فرح فلسطينية وأفتحر سوف نكون معها يوم بيوم

بسم الله الرحمن الرحيم
السلام عليكم ورحمة الله وبركاته
مركز عشقنا الاخت الغالية رمز البطولة والاباء بورك مسعاك
وتمنياتنا التتمة على خير ان شاء الله والسعادة الدائمة وتحقيق
المنى املا ان يكون الجميع بعافية وفرح
والسلام عليكم ورحمة الله وبركاته

ألف مبروك سلف للاخت و الصديقة

فلسطينية وأفتخر

وان شاء الله بيتمم على خير

والله يكتبلك التوفيق والنجاح في المرحلة

القادمة من حياتك

السلام عليكم ورحة الله وبركاته
بصراحة بدون مبالغة نزلت من عيوني الدموع لما شفت هاد الاهتمام مشاركتم في فرحتي شكرا كتير الك وائل لانك ع طول بتكون جنبنا في الافراح والاحزان الله لا يحرمنا منك وشكرا لكل اعضاء ورد الشام الله لا يحرمني منكم

هسه اجى دور تجهيزات الفرح
الحمد لله كل امورنا ماشية تمام وكلو جاهز
ضايل 29 يوم للفرح وما تنسو اليوم يلي قبل يوم الفرح يلي هو يوم الحنة وهاد اليوم العروس بتلبس فيه ثوب من التراث الفلسطيني بكون مطرز باليد وانشاء الله خلال الاسبوع رح يكون ثوبي جاهز ورح احطلكم صورته عشان اخذ رأيكم فيه

اعزائي
وائل
محمد علي ابراهيم
ابو العبد
زهرة النرجس

اشكركم على تفاعلكم معي
وكونكم بالقرب
واشكر جميع اعضاء هذا الصرح العظيم ورد الشام

تحياتي لكم

انا هسه حابة احكيلكم شو حضرت ليوم العرس

طبعا رح يكون في رقصات خاصة للعروس

ومنها
رقصة بالشمسية البيضا على اغنية تحت الشمسية

رقصة الارجلية على اغنية الارجيلة لفارس كرم


رقصة جرة المي على اغنية بنت السلطان



رقصة الورود على اغنية بستان ورود




وطبعا ما رح انسى الاطفال بختارلهم اغنيتين خاصة الهم وانا والعريس بنوزع عليهم هدايا بسيطه ولسه في كتير بس رح اوافيكم فيها فيما بعد

وانا مو ناسية النقوط

هاي مهمة سفير النوايا الحسنة وائل
انت رح تجمع النقوط من اعضاء ورد الشام وتوصلي اياه كيف ما بعرف هاد بيرجعلك

ههههههههههههههههههههههه

طبعا وائل احنا ما بيغيب علينا هيك شي
وعشان هيك في ناس متخصصين لترتيب الحفل
ولاستقبال الضيوف انا ما بنخاف علي بهيك شغلات بيكون الوضع مرتب ع الاخر وانا رح اعطيكم الرنامج كامل فيما بعد على مستوى الاغاني والرقصات كلو جاهز ومجهزة البرنامج من شهر تقريبا يعني ما تخاف مو ناقص شي انشاء الله بس برضو حابة تعطوني كمان افكار اضيفها على البرنامج وحابة كمان صبايا ورد الشام يشاركونا ويعطوني شوية افكار

ربي يسعدك ام التوت والله خجلتوني يا جماعة بلطفكم واهتمامكم بيوم عرسي وعقبال عند يلي بتحبوهم واكيد الي الشرف الكبير اني بينكم وياريت لو كانت الظروف احسن عنا وعندكم وقدرتو تحضروا عرسي

من الامور الذكية في الأفراح

هي وجود الأشبينه وهذه الاشبينة

في ترتيب الفرح ليست هي الاشبينة المتعارف عليها لدى بعض غير المسلمين

مع تقبلنا وإحترامنا للجميع



لكن

هنالك صديقة / أخت / قريبة /

من المقربين للعروسة توظف توظف تام بالتخطيط والدراسة والكتابة مع العروسة

وهذه في الفنادق وليس في اعراسنا الشعبية

كما نحب دائما تكون مسؤولة الفندق

وحتى مسؤلة الفندق نفسها لا تقوم بل لا تستطيع القيام بإنجاح الفرح مالم تكن متمكنة

أو لديها الحماس

والدافع والحب لهذا العمل

لذلك نعود للحديث وهنا الحديث عن الصديقة المقربة التي تقود الحفل والتي عيناها لا تفراق عينا العروسة وذلك لتبادل الإشارات فيما بينهما

ماهي وهي وظيفة هذه الصديقة



أولا وقبل الفرح بوقت تجلس هذه الصديقة مع العروسة وتكتب بورقة وقلم

أولويات الفرح

أولويات المعازيم

أولويات العروسة







أولويات الفرح



وتقوم هذه الصديقة بجمع شلة من البنات

خمس أو ست أكثر أو اقل

وظيفة هذه الصديقة

عند دخول العروس تكون متفقة مع الصبايا المتفق معهم بالتصفيق الحار الجماعي والزغاريد مرة واحدة جميعهم

بذلك عندما تقوم هذه الفتيات بالتصفيق تدعوا بقية الحضور للتصفيق والزغاريد

أنهم يمثلون اوركسترا مخفية تحرك الناس

ولا يجب عليهم التصفيق والصفير والزغاريد في كل وقت فقط حسب أشارة من الصديقة المشرفة

لكي لا يصبح الصخب غير مقبول

أولويات المعازيم

تقوم الصديقة المشرفة بالانتباه لضيوف ال vip

من هم ضيوف ال vip المهمين

هم ضيف عزيز بين الحضور لها مكانتها

وضيف نئاء كثير النقد يحب أن ينتقد

الاثنين نعطيهم نفس الأهمية

كذلك من الوظيفة في استقبال الضيوف

الانتباه لكل شخص عند دخوله لو كان الوضع فيه كراسي أو طاولات جلوس

وتوزيع كل ضيف مع أناس يتقبلهم ومن عمره



الانتباه لمكان وضع الورود والبوكيهات بعيدة عن متناول البعض

وعدم إهمال أي باقة ورد كي لا تكون محل نقد



أولويات العروسة



تخصص فتاة تسير خلف العروسة واذنها معها تلبي النداء في حال أي طارئ في الفستان أو المكياج أو غيره

واهمه إبعاد الأطفال عن العروسة فتواجهم بجوار العروسة طوال الوقت يفسد بهجتها

وتقبيلهم لها الطفل الصغير لا يقدر أن في المكياج يجب اخذ الحذر عند التقبيل وتواجهم حول فستان العروسة طيلة الوقت

قد نجده بعد الفرح ليس منظر جميل في الصور



كذلك

ألف مبروك لعروستنا فلسطينية وافتحر

وأتمنى لك السعادة والهناء بحياتك الجديدة

وبالرفاه والبنين إن شاء الله

والله كان نفسي فيدك بشي بالنسبة لتحضيرات العرس

بس أنا ما عندي فكرة عن أعراس الفلسطينية

بس الي بعرفوا انوا حلو كتير الاجواء والدبكات

والاغاني الشعبية وزغاريد الستات الكبار


الله يجعل يوم كلوا خير وبركة عليكي وعلى كل المحبيين

واكيد هنن كتار لانك رغم الفترة القصيرة التي عرفناكي فيها لكنك تتدخلي القلب دون اي حواجز الله يسعدك

بس ملاحظة صغيرة هادا اليوم عن جد يوم العمر لان ما بينعاد ابدا

حاولي انك ما ينقصوا شي من الكماليات

وتكوني مرتاحة في الفستان والكندرة

وتأخدي صور اللك لحالك وانتي وزوجك اد ما فيكي لان كل هادا رح يبقى بالنهاية ذكرى حلوة الك ولولادك وممكن لاحفادك ههههههه

مبروك ..............مبروك ........مبروك .....

والله يا وائل انت بجد كتير ساعدتني وذكرتني بأشياء كانت رايحة عن بالي ومش عارفة كيف بدي اشكرك ع النصائح وعلى الصفحة الخاصة يلي عملتها الي بس انا ما في ايدي غير اني اقول الحمد لله رب العالمين اني متواجده في ورد الشام وشكرا كتير كتير الك

هسه بالنسبة للاشبينه موجوده متفقه معها ومرتبين كل الامور طبعا كل الملاحظات مسجلة عشان ما ننسى اي شي وطبعا معروف عن عيلتنا بنرقص على الاخبار ههههههههههههه يعني ما تخاف على التشجيع ما بدها نحكي مع مجموعة بنات

اما بالنسبة للمعازيم
عاداتنا وتقاليدنا ما بتسمح انو يكون العرس مخطلت يعني بيكون في صالة للستات وصالة تانية للرجال وطبعا يلي بيهتم بالمعازيم ام العريس وام العروس في صالة الستات وابو العريس وابو العروس في صالة الرجال

اما بالنسة للتصوير احنا محضرين كل شي ورح نعمل فيديو كليب ليوم الحنة وكمان فيديو كليب ليوم العرس ورح يكون باذن الله كل شي تمام والله يجيب يلي فيه الخير