صديقة مقربة
#صباح_الخير
(((( ذكريات من الحج)))))
مبارح شفت ابو محمود الشمري وهو بالحج الله يتقبل منه ومنا ويتقبل مناسك كل الحجاح ويطعم الحجة لكل راجي
_______________________
يمكن حكيت مره عن ذكريات الحج بس بكروب العائلة
بعام يمكن ١٩٩٦
نوينا عالحج طلعنا أنا والوالد وأختي أم تامر وبنتها أختي ام عبد الله البدر
طبيعي اول خطوات الحج تلاقي حملة تناسبك من المعارف من الناس والباقي بيبقى توفيق من الله
في شاب كان يشتغل بعصيرات لبنان عند الحلاب اللي بصاري.
عنا يا حاج عنا يا حاج بكم يا حاج ب ٤٠٠٠
اليوم الفلاني جنب الاسرة السعيدة الاجتماع الساعة ١١ بالليل اللي هي لآن الارض اللي جنب دوار العلم
وجهزنا امورنا لليوم يوم الإنطلاق
طبعا اشي شنط شنطتين وشراشف ومخدات وما بحط راسي على اي مخده من ترتيبات هالنسوان اللي ما بتخلص حاملين يمكن ٣ شنط
___________-
يوم الموعد توجهنا للمكان وإذ ٣ باصات من باصات المدارس الامريكية القديمة اللي بيجي لونها ابيض أو اصفر تبع الشركات
لا مكيف ولا شبابيك وهالله هالله
اقنع باللي معي انه يركبوا بهيك حمله
والطناجر حلل فوق الباص والفرش فوق الباص والشنط فوق الباص واللي معي
راسهم ومليون سيف بطلنا نحج
ما بيصير انتي حارمه ما بيصير خلص نوينا منطلع ما منطلع أقنعتهم يومها انه
نطلع مع الباص لمكة وبمكة بغير الحملة ومشينا
طبعا ربك يسرها بالطريق وما وصلنا برات جده غير امنت بالتليفون حسب المعارف حملة من جده الواحد ب ١٥٠٠
واخذ كلمة وعد مني لانه الباص بيطلع من جده ناقص اربع ركاب
وعد وعد
بتروح بمكة بشارع المنصور لمكتب ابو محمد العوفي بتعطيه فلوس وبيعتمد معك وبتنضم للحمله
هذا كله بالجوال ونحن بالطريق للشميسي ما وصلنا
وطول الطريق والرجال واقف يدرس علينا دروس للحج شي بينسمع وشي ما بينسمع
رحت للرجال وقفت جنبه
قلتله مابدي ارفع صوتي حملتك كلها فاضية قلتلي باصات مكيفه ومنامة ٣ ايام التروية بمنى هذا كله مافي منه
انا فايتلك اجار راكب وبترجعلي الباقي ولا بيصير الحكي عالمكشوف
قال خلص خلص متل ما بدك بس نوصل لمكة برجعلك الباقي
وبالفعل مع الفجر وصلنا لمكة بالعزيزية نزلونا بفيلا كبيرة فيها هنكر صاج بالحوش قال الحريم بالغرف والرجال بالهنكر
طيب وعن منى والخيم بمنى قال مافي مو ضروري
_____________________
انا طبعا لازم روح لمكتب المنصور
طلبت من اهلي يبقوا مكانهم ما ينزلوا للطواف معهم وساعة وبرجعلكم
نزلت لمكتب اللي بشارع المنصور عند ابو محمد اخذت ليموزين رايح راجع لاني بالاساس بدون الليموزين ما بعرف ارجع
اتفقت مع الرجال واعطيته فلوس لقيت عنده. بنت صبية لوحدها
كل ما تفتح تمها يسكتها
سألته شو قصتها
قال بدها تنزل عالحرم والباصات جاي من جده للحرم ومافي مين ياخدها للطواف
قلتله طيب واذا اخذتها انا معي ومع اهلي قال اسالها اذا بتروح خدها
هذا الكلام قبل الفجر
ركبت هالبنت لابسة برنص مغربي مسترة حالها ورجعت لعند اهلي جايب معي بنت
________________
حتى ما طول السيرة البنت ما شاء الله عنها حاجة كذا مرا بعدين منجي لقصة البنت
نزلنا انا والوالد واختي وبنت اختي والبنت المغربية معنا لطواف القدوم وما صارت الساعة تسعه الصباح الا ومخلصين الطواف
البنت تقدمت قدام الكل والوالد على يمينها واختي وبنت اختي بالوسط وانا وراهم والبنت ما شاء الله عنها صحة وقدرة وشباب تفتح الطريق قدامنا كانها فراعة
____________
رجعنا نحن الخمسة للعزيزية عشرة او ١١ الساعة وعطينا عمر لترجع الناس وانا منتظر يرجع الرجال اخد منه باقي الحساب
ركبت الوالد واختي والمغربية بسيارة جيمس لمشاعر منى ومعهم عنوان المخيم وفضلت مع بنت اختي منتظر لبعد العصر حتى رجعوا من طواف القدوم
اخدت حسابي من الرجال وطلعنا ل منى
___________________________
الجلسة بالمشاعر المقدسة بمنى انا لليوم بعتبرها من أجمل ٣ أيام قضيتها بالمملكة روحانية ما بعدها روحانية صفاء للنفس والروح تعبد متعة من متع العباده
كنا بالمخيم خيم حريم وخيم رجال انا والدي بخيمة رجال يمكن ٥ غيرنا
وانا وابي ساكتين وانا بالعاده ما بسكت والله لو شو ما بسكت بس سبحان الله سكتت
الخمسة اللي معنا ليل نهار ليل نهار خلوا حدا ما حكوا عليه خلوا حدا ما جابو بسيرته وسيرة اهله
ما عم قلك يمكن الروحانية اللي بالمشاعر وحتى ما تروح حجتي جدال الله سكتني
_______________
يوم عرفات الله يطعمه لكل راجي يوم من ايام الجنة خاصة قبل النفرة بشوي اكيد في مين جرب وعاش هالروحانيه الجميلة الناس كلها وئول الى الله كانه يوم المحشر وانتهى كل شي والناس بوجهة واحده رافعين اياديهم وطالبين الله
___________________
الكل بيعرف بعد عرفات النومة بمزدلفة تحت العراء بدون خيم والناس منتشره بالجبل جماعات وفراده طول الليل
البنت المغربية معنا وهي عرفت اني بحب الشاي كل ما تشوف بياع شاي لاقيها شاريه خمسة شاي وجاية
والمسكينة ما بعرف كيف بعدت خطوتين عنا حافية راحة تجيب شاي ضاعت عنا وما عرفت ترجع
______________________________
نحن كملنا ليلتنا ومع الفجر طلعنا للعزيزية ومن العزيزية نزلونا الباصات للرجم والوالد راسه ومليون يمين بده يرجم بنفسه وحلوها اذا بتحلوها
طبعا بعد الرجم ويمكن الوقت صار مغرب ورجعنا للمخيم بمشاعر منى
وهنا انضم الينا للمخيم دكتور مصري متزوج من دكتورة فلبينية جلسوا معنا وحتى لآن البنت المغربية مختفية
ما رجعت غير قبل العشا بشوي جابتها دورية شرطة وفيها عقيد
_________________________
طبعا أيامها ما كان كل واحد معه جوال يمكن انا بجوالي وأختي بجوالها
على باب المخيم في ضابط عقيد عم يسأل مين وائل الصيداوي
أهلا وسهلا انا خير
قال تفضل في حدا بده يحكي معك
سمعت صوت رجال تشكرني وقال سمعنا من البنت انها من اول الحجة معكم وما تخليت عنها وانا بترك معك رقم العقيد اي شي بتحتاجه بيجيكم شكراً شكراً الله معك
_______________
شو قصة البنت؟ بعدين فهمنا
البنت صهرها احد المسؤلين بوقتها في فلان مكان
وهي ما خلت حجة خمس نجوم من حجات المسؤلين والرفاهية الا وحجتها
بس هي حابة قبل ما ترجع بلدها تسافر حجة فيها تعب فيها مشقة انها حست بتعب الحج
وقت اللي ضاعت حافية ما كلفها الامر غير. تتصل باهلها وامنو رجعتها واهتموا فيها
______________
انا قبل يوم طواف الوداع وطبعا مالي حابب اتعجل وانزل مع الباصات بالحمله قلت برجع لحالي وبراحتي
اتصلت على ابن اختي تامر الله يرضى عليه طلع الباص التيوتا لمنى لانه ممنوع بطلع اقل من حافلة للمشاعر
فردت هالفرشات بارض الباص ورى
وركبت اختي والوالد والبنت معنا والدكتورة الفلبينية وبنت اختي معهم وكنا طبعا فكينا الإحرام
حطيت قالب تلج لفيته بالمناشف وعبيت بوسط الباص العصيرات اللي كانوا زايدين بثلاجة المخيم
وركبت الدكتور المصري جنبي جنب السواق ونزلنا براحتنا للطواف
__________________________-_
خلصنا. الطواف بحلاوته وتعبه
نحن والدكتور وزوجته الفلبينية والبنت المغربية وجالسين بالحرم بعد الطواف الوالد بيحب يصلي كتير بالحرم
الدكتورقال ممكن اخذ شنطتي من الباص عشان امشي انا وزوجتي ممكن الوالد يروح معاي ويرجع بالمفتاح
قلتله حبيبي الوالد رجال كبير وانالساقدامي طواف
بتخلي زوجتك معانا بتاخد مفتاح الباص بتاخد الشنطة بتحطها بسيارتك بترجع بتجيب المفتاح بتاخد مراتك
_____________—
لذلك وقت حدا. بيسالني كم مره حجيت
بقوله مره ونص
ذكروني احكيلكم عن النص
وسلامتكم
(((( ذكريات من الحج)))))
مبارح شفت ابو محمود الشمري وهو بالحج الله يتقبل منه ومنا ويتقبل مناسك كل الحجاح ويطعم الحجة لكل راجي
_______________________
يمكن حكيت مره عن ذكريات الحج بس بكروب العائلة
بعام يمكن ١٩٩٦
نوينا عالحج طلعنا أنا والوالد وأختي أم تامر وبنتها أختي ام عبد الله البدر
طبيعي اول خطوات الحج تلاقي حملة تناسبك من المعارف من الناس والباقي بيبقى توفيق من الله
في شاب كان يشتغل بعصيرات لبنان عند الحلاب اللي بصاري.
عنا يا حاج عنا يا حاج بكم يا حاج ب ٤٠٠٠
اليوم الفلاني جنب الاسرة السعيدة الاجتماع الساعة ١١ بالليل اللي هي لآن الارض اللي جنب دوار العلم
وجهزنا امورنا لليوم يوم الإنطلاق
طبعا اشي شنط شنطتين وشراشف ومخدات وما بحط راسي على اي مخده من ترتيبات هالنسوان اللي ما بتخلص حاملين يمكن ٣ شنط
___________-
يوم الموعد توجهنا للمكان وإذ ٣ باصات من باصات المدارس الامريكية القديمة اللي بيجي لونها ابيض أو اصفر تبع الشركات
لا مكيف ولا شبابيك وهالله هالله
اقنع باللي معي انه يركبوا بهيك حمله
والطناجر حلل فوق الباص والفرش فوق الباص والشنط فوق الباص واللي معي
راسهم ومليون سيف بطلنا نحج
ما بيصير انتي حارمه ما بيصير خلص نوينا منطلع ما منطلع أقنعتهم يومها انه
نطلع مع الباص لمكة وبمكة بغير الحملة ومشينا
طبعا ربك يسرها بالطريق وما وصلنا برات جده غير امنت بالتليفون حسب المعارف حملة من جده الواحد ب ١٥٠٠
واخذ كلمة وعد مني لانه الباص بيطلع من جده ناقص اربع ركاب
وعد وعد
بتروح بمكة بشارع المنصور لمكتب ابو محمد العوفي بتعطيه فلوس وبيعتمد معك وبتنضم للحمله
هذا كله بالجوال ونحن بالطريق للشميسي ما وصلنا
وطول الطريق والرجال واقف يدرس علينا دروس للحج شي بينسمع وشي ما بينسمع
رحت للرجال وقفت جنبه
قلتله مابدي ارفع صوتي حملتك كلها فاضية قلتلي باصات مكيفه ومنامة ٣ ايام التروية بمنى هذا كله مافي منه
انا فايتلك اجار راكب وبترجعلي الباقي ولا بيصير الحكي عالمكشوف
قال خلص خلص متل ما بدك بس نوصل لمكة برجعلك الباقي
وبالفعل مع الفجر وصلنا لمكة بالعزيزية نزلونا بفيلا كبيرة فيها هنكر صاج بالحوش قال الحريم بالغرف والرجال بالهنكر
طيب وعن منى والخيم بمنى قال مافي مو ضروري
_____________________
انا طبعا لازم روح لمكتب المنصور
طلبت من اهلي يبقوا مكانهم ما ينزلوا للطواف معهم وساعة وبرجعلكم
نزلت لمكتب اللي بشارع المنصور عند ابو محمد اخذت ليموزين رايح راجع لاني بالاساس بدون الليموزين ما بعرف ارجع
اتفقت مع الرجال واعطيته فلوس لقيت عنده. بنت صبية لوحدها
كل ما تفتح تمها يسكتها
سألته شو قصتها
قال بدها تنزل عالحرم والباصات جاي من جده للحرم ومافي مين ياخدها للطواف
قلتله طيب واذا اخذتها انا معي ومع اهلي قال اسالها اذا بتروح خدها
هذا الكلام قبل الفجر
ركبت هالبنت لابسة برنص مغربي مسترة حالها ورجعت لعند اهلي جايب معي بنت
________________
حتى ما طول السيرة البنت ما شاء الله عنها حاجة كذا مرا بعدين منجي لقصة البنت
نزلنا انا والوالد واختي وبنت اختي والبنت المغربية معنا لطواف القدوم وما صارت الساعة تسعه الصباح الا ومخلصين الطواف
البنت تقدمت قدام الكل والوالد على يمينها واختي وبنت اختي بالوسط وانا وراهم والبنت ما شاء الله عنها صحة وقدرة وشباب تفتح الطريق قدامنا كانها فراعة
____________
رجعنا نحن الخمسة للعزيزية عشرة او ١١ الساعة وعطينا عمر لترجع الناس وانا منتظر يرجع الرجال اخد منه باقي الحساب
ركبت الوالد واختي والمغربية بسيارة جيمس لمشاعر منى ومعهم عنوان المخيم وفضلت مع بنت اختي منتظر لبعد العصر حتى رجعوا من طواف القدوم
اخدت حسابي من الرجال وطلعنا ل منى
___________________________
الجلسة بالمشاعر المقدسة بمنى انا لليوم بعتبرها من أجمل ٣ أيام قضيتها بالمملكة روحانية ما بعدها روحانية صفاء للنفس والروح تعبد متعة من متع العباده
كنا بالمخيم خيم حريم وخيم رجال انا والدي بخيمة رجال يمكن ٥ غيرنا
وانا وابي ساكتين وانا بالعاده ما بسكت والله لو شو ما بسكت بس سبحان الله سكتت
الخمسة اللي معنا ليل نهار ليل نهار خلوا حدا ما حكوا عليه خلوا حدا ما جابو بسيرته وسيرة اهله
ما عم قلك يمكن الروحانية اللي بالمشاعر وحتى ما تروح حجتي جدال الله سكتني
_______________
يوم عرفات الله يطعمه لكل راجي يوم من ايام الجنة خاصة قبل النفرة بشوي اكيد في مين جرب وعاش هالروحانيه الجميلة الناس كلها وئول الى الله كانه يوم المحشر وانتهى كل شي والناس بوجهة واحده رافعين اياديهم وطالبين الله
___________________
الكل بيعرف بعد عرفات النومة بمزدلفة تحت العراء بدون خيم والناس منتشره بالجبل جماعات وفراده طول الليل
البنت المغربية معنا وهي عرفت اني بحب الشاي كل ما تشوف بياع شاي لاقيها شاريه خمسة شاي وجاية
والمسكينة ما بعرف كيف بعدت خطوتين عنا حافية راحة تجيب شاي ضاعت عنا وما عرفت ترجع
______________________________
نحن كملنا ليلتنا ومع الفجر طلعنا للعزيزية ومن العزيزية نزلونا الباصات للرجم والوالد راسه ومليون يمين بده يرجم بنفسه وحلوها اذا بتحلوها
طبعا بعد الرجم ويمكن الوقت صار مغرب ورجعنا للمخيم بمشاعر منى
وهنا انضم الينا للمخيم دكتور مصري متزوج من دكتورة فلبينية جلسوا معنا وحتى لآن البنت المغربية مختفية
ما رجعت غير قبل العشا بشوي جابتها دورية شرطة وفيها عقيد
_________________________
طبعا أيامها ما كان كل واحد معه جوال يمكن انا بجوالي وأختي بجوالها
على باب المخيم في ضابط عقيد عم يسأل مين وائل الصيداوي
أهلا وسهلا انا خير
قال تفضل في حدا بده يحكي معك
سمعت صوت رجال تشكرني وقال سمعنا من البنت انها من اول الحجة معكم وما تخليت عنها وانا بترك معك رقم العقيد اي شي بتحتاجه بيجيكم شكراً شكراً الله معك
_______________
شو قصة البنت؟ بعدين فهمنا
البنت صهرها احد المسؤلين بوقتها في فلان مكان
وهي ما خلت حجة خمس نجوم من حجات المسؤلين والرفاهية الا وحجتها
بس هي حابة قبل ما ترجع بلدها تسافر حجة فيها تعب فيها مشقة انها حست بتعب الحج
وقت اللي ضاعت حافية ما كلفها الامر غير. تتصل باهلها وامنو رجعتها واهتموا فيها
______________
انا قبل يوم طواف الوداع وطبعا مالي حابب اتعجل وانزل مع الباصات بالحمله قلت برجع لحالي وبراحتي
اتصلت على ابن اختي تامر الله يرضى عليه طلع الباص التيوتا لمنى لانه ممنوع بطلع اقل من حافلة للمشاعر
فردت هالفرشات بارض الباص ورى
وركبت اختي والوالد والبنت معنا والدكتورة الفلبينية وبنت اختي معهم وكنا طبعا فكينا الإحرام
حطيت قالب تلج لفيته بالمناشف وعبيت بوسط الباص العصيرات اللي كانوا زايدين بثلاجة المخيم
وركبت الدكتور المصري جنبي جنب السواق ونزلنا براحتنا للطواف
__________________________-_
خلصنا. الطواف بحلاوته وتعبه
نحن والدكتور وزوجته الفلبينية والبنت المغربية وجالسين بالحرم بعد الطواف الوالد بيحب يصلي كتير بالحرم
الدكتورقال ممكن اخذ شنطتي من الباص عشان امشي انا وزوجتي ممكن الوالد يروح معاي ويرجع بالمفتاح
قلتله حبيبي الوالد رجال كبير وانالساقدامي طواف
بتخلي زوجتك معانا بتاخد مفتاح الباص بتاخد الشنطة بتحطها بسيارتك بترجع بتجيب المفتاح بتاخد مراتك
_____________—
لذلك وقت حدا. بيسالني كم مره حجيت
بقوله مره ونص
ذكروني احكيلكم عن النص
وسلامتكم
