جلسة صراحة مع مااري

مسالخير ماري انا ما عم شارك بالمنتدى لذلك ماعرفتك منيح
بس كان جاوبتي ع الاسئلة التقليدية بالاول وتعرفنا شوي عليكي ح اسئلك كم سؤال صغغغااار
1-حدى بتحبي كتير وبتعرفي انو بحبك بس مشكلتو انو لطيف بالتعامل مع الناس ومعك بيتصرف بشكل جدي وصارم
شلون بتتصرفي حيال الموضوع

2-شو اكتر شي بيوجعلك قلبك

3-لو انتي قدام قرار قلبك يقلك لا وعقلك يقلك ايه على مين بتردي
4-شو رايك زواج الحب انجح ام زواج اﻻهل
5-شو كونتي خبرة بحياتك من هالدنيا

اهلا سوسكانا تشرفت بمعرفتك كتير


1-حدى بتحبي كتير وبتعرفي انو بحبك بس مشكلتو انو لطيف بالتعامل مع الناس ومعك بيتصرف بشكل جدي وصارم
شلون بتتصرفي حيال الموضوع

هذا امر يحصل وبكثره في مجتمعنا
يحصل بين الاب واهل بيته وخاصه بناته
بين الاخ واخته
بين الزوج وزوجته
اكثرنا عانى منه وما زلنا نعاني؟؟؟
اولا احاول ان اجمع المفارقات واضعها امام هذا الشخص كنوع من المقارنه
ولكن قد يقول لي انت لا اجاملك اما غيرك فاجامله
وغيرك ليس مهم بالنسبة لي ان كانت تصرفاته صحيحه ام غير صحيحه
لذلك الشده معك من باب الحرص والاهتمام
بكل صراحه سوسكانا انا شخصيا اعاني من الامر من ناحيه اخي وابي
واخيرا استسلمت واصبحت اداري وانتبه لكل تصرفاتي التي تزعجهم واحسن بعض التصرفات وليس كلها
التي قد توتر اعصابهم؟؟؟؟
ومع هذا ما زلنا على اختلاف مع اننا لسنا على خلاف
الاستسلام في حاله كهذه افضل شي
انا جربت كل الاسلحه المواجهه -الزعل - الاحراج -العصبيه .....وما طلع معي شي
دائما نفس الجمله نحنا منخاف عليك وبتهمنا مصلحتك
و ان انتبهنا لانفسنا قليلا سنرى باننا جميعا نتصرف بهذا الاسلوب اي شديدي اللطافه مع الغير
يعني مثلا مره صار مشكلة بمدرسة ابنة اختي الامر اضحكني وشفته عادي ولم اعلق عليه امام الطالبه التي هي صديقة ابنة اختي
ولكن عندما علمت ان ابنة اختي كانت معها بالمشكله جن جنوني
وعملت محاضره بالاخلاق وحسن التصرف لابنة اختي وعندما قالت لي بتعجب ليش ما حكيتي هالحكي مع صديقتي
قلت شو بدي منها عندها اهل يربوها انا مالي دخل فيها


2-شو اكتر شي بيوجعلك قلبك

اكتر شي بيوجعني قلبي وبيقطعه اني شوف طفل محروم
او مضطهد او يتيم الآم الاطفال اكتر شي بيوجعني قلبي


3-لو انتي قدام قرار قلبك يقلك لا وعقلك يقلك ايه على مين بتردي

والله يا سوس لو سالتيني هالسؤال بالمقهى كنت راح قولك العقل
بس بصراحه انا كلام القلب هو الي برد عليه
غلط اكيد بس قلنا جلسة صراحه شو اعمل

4-شو رايك زواج الحب انجح ام زواج اﻻهل

اكيد لا الحب مقياس زواج ولا زواج الاهل ايضا
الامر يتعلق بالشخصين المتزوجين
هاهل سيتمكن كل منهما من اتقان لغه الاخر كي يكون هناك تفاهم بينهما
كم من زيجات الاهل نجحت وكانت رائعه
وكم من زواج بعد قصة حب صاخبه ومع هذا تكلل الزواج بابغض الحلال الطلاق
الزواج لا يحكمه اي مقياس الا تفاهم الزوجين

5-شو كونتي خبرة بحياتك من هالدنيا

الخبرة بالحياة مهمه وهي الدروس التي ندفع ثمنها من ذاتنا
يعني الي منتعلمه من كيسنا
اقول على الانسان ان لا يعمل اي عمل ليرضي البشر
فارضاء البشر غايه لا تدرك
اعمل ما يرضي الله ويرضيني
وعمل الخير لا يضيع عند الله ولو ضاع عند العباد
وكل اناء ينضح بما فيه


----------------------------------------

مرحبا مرمر
والله انا فايته ع السريع وقريت ردوردكم كمان ع السريع

لاني شوي مشغوله وخفت انشغل اكثر وتروح علي الجلسه لا سمح الله وما لحق اسأل شي

فمن شان هيك راح اسالك ع السريع ومن غير تنسيق او ترتيب ولهيك اعذريني

طبعا اول شي بدي اشكرك على قبولك لتكوني معنا في جلسة الصراحه وبصراحه كمان لتجاوبك السريع معي وقبولك

وهلئ لنبلش

اول شي بدنا نعرف مرمر منيح
شو بتحكي لنا مرمر عن حالها عن اهلها وحياتها ؟؟

بدنا ياكي تحكي لنا تفاصيل يوم روتيني عند ماري
يعني من اول مابتفيق لتنام شو بتساوي مرمر بيومها ؟؟

مين اقرب شخص الك وبتلجأي له في شكواكي ؟؟

مرمر بخلال تجاربها وحياتها شو التحدي الي واجهته ونجحت فيه اكتبي لنا عن تجربتك ؟؟

ومرمر شو الشي الي قدرت تغيره بحالها ؟؟


كيف ممكن شخص ما يكسب ثقة ماري في كل من الحالات
الصديق او الصديقه :
الحبيب :
عن طريق النت :
من العائله :

لو كنتي حدا ثاني غير مرمر حيالله عضو وحبيتي تسالي مرمر3 اساله شو تساليها وشو جوابك على هالاسئله ؟؟

وهلئ لنفوت لخيال مرمر شوي

مرمر شو اكثر شي بيجي بخيالها ؟؟

لو مثلا قلت لك تخيلي يوم دق الباب واجاكي هديه

مرمر بخيالها كيف ممكن تتخيل او توصف الهديه
يعني شكلها حجمها تغليفها لونها الى اي مدى ممكن يوصل خيال مرمر ؟
هالهديه شو ممكن تتخيل مرمر تكون ومن مين ؟؟

لو كنتي مثلا في زمن شباب نزار قباني
وشاف نزار هالمرمر ومابدنا نحكي شو صار
ومافي شوي الا ونزار بيقول قصيده لمرمر

شو هي القصيده الي بتحسيها قريبه منك او بتحسي كانها كتبت لكي ؟؟

ممكن مو شرط نزار ممكن حدا تاني اذا بدك ....


يالله كرمال ماطول عليكي وكثر

راح اسالك ع المنتدى

بدنا نعرف راي مرمر عن المنتدى بس الراي الناقد
يعني شو ملاحظاتك شو اقتراحاتك شو الشي الي مابيعجبك فيه شو في بتقولي لو كان هيك بيكون افضل ؟؟

لو مثلا طلبنا من مرمر تساوي لنا موضوع ليشارك فيه الجميع ويكون شوي حماسي شو فكرة الموضوع الي ممكن تقترحها او تساويها مرمر للمنتدى ؟؟


يالله هلئ كل هالاسئله اجت ببالي في التو واللحظه وكتبتها ع السريع وان شاء الله مايكون فيها شي يزعجك وان شاء الله تتقبليها

وبعتقد اني راجعه في اول فرصة فراغ


ايه صح لازم اسالك شو رايك فينييييييي ؟؟؟

هلا فيك ام التوت

اول شي بدنا نعرف مرمر منيح
شو بتحكي لنا مرمر عن حالها عن اهلها وحياتها ؟؟

انا من عائله تشبه معظم العائلات السوريه
امي معلمة ابتدائي متقاعده
ابي طبيب اسنان يمارس مهنته بشكل بسيط بمساعدة اخي الكبير لانه طبيب اسنان ايضا
نحن اربع اولاد انا اصغرررررهم واختي نسرين مدرسة رياضيات اكبرنا بيننا من العمر 15 سنه
بعدها اخي عماد الدين طبيب اسنان يزيدني 13 سنه
ثم تيم اخي الاصغر مهندس مدني يزيدني10سنوات
جميعهم متزوجين ولديهم اطفال تتراوح اعمارهم من 17 سنه حتى السنه
انا مرام اصغر من في المنزل ولست متزوجه
وعلى قاعدة صغير القوم خادمهم تخيلو شو متعوبه ::


بدنا ياكي تحكي لنا تفاصيل يوم روتيني عند ماري
يعني من اول مابتفيق لتنام شو بتساوي مرمر بيومها ؟؟

اه يا ام التوت كان السؤال بيشبه موضوع انشاء
استيقظ اغلب الاحيان الساعه 8 الا ربع يعني بنام لاخر لحظه
بعد عسل وجهي وتغيير ملابسي اخذ حبة فاكهه تفاحه او موزه واخرج من البيت
ادخل سيارتي واشغل محركها وانتظر حتى يشتغل الزر الاحمر وخلال هذه الفتره اكل فاكهتي

في عملي اشرب قهوة الصباح كل يوم مع الزملاء في العمل ممن هم في نفس غرفتي
ويكون الفطور على واحد من الزملاء بالغرفه
ان كان باستطاعتي الهرب من العمل لا اقصر ابدا

في الظهر بعد العمل اتناول غدائي مع امي وابي وهذا اجباري لا نقاش فيه
ادخل لغرفتي بعد ان انظف المائده بشكل كامل
احيانا اخد قيلوله قصيره واحيانا لا حسب نشاطي

قبل الاحداث كنت اذهب يوميا عند المغيب الى البحر امشي حوالي الساعه
اما وحدي او مع اي احد من اهلي او صديقاتي
الآن لا يمكننا هذا بسبب الخوف !!!!!

مساءا اشرب الشاي مع والدي لان والدتي لا تشرب الشاي مساءا
نتحدث احيانا بهدوء واغلب الاحيان بعنف لكن ينتهي الحديث بهدنه اتكفل العمل بها ومن ثم اخترقها
شو بعمل بنسى الاتفاق
متل اغلب العائلات الكلام والاحاديث قليله جدا التلفزيون اخد كل وقتنا
اخبار عن اوضاع سوريا راي العالم بما يحدث عندنا
ويكون اغلب المناقشات بيننا سياسيه من قلب الحدث نحلل ونضع خطط ونستبق الاحداث
بتعرفي ام التوت بسوريا الكل محللين سياسيين
ينام والدي ووالدتي في 11 ليلا
اسهر وحدي معظم الاحيان اسهر احيانا الى ما بعد 3 فجرا
رغم قدسيه النوم الا انني اكتفي ب5 ساعات بشرط ان يكون نومي مريح جدا

اذهب للنوم وانا اعلم سيكون الغد كاليوم بنفس الروتين



مين اقرب شخص الك وبتلجأي له في شكواكي ؟؟

اذا قلت لك ما في اي شخص بتصدقي
احاول ان اشتكي لنفسي اغلب الاحيان يمكن لاني عنيده شويه وبعتبر الشكوى ضعف
او لاني بخاف من الملامه او الانتقاد


مرمر بخلال تجاربها وحياتها شو التحدي الي واجهته ونجحت فيه اكتبي لنا عن تجربتك ؟؟

والله تحدي بمعنى التحدي ما كان بحياتي هيك شي
لان التحدي بالحياه بيكون عند اشخاص لهم اوضاع خاصه بيئه خاصه
ظروف معينه

ومرمر شو الشي الي قدرت تغيره بحالها ؟؟

قدرت غير بحالي بعض الامور
كنت اتصرف بعض التصرفات كي لا ينتقدني احد
اصبحت اتصرف حيث لا انتقد نفسي

كنت متسرعه وشديدة التوتر لاتفه الاسباب
استطعت ان اصل لسكينه وان اتعامل مع الامور برويه ودون عصبيه


كيف ممكن شخص ما يكسب ثقة ماري في كل من الحالات
الصديق او الصديقه :اكيد من تصرف معين يظهر النبل في اخلاق هذا الصديق او الصديقه
الحبيب :بالصدق واظهار حقيقته امامي دون مبالغه
ان يعترف بعيوبه قبل حسناته
عن طريق النت :علاقتي بالنت خفيفه جدا اظن ثقة النت صعبه شويه
من العائله :عائلتي خاصه اغلبهم ان لم يكونو جميعا يكسبون ثقتي


لو كنتي حدا ثاني غير مرمر حيالله عضو وحبيتي تسالي مرمر3 اساله شو تساليها وشو جوابك على هالاسئله ؟؟

1- ليش انتي عنيده واحيانا انانيه
يمكن لاني اصغر اخواتي وبيني وبينهم عمر لا باس به لذلك احب ان احتكر اي شيء لنفسي
2-مرمر ليش بتنسي واجباتك وبتطالبي بحقوقك من ابويك خاصه
لاني بنسى انه علي حقوق ويمكن نوع من الاستغلال العاطفي لابوي
3-لماذا تكابري على نفسك؟؟؟
لا ادري

وهلئ لنفوت لخيال مرمر شوي
مرمر شو اكثر شي بيجي بخيالها ؟؟
حاليا لا يحتل خيالي الا عودة الامن والامان لبلدي
وترجع سوريا متل ما كانت
لو مثلا قلت لك تخيلي يوم دق الباب واجاكي هديه

مرمر بخيالها كيف ممكن تتخيل او توصف الهديه
يعني شكلها حجمها تغليفها لونها الى اي مدى ممكن يوصل خيال مرمر ؟
هالهديه شو ممكن تتخيل مرمر تكون ومن مين ؟؟

لا يمكنني تخيل هديه لان الحجم والنوع والغلاف لا يهمني
اي ذكرى من صديق مهما كانت احبها واتخيلها اثمن الهدايا

لو كنتي مثلا في زمن شباب نزار قباني
وشاف نزار هالمرمر ومابدنا نحكي شو صار
ومافي شوي الا ونزار بيقول قصيده لمرمر

شو هي القصيده الي بتحسيها قريبه منك او بتحسي كانها كتبت لكي ؟؟
ممكن مو شرط نزار ممكن حدا تاني اذا بدك ....

اني خيرتك ..مع اني لا استطيع ابدا السباحه ضد التيار؟؟؟؟

يالله كرمال ماطول عليكي وكثر

راح اسالك ع المنتدى

بدنا نعرف راي مرمر عن المنتدى بس الراي الناقد
يعني شو ملاحظاتك شو اقتراحاتك شو الشي الي مابيعجبك فيه شو في بتقولي لو كان هيك بيكون افضل ؟؟

لا يمكنني الانتقاد وانا جديده بالمنتدى رغم انه كامل وفيه الفه رائعه ومنتدى عائلي
لماذا الحضور فيه قليل !!!!

لو مثلا طلبنا من مرمر تساوي لنا موضوع ليشارك فيه الجميع ويكون شوي حماسي شو فكرة الموضوع الي ممكن تقترحها او تساويها مرمر للمنتدى ؟؟

لا يخطر ببالي الآن اي موضوع بصراحه
لا ادري يمكن تجي فكرته بعد شوية وقت

يالله هلئ كل هالاسئله اجت ببالي في التو واللحظه وكتبتها ع السريع وان شاء الله مايكون فيها شي يزعجك وان شاء الله تتقبليها
طبعا اتقبلهاوبكل سرور
وبعتقد اني راجعه في اول فرصة فراغ

اهلا بك ام التوت
ايه صح لازم اسالك شو رايك فينييييييي ؟؟؟
بتجنني والله يا ام التوت

ماري الجلسة معك بجنن والله يعنك ويحمل معك يخفف عنك بجد ئلبي عندك

جينا لجلسة الصراحة

جاي ع بالي شغلك اليوم بإعتبار أم التوت مالها سئلة دخلت مستعجلة

السؤال الأول

خليه لبكرا يلا بلا ما عذبك اليوم

السؤال الثاني

كمان أجليه لغير يوم والله ساره قطعت قلبي عليكي

السؤال الثالث

كمان خليني أجله يومين

أخر سؤال

كتبي لشوف بلشي من أول السطر

خلي مسافة بيضا قبل ما تكتبي يعني خلي يكون في هامش



حسني خطك





يلا فرجيني شو كتبتي

أخر سؤال
كتبي لشوف بلشي من أول السطر
خلي مسافة بيضا قبل ما تكتبي يعني خلي يكون في هامش
حسني خطك
يلا فرجيني شو كتبتي



قيل " عندما تحب تصبح حياتك أجمل " وقيل أيضا "
لكي تكون راض ما عليك إلا أن يكون قلبك خال "
وبالتالي فنحن أمام خيارين مختلفين لكل واحد منهما ميزاته وسلبياته
أحداهما يجعلنا نواجه كل المصاعب بقلب راض
وقد امتلئ قلبنا مشاعر نبيلة وأحاسيس سامية
يصعب على أي واحد منا أن يصفها أو يوصفها لأنها مجرد أحاسيس
نشعر بها وقد تموت عندما نعبر عنها باستخدام المفردات
وأجمل شيء في الحياة عندما يكون لديك حبيب وشريك
يخاف عليك ويعتني بك والعكس صحيح وتتشاركان كل ما تمنحكما إياه الحياة
وقتها سوف تحب الحياة من أجل أن تبقى معه
وإلى جانبه لأنه السبب الذي تراه يستحق من اجله أن تعيش
في دنيا مليئة بالمشاكل والمصاعب والتحديات
وتتمنى لو بإمكانك أن تعيش معه أكثر من حياة
وحتى لو عاد بك الزمن إلى الوراء لن تختار سواه ..

بينما من يسلك الخيار الآخر سيواجه الحياة بمفرده
ويجد بأن مجابهتها ليست مستحيلة مازال وحده بحجة أن شدتها عليك
ستكون أرحم مما لو كان معك شخص يمكنك وصفه باختصار
بأنه نصفك الثاني والذي تحاول توفير كل شيء لأجله
محاولا تأمين أفضل حياة تتمناها له وتقتنع بأنك عندما تلعب وحدك
ستخرج من لعبتك راض لأنه لا يوجد لديك ثقل إضافي
سوف يضاف عليك وعلى ما تأتيك به هذه الحياة
ولكن هذا لا يعني بأن هذا الشخص خال من المشاعر
التي يتمنى لو يشاركه بها أحد ما ولكنه يفضل الإحساس بالوحدة
لكي لا يظلم معه من يحبه ولكي لا تتشكل لديه عقدة الذنب
لأنه قصر في حقه لذلك يفضل أن يحرم نفسه من هذه المشاعر
على أن يخط بيديه أسم حبيبه وهو يضيفه إلى لائحة العذاب
وبالتالي سوف يضيف بفعلته هذه مواجع أخرى إلى هذه الدنيا ..

ولو أمعنا النظر بأنفسنا وعلى من حولنا لوجدنا بأنه يوجد منا من يندرج
عليه أحدى هذين الخيارين وكثيرون منا ضائعين أيا نختار
فنقف مكاننا على مفرق الطرق نتأمل ونحتار
هل نسلك الطريق المتوجه نحو اليمين
أم نذهب باتجاه اليسار
وفي نهاية المطاف أتوجه بسؤالي إليكم
أي خيار تختارونه أو أي خيار تعيشونه الآن .


بقلم محمد قاسم الساس

خالتو مااااااااااري بدي اتئل دمي واسئلك
يلا ابلش؟؟؟؟؟؟؟؟
السؤال الاول
لو عاد بك الزمن للوراء ماذا ستغيرين في حياتك؟
السؤال التاني

من هو اكثر شخص تفكر فيه؟
السؤال الثالث


لمن تهدين

* وردة حمراء؟

اهلا فيك زهرة النرجس

من هو مثلك الاعلى بالحياة؟؟؟

لن احيب بالجواب التقليدي امي ابي ......
مثلي الاعلى في الحياة كل انسان استطاع النجاح رغم ظروفه الصعبه
كل معاق تحدى اعاقته وانتصر على الاسوياء
كل من يدافع عن وطنه


من هو شاعرك المفضل؟؟؟

ليس هناك شاعر معين احب اشعار نزار
وشعر المتنبي
ايليا ابو ماضي
بدوي الجبل

من هو مطربك المفضل؟؟؟

فيروز -ام كلثوم -عبد الحليم

هل تهتمي بالسياسة ؟؟؟

جدا

هل انتي عصبية ام هادئة؟؟؟

اميل للعصبيه اكثر من الهدوء

هل انتي مدخنة ام لا؟؟؟وما هو رأيك بالتدخين ؟؟؟ وما هو رأيك بالمرأة المدخنة على وجه التحديد؟؟؟

لست مدخنه لا احب التدخين بتاتا
المراة الدخنه بنظري كالرجل المدخن فالعادات السيئه والمضره ليست حكرا على جنس معين

ماهي القناة التلفزيونية المفضلة عندك؟؟؟

الدنيا --سوريا

ماهي احب زهرة الى قلبك؟؟؟

الغاردينيا

هل تحملين في قلبك ِ الكثير من الاسرار ؟؟؟

نعم

ما هو الشيء المميز الذي يسعد ك ويدخل الفرحة الى قلبك؟؟؟

مساعدة الناس المحتاجه سرا
بسمة طفل حرمته الدنيا من اشياء كثيره

- كلمة توجهيها الى اخواننا في فلسطين المحتلة

ما اخذ بالقوه لايسترد الا بالقوه
ونحن اليوم مثلكم ولكن نقتل بايدي من ظننا انهم اشقاء وما هم الا اشقياء

- شخص ادخل الفرحة الى قلبك وتودي ان توجهي له كلمة شكر

قد لا اجد كلمات تصف شكري لانك في حياتي
فقد غيرت بداخلي امور كثيره وايقنت معك ان الحياة جديره بالعيش
شكرا لانك فتحت امامي دروب كانت مغلقه وبدلت دنياي من لونها القاتم الى لوحة الوان زاهيه
كلماتي لا تصف شكري الا قد تصف بعضا منه

عبري عن رأيكِ بالحب بكلمة واحدة

الحياة

عبري عن رأيك ِبالصداقة بكلمة واحدة

الجمال

عبري عن رأيك ِبالكذب بكلمة واحدة

الجحيم

ماذا يعني ورد الشام بالنسبة لك ِ؟؟؟

عائله جديده واحبها جدا

من اول شخص تعرفتي عليه بالمنتدى؟؟؟

waell-زهرة النرجس

أي اقسام المنتدى هو المفضل لديكِ؟؟؟

الاقسام الادبيه--العام--احاول ان ادخل لكل الاقسام

هل هناك نصيحة تتمني ان توجهيها لكل اصدقائكِ ومعارفكِ؟؟


*من اعتصم بعقله ضل ، ومن استغنى بماله قل ، ومن عز بمخلوق ذل
* وردة واحدة لإنسان على قيد الحياة أفضل من باقة كاملة على قبره
* لا تحاول أن تجعل ملابسك أغلى شيء فيك حتى لا تجد نفسك يوماً أرخص مما ترتديه .

ماري ياماري
كيفك ياماري

انا اجيييت لاسألك ياماري

لنبلش

بدي تقولي لي شو اكثر شي بتردديه في كل هالشغلات الي راح قولها :
اكثر كلمه بتقوليها :
اكثر غنيه بتردديها :
اكثر دعوه بتدعيها :

لأسالك اسأله عاديه
بعالم النت كل واحد اله منبر خاص فيه ليحكي عن حاله وعن شخصيته وقناعاته سواء كان عن طريق الفيس او المنتديات او المدونات او حتى التعارف بكل طرقه
برأي ماري ليش غالبية الناس بتحاول تكون مثاليه ودائما ممكن اذواقها وميولها تتجه للمثاليه وهو في الواقع غير هيك ممكن انا ممكن انتي ممكن اي حدا فينا بيتواصل مع الاخرين وبتظهر عليه الشخصيه الطيبه والرائعه وممكن مابنكون متقصدين ولا عم نمثل وكل شي بيطلع بتلقائيه بس بنلاقينا الي عم نكتبه غالبا غير الي بنفذه ليش برايك ؟؟؟



شو موقف ماري من بعض الرسائل او البوستات الي بتوصل الواحد وتيكون في امانه وبيحلفوكي مليون حلفان او بيقولوا لك مثلا على الفيس لو بتحب الرسول اضغط لايك او بيقولوا لك الي بيمنعك من هالشي هي ذنوبك ومابعرف شو وكتير من التهويل بالامر شو راي ماري بهيك موضوع وشو بتساوي لما بتوصلها هيك رساله ؟؟؟


ماري كيف بتكون بكل هالحالات :
لما بتكون رايقه :
لما بتكون معصبه كتيررر :
لما تدخل في نقاش عقيم :
لما بدها تثبت رايها ووجهة نظرها :
لما تدخلي في نقاش وحوار مممللل وليس من اهتماماتك بتاتا :
لما بتتعاملي مع طفل عنيييييييد :
لما يسقط احد الاشخاص من نظرك في وقت كان له مكانه كبيره في حياتك :
لما تجيكي بهدله مرررتبه من امك او ابوكي ويكون مادخلك بشي :


هلئ حاجتك ولا مو حاجتك
يالله بريحك شوي كرمال لو في حدا غيري بده يسألك
ولنا عوده

كيفك ياماري
مشتئتلك يا ام التوت

انا اجيييت لاسألك ياماري
اهلا فيك ام التوت وبكل اسئلتك

لنبلش
بلشي حبيبتي

بدي تقولي لي شو اكثر شي بتردديه في كل هالشغلات الي راح قولها :

اكثر كلمه بتقوليها :مآآآشي
اكثر غنيه بتردديها :والله بردد اغاني كتير بس بحب اغنية ام كلثوم هذه ليلتي كتييييييييييير
اكثر دعوه بتدعيها :اللهم انفعني بما علمتني وعلمني ما ينفعني وزدني علما"


لأسالك اسأله عاديه
بعالم النت كل واحد اله منبر خاص فيه ليحكي عن حاله وعن شخصيته وقناعاته سواء كان عن طريق الفيس او المنتديات او المدونات او حتى التعارف بكل طرقه
برأي ماري ليش غالبية الناس بتحاول تكون مثاليه ودائما ممكن اذواقها وميولها تتجه للمثاليه وهو في الواقع غير هيك ممكن انا ممكن انتي ممكن اي حدا فينا بيتواصل مع الاخرين وبتظهر عليه الشخصيه الطيبه والرائعه وممكن مابنكون متقصدين ولا عم نمثل وكل شي بيطلع بتلقائيه بس بنلاقينا الي عم نكتبه غالبا غير الي بنفذه ليش برايك ؟؟؟


امر عادي انه الانسان يكتب ما لا يفعل ومو عيب ان كان ضمن المحدود
الانسان يسعى للكمال ودائما لا يصل له لان الكمال لله سبحانه فقط
ولكن يسعى للاقتراب من هذه الصفه والاقتراب منها كلاميا اسهل بكثير من الاقتراب منها بالعمل
فالكلام لا يحتاج مجهود اما العمل يتطلب مجهود وقاسي ايضا
والتواصل مع البشر من خلال النت ياخذ في اغلب الاحيان طابع الود
فالمشاحنات قليله والخلافات بسيطه ولكن في حال المواجهه يختلف الامر
والنقاش في النت يكون نقاش عام وليس خاص
ونحن نتحسس من المناقشات الخاصه التي تخصنا مباشرة
لذلك نميل للطيبه لاننا نتعامل مع بعض عن بعد وبشكل غير مباشر
وان لاحظنا حتى بحياتنا العاديه نحن لطفاء مع اي شخص يتعامل معنا من بعيد
لا يتدخل باي شيء يخصنا ولا يوجه لنا اي ملاحظات لاذعه على تصرفاتنا ولا ينقدنا
يعني بيتعامل معنا بشكل رسمي كتير


شو موقف ماري من بعض الرسائل او البوستات الي بتوصل الواحد وتيكون في امانه وبيحلفوكي مليون حلفان او بيقولوا لك مثلا على الفيس لو بتحب الرسول اضغط لايك او بيقولوا لك الي بيمنعك من هالشي هي ذنوبك ومابعرف شو وكتير من التهويل بالامر شو راي ماري بهيك موضوع وشو بتساوي لما بتوصلها هيك رساله ؟؟؟

انا ما عندي حساب على الفيسبوك
بس مو يعني اني ما بدخل عليه بدخل من حساب لاخي وخاصه على الاخبار السياسيه
وبشوف هذه البوستات
انا بقول الي بيكتب هيك شي انسان فارغ
وانا ما برد هل هذه البوستات ابدا حتى بالمنتديات


ماري كيف بتكون بكل هالحالات :

لما بتكون رايقه :
وااااااااااااااااو ملااااااااااااااااك خالص

لما بتكون معصبه كتيررر :
ما بشوف بصير متل العميان بضرب يمين وشمال
وبحكي اشياء بندم عليها بعدين


لما تدخل في نقاش عقيم :
بعصب وبقول ماشي متل ما بدك

لما بدها تثبت رايها ووجهة نظرها :ان كنت على حق بوجة نظري ومتاكده منها
خلص ما في مجال اتراجع استجمع كل السبل الممكنه للاقناع

لما تدخلي في نقاش وحوار مممللل وليس من اهتماماتك بتاتا :
انسحب وارفض النقاش لانه لا يهمني او لا اعرف عن الامر شيء

لما بتتعاملي مع طفل عنيييييييد :
هذا امر فوق طاقتي لا يمكنني تخيله

لما يسقط احد الاشخاص من نظرك في وقت كان له مكانه كبيره في حياتك :
اشعر بالحزن على نفسي والقهر على سوء تقديري له
الوم نفسي جدا وادخل بحالة تشبه الكآبه قد تستمر لفترة ليست بقصيره

لما تجيكي بهدله مرررتبه من امك او ابوكي ويكون مادخلك بشي :

بتفجر ام التوت وبحاول بشتى الطرق اثبت برائتي
والايقاع بمن كان السبببشتى الوسائل


هلئ حاجتك ولا مو حاجتك
اي والله حاجتي
يالله بريحك شوي كرمال لو في حدا غيري بده يسألك
ولنا عوده
الف شكر ام التوت كلك ذوق
-----------------------------------------

نورتي زهرة النرجس

شو رأيك بزواج الاقارب
هل انت مع او ضد هالموضوع وليشش
يعني حكينا عن الموضوع شوي

انا وبشكل شخصي
لا احب زواج الاقارب اما الاسباب
اولا
لم اقع بحب احد من الاقارب وهذا الاهم لانه في حال وجوده قد يكون لي راي مختلف

ثانيا
سبب وراثي ففي بعض العائلات التي يكثر فيها زواج الاقارب يكون هناك تشوه بالاطفال

واشعر زواج الاقارب فيه زياده بالمشاكل العائليه ليس بين الزوجين على وجه التحديد
لكن بين اهل الزوجين
التدخل بكل شيء
الحديث ببعض الاخطاء لاحد الزوجين ولو كانت قديمه جدا
وحتى قد تكون منذ كان طفلا
وصف الاطفال وتشبيههم باحد الاقارب الفاشل
مقارنة الزوجه او الزوج باقاربهم الافضل حالا


اهلا بك زهرة النرجس
بانتظار عودتك

waell كتب:
لم اقع بحب احد من الاقارب وهذا الاهم لانه في حال وجوده قد يكون لي راي مختلف

ثانيا

انا لما بوقع ما بنزل بحفرة متل هذه

مااري يا مااري بسعد مساكي يا مااري
اتفضلي
السؤال الأول:
مااري إنت بتشوفي حالك محظوظة واخدة فرصتك بمجتمعنا
السؤال التاني:
إذا عطوكي طاقية الإخفى وقالولك لبسيها لشخص بحياتك مين بتختاري
السؤال التالت:
إذا عطوكي قوتين واحدة قوة شر والتانية قوة خير وقالولك استعمليها لمرة وحدة وبأمورخاصة فيكي لشو بتستعمليهم
السؤال التالت:
شو بتحبي يكون فارق العمر بينك وبين الشخص يلي لح تتزوجيه كبير لما صغير واعتبري مافي فرق وسط وليش
السؤال الرابع:
شو اللعبة يلي وإنت وصغيرة ما لعبتيها ونفسك تلعبيها هلق
السؤال الخامس:
شو هو السؤال المحرج يلي ما بتحبي حدا يسألك ياه
السؤال السادس:
إذا حبيتي شخص كتير وهو حبك وكان محترم وأخلاق معك وفجأة عرفتي إنو يتيم (مجهول الهوية) بتكفي بعلاقتك معه
السؤال السابع:
اختصريلي مااري ب 3 كلمات بس
السؤال التامن: لا خلص خلصت

مااري يا مااري بسعد مساكي يا مااري

يسعد مساكي مينيرفا

اتفضلي
السؤال الأول:
مااري إنت بتشوفي حالك محظوظة واخدة فرصتك بمجتمعنا

انا بعتبر نفسي في مجالات معينه محظوظه
ولكن صعب كتير ناخد فرصتنا الي نطمح الها بمجتمعنا العوائق كتيره

السؤال التاني:
إذا عطوكي طاقية الإخفى وقالولك لبسيها لشخص بحياتك مين بتختاري

بختار مديري بالشغل
يا ريت برتاح من شوفته

السؤال التالت:
إذا عطوكي قوتين واحدة قوة شر والتانية قوة خير وقالولك استعمليها لمرة وحدة وبأمورخاصة فيكي لشو بتستعمليهم

امرين يحكمان الكون ويميزان بين الناس ولهما اثار على الحياة
فالصراع بين الخير والشر صراع ابدي حتى في دواخلناوان اعطوني
قوة الشر: ساقتل الاشخاص المتملقين لمصالحهم في حياتي
فوة الخير: ساجعل اصدقائي بارغد العيش

السؤال التالت:
شو بتحبي يكون فارق العمر بينك وبين الشخص يلي لح تتزوجيه كبير لما صغير واعتبري مافي فرق وسط وليش

فارق العمر ما هو مشكلتي ابدا حتى لو كان اصغر مني
صحيح العمر المتقارب قد يكون افضل ولكن الامر يتعلق بالشخص نفسه
احترام الطرف الاخر والاهتمام به ومساندته لا تحتاج لعمر
تحتاج لوعي ومحبه وتفاهم


السؤال الرابع:
شو اللعبة يلي وإنت وصغيرة ما لعبتيها ونفسك تلعبيها هلق

والله يا مينيرفا اللعبه مو وانا صغيره
المشكله وانا كبيره ((البلياردو))
رح موت لالعب بلياردو وما في عنا الا صالات للشبان فقط
وبصير حكايه لو فكرت روح العب بشي صاله


السؤال الخامس:
شو هو السؤال المحرج يلي ما بتحبي حدا يسألك ياه

ليش ما تزوجتي لهلق
والله حرام شو ناقصك
وهالشو ناقصك بترفع لي الضغط والسكر والشحوم والكلسترول

السؤال السادس:
إذا حبيتي شخص كتير وهو حبك وكان محترم وأخلاق معك وفجأة عرفتي إنو يتيم (مجهول الهوية) بتكفي بعلاقتك معه

بصراحه سؤالك حساس كتير
ومن خلال مجتمعنا الشرقي والعادات والتقاليد في مجتمعنا
على الاغلب ساقطع علاقتي ولو كنت مرغمه على هذا


السؤال السابع:
اختصريلي مااري ب 3 كلمات بس

متفائله متسامحه مهمله

السؤال التامن: لا خلص خلصت

شكرا لك منيرفا

ساعاود الرد على السؤال بما اكنزه في طيات الخيال اتمناه ولكن قد يكون تحقيقه من المحال
ولكن الاحلام ملكنا ولنا نكبر فيها وتكبر معنا
فان كنا لا يمكننا تحقيقها فلنسطرها لنذكر احلامنا دائما لانها لوحات افكارنا وشفافية دواخلنا


900مليار دولار

طبعا دون التبرعات والاعمال الخيريه التي بتمنى فعلها جميعا

ساقتني مزرعة كبيره فيها الكثير من الخيول العربيه الاصيله
وساحرص على ان يكون فيها اشجار قويه وثابته
من السنديان والسرو والحور
ولن انسى الخرنوب

فيها طبعا حلمي المشتل بكل انواع الورود البلديه
واخر لكل انواع الورود الاخرى

سابني منزلين احدهما في صلنفه باعلى قمه جبليه فيها
اريد ان يكون كل ما بداخله حتى الجدران من الخسب والصندل بالذات
وديكوراته الفاخره مكن خشب الخيزران

واضع به لوحات كبيره عالميه
احب لوحة الحصاد والموناليزا بنظرتها الشارده العجيبه

ومكتبه فيها من كتب التاريخ والشعر كميه كبيره

وفي وسط المنزل بيانو كبير وفاخر جدا مع اني لا اعرف العزف عليه الا ان شكله يغريني جدا

وفي الحديقه ارجوحة مريحه يمكنني الجلوس او النوم فيها

وبيت كبير جدا لكل انواع الحمام واحواض متعدده يسبح بها السمك بكل حريه

ومنزل اخر على شاطئ البحر
فللبحر وقع في نفسي كبير جدا
منزل كل جدرانه بلوريه شفافه كيفما نظرت ارى بريق الماء يتلألأ امامي
ولن يكون اقل فخامه من المنزل الجبلي
مع البيانو طبعا

وسته من الاحصنه واشد عليهم عربه ملكيه كبيره ويمكنني التجول بها بكامل الحريه
وسياره وطائرة فهي ضروريه لرحلاتي وتنقلاتي
سازور العالم كله حتى تلك القبائل البدائيه

waell
لقد ذهبت بي في رحله طويله ضمن خيالي
منذ كنت صغيره حتى اليوم

اتمنى ان اكون قد جاوبت على السؤال

صحيح ما راح انسى طاولات البلياردو اكيد
بكل بيت وبالحديقه وعلى البرندا

انا والله كل يوووم مشغولة
خالتو اليووم فاضية ئلت بسالك كام سال
بتسمحيلي
ابلش

من هم الأعضاء اللي تود مصادقتهم هنا ؟
.
من الشخص الي تتمنى ياخذ فرحك علشان ماتشوفة حزين ؟

آخـــر شخـــص تتـــذكــــره قبـــل ما تنـــــام؟

شي في نفسك تحب تظهره للآخرين ومنت قادر ؟
قطار حياتك الى اين يتجه ؟

حقيبة اسرارك عند من تودعها؟