تخيـ ـلو لـ ـو أنـ ـنا فـي بيـ ـت واحـ ـد..،،،

صباح الخير اليوم أنا مو نازل للشغل

يعني مكسب شوي الصباح

وهاي جيتكم نزلت من غرفتي

بعد ما سمعت صوات وتهديد وخبيط وعيد



يا جماعة شو القصة شو في

على كل حال صباحكم خير

لنشوف مين ح يشربنا قهوة من عند الصبح بصراحة انا جايب معي ورقة وقلم



وحابب اكتبلي كم شغلة حابب فضفض شوي

يمكن ميمي فايقة من الصباح

موصلة توتي للمدرسة وكانت هون بالصالون قبل شوي

فكرت بس انا اللي صاحي

الله يبعت الريم ولولو من الصبح حتى نشرب القهوة سوى

أكيد أكيد بتكون علقانه خناقة بغرفتهم وبيكون صوت الريم طالع

الله يكون بعون ستهن عليهن

نسيت أحكيلكن

أنه جدة ريم لولو تعتبر عضوة عضوة شرف وضيفة شرف معنا هون ببيت الشام

لآنها دائما حسها موجود معنا

سيرتها دائما بينا

صح ما منشوفها بيناتنا

وما بتنزل قليل من غرفتها لكن دائما سيرتها وسيرة ماما ( أمها للريم و ل لولو معنا )

صحيح نسيت نسيتوني شو كنت حابب أكتب

بها الورقة والقلم اللي جايبهن معي



الله يسلم إيدين سوسو من الصباح حضرت القهوة بس خليني شوف شو ه الروقة اللي حاطتها جنب فنجان القهوة



هاتي لشوف

اهاااااااا

قائمة بأسماء مدارس وروضات وأرقام تليفوناتهن

مشكلة مع ها المدارس ها الأيام

بدنا روضة ما تكون بعيدة _ حتى سألوا ميمي عندها تجربة

وبدنا روضة ما تكون غالية

وبدنا روضة يكون وسط الطلاب اللي فيها مقبول نوعاُ ما

لآنه لو بدك تقول روضة توب بجدة بدك تدخل بأرقام خيالية بدك تدخل بمبالغ 75000 ريال بالسنة

مالي عارف وين الخلل الخلل بللي عم يطلب 75000 ريال ولا المشكلة باللي عم يدفع ال 75

بعدين روضة يعني مو جامعة

يمكن عندكم ذكر عن بعض الجامعات

ما بعرف أنا سمعت أنه جمعة عفت بالساعات نظامها نظام ساعات بالسنة بتوصل ل 200000 ريال

يعني خمس سنين أنه شو بده الواحد الطالبة شو بدها تتووظف بعدين ولا شو تشتغل بالشهادة

بجد الله يعين الناس

كل شي صار تجارة حتى التعليم صار تجارة

حتى الصحة صارت تجارة

معليش كان معي تليفون



وين كنا يا جماعة

نسيت قول أنه الريم وميمي صوتهن لعندي من الصباح عاملين مشاكل

كمان مالي شايف ملوكة شكلها متل عادتها مع العصافير على البرندة عم تفطر



صبحها بالخير وياريت تنزل لهون للصالون نشوفها شوي

حاكم ما بتشوفها يا غرقانه بالمكتب من الصبح

يا غرقانه بالمكتب

لكن اللي جايى على بالي جيب سيرتها من الصباح

صديقة إعلامية نضمت معنا لمنتدى ورد الشام

ها الصديقة حتى لأن مالي سام لها صوت

مع أنها بيقولوا عنها أهلا الحلا كله

كمان انشالله تنزل ونشوفها معنا بالصالون

مرحباااااااااللكل وخصوصي يلي جاب سيرتي من عند الصبح يا جماعة انا بصلي الصبح وبنام يعني بشرب فنجان القهوة وبنااااام انا لسه طالبة بدرس بالليل كتير بعدين انا بلعي كتير القعدة معي مو نصيحة وبعدين حشرية وبدخل بالواحد كتير اسألو ميمي على المسنجر شوووبلت شو استاذ وائل لسه بدك ياني انزل عالصالون
:1qw2:

لك والله ما بتندم ياعمو وائل

لك احلى قعده واحلى حكي مع منيرفا

الله يحميها يارب حبابه ومهضومه كتير

حتى جاي على بالي اخطبها بس لمين بطلت اعرف بركي لزوجي بيمشي الحال


يالله انا راح فوت شوي ع غرفة ريمون اسمها مو هون ع بالي بيبسي وشيبس بركسي بلاقيها مخبيتها تحت التخت

يعني نحن مو متفقين
أنه في تنكيش بالغرف وتحت المخدات
وين رايحة ميمي
على كل حال كل شي بتلاقيه بالنص

بعدين منيرفا يسعد صباحك
ونهارك سعيد انشالله تكوني قفلتي بابا غرفتك حتى ما يصير تنكيش وبحبشة تحت مخدتك
شكله ميمي راحت تعمل لفة بالغرف
فينا نسميكي نئائة يعني
وكتيرة حكي
انا اللي وصلني غير هيك
طبعا من ميمي
وصلني انك ذوق كتير

ييييييييي شوفوا كيف فضحت حالي هلئ بيعرف انه انا اللي نكشت بغرفته
لعمو وائل

ايه يا جماعه قولولي شو بتعطوني لحتى خبركم شو لقيت بغرفته

شكرا كتييييييير عمو وائل والله انت كل الذوق .....
شوف بس انا ما بقفل غرفتي على حدا كيف اذا كانت ميمي خليها تفوت ايمت ما بدها وتاخد شو ما بدها عادي بعدين ما لح تلاقي تحت المخدة حاليا غير رواية نسيان لاني عم اقراهاميمي اذا بدك الاكلات الطيبة بتلاقيهم بالخزانة يلي على اليمين خدي شو ما بدك بس مو لالك لابنك يلي بيجنن يقبرني

صباح الخيـــر ...
ممم ما احلى هالصباح مع هالمطر شو بيجنن
يا أهل البيت وينكم أنا قاعدة عالتراس وعم اشرب نسكافيه
انا وريمون تعالو معنا بدي ضل صرخ ساعة انا يعني من هالصبح
فضحتونا بين الجيران شو بدهم يقولوا عنا
ميــمي شو يا انا مو قلتلك أكتر من مرة عيب هالعادة
لازم نعملك عقوبة ...
لازم نعمل اجتماع اليوم بالصالة لحتى نعطيكي العقوبة اللازمة ..
لك البارح بالليل فضحتك ريمون ما سمعتي صوتها واصل لغرفتك
كانت ناوية تطلع تعملك خناقة بأخر الليل
بس مسكتها ستي باللحظة الاخيرة قالتلها عيب ولي هنن 5 كياس شيبس و4 علب ببسي وعلبتين شوكولا وما خلتها تطلع لعندك..
ديري بالك منها ..
مو حرام عليكي تعملي فيها هيك للمخلوقة
كانت ناوية تاكلون قبل ما تنام ويلي يبقى تاكلوا وهي نايمة
ما بعرف كيف عم تلحق هالبنت الله يعين بطنها لو كان الها تم كانت حكت ..
بس انا بشك انو في عندها ثقب بمعدتها وطبعا انتي كمان معها


((وخليني من ريمون بيني وبينك شو لقيتي بغرفة الاستاذ وائل
لانو ياما شافو قافلها ومحدى يسترجي يفوت لهنيك..))

تعالي حكيلي عالتراس

أوف أوف أوف
شو هآد مآ بيعرف ألوآحد ينآم بهألبيت
شو هآد وآئل من ألصبح وأنت مبلش رغي رغي رغي رغي رغي رغي يؤ يآ شيخ مآ بتتعب حكي
هي ألأف أم بتسكر بعد ألـ 12 ومحطآت ألتي في بيسوآ فترة أعلآن وبيرتآحوآ
وأنت نآزل رغي مآ خلصت يؤ
نكشت مخي وأنآ نآيمه وسآمعه صوتك من فوءءءءءءءءءءءءء
ومدآومه طول ألليل وعندي دوآمي ألتآني ومآ تركتني نآم :@
بعدين شو بدك بعصآفيري آه شو بدك فيهون
أتركهون يفطروآ برآحتهون <-- فيس ميت ضحك ولسآنه 66 متر
أيه مآ علينآ من وآئل <-- برآ
صبآحكون خير وسكر يآ بنآت
وريمون صبآحك بيبسي
بطلوآ حشريه وبحبشه شو عم تبحبشوآ بغرفة وآئل
مآ رآح تلآئوآ غير ورء مخربش ومرمي هوني وهنيك
وسجآير وفنآجين ئهوه
يلآ بدي أنزل للدوآم بدكون جيب معي شي بألرجعه غير بيبسي ريمون.؟!

كأني أنادلت مبارح وكتبت مشاركة هون بس مالئيتهاوينها

يا جماعة انا لازم روح هلى لاني بدي انزل على الجامعة الله وكيلكم مقدمة اعتراض على مادة من فصلين ولهلى لا حس ولا خبر هلى بدي روح شوف شو صار معهن لاني كل ما بروح بيقولولي تعي بعد شهر خايفة يتوقف تخرجي على هالمادة الله يعيني يمكن انا كمان شكلي لح اتخانق معهم لانو طفح الكيل.....يلا باي ادعولي

يالله شو هالبيت

الواحد ما بيلاقي غير ناس عم تغر

يالله شو بتحبوا الحكي

الواحد مابيعرف ينام له ساعه او يصفى لنفس شوي بهدوء

سبحان مين وفق جماعة رغايين

خليني هلئ اطلع لي شوف بحبش بهالمطبخ شوف شو زايد من طبخات الصبايا حاكم جوعانه

أوفففف الكل ماشي بهالبيت على كيفو شو هادا لا في نظام ولا في حدا قدران ينسئل عليكم لازم واحد منا يعمل دور دور للطبخ والتنظيف والنوم أهم الشي مشان كل الي بالبيت ينامو مرتاحين ويشبعوا نوم مشان الي عندو دوام أو جامعة أودراسة يعرف كيف يمارسوها بنشاط دون عوائق وهو كالتالي :
1-النوم في وقت معين للذين عندهم دوام أو ما شابه .
2- والي ما عندو شي يقدر الناس الي نايمة وما يطالع ضجة
3- وشرط كل يوم الصبح بتفيق الست رورو وبتعملنا دولت قهوة كبيرة لكل الأعضاء ونشربها حولين البحرة أمممممممممممممشو طيب هالقهوة تسلم ايدها لرورو
4-وبعدين الناس بتروح لأشغالها
5-والي عليها الغدا بتكتب قائمة بالطلبات وبتعطيها للأستاذ وائل شو لازم يساهم معنا
6- والمجموعةالي دورها بالتنظيف بتقوم بتشد حيلها وبضب الغرف وبتشطف أرض ديار والي عليها الغد بتحضر
7- وبعدين هيك بيروح الوقت 2 الضهر وبيجو البنات من برى بدون يتغدوا
وبعدين بنتجمع بنحكي عن يومنا وهكذا
8- والسهرة طبعا مشان ما تزعل الريم ح تكون مليئة بالببسي والشيبس وأفلام الرعب وووووووووووو
وان شاء الله تكون الكل قضى يوم حلو بصحبتنا وبعدين كيف ليلاس تتركنا ما بنسمحلى انت من أساسيات هالبيت وخلص ح نوفرلك جو الهدوء الي بتحبيه هيك اتفقنا نحنا والأعضاء

ياسلام مأحلى جو البيت الي كلو تفاهم وانسجام وأخوية وصداقة
ولنا يوميات جديدة في بيتنا المتواضع الذي لا يرد أحد والداخل مولود والخارج مفقود ههههههههه
تحياتي الى كل الاصدقاء والى صدى الأشواق التي فتحت لنا هذه الزاوية لتعبير عن مدى انسجامنا في جو هذا المنتدى الجميل الأخوي والعائلي
بعرف اني كركركركركركركركتيرعلى غير عادة هادا دليل على التواصل :sleep: :affraid: