إختبارات مفارقات مواقف طريفة

اممممم والله انا عقلي مو مجمع لاتذكر منيح

بس هون اكثر موقف بتذكره

كنت بالصف الاول ثانوي بمدرسه اسمها دار الهدى

المهم كانت اختبارات الترم الاول وكان في ماده حسيت حالي خبصت فيها لدرجة اني توقعت ارسب بهالماده

وطبعا يوم استلام النتائج كنت معزومه ببيت عمي على حفله تنكريه وطبعا انسى اني روح جيب شهادتي لاخذ بهدله ونكد وتروح علي الحفله فطنشت اليوم وما استلمت الشهاده

ولما بدأ دوام الترم الثاني رحت ع المدرسه وما كان كل الطالبات مداومين وقعدت مع طالبات الفصل الثاني وعم يحكوا ع النتائج وقالوا مافي حدا رسبان غير بنت واحده بفصلنا وبالماده نفسها اللي انا خبصت فيها
وكانوا مستغربين ومو عارفين مين هي البنت قمت انا بكل فخر عم قلهن لك هي انا
صاروا يسالوني مو انتي اسمك منال عوني
قلت لهم ايه قالوا لا انتي من العشره الاوائل اسمك
طبعا بتمزحوا ما بتمزحوا نطيت ما حطيت وطرت على الاداره

اول ما دخلت وقابلت المدرسات نزلوا فيني بهدله الله الوكيل وهيك معقول طلع معاكي صدمتينا ما اتوقعنا منك واتوقعنا افضل قلت لحالي رسبت رسبت والبنات مخربطين وصاروا يحكوا انه طول السنه وانتي ممتازه ليش هيك طلع معك بالاختبارات وجمدت بارضي من خجلي من الكل
المهم استلمت شهادتي وطلع ترتيبي السابعه من العشره الاوائل بالمدرسه
وخناقة المدرسات كلها كان متوقعين اني اطلع الاولى او الثانيه واني اطلع السابعه كانت صدمه الهم
وانا من جكري من المدرسات طلعت معصبه من بعد ما نشفوا لي دمي وقلت لهم احمدوا الله اني نجحت

وغير هيك مره كنت مرضانه وكان اختبار نهائي وانافي الاختبار تعبانه ومتوتره وبس اكتب واشطب اجوبتي

بس قربت خلص اطلعت بالورقه لقيتها كل شخبره اتوترت وصرت ابكي وبطلت كمل الاختبار وصاروا المدرسات يهدوا فيني ويراضوني وانا ابكي
قاموا اعطوني ورقه تانيه وعدت الاختبار لاخر ثانيه بالوقت وطبعا ببشركم جبت العلامه التامه بس بعد ما نشفت دم كل المدرسات والاداره
هذا غير البكيات لاني كنت ابكي لما ما اقدر احفظ شي ويتنح معي شي شغله وما تفوت راسي
وغير وغير

اييه ذكرتوني باللذي مضى
يالله برجع بحكي لكم كم شغله بالجامعه حاجتي هلئ لعي

أَجمَل موقِف مَر عَلي خِلآل إِختِبآرآتِي..
صَحوت مُتأخره جَداً عَلى مَوعد ألأختِبآر وَذهبت وَيحثنِي ألتأخِير عَلى نِسيآن كُل مآ حَولِي حَتى أَقلآمِي..
لأصَل قَبل مَوعد ألأختبآر بخمس دقآئق فَقط..
لأُفآجئ بِأَنِي لآ أَمل قَلم أَكتب بِه ^_^
نَسيِت كُل أَقلآمِي فَطَلبت قَلم أَلدُكتور لأكتُب بِه..
وَبِذآت أَلقَلم دُونت دَرجتِي ^_^

بإنتظار مفارقات حلوة من الأصدقاء
شكرا ميمي
شكر عصفورة الورد
اليوم بالليل بكتب ردي معكم
تحياتي

كالعاده كالعادع مع عمو وائل ما زلنا بانتظااااااار

انا كنت من الاوائل عالمدرسة و اسمي بلوحة الشرف ما بيغيب

المهم مرة بالصف الخامس كان في امتحان

و كنت كاتب منيح منيح ..

بس للأسف .. على ورقة مسودة .. و من فرحتي سلمت الورقة و ما انتبهت

و كان أخر الدوام و رحنا عالبيت

و تاني يوم بتفاجئ بانه بابا بيجي معي الصبح عالدوام ( متصلة فيه المديرة )

المهم نادتلي عالادارة و تقلي انه مستحيل انت تاخد هالعلامة مو معقول ... تلاتة يا وسيم خيبت ظني

انا طار عقلي من راسي و قلتلها و الله كاتب منيح فرجيني الورقة

وليييييي اتذكرت ..

قلتلها كاتب عالمسودة و يمكن نسيان انقل الاجابات

قال امشي معي لشوف عالصف .. دخلنا و شافت الورقة بالدرج

اتطلعت فيي و قالتلي شلون هيك بتنساها و الله رعبتني عليك

مو عرفانة انه رجليي كانوا عم يقصفوا تحتي

قالتلي خود الورقة و اكتب الاجابات لشوف

و اخدت 9:30

خييييييييييييي

و الله رجعتوني لأحلى أيام

سلام

هههههههههههههههه والله عجبتني فكرة الاستاذ

ياريت كانت استاذتنا للانجليزي بالابتدائي متلها

لك والله ما حدا عقدني من الانكليزي وخلاني اكرها كره العمى غيرها الله يسامحها

عن جد طول عمري بس ذاكر الانجليزي بتذكرها كان اسمها رحاب

ييييييي شو عقدتني من الانجليزي ومن اللي اخترع الانجليزي ومن اليوم اللي بفتح فيه شي انجليزي صار لازمني علاج نفسي