جلسة صراحة مع مااري

شكرا استاذ وائل على المساهمة في طرح الاسئلة التالية وان شاء الله يوصل الكلمات يلي رح اكتبها لجاوب على اسئلتك

بلنسبة لمجال العمل والطريقة المتبعة في التدريس
انا ديما بحب وصل الفكرة للطلاب بطريقة سهلة ومبسطة وبعيدة عن التعقيد مع مراعاة المتميزين بكل شعبة
بذكر اجاني سوال بلسنة الاخيرة عن طريقة التدريس يلي بتحبي تتبعيها مع طلابك طبعا لكل مادة الها طرقها الخاصة وبلنسبة لمادة الانكليزي كان فيها اربع طرق وهي
القواعدية والترجمة /المحادثة/التعليم الفيزيائي/التعليم المباشر
حاولت اجمع بين الطرق الاربعة اخدت من القواعدية طريقة عرض القاعدة للغة الانكليزية بطريقة لو كانت تقليدية بس المهم يفهمها الطالب
بينما بحب قدم النص للطالب بطريقة المباشرة يلي بتعمد على فهم النص بدون ترجمة او اعطاء مرادف للكلمة بلغة الانكليزية نفسها واخر شي لما شوف الطالب ما فهمها اعطي المرادف العربي
وطبعا انا شجع يكون في المنهاج بعض المحادثات يلي بتخلي الصف يتنشط
اما الطريقة الاخيرة فهي تعتمد على اسلوب التدريس من خلال الحركات والالعاب وهيدي الطريقة بتناسب الصف الاول والثاني لانو بكونوا لسا اطفال وبتقبلوا المعلمومة بطريقة اللعب اكثر
وبلنهاية كل هاد مجرد نظريات وفي منها بدوا مدارس بتوفر كل مقومات النجاح متل النظام والنظافة وعدد الطلاب وقدرة المعلم على تنفيذها ومنشا الطلاب
وبعدين يا استاذ وائل المشكلة منهاج الانكليزي عنا عم يجمع بين الطرق بشكل مناسب بس المشكلة لا المدرس عم يقدر يفهم المنهاج ويستوعبه منيح مشان يفهمه للطلاب
وهيك منهاج يعطى لشعبة لا يتجاوز عدد طلابها 20 مو 40
يعني المنهاح حديث بس الطريقة المعتمدة عند الأساتذة تقليدية بحتة وبتعتمد على التبصيم وعدم الفهم

اما في مجال اهتمامي بلصحافة الرياضية هي صحيح مجردة هواية بس بتمنى بيوم اني حولها لعمل وكون اكثر حريفية فيها على طول كنت احلم صير صحفية واعمل لقاءات مع ابطال متل شوماخر وقلت ممكن اذا قويت لغتي الانكليزية وهوايتي بقدر حقق شي بلمستقبل

المهنة يلي بحب اني اعملها بصراحة اعمل محل لبيع الحلويات على حد قول كل يلي بياكل من حلوياتي واسال زهرة البراري شاطرة فيها خصوصا الكاتو



الحب................... انو الينبوع الوحيد الذي يشرب منه كل الناس مهما كانت انتمائاتهم والوانهم ودياناتهم
ما في احلى من حب الصديق بس بشرط يكون بدون تكلف او مصلحة او بدك تحسب كل كلمة مع رفيقك لما تحكي معو

اما حب الطرف الاخر فهو من اجمل الثمرات التي يقطفها الانسان في حياته مهما كانت هذه الثمرة حلوة او مرة يكفي انها ادخلت السعادة الي نفسه واكسبت روحه حياة بمكان اخر لا احد يعرفه وبعيدة عن نواميس الطبيعة
حتى لو كانت لحظات قليلة بس المشكلة بالحب الآن انو مو كامل او صادق بشكل كبير والمصلحة عم تلعب دور فيه بس بلنهاية لما رب العالمين بيجمع بين قلبين لو كان قدرهم ما يكونوا لبعض ويكملوا حياتهم مع بعض بس بكونوا عاشوا بارواحهم وقلوبهم مع بعض اكثر من اجسادهم وبنعرف انو الحب الروحي اسمى وانقي لكن اكيد لا يكتمل بدون الجسد
ومتل ما قال الكاتب الرائع لورانس اسمى انواع الحب هو الحب الذي يجمع بين الروح والجسد

مع انك أختصرتي بالرد
لكن وفيتي نوعاً ما كان عندك رد اوسع على ما اظن
لكن لي عودة على كل نقطة من نقاط موضوعك وردودك
بالمناسبة بردك على التدريس كمان حلوا حطيتي بعض النقاط اللي نعاني منها


تقبلي تحياتي لي عودة غدا

صديقتنا العزيزة شومي





نتمنى لكي كل المحبة وكل الطيبة



لقد كتبت لنا الصديقة شومي

عن حبها لعملها وظهر لنا هذا الحماس وهذا الوعي لاشك ان صديقتنا ليست

كباقي معلمات ومعلمي هذه الأيام لقد كانت دراستها صريحة وواضحة حول ما نعانيه

في الواقع التدريسي

نحن في سوريا لدينا أكفاء لدينا حتى معلمين اكفاء لكن هنالك واقع محبط

ونرى المدرس قبل حتى شروعه بالتدريس عنده الحس منتهي محبط

عنده سابق فهم أن هذه وظيفة ليس إلا



كل الشكر للصديقة شومي لهذه الإطلالة البسيطة

انا كتير بحب اتشكرك سيد وائل على ردك وكلمة وجدان يلي قصدتها فعلا كان الها وقع كبير عندي

بلنسبة لموضوع الصداقة يلي طرحته ولم اطيل فيه لانو ممكن هيدي الفترة صاير عندي ركود في الصداقة

واجهت اغلب انواع الصداقات متل صداقة المصلحة يلي واجهتني بلجامعة
لما كنت سنة اولى كانت شلتي بحدود 10 رفيقات جد كنا كتير بنحب بعض وكانت البرائة طاغية على اغلب تصرافاتنا او يمكن هيك كنت انا بعتقد بس لاسف بعدين بدر من اكتر من رفيقة المصلحة في الصداقة من خلال الاعتماد علي مشان المحاضرات
واتخرجت من الجامعة عندي 3 فقط على تواصل معهم طبعا غير زهرة البراري لانو هي صديقة المدرسة ويمكن اكتر وحدة على تواصل معها بعد التخرج صحيح بعدنا فترة خلال مرحلة الجامعة بس هلا اكتشتفت انها اقرب انسان الي وصديقة تانية بس تواصلي معها قليل بسبب غربتها وسفرها لعند زوجها


ديما مرحلة الصداقة بتمر بفترات ركود بس المهم لما بتشوف اصدقائك الحقيقين لو مرة بلشهر بتحي روحك وبتنعشها من جديد


اما شو كانت ردة فعلي لما واجهت اصدقاء المصلحة بصراحة صرت رسمية معهم وما احكي معهم الا بلمناسبات الضرورية جدا حتى في منهم صرلي سنتين او اكتر ما سمعت خبر عنهم
لانو شكلو صداقتي معهم صارت منتهية الصلاحية وهاد افضل تعبير لصداقة بتعمد على المادة اكثر من الروح





اما فلسفتي عن الحب الروحي فهي نتيجة اهتمامي وحبي للحب الروحي اكثر من المادي او الجسدي وما في اطهر ولا اقدس من الحب الروحاني لانو بخليك فعلا تتجرد من قيود الزمان والمكان بطريقة سامية ونبيلة وبكفي انك تفكر بلحبيب وتهتم بروحه وشخصه فوق كل اعتبار وتسكن بقلبه ووجدانه مهما كانت القيود كتيرة مفروضة عليك
ولما بتقدر توصل لهيدي المرحلة يلي هي اصعب انواع الحب رح تكون متاكد انو هاد الحبيب مستحيل يخذلك في يوم من الايام انما ظروفه ممكن تخليه يبعد عنك
وبلنهاية مهما وصلنا لنشوة الحب الروحي رح تضل انفسنا طواقة لامل اللقاء

شومي العزيزة

هذا ليس رد

هذا تألق بجد فضفضة صادقة

لكن طالما وصفتي وبعدتي الوصف بوصف الحبيب





لابد عندك وصف وصف بعيد للصديق

الصديق معاني وتصرفات

الصديق هو اللي ب يضيع معه كل الوقت

الصديق هو اللي ب تتكنسل معه باقي المواعيد

الصديق هو اللي ب تنسى كل همومك معه



أنتي كمان عندك طريقتك في وصفك للصديق







لكن اليوم طلعنا صديق جديد

صديق ما كان بيومياتنا

هو صديق الإنترنيت

صديق الإنترنيت المحكومة العلاقة فيه بجهاز الكمبيوتر





صديق الانترنيت في كتير أوقات بيكون قريب قريب كتير سواء بنت أو شاب

مع الوقت بتوصل العلاقة من الفضفضة والارتياح

لقضاء ساعات طويلة مع هذا الصديق القريب البعيد القابع أمامنا لساعات طويلة

في أصدقاء ينسوا الوقت على الانترنيت لساعات وساعات

وبيصيروا جزء من يومياتنا





وفجأة وكأنها كبسة دليت

هذا الصديق بيختفي



وكأنه دواء غسيل وغسل كل الساعات غسل كل الحكاوي

حتى لو بدنا نتطمن على هذا الصديق



نو وي مافي طريقة







حدثينا عن صديق الانترنيت

هل سبب غياب صديق او صديقة

صدمة معينة



بالمناسبة أنا غياب صديقة إنترنيت سبب لي صدمة

اول شي بعتذر كتير اذا ما قدرت اوصل للفكرة يلي كنت عم تبحث عنها لوصف الصديف وعلى فكرة كنت هلا ناوية اكتب عن صديق النت لانو بصراحة عم اكتشف حاليا انو اصدق واريح من صديق الوقع او متل ما بقولوا صديق العالم الافتراضي



فعلا سيد وائل عندي اصداقاء كتير سواء شباب او بنات بنحكي بمواضيع بصراحة صديقاتي بلواقع بيرفضوا النقاش حتى فيها ممكن حفاظا على مكانتهم او سمعتهم وكانوا النقاش ببعض المواضع الحاسسة شوي محرم اجتماعيا
لهيك بنلجئ لاصدقاء يسمعوا همومنا ومشاكلنا وهني بعاد عنا من ورا شاشة صحيحة ظاهرها اسود بس صدقني انها بتحمل جواتها خلايا بتحي قلوبنا ومشاعرنا وبتعبر عن افكار لطالما كانت محبوسة جواتنا وما عم نقدر نعبر عنها


من حوالي سنة كنت على تواصل مع صديق عنده الطموح والثقافة الادبية والنقاش والحرية يلي عم ابحث عنه واتناقشنا بمواضيع فلسفية ممكن ظاهرها بنخاف نفتحها متل فلسفة نيتشه حول فكرة الله ودعوته لكسر جميع القيود وبناء مجتمع جديد يعتمد على فكر جديد وروح جديدة بعيدة عن النفاق
وبيعتمد على الايمان الصادق والنقي بالله وعدم التظاهر بهذا الايمان

اما بلنسبة للصدمة لفراق صديق نت غالي بصراحة فعلا كان فيه عندي صديق لهلا كتير بعزه وبحترمه وفراقة سبب فراغ كبير عندي ولهلا كلما بفتح النت بتذكره وبتمنى اني اقدر اوصل الو

فيه عبارة اكتبتها عن جديد لموضوع الصداقة والحب خلال النت
رح اكتبها واعرف راي كل مين بيقراها
we become in the world when the real love comes from the virtual world and the virtual love comes from reality

اصبحنا بعالم حيث ينبع الحب الحقيقي من العالم الافتراضي والحب المزيف من الواقع

بالمناسبة اليوم

14/7 ذكرى سنوية الوالدة الله يرحمها

متل صباح هذا اليوم توفت أمي



كل واحد عنده أمه أم غير عادية عن كل البشر

الله يحفظ لكم أمهاتكم جميعاً

لكن

أمي كانت غير عادية

حتى في وفاها الله يرحمها كانت غير عادية





الله يرحمها

قضت سنواتها الأخيرة في خدمة الناس والمرضى والمحتاجين

والحمد لله ما زال ذكرها على كل لسان رغم سنوات طويلة على وفاتها

مع إنها توفت بعمر صغير





كانت الله يرحمها شخصية قوية شخصية مميزة ولمن قول قوية يعني شخصية قوية فعلاً

مع ذلك كانت حنونة

كتير أوقات بحتاج لها

وكتير أوقات بقول الحمد لله اللي توفت وارتاحت من همومنا



كانت الوالدة تحكي أكتر من لغة

منها أربع لغارت اساسية

إيطالي قبل العربي طبعاً

وإنكليزي وفرنسي

وتركي خفيف



كانت تشوف لبعيد تشوف قصدي بعد نظر كانت تقرانا قارية لحد كنا منخاف منها لأنها كانت توهمنا أنها بتعرف كل شي



ذكر تيني بسبب اللغة حادثة

ستي أم أمي الله يرحمها ما كانت تعرف تقرأ منيح

أو بلاحرى ما كنت تعرف تقرأ وتكتب

أخي الكبير سعيد كان يحكي لنا عن شخصيتها القوية ل ستي طبعاً

كانت تقريه وتكتبه

لحد صف الرابع

كان مضطر يوم يجي من المدرسة يفتح الكتاب وتكتبه إملاء وتدرسه عربي

وتصيح عليه يكتب منيح

وبس وصل للصف الرابع إكتشف أنه ستي ما بتعرف تقرأ وتكتب







شومي

اليوم نحتاج لوقفة

تروحي لبعيد وترجعي تجمعي كل أشيائك وأشلائك

وتحكيلنا عن الأم عند شومي

الأم


دائما نصف أنفسنا بأننا قادرين على وصف أمهاتنا لكن عندما نراجع ما كتبناه نجد انه ما زال هناك بعض الأشياء نسيناها ونعيد الكتابة من جديد ومرة أخرى نقف أمام نفس الخطأ بان الورقة ما زالت ناقصة ببعض الأشياء
حتى لو أعدنا الكتابة مليون مرة وكتبنا كل شيء سوف نرى أنفسنا عاجزين دوما عن وصف الام


كل واحد منا ورب العالمين أكرمه بأم يرتوي منها حنانها وعطائها حتى بعد صعود روحها إلى بارئها

لكن نقف دوما أمام سؤال يواجهنا باستمرار عند وصف الأم هل حققنا الجزء المطلوب منا كأبناء وكنا فعلا أولاد إبراء لامنا


بالنسبة لامي فهي كباقي الأمهات حاولت جاهدة أن توصلنا لمرحلة متقدمة من العلم والأخلاق الطيبة والحمد لله قدرنا نوصل إلها ببعض الشيء

على الرغم من زواجها المبكر بعمر 17 سنة عندما كانت مازلت طالبة بكلوريا ومن الطلاب المتميزين في مدرستها لكن ذكائها واهتمامها كان جله لبيتها وأولادها واستطاعت بمثابرتها أن تستطيع أن تفهم جميع الآراء رغم تعقيدها من خلال المجالس التي كانت تذهب إليها بحكم وظيفة والدي حيث كانت تتنافس بقية النساء بمستوى التحصيل العلمي الكبير الذي وصلت إليه لكنها بذكائها ولباقتها استطاعت أن تكون دوما النجم الساطع في كل مكان

وطبعا صدق المثل الذي يقول وراء كل رجل عظيم امرأة وهنا تكمن أهم انجازات أمي خلال فترة استلام والدي لمؤوسسة حكومية كانت بمرحلة صعبه ووقفت بجانبه دائما وعند ازدهار المنشاة
قدر والدي كثيرا لها هذا الشيء

والله لو بدنا نحكي ونسترجع شو قدمت إلنا الوالدة مو بس ينقصنا صفحات لنكتب شو عملت ولا حتى مجلدات بس بكفي انو نعمل شي واحد إلها وهو أن نكون ديما من الأولاد المرضيين إلها والله يقدرنا على هاد الشيء طول العمر

شكرا كتير على هاد الكلام سيد وائل وان شاء الله كون بستحق هيك كلام

اما بلنسبة للزاوية بفضل نعمل زاوية عن الادب الغربي وان شاء الله اقدر غطي هيدي الزاوية
وبحب ديما اعمل مقارنة بين الادب الغربي وتاثره بلواقع العربي والاسلامي
وبستشهد بقول لمايكل هارت صاحب كتاب المائة الاوائل حول العالم عندما سئل من سوف يكون الاول في كتابك قال بحث وبحث ولم ارع غير محمد من يستحق ان يتربع على عرش البشر

ذكرتني بمتل اسباني حلو بقول
اشد ساعات الدنيا ظلمة قبل طلوع الفجر

مسا الخير شومي
منورة الجلسة بوجودك
يقال الصديق عند الضيق
A friend in need is friend indeed

وانا اليوم دخلت لوقف جانب صديقة عزيزة وأدعمها شوي بقعدتها على الكرسي

رح بلش دعمي بكم سؤال استفتاحية على السريع

شومي

1 -كل شخص يملك من السلبيات والايجابيات ، ماهي سلبيات شومي وماهي ايجابياتها ؟

2- مالذي تخشاه شومي ؟

3_ ماهي التجربة التي تتمنى تكرارها ؟

4 _ جريمة تتمني ان ارتكابها ؟

5 _ موقف صدمك ولن تنسيه ابداً ؟

6 _ ماذا قدم لك عالم النت كفتاة ؟

7 _ أصبح اليوم النت في كل بيت من بيوتنا ،ودخول ابنائنا وأخوتنا له شيء لا مفر منه .
ماهي النصيحة والارشادات التي تقدميها لاختك قبل دخولها لعالم النت وخوضها بين ثنايه ؟

8 _ ماهي صفات فارس احلام وشريك حياة شومي المستقبلي؟

9 _ لو تقدم لخطبتك شخص يحمل كل الصفات التي تحلمين بها ولكنه اشترط عليكي التوقف عن العمل والتخلي عن فكرة التوظيف ماذا سيكون موقفك ؟

10 _ مارأيك بالمقولات التالية تقول :
* لاتجعلي زوجك كل حياتك .
* دموع المرأة هي دموع التماسيح .
* الصراحة بين الزوجين تضر بالعلاقة الزوجية .

11 _ وأخيرا نصيحة تقدميها لصديقتك زهرة البراري ؟

بالتوفيق
راجعتلك

جوابي للسيد وائل
الجمال من أكثر الكلمات التي ننطق بها يوميا تارة لروية شخص وأخرى لموقف معين وأخري وأخرى وأخرى
فنجد أنفسنا أمام مصطلح الجمال بأوسع أبوابه وبكافة أطيافه

فأحيانا أجد نفسي طواقة لاختبر جمال الرجل من خلال رجولته الممزوجة بعاطفة الشرق الشياجة

وأما المرأة فيكفي أن الله وهب لها قلب يسع كل أحبابها

أمام جمال الوطن أقف حائرة لأي شيء يميز وطننا عن بقية الأوطان فما أجد إلا عبارة واحدة أحب فيه أصالته التي لاتموت

واجمل ما يميز الابن هو الرضى الذي يكسبه من والديه

أجمل شيء في الأب هو رجاحته وتسلطه وخوفه الذي لا ينتهي وقلبه الكبير

أما إلام فليس أجمل من عطفها ورحمتها اللتان تكونان بلسم الشفاء لنا عندما تغلق الدنيا جميعها أبوابها حولك يكفي أنها تقف معك مهما ارتكبت من الأخطاء

واحب من المواطن لحظة إخلاصه لعمله مهما كانت الأحوال والمغريات


وبلنسبة للاخت العزيزة زهرة النرجس صحيح ممكن تكون اسئلة السيد وائل طويلة بس صدقيني بلعكس عم احترمها كتير وعم دور على وقت كون فيه مرتاحة مشان جواب عليها لانو جد بلصيفية عجقة كتير وطوشة وخصوصا اذا كنتي بلادقية
ويامية اهلا وسهلا فيكي بتشرفي انتي ليش فيه احلى من فنجان قهوة على البلكون ومنظر البحر حدك والشجر حوليكي

في حدى فسد علينا شومي
وقر عليها
ما عدنا شفناها
يعاقب كل مين فسد علينا وعلى شومي
بالضيافة الشاقة المؤبدة
وبيجوز بيجوز كمان نعلقه من أدنيه

أول شي بدي اعتذر من صديقة الطفولة على هاد التأخير بالرد وهي بتعرف السبب

صحيح أسئلتك حلوة بس ملغومة شوي وشكلك حابه توقعيني ههههههههه

1-هاد السوال جوابه عندك لأنو أنتي بتعرفي اكتر مني
2-أخشى أن افشل بكل شيء أحب أن انجح فيه
3-تجربة الحب الروحي
4-الجريمة التي أحب أن ارتكبها هي إحالة كل المعلمين الذين قسوا على طلابهم وكان لمعاملتهم أثار سلبية على الطلاب
وان اقتل كل من يتاجر باسم الشهادة
5-الموقف الذي صدمني هو الحقيقة عن الوضع في غزة والتأمر العربي والتواطؤ وعندما قرأت أكثر اكتشفت أن فلسطين وطن يموت كل يوم فينا ووطن يحيا خلف أسوار الشهادة الحقيقة غير المزيفة
6-قدم النت لي صديقا وحبيبا ومعلومات وحقائق تمنيت يوما ألا اكتشفها وتبقى تلك الصورة الوردية محفورة في خيالي
7-النصيحة التي أقدمها لكل فتاة وفتى يريد دخول النت أن تتخلى عن كل أحلامك الوردية وان تكون مدركا مسبقا للكثير من الفيروسات البشرية التي تحاول أن تدمر الحس الإنساني فيينا وتحولنا إلى مجرد دمى بشرية برغبة حيوانية في بعض الأحيان ا و تنقش فينا الم لا يموت أبدا وربما أحيانا يقدم لنا صديقا أو حبيبا لا نصادفه في الواقع
8-شخص يجمع الثقافة العالية والتواضع والاحترام شخص يجمع بتوازن بين قلبه وعقله لا أريد أن يطغى احدهما على الأخر فانا لا أريد خالد بعشقه المجنون ولا زياد بعقله المجنون أيضا أريد القاسم المشترك فيهم وأحيانا أحبه فوضويا بشكله
أخاف أن أكون سادية لأني حقا أحب روية شخص معذب وأكون أنا الخلاص وسر السعادة له
على فكرة خالد وزياد أبطال رواية ذاكرة الجسد للكاتبة أحلام مستغانمي
9-بتعرفي يا صديقتي رأي أني أنا لما بشعر انو عملي رح ياثر على بيتي رح حاول لاقي حل لأنو في النهاية نجاح المرأة الأول يكون في بيتها وتخريج أطفال يحققوا شيء في المجتمع بس ما بحب حدا يفرض على ترك الوظيفة أبدا وأكيد لما ببجي هيك شخص رح نلاقي حل وسطي ما تخافي ههههههه مستحيل فرط فيه لو اجا
-10- لاتجعلي زوجك كل حياتك أنا بصراحة مع هذا المثل ما بحب افقد شخصيتي وذاتي معو بحب كملها معو

دموع المرأة هي دموع التماسيح أكيد لما بكون البكاء وسيلة لتغطية أمر أو التحايل رح يكون هيك بس مو كل الأوقات بصح هيدا المثل

الصراحة بين الزوجيين تضر بالعلاقة الزوجية أحيانا تكون الصراحة جارحة لمواضيع بتعلق بحب سابق أو علاقة سابقة لأني ما بصدق فيه رجل يسمع انو زوجته عندها علاقة مع حدا لو كانت بريئة ما رح يشك فيها وتتحول حياتهم لجحيم

11-بتمني لبدور لأغلى إنسانة جد إنها ما تتخلى عن قلبها الطيب واصلها النبيل مهما مرت بك من أزمات وبحب تحقيقي نجاح بعملك لأنك عندك القدرة على تحقيق أشياء كثيرة من خلال اختصاصك ممكن تقدري تساعدي ناس كتير بحاجة لمساعدة بسيطة منك لأنو بكفي عندك إخلاص لعملك وآنا واثقة انك رح تنجحي

شكرا استاذ وائل اول شي على كل شي
اما بلنسبة لموضوع التنقل اكيد فكرت فيه ويمكنت كنت ما كتير اكل همه لانو بمحض الخيال كان فقط اما اذا الوضع حقيقي فلازم فكر بجدية واتخذ القرار بس يا ترى ممكن اعرف وين رح تكون طبيعة العمل

حاليا الحديث بصفة عامة
لكن طبيعي مراسل صحفي لاشك لازم يتنقل حسب وظيفته والتنقل بالنسبة للبنت عامة له مصاعب وبالنسبة ل شومي خاصة له مصاعب من نوع أخر

اذا كان الكلام مجرد صفة عامة فانا اكيد على استعداد اذا كان العمل قادر يحقق امنيتي يلي كنت على طول فكر اعملها واذا صحت الي هيدي الفرصة فمستحيل اتخلى عنها لانو حتى اهلي ما قدروا يقفوا امام هيك موضوع وقالولي اذا عندك الرغبة التامة وعلى استعداد فيكي تدخيلي هيدي التجربة يلي كانت حلم الطفولة عندك ومين بيعرف بلكي بكون الخير عندها ويمكن يكون الشر كمان والله اعلم


بلنهاية هاد بضل كلام ولما بتحول الكلام لفعل اكيد رح يكون وضع اخر اما بنفذ هاد الكلام او لا حسب نوعية وطبيعة العمل

ويسعد اوقاتك أيضا أستاذ وائل وشكرا إلك

وقفة اليوم كتير هادية ومريحة وبتخلي الواحد فعلا يعمل لملمة لأحب الاشياء عند و
إن كان خلال مكان الذي أحببته دائما وأتمنى أن أعاود زيارته هو صلنفة لأني أجد في هذه الضيعة الصغيرة كل مقومات الجمال والاسترخاء بس شريطة أكون جالسة وحدي مع فنجان القهوة وصوت فيروز ومنظر شجر السور والصنوبر والأرز أمامك
وأكيد منظر البحر للبنت البحر يلي هو جزء من شخصيتها وحياتها من خلال تقلب مزاجها وكتمانه لأسرار البشر

وأجمل ساعة عندي في النهار هي التي تسبق المغرب وأنا جالسة على البلكون ومعي روايتي التي أسرت صدقا كل احاسسي
وألهمتني الكثير من الأفكار أما في هذه الأيام امسك بيدي بدل روايتي أجزاء من القانون السوري حتى أقدم به امتحان المسابقة



اما اقدم ورقة عندي ومازلت احافظ عليها السيرة الذاتية لمايكل شوماخر عندما قررت نشرها في صحيفة الوحدة منذ 10 سنوات عندما كنت ما زلت طالبة مدرسة

أكيد بحب ترتيب الأشياء وبحب كل شي يكون منظم ومرتب لكني أحيانا عندما يكون لدي ضغط في عملي عينك لا تشوف مكتبتي شي بخوف كل الأوراق فوق بعضها والكتب وكلما بدي روح الشغل بضل ساعة حتى لاقي الكتاب أو إذا كان الطلاب عندهم مذاكرة هون المصيبة اذا ما كانت مرتبة بتكون أوراق كل الصفوف مخلوطة مع بعض وارواق يمكن الفصليين كمان
وديما الماما بتسمعني حكي لك شو هاد ما فيكي ترتبيها بقا لما كنتي طالبة مو هيك ليش كل هيدي الفوضى هلا

أما أجمل ما كتبت بصراحة على الكمبيوتر هي أول أسئلة للطلاب بكتبها لكل الصفوف او تنسيق محادثات انكليزية للطلاب وقت العطلة الصيفية يمكن لآني حسيت هلا بأهمية وجودي واني قادرة اعمل شي ولما بتكون محمس لشغلك جد بتعطيه من كل قلبك

الصورة التي أحبها هي صور اللانهاية
C:\Documents and Settings\Gitex4You\My Documents\My Pictures\ty.jpg

احبها لانها غريبة الشكل ولانها تمثل اروحنا التي تسعى للانهاية والشي الحلو فيها انو كل انسان ممكن يفسرها بطريقته وبروحه الخاصة

هو انتو شرفونا بزيارة يا مية أهلا وسهلا للمكان يلي بتحبوه أما بالنسبة للمطعم يمكن هلا غزت اللاذقية كتير مطاعم وكافيتريات بس المكان القديم الحديث يلي اغلب سكان اللاذقية يروحوا عليه هو سومر لأسباب يمكن بتعرفها واهم شي بطل على البحر وبعيد عن التكلف وهو مطعم اهلي
أما أنا ورفق بنروح أوقات شمرا لأنو مطعم شبابي أو برايم يبتزا

مرحبا سيدة شومي موضوعك كتير حلو

شكراً على الموضوع الرائع