توقعاتك لمستقبلك

هي علمها عند ربي انا مابتوقع شي
شو مصار الحمد الله عليه


مما تخاف الما بالتحديد

هل تخشين انتقادات الاقارب لبعض تتصرفاتك
لا

هل تجدين الجرأة امام احد والديك للأفصاح عن مدى حبك لشخص احببتيه

اي اكيد رح بوح فيه
لان اذا خبيتو رح حس حالي عم سوي شي غلط والحب مو غلط صح

هل انت صريحه اما الاهل بكل شيئ
بصراحة مو بكل شي الي بعض الاسرار الصغيرة ممكن خبيها

الى اي مد ى تعنيكي سمعة واخلاق البنت امام نظرة المجتمع
سمعة البنت مهما كتير بنسبة الها مو المجتمع
بمجتمعنا شو ماسوينا
رح يضلو ينتقدو
وانا في كلمة دائمة بقولها
اهم شو كون انا راضية عن حالي

ايهما يخيف الما الخيانه
ام تعدد الزواج
الخيانة ابشع شي ممكن اي امرأة تمر فيه
اما تعدد الزواج هاد الشي ربي سمح فيه مو البشر


هل تواقفين على ان تكوني الثانيه او الثالثه عند الزوج.المتزوج
لالالالالالالالالالالالالالالالالالالالالالالالالالالالا
مستحيل كون زوجة تانية

ماموقفك لو حضرت احدى النساء وهمست لك ان زوجها مغرم بك وهي تعاني الامرين من هذا الحب
بعطيه كلمتين بلعظم
والها كمان لان ساكتة على هل الشي
وبتعاني
وهوا ولا على بالو

ماهي نصيحتك للرجال اتجاة النساء
يعني مابظن حالي خرج اعطي هيك نصيحة

هل المرأة تعاني من ظلم الرجال في هذا الزمن
ام ان الرجال الآن هم من ظلمو
المرأة مظلومة من بعض الرجال
والرجال مظلومين من بعض النساء


هل انت قوية عند اي محنه

لالالالالا ضعيفة كتير بلمحن
ارجو ان لا اكون قد اثقلت عليكي
كله بثوابه ها ههههههههههههه

JUOVANE كتب:لك شو هاد والله خجلتيني..هههههههههههههههه :oops: ...
الله يعطيكي الف عافية...على زوووووئك وخفت دمك...ابقي جهزي حالك لنضمك معنا نصير الرباعي المرح...زين والهام وانتي ..هههههههههههههه

Nasser ghali كتب:الملكة ألمــا : فاجأتني لما قلت أنك تعرفيني

فأنت تحتاجين 587887645655458456 سنة تقريباً وبضع شهور للبدء

بمعرفتي شخصياً لا لجهل منك ولكن لتعقيد عندي .

لو كان الأمر لي لأعدتك للكرسي مرات ومرات .

شكراً ألمـــــــــــــــــــــــــــــــــــــــــــــــــــــــــــــا..................أبووائل

waell كتب:

نبسط حبيبي
هاي نخطبت قدام الكل يا عمي مين قدك
------------------------
مافي اجمل من الروح اللي بتتمتع فيها اميرة بجد
--------------------
روعـــــــــــــــــــــــــــــــــــة أميرة
------------------------
احرجتني وائل شكرا الك

ظهر مؤخرا في مجتمعنا ظاهرة ربما تكون سلبية لدى البعض و ربما يراها آخر من الإيجابيات ..

و مهما اختلفنا فاختلافنا لا يفسد للود قضية
إن وجد ود من أصله
..

الحب عن طريق الإنترنت ..

ما رأيك في هذا النوع من الحب هل هو حقيقي أم وهم ؟
بصراحة انا ممكن كون جديدة لسا بعالم النت
فماعندي الخبرا الكافية حتى قول رح يكون حقيقي او وهم
بس برئي انو مابيصير
نتعامل
مع الشخص المقابل على انو مجرد حروف لا هوا كمان شخص متلنا وعندو احساس
فما فيني قول انو وهم ممكن يكون حقيقي
هل بإمكانك أو هل أنتي على استعداد لتعيشي حب من هذا النوع ؟
اذا لقيت شخص يفهمني ليش لأ
بس اكيد بعد ما اتعرف عليه شخصيا

ما هي مقاييس الحب أو كيف يكون الحب من وجه نظرك ؟
النت عبارة عن وسيلة للتعارف
متل اي وسيلة تانية
ممكن تنجح وممكن تفشل
مشان هيك مافيني اعطي رئي بشي مجهول

هل صادفتي أو سمعت عن قصة حب من هذا النوع ؟ هل بإمكانك طرحها ؟
سمعت بهبك قصة
وحدة من الشام انا بعرفها شخصيا كانت متزوجة وعندا طفل
وطلقت
وكانت بتقعد ساعات وطويلة على النت تعرفت على شخص من مصر وحبتو كتير واجا على الشام وخطبا وتزوجو
وهلا هي سعيدة معو اكتر من الي كانت متزوجتو عن طريق الاهل
وصار عندا بنوتة حلوة كتير


ما هي نسبة نجاح هذا الحب؟
ماعندي نسبة معينة

ما
رأيك الأخير و تعليقك حول الموضوع ؟


فلنقل جدلا أن اميرة تعلقت بعلاقة حب عن طريق الأنترنيت
بين هذا السراب بل في وسط هذه الشبكة المعقده
كيف تتصرف أميرة



هي ببداية كلامك باركتلي على الخطبة
هي اقرب مثال
هههههههه

Nasser ghali كتب:أتوقع أن لي الحق بسؤال واحد وبكلمتين ولن أزيد : من أنت ؟؟؟؟؟؟؟

إيزيس كتب:بصراحع ماقصرتي يآنسه ألما وطلعتي قد الامتحان وزوووود
أجوبه رائعه بروعة ألما وعظمتها
انتي الروعة بجد
والان بدي اسأل ألما
ماهي أحب الأكولات على قلبها اللي متل السكر
الكوبة بلبن
وهي بلحمصي كمان

هل تفضلين أكل المطاعم على أكل البيت
لا مابحبو
كتير وحاليا انا عم عاني ماما مسافرة
وانا مابحب اكل غير من ايدين امي
خسيت
واااااااااااااع

كوني جريئه وبكل صدق جاوبي نحن نرحب بصدقك وصراحتك جدا
من اكثر عضو نال أعجابك من الاعضاااااء لاتقوليلي المدير عم انغار منه كتير هههههههه
نال اعجابي
امممممممممم
لسا عم دور على شي شب حليوة
ههههههههههههههه

من اكثر واحدة من العضوات نالت حبك ورضاكي لاتقوليلي زين الطيوبي ؟هي اعرفانها ونيالها على صداقتك وحبك الها هههههههههههههههه دخيل روحها انا جدا بحترمها وغالي عليي جدا
بصراحة ومن دون مجاملة
الاخت ايزيس
يعني فرضت
حبها واحترامها موبس على على كل الي بلمنتدى
وهاد رئي الكل اكيد

انتقدي منتد ى ورد الشام واحكي الصراحه ..ايش سلبياته وايش ايجابياته
رح انتقد وبكل صراحة
منتدى ورد الشام غير باقي المنتديات يعني انا شخصيا حبيتو كتير وكونت من خلاالو صداقات بفتخر فيها


احكي من هو العضو الذي لاتحبين اي رد منه احكي لاتخافي هي فرصتك وكلياتنا لح نتقبل الصراحه ونحترمها

والله لو في كان حكيت وماخبيت بس مافي

ماهي اكثر المواضيع التي تشدك للانتباه ..ومن هو العضو

اكتر شي مواضيع الاخت درة الحجاز

لو كنتي مشرفه بورد الشام من تطردين منه وبمن ترحبين خدي راحتك ماحدى بيزعل
بطرد جيوفاني لانو غلبني بمسابقة الشعر
ههههههههههههه
وبرحب بكل الاخوان الي حابين يكونو معنا

لو كنتي انت مكان وائل يعني مديرة ورد الشام ماذا تجديدين بورد الشام
رح جدد الالوان
لان مو عاجبيني مافي كتير الوان خصوصا
الزهر مافي

يعني لو كنت انا الغليظه بورد الشام مانصيحتك التي تقدمينها لي

مستحيل تكوني انتي
ولو كان في واحد غليض بقلو بعد عني احسنلك
لان تنين مافيني اتحملهم
الغليض
والغبي
بجد بفقد اعصابي لما اتعامل معهون

ماهو رأيك بالكذب عندما لاتجدين حل سواه
بطر احيانا للكذب
مشان مااتسبب بمشكل كبير
ماني ملاك

هل ينتابك الحزن لو حبيبك وصف بك بعض الاخطاء ووعددها امامك

لا مارح احزن كتير رح حاول صلح هل الاخطاء
مشان كون بعيونو كاملة

لو عارض الجميع حبك لانسان انت تحبينه هل تتخلين عنه لارضاء الجميع
مابتخلا عن حبي
مشان ارضي الناس
هي حياتي

مارأيك بحب يسوقه لك النت وهل تحبذينه وتنصحين به
اذا صار وحبيت عن طريق النت
مارح انصح حدا فيه لان لوحتى لو نجحت علاقتي
فما بتكون قاعدة لغيري

هل لديك القدرةالكافيةلاستيعاب جنون الرجل ونزواته هل تسامحينه
انا بحب جنون الرجل شوي
بس مستحيل اتحمل نزواتو
ومارح سامحو اكيد

الي اي مد ى تتمسكين بحب طال عمرة سنوات عديدة ثم شاءت الاقدار للتفريق بينكم ؟
رح سوي متل هلا
عم استنا اليوم الي انسا فيه

هل انت مع المقوله التي تقول ..اللي نيسيك انساه ..وانت بنفس الوقت تحبينه جدا

لا مو معها
النسيان مو بايدنا

لو طلب منك الحبيب ان تختاري بينه وبين اهلك ههل توافقين
لا مابوافق اكيد
مافي شي بدنيا اهم من اهلي

بعض الرجال ................يتخلون عن زوجاتهم لمجرد عاهة او حادث ونراه بدأ يبحث عن زواج آخر ما هو ردك عليه لو طلب منك الزواج
رح قلو
لو فيني حطك بحبس انفرادي باقي عمرك
مارح قصر

قد اكون اكثرت عليك الاسئله ولكن عندي الفضول ان اسمع آراء تفيد ونأخذها بعين الاعتبار سامحيني الما
ارجو منك الاجابه بكل صراحه والحقيقه لو كانت تنزف المرار لكنها تملئ قلوبنا وتريح نفوسنا

إيزيس كتب:شكرا يألما على وساعة صدرك وواحترامك لنا والله يعطيكي العافي والله كلك على بعضك حلو اجوبتك اخذت بعين الاعتبار وجميعنا اهتمينا بردودك وكلامك ارجو لك التوفيق بكل ماتتمنين

imitta كتب:و الله ما شاء الله عليك اميرة كتير ظريفة و واضح انك كتير محبوبة من كل الاعضاء
الله يحميك و ينور بيك المنتدى
الجماعة خلصوا الاسئلة الظاهر ما عاد فيني اسأل .

Nasser ghali كتب:حتى لو الأسئلة انتهت يتبقى جواب سؤالي من أنت ؟؟

أجبت أنت وفهمت منك الإجابة

لكن هل فهمت أنت إجابتك .....................؟؟؟؟

...................................تحملي الحاحي ........أبووائل