شو الاغنيه

***

بعدِ ما اتعوّدْتِ بُعدَك غصبِ عنّي .. غصب عني

كلمتين .. اتقالوا اتقالوا .. شالوا الصبرِ مني

صحّوا في عْينيّ حَنينْهُم لابتسامَك
صَحّوا سَمْعي يـِوِدّ كلمه من كلامَك ..

صحوا حتى الغيرة .. صحولي .. ظنوني

و ابتدى قلبي يدوّبني .. يدوبني بأهاته بأهاته
و ابتدى الليل .. الليل الليل الليـــل يبقى أطول من ساعاته

و أسهر أسمع نبضِ قلبي بيناديلي .. بينادينلي
روحي فيك .. مهما جرى .. أنا روحي فيك , أنا روحي فيك
تسوى إيه الدنيا وانتَ مُش معايا
هي تبقى الدنيا دنيا إلا بيك

***

اللي فاتْ ويّاك يا روحي بَعودْ إليه ...
و اللي عِشْته معاك رجِعت أعيش عليه .. أعيش عليه أعيش عليه
بعد ما صدّقت إني قِدِرْتِ أنسى
بعد ما قلبي قدر يسلاك ويقسى
جُمْ بهمسه وغيروني .. كانو ليه.. ليـــــه.. ليه بيفكروني

***

كلموني تاني .. تاني عنك
كلموني تاني .. تاني عنك
بعد طول حرماني .. حرماني ,
حرماني منك

جَرَّحوا الجَرْح اللي قرَّب ْ يبقى ذكرى
سَهّروني أعيش لبكرة وبعد بكرة
أعيش لبكرة .. وبعد بكرة


يا حياتي انا كلي حيرة
ونار .. وغيرة
وشوق إليك
نفسي أهرب من عذابي نفسي أرتاح بين إيديك
نفسي أرتاح بين إيديك, أرتاح .. بين إيديك

دالخصام وانت .. وليالي الأسية
كل دول .. دول ما يهوِّنوش حبَّك عليّ

و اللي جوّا القلب كان .. في القلب هُوَّ
رُحنا واتغيـّرنا إحنا إلا هوَّ

هو نفس الحب وأكتر
هو نفس الحب وأكتر
هو نفس الشوق وأكتر .. هو هو هو هو ..


***

اللي فاتْ ويّاك يا روحي بَعودْ إليه ...
و اللي عِشْته معاك رجِعت أعيش عليه
أعيش عليه .. أعيش عليه
بعد ما صدّقت إني قِدِرْتِ أنسى
بعد ما قلبي قدر يسلاك ويقسى
جُمْ بهمسه وغيروني .. كانو ليه.. ليـــــه.. ليه بيفكروني


***

آاااه يا حبيبي ..
آاااه آه يا حبيبي ..
حياتي بعدك مستحيلة
آاااه يا حبيبي
الحياه أيام قليلة

ليه نضيّع عُمرِنا هجر وخصام
وإحنا نقدر نخلق الدنيا الجميلة
ليه .. ليه .. ليه ..
ليه . ليه . ليه نضيّع عمرنا هجر وخصام وإحنا نقدر نخلق الدنيا الجَميلة

بالوداد والقرب
تتجدد حياتنا
بالحنان والحب تتبدل آهاتنا
واللي جاي نعيشة أحلى من اللي فاتنا
أحلى من اللي فاتنا

***

القمر من فرحنا من فرحنا حَينوّر أكتر..
و النجوم حتبان لنا حتبان لنا أجمل وأكبر ..
و الشجر قبل الربيع , قبل الربيع حنشوفه أخضر

واللي فات ننساه ... ننسى كل أساه
يللا نلحق من الزمن أيام صفا ..

الحياة من غير لقانا مُش حياة
و إحنا مُش حنعيش يا روحي مرتين

***

فكَّروني إزاي ؟
هو انا نسيتك؟!

إنت أقرب مني ليّ
يا هنايا
حتى وانت بعيد عليّ
أو معايا

تنتهي الأيام
تنتهي الأيام
تنتهي الأيام

و نطوي العمر منا وإنت حبك إنت .. إنت
للأبد.. للأبد.. ملوش نهايه
ملوش نهايه
حبك إنت ملوش نهاااايه, ملوش نهايه.
ــــــــــــــــــــــــــــــــــــــــــــــــــــــــــــ

غنيتي

]