من طرف مينيرفا الأربعاء 17 نوفمبر 2010 - 3:24
هلئ هو مطعم حلو ومعروف وعلى طول عندو عجقةوخصوصي يوم الجمعة بعد الصلاة لأكل الفتات....
بي الصراحة الأكل عندو عادي وخصوصي الفتات والناس بتروح لعندو على الصيت وأولهن أنابس سمعت انو من كتر العجقة عندو اذا طولت شوي بالأعدة بيصير يطلع فيك الكرسون انو يلا حاجة منشان يجي دور غيرك بالأعدة امت رحت لعندو يوم جمعة انا ورفقاتي وبعز العجئة وأول ما قعدت قلت للكرسون شو بيحكو عليكن وحكي على كيفك قام سألني شو بتدرسي قلتلو صحافة وشوف الدلال قلي ولي انتو ما بينعلق بلسانكم قلتلو طول بالك لسعتني طالبة يعني ما بيطلع بايدي شي وطلبت فتة بسمنة طعمتها عادية يعني يلي بساويها انا أطيب وطولت قصدا بالقعدة بس ما حدا استرجى يحكي ..
وحتى الجو عندو مو هادي بنوب يعني عجقة وضوجة بصراحة ما حبيت الجو فيه كتير مع انو الديكور حلو من جوا,يعني انا بفضل ارجع اربع خمس متار لورا واكل عند المروش اهدى وأكلو طيب وخصوصي الفتات وأهم شي الخدمة كتيييير ممتازة,انا هاد رأي