من طرف waell الإثنين 26 أكتوبر 2009 - 7:33
صباح النور لكل أصدقاء ورد الشام
صباح النور لكل الموجودين كانوا نهار أمس معنا
صباح الخير ليوم جديد
صباح الخير لكل اللي موجودين بسوريا
بدمشق بأي بلد من سوريا
صباح الخير للي نازلين من الصباح مع عجقة الميكروباصات للي رايحين على مدارسهم
صباح الخير لكل اللي رايحين على أشغالهم
هذا الشهر بداية شهر خريفي بيكون الطقس والجو بالشام غير بتكون حركة الصباح حلوة لا فيها برد ولا فيها حر
من الصباح الروح الشامية والتواصل بين الناس بيكون له طعم غير جارك طالع من مدخل العمارة وجراك التاني بيحمي بسيارته
والتالت بيركب ولاده ماشي للمدرسة
وفي على الطرف التاني جارة واقفة بردانه مع طفلة صغيرة منتظرة باص المدرسة تركب بنتها
وبياع الحليب من الصبح بين الحواري بيوصل الحليب للمنازل
بس بياع الغاز اللي ما كنا نلاقي لمشكلته حل من الصباح عامل منبه إزعاج مصر يصحي اللي نايم واللي مريض
وطلاب المدارس على أرصفة الشوارع طالبة مستعجلة بدها تروح وجارها مصر يـتأخر وع الدرس ما يروح
حتى يشوف عيون جارته ولو كان الوقت مجروح
وصغير راجع بخبز البيت حامل بيده صحن مسبحة
وياريت لو كان الخبز مشروح بيبقى فطور طيب بيحي الروح
وغيوم بالسما مستحية تقول نفسها تعطر الأرض بهتان
يغير لون الأرض بهطول يخلي لون الصباح معطر بطيب الأرض ومتل حب الارض ما منطول
وصباح الخير