شارك في مباراة العتابا والميجنا بسرعة ياأعضاء..

هههههههههههه...وهاي خالتو ديدي ساسو انسحبت ...وينك يا خالتو الهام ....باقي خالتو شيراز ...وماما ...انا بحي شجاعتك يا خالتو ديدي ساسو ....هههههههههههههه

بجد الجد سيد سامي بيضتها

والله كفو يعني اللي خايفين تكون راس الحربة انسحبت .

وبيني وبينك هي أقرب التحالف المضاد ياتجاهنا بس بالعتابا بتخوف

الله يعطي الكل ألف عافية

لك انا متحالف مع شيراز ضد الباقي المهزومين
ديدي نسحبت وخافت والله بيعلم بعدا مين
يا سامي لا تتحدى هودي صغار ومغرومين
بنفخة وحده من موسكوا بتلاقيهم منبحتين
لاتحمل رمح ولا ترس ولا بدها سلاح يخوف
هدول لو بتشوفن كيف بيهربوا من فرد فنين

انا مع ديدي ساسو ...على الموت اذا هي انسحبت فانا معا...ولا يهمك ديدي نحنا انسحبنا لانو ما في لي يتحدانا....

كفو والله

أبووائل

يا زين عرفت انك قد سها
وزارك غبي وعن كل جاني قد سها
وحتى نقدس للعتابا قدسها
افتح قاموسك وهات شو عندك لنا
الله معاهم وين ما كانوا حبابنا
انا ما جيت حتى الجهل شارع
والي قاضي النصر بالشرع شارع
الشاعر بس يصفي ابن شارع
عيب عالمنبر يدوس الخشاب

زهرة النرجس كتب:

احلى منتدى ورد الشام
***
قال بمنتدانا بتلاقــي المحبة ورواقـــــا
وعنـا يـــا صاحبـي بلا حــدود الصداقــة
اعضاء المنتدى شكلو من الورد باقة
عطرها يفوح من الصبح حتى المسا

هون نسيتي تكتبي اوووووووووووف



لك تسلملـي الميجنـــا والعتابــات وسباقـــا
ويا محلا الــورد اذا تمايــل وانطراااااااااب


هون روعة طالعة كلمة طررااااااااااااااااب سبقتي صباح


بالله امانة ما بيطلعلي جائزة على هالابداع
احلى اصدقاء في ورد الشام شاركونا العتابا والميجنا

لك مو بس أمانه يا شيخة سبقتي زغلول الدامووووووور

ياريت عندي وآآآآآآآآخ لوفيي
عا قـد حبـي جبلـك هديـة

كنت بهديكي شـذا الـوردات
وأسـرار أحلام الطفوليـة

وكنت بتعمشق على النجمـات
بسحّب شلـل خيطـان فضيـة


وبالبحر .. كنت بغافل السمكات
وبغطس متل الحراميـة

وبقطف زبد من رغوة الموجات
ومن جدايـل شمـس مرخيـة

بكمش وهج وبحولو بوسات
بلـون أشواقـي المـورديـة

ومن هون ببعتها من النسمات
لهونيك لعيونك خصوصية

***
والطفل كنت بقشطو البسمات
وبغرف من عيونو صفا نية

وعرس الربيع بشلّحو الغنجات
وكلشي معو لهفـات عطريـة

وبكلخ من جفون السحر دمعات
كلها غيرة وحنية

وبلفها بعيون خمريات
وبروح حافي بسلّمك هيي

***
ومن كل طير بنتف الريشات
وبفرش طريقك ريش حرية

وعا المروج بسابق النحلات
بجبلك باقة زهور بكرية

وبطير مع أحلام وخيالات
عا بلاد مدري وين مبنية

وبجدلّك من سوالف الغيمـات
مرجوحتـك ع كتـاف جنيـة

***
وبغزلك من شراشف الهمسات
وحرام مـن قلـب النعوميـة

***
وبرش عا عيونك هنا الغفوات
المحروم منها حظ عينيي

***
هيهات لو عندي فعل هيهـات
عا قد مـا عنـدي أنـا نيـة

بحولك إنتي أنـا بالـذات
وبلبّسـك روحـي الطبيعيـة

لكـن إذا فشلـو التمنـيّـات
وعمـري استسلـم للعبوديـة

بترك إلك مني تـلات كلمـات
محبتي ... والآخ ... والنهدات

--- من هالقلب اللي بيحبِّكْ هدية ---

مغروم عايش بسطور الزجل

كلمات حلوة فيها جنون

وكلمات حب ربيعية

سامي لو نظمت الشعر

شعرك طرب وأجمل غنية



يا مغرب ومشلوخ من الشزرات

حروفك حروف دورة أولمبية

خلي الشعر أخد ورد وخلي الحماس

أكتر شوية



لاتروح فينا للهمسات واللمسات

أحسن ما تدوخني وع زندك أغفل شويه

خلي الحماس يدب بالكلمات

وخلي العتابا تكون شتوية

تا نشوف بالتحدي مه الزهرات

وخصوصي مع زهرة نرجسية

وياريت مين منكم فات

للميجنا يعمل متل سامي ويتحدى شي شوية

لو نام ها الموضوع متل نومت العتمات

بلكي بشي سطل ماي

بتصحولكم شويه

وُجودَك بيننا عامِل كما جَو

شَبيه بْفَرحة السِمْعو بْكما جو

فناس بْيتركو الساحة كما جو

و ْ فناس بْيِسكنو جوّى الهداب

لا تغضبو يا اهل المحبة كيفو
وكيف ما ردتو هواكم كيفو
وضلو الحبايب لاحقوهن كيفو
نحنا وعدنا وما خلفنا بوعدنا

أم يوسف يسعد نهارك يسعد مساكي
طلتك طله عطر وورد وماسكِ
مهما غبتي ومهام عن المنتدى طولتي بتقى طلة طلة فرح يسعد مساكي

يابو السيارة اللنسر واللنسر عيني
بيكوز ورى بيكوز