مقهى ورد الشام..

صباح الخير

صباح الخير لورد الشام

صباح الخير أم وائل

صباح الخير للوجوه اللي عم نشوفها عم تدخل دخول خجول

وشكرا ل ميمي على تواجدها المستمر بالمنتدى

مساء الخير

مساء الخير على كل الموجودين والغير موجودين
وان شاء الله اللي كانوا غايبين عنا واللي لسه غايبن يكونوا بخير
بس احنا مشتاقين لكم ونتمنى تكونوا معنا على طول

وماتقطعونا
شكرا لوائل ومصطفى على ذكرهم لالي

ميمي

شكرا ميمي الله يخليكي بخير
وشكرا على سؤالك ودعواتك
وعزيمة يوم الجمعه لا تروحيها علي

السلام عليكم ورحمة الله وبركاته



مساء الخير للجميع مساء الخير بعد ثلاثة أيام متواصلة في الغياب عن جهاز الكمبيوتر بشكل نهائي

وهذا الحدث بجد منذ سنوات لم يحصل معي وأرجوا أن لا يتكرر لأن لي في الكمبيوتر الكثير ولقلمي الكثير ولو انه متواضع

ولوجودي مع هذه الأخوة الطيبة الكثير

تحياتي لصديقي ورد الشام مع أنه ما بالزمن صاحب

تحياتي لكل الأخوة والأصدقاء الموجودين بالمنتدى

مع أن الأخوة هذه الأيام مكلفة جداً في زمن كل الناس تريد كل شيء ببلاش

تحياتي لمن ذكرني بكلمة طيبة بالمنتدى متل ميمي مع أنه متل ميمي وبجد بهذا الزمن مافي

تحياتي للكمبيوتر اللي اشتقت له

(( ما بعرف كمان يمكن اشتقت للكمبيوتر بمصلحة أو غاية ))

مع ذلك اشتقت له

مع أننا صرنا بزمن أصبحت مفردات اشتقتلك مفردات ما بعد الفائض من وقتنا من إنسانيتنا من وجداننا في الفائض من حياتنا نشتاق لبعضنا متل ما منشتاق للعلكة (( لو سمعتوا باللي بيحط علكة جوات تمه وبيعد مروق البال بيطقطق بالعلكة )) هكذا اصبحت كلمة أشتقتلك

تحياتي للنصيحة تحياتي للنصيحة اللي اليوم أصبحنا متل الشياطين وقت بتقرأ عليها القرآن

كيف الجني وقت بتقرأ عليه قرأن ما بيقدر يستمع ولا بيقدر يتحمل كلام الله وكلام الله بيأذيه

اليوم النصيحة ما بتنسمع صرنا بآذاننا في مليون جني منسمع النصيحة مننصرع منسكر أذانا شيطانا مو قادر يسمع صرنا منحب نريح شيطانا على أننا نقبل نسمع نصيحة

تحياتي للي مخلي بعد في زاوية من زوياها مكان صغير للطيبة مكان صغير للود مكان صغير لشي حلوا بس يمكن بماأنه هذا المكان صغير وجميل حلوا اكيد حيكون مكان غالي لكن المصيبة صرنا بوقت عم نبيع كل غالي كل شي غالي جواتنا صار معد للبيع وياريت بينفع الثمن أو منعرف ليش عم نبيع

تحياتي لكل الأكسسوارات اللي صرنا نستعملها كل يوم لكل الألوان اللي صرنا نتلون فيها كل يوم وكل ساعة

دائما الشرح بيطول

ودائما للحديث بقية

waell

مرحبا بك بعد هذا الغياب ....و نرجور ان المانع خير ..وانك في صحة و عافية....وانا بعتبك على كسل هذا المنتدى و اعضائه.......مع الشكر

يسعد صباح الجميع
اهلا فيك نجد اشتقنالك والله بس لاتعيدها مرره تانيه وتغيب هالقد عنا
وتحيه كبيره لام نادين ومشكور كتير على مجهودك بالمنتدى الله يعطيك العافيه
يسلموا يسلموا كتير وائل على مدحك لالي
ان شاء الله اكون هيك
بس والله شعور متبادل ونفس الحكي دايما بقولوا عنك مافي منك والله
والله انا كان الي كم يوم عم فوت على النت بس من شان احكي معك لتدعيلي متل المره الماضيه لما طلبت منك ودعيت لي وربنا يسرلي اموري
صايرة عم اتفائل فيك مع اني بدأت احس ان التفاؤل ماعاد اله مكان في حياتي
يالله الله بيعين

وعن عزيمة يوم الجمعه مابعرف مين اللي روحها على التاني ;)


ميمي

اهلين فيك نجد وبكل الاعضاء
انا اليوم الحمدلله كتير منيحه
ومبسوطه بوجودك

يسعد صباح كل الموجودين والغايبن كمان مابنستغني عن اي حدا
كل الاعضاء على العين والراس
بس ياجماعه شدوا همتكم شوي بالمنتدى دخيلكم ولو


مع كل حبي وتقديري للجميع


ميمي

صباح الخير يسعد صباح كل الموجودين

ايه يا ابو احمد يا وائل العزيز الغالي
عم يسالوني عنك ومشغول بالهم عليك
ياريت تطمنهم عنك
انا عم حاول اطمنهم بس كلمه منك بتكون احلى
ولوشو عم يضايقك بيكفي انه فيه مين عم يسال عنك وبدوا يطمن عليك
ومشغول بالهم عليك
والله الدنيا كلها مشاكل ومشاغل ولازم نعيشها كيف ما كان
ماهو يومنا وبدنا نعيشه فاذا ماضحكنا خلينا احنا اللي نضحك له
تقبل تعليقي
ميمي

اخي وائل ماحسينا بغيابك بعدك اوقربك ما فرق كتير 00
لانك بالقلب ما تفارقه وصورتك مثبته بغرا قوي ما بينفك 00
وصداقتك موحكي بس بنحكي 00قول وفعل 00وانت على الجرح بتنحط00
اعذرني كلامي بالسوري حكيتوا وانت متلك مالقيتوا 00
بصداقتك اعتز وافتخروالمحبه للجميع تتوزع بسلامتوا00
احبابي 00مصطفى 00ام نادين الغاليه 00ميمي الاموره 00نجد دوس الغالي00الهام راقيه المنتدى والباقي يعذرني لوماذكرتوا00
اجمل التحايا لقلوبكم 00

دمتم بخير دوم الدوم يالغلا فيكم بالكوم00
م/ابورهيف

صباح الخير ابو رهيف ......مرحبا بك في المنتدى

يعيشك الله يخليك..........بالشفاء

:30: :30: :30:

صباح الخير للموجودين انا بشد معك يا ام نادين اعط بلا حدود و لا تنتظر الأخذ عن جد كلام حلو و لازم نتمسك فيه قول و فعل مشكورة
و كمان اعط بلا حدود على هالسيرة بدنا حدا يعزمنا على كابوتشينو و ما بدو منا عزيمة خخخخخخخخخخخخخخخخخخخخخ
مشتاق للجميع و اعذروني لعدم وجودي معك بس انتو جميعا بالقلب
و في اسماء جدا لامعة ما صار فرصة للتعارف معهم بس امتنى الأيام الجاية تجي هالفرصة لأنهم من الأشخاص اللي ما تتقدر معرفتهم بثمن
نبل و شهامة و علم الله ينور على الجميع
انشالله نتواصل معكم جميعا و نفيد و نستفيد

آهلين علي الحمد لله على السلامة بعد غيبة طويلة

المهم خبرني خلصت عسكرية ولا بعد باقي

سلامي للجميع عندك ولأخووك الكبير وللحاجة الوالدة

تحياتي علي طمني عنك




مساء الورد أبو وائل

مساء الورد أم وائل

مساء الورد من وائل

اليوم المنتدى عامر بالأشاوس الأثنين

أبو وائل وأمن وائل

هدول رفقات الدرب بالمنتدى

نهاركم طيب بالصلاة على النبي

سلامي لكل الشباب والصبايا بالمنتدى

القهوة جنبي تفضلوا

بس قهوتي بدون سكر

وعلى فكرة أنا مسويها بأيدي اليوم





waell

صباح /ومسا لاهل المنتدى 00

الكل على قلبي غاليين ومنورين 00
نبتدي الحكايه 00
وائل غالي ومثل الورده ايام عشق الليالي 00
ام نادين راقيه وقلمها على قلبي نسمه هاديه 00
نجد دوس ظريف ومهضوم ودمه خفيف وعاى قلبي زي العسل 00
على السماحي 00مثل عود البخور كل يوم بيزيد حلا 00
ميمي 00اموره المنتدى الغاليه 00
مصطفى 00من القلب الك ورده بس اذا جيت حلب باخدها منك 00
نوال من قطر هلا وغلا بالقماري 00شرفتوا الدار 00
رشا من تونس 00تونس ياخضره منوره 00
والباقي ممن سيشرفنا التعرف عليهم 00

صباحكم /مساكم عسل