معنا في المنتدى _ ما الفائدة

مساءاو صباح الخير للجميع
بشكر وائل على اهتمامه وحرصه على اعضاء المنتدى اكثر من اي شئ
فالأعضاء هم اساس المنتدى وونحن لا نطلب سوى الصراحه والحريه
المشكله مع صلة القرابه التي بيننا والتي غالبة الاعضاء يعرفونا بها
اصبحت كتهمة لي اني اذا كتبت او مدحت او شاركت فهو لاني بقرب وائل
لا انكر ان مشاركتي في البدايه كرمال وائل ولانه شخص يعز علي ولصلة القرابه ايضا
واسعد جدا عندما يحكي لي عن المنتدى وعن الاعضاء
انا ان دخلت وتعرفت على بعض الاعضاء ليس كما يتهمني البعض لاني جاسوسه من طرف وائل
لكن لاني حريصه على المنتدى وعلى ان تزيد الاخوة والصداقه في المنتدى لا اكثر ولا اقل
احببت ان اكون صداقه مع هذا وهذه ليس لشئ لحتى اشعرهم بسعادتنا لانضمامهم الينا ولحتى يشعرون بالحرية والاخوة والصداقه بيننا اكثر واذا صادف اي احد مشكله او مضايقه او اي شئ كان يجدني صديقه افتح قلبي وصدري له ليقول كل ما يزعجه او يعجبه في المنتددى ولست اسعى لخرابه
تقبلوا مني فائق الاحترام والاخلاص
واتمنى ان نعود كما كنا اصدقاء واخوة يجمعنا المنتدى

ميمي

قبل كل شيء استهل كلامي بتحية الاسلام
السلام عليكم ورحمة الله وبركاته ام بعد :
شكرا اخي وائل على هالموضوع اللي لازم نعمل فيه شي مو كل مره
نكتب وما حدا يطبق .
حب المنتدى معناه حب الكل لبعض واحترام الكل لبعض
حب المنتدى معناه اني اتقبل انتقاد غيري وغيري يتقبل انتقاداتي الو
مشان كا واحد فينا يقدر يوصل للشي اللي بدو ياه وهو صداقة الجميع
احنا ليه بنتعامل مع بعض هيك ونحنا يجمعنا القلم والكلمه الحلوه
هادول اجمل شيئين بيجمعو بين الناس وبين الاصدقاء لانهم عمرهم ما بيكذبو
لكل يعرف انو القلم لما بخط على الورقه يحكي بصدق وحريه التعبير
يا ريت الكل يكون عندو احساس حقيقي مشان يشوف كل كتابه مهما كان
نوعها باحساسو مو بعيونو لانو الفرق كتير كبير وما بيوصل لنفس النتيجه
في مواضيع قديمه تستاهل انو الكل يقراها ويرد عليها لكن للاسف كل ما بمر
على موضوعين تلاته بلاقي تهميش من معظم الاعضاء
ياريت فينا كل واحد جديد يحاول يدخل لكل المواضيع قديمها وجديدها مشان
يفيد ويستفيد ويا ريت فينا كلنا نعمل هيك راح نكون اسره وحده
وروح وحده ويا ريت كلنا نحب كل اقسام المنتدى مشان نكون قراب من بعض
لانو فينا مين يحب الادب وفينا من يحب لطبخ وفينا من يحب الفن وفينا......وفينا ....... وفينا كل مين يحب قسم من اقسام المنتدى
بس لما يحاول كل عضو منا يتجول بالمنتدى ويرد على هاد ويرد على هاديك
راح نعرف قيمة بعض ونحس بالنقد يالللي نوجهو لبعض وما نتحسس منو ابدا
وبالاخير يا ريت كل واحد فينا يتعامل بطيبة قلب وما يشوف حالو على غيرو
متل ما قلت اخي وائل نحنا هون اسره وحده ولازم نكون قلب واحد
ولكل منا قلمو وكتاباتو واحساسو فيا ريت نحترم هاد مشان نقدر نتواصل مع بعضنا البعض
اسفه كتير على هالكلام اذا ازعج حدا بس اللي بدي تعرفو اخي وائل اني ما بقصد اي حد معين والله شاهد بالعكس بحكي من قلبي وحبي للمنتدى كلو بكل ما فيه
وبالاخير تقبلو مروري اخي .........................امال