برنامج تعليمي لو في تفاعل

بسم الله الرحمن الرحيم
والصلاة والسلام على اشرف الانبياء والمرسلين

اعزائي اعضاء منتدى ورد الشام
السلام عليكم ورحمة الله وبركاته

في عندي فكرة حابب انقلها لهون ع المنتدى ازا رح يكون في تفاعل
انا واعوذ بالله من كلمة انا عندي عضوية بموقعين طبيات (مواقع روسية) وبهالموقعين عاملين برنامج تعليمي للاعضاء
او حلقات تعليمية
او دورة تعليمية عن الاجهزة في جسم الانسان (هضمي .عصبي....الخ)
و عن كل عضو وعن وظيفتو وعن افرازاتو واهميتو
ولو كان بعد هالمرحة التفاعل ملحوظ نكمل مع بعض مرحلة تانية الي هيا كل جهاز وكل عضو وامراضه وعلاجه
لو رح يكون في تفاعل انا رح انقل هالفكرة لهون ورح نبلش مع بعض من الصفر

وارجوكم ماحدا يجامل
لانو رح ينتعب ع البرنامج
لو مافي تفاعل خلاص نلغي الفكرة

شو نلغي

فكره روعه كتير واكيد ح تكون مهمة ورائعة

يسلم اديك دكتور

وبانتظار باقي الاعضاء للتفاعل معك

وثق تماما اني ما بجامل

يا اهلا رورو
اسعدني تواجدك
وب انتظار باقي الاعضاء

بس بلييييييييييييييز بلا مجاملة

وليش المجاملة انت ألى تتجمل علينا بفضل افكارك القيمة
اتوكل على الله وابدأاحنا محتاجين للتوعيةالصحية والمواضيع الجادة
انا بالذات في انتظارك بكل شوق للمعرفة
ومتأكدة ان راح ايكون موضوعك

مية اهلا بدور

تسلمي يااااارب
وان شاء الله بيتم البرنامج بس لسا ناطرين باقي الاعضاء

شكرا ع المرور

أي أخي أنا معك وشكرا على المبادرة

ايه انا بدي جامل ما دخلني

هيك طاقق بعقلي جامل مابعرف ليش يمكن لانك وصيت

بس عم فكر كيف جامل ماعم تضبط معي

لك ياعمي فكرتك بتجنن وهي مو مجامله

وفكره جديده وحلوه وراح تكون مميزه بالمنتدى

وكتير متحمسه للفكره

ولا تقلي بدك تستنى باقي الاعضاء

خلص بت بالموضوع وبلش

لانه كتير متحمسين

موفق د. مجدي

والله يعطيك العافيه يارب

ميمي

ميـمي كتب:ايه انا بدي جامل ما دخلني

هيك طاقق بعقلي جامل مابعرف ليش يمكن لانك وصيت

بس عم فكر كيف جامل ماعم تضبط معي

لك ياعمي فكرتك بتجنن وهي مو مجامله

وفكره جديده وحلوه وراح تكون مميزه بالمنتدى

وكتير متحمسه للفكره

ولا تقلي بدك تستنى باقي الاعضاء

خلص بت بالموضوع وبلش

لانه كتير متحمسين

موفق د. مجدي

والله يعطيك العافيه يارب

ميمي

أنسة ميمية أنا فتى الشام أسمي مجدي وأخي أسمو د: مجد خليتني دكتور هههههههه الله يسمع منك

طبيعي كلنا مع الفكرة الجميلة وتمنياتي أن يكون التفاعل من الكل
من اللي رحب بالفكرة
ومن الي قال بدوه يجامل
ومن الجميع
شكرا دكتور مجد
هيك بيصير بدنا نفتحلك قسم طوارئ بالمنتدى
على كل حال الكلمة للدكتور ونحن بإنتظار جديدك
شكرا

waell كتب:طبيعي كلنا مع الفكرة الجميلة وتمنياتي أن يكون التفاعل من الكل
من اللي رحب بالفكرة
ومن الي قال بدوه يجامل
ومن الجميع
شكرا دكتور مجد
هيك بيصير بدنا نفتحلك قسم طوارئ بالمنتدى
على كل حال الكلمة للدكتور ونحن بإنتظار جديدك
شكرا

بالله دكتور هذا صوت الاستاذ وائل عن الف صوت




هذي طلع برنامج بالملاكمة مو برنامج تعليمي

هههههههههههه

شكرا كتير لكل الاعضاء الي تفاعلو معي بالموضوع

واليوم ان شاء الله رح نبلش

رح يصير كل يوم عنا حلقة تعليمية

اليوم الاول رح نزل اول حلقة ورح اترك مجال تاني يوم لو حدا حابب يناقشها

واليوم الي بعدها رح نزل الحلقة التانية

مع تمنياتي بقضاء اوقات ممتعة ومفيدة معا

فِكرتك رآئعه دكتور..
وأنآ معك ومن ألمتآبعين..
ألله يوفئك دوك..

شكرا ع المرور العطر عزيزتي

لكي مني كل الود والتقدير

شكرا ع تواجدك مدام بدور

وبالنسبة لفكرتك انا ماعندي اي مانع الي تشوفو الادارة من عيوناتي

وشو صرلي اكتر من اسبوعين عم اعمل بالتشريح :(

اول شي تعريف ب اعضاء جسم الانسان بعدين منفوت بالامراض

مابصير فوت فورا ب الامراض دون ما اعطي فكرة عن كل عضو بجسم الانسان
شكرا لتواجدك رورو

وبخصوص مكان البرنامج

زكرت اكتر من مرة وين حطو انا ومدام وبدور

بس ما كان في تجاوب من الادارة

عشان هيك صرت نزل كل درس بموضوع بالقسم الطبي
ونزلت معي الزميل محمد البرادعي مشان يساعدني ازا مافتت ع المنتدى بسبب ظروف دوامي