مطلوب الليلة أفكار لحفلة تخرج صديقتنا

اهم الافكار
ان تجمعي جميع صديقاتك ليحتفلن معك في فرحتك
الف الف مبروووووووووووووووووووك وعقبال الماستر

محل صغير كله كريستالات يلي فيه صوور الساعات

هدول

اول شي

الف مبروووك للصديقه مين ماكانت

وان شاء الله بتكون احلى حفله

بس قولولنا وين الصديقه ع الاقل من السعوديه ولا من وين

من شان نعرف كيف نفكر بالضبط

وانا ان شاء الله بحاول فكرلك وكل متبيطلع معي شي بقلك

بس عمووو مابينفع تغششني بيني وبينك

مبقول لحدا انا

والك علي بكره باذن الله

قد مافيني اجمع افكار راح جمع واكتبها

وعقبال يارب مانفرح بفوفو ووائل وحموزه يارب

وتفرحوا فيني كمان بس اتخرج هههههههههه

والله انا من وقت فتت ع الموضوع وانا عم جمع افكار وحاول شوف شو بيطلع معي

بس المشكله طلع معي استفسارات كتير

هي شلون راح تكون الحفله

راح تكون جماعيه يعني راح تتفقي انتي ورفقاتك لتساوا حفله مشتركه

ولا راح تكون حفله خاصه فيكي بس

وكيف راح يكون الحضور ناس كبار يعني عيلتك ولا رفقاتك

واذا بدك تعملي كروت دعوه او شو

عموما انا شايفه لو بدك تعملي حفله

اعتبري حالك احد المدعوين بالحفله

وفكري لو تروحي ع هالحفله شو بتتمني يكون بالحفله وشو انه شي بتلاقيه بيشجعك انك تحضريه

واول شي حلو تساويه

جيبي دفتر كبير يا بتزينيه او بيكون مزين

بينباع بالمكتبات

خلي هالدفتره متل المذكره

سجلي كل اللحظات بهاليوم

الساعه واليوم وقت استلمتي الشهاده

وشو المواقف والاحداث الي صارت معك

وخلي باقي الصفحات لرفقاتك وضيوفك

خليهم كلهم يكتبوا لك كلمه بهالمناسبه

واخر صفحه طبعا سجلي كل الملاحظات وختام الحفله وكل شي

وخليه هالدفتر ذكرى الك

وطبعا لو فيكي تحطي صور

صوري كل شي

حالك

فستانك

البيت

ضيافتك

كل شي وثقيه بهالدفتر وخبيه للذكرى

راح يكون ذكرى حلوه ترجعي لها كل فتره وفتره

اجينا للدعوه

حلو تعملي كرت دعوه بسيط

وهالافكار مو شرط يكون كرت دعوه ممكن تكتبي كلمه وتوزعيها لمدعوينك وممكن توزعيها للحاضرين

طبعا غير انه في كروت جاهزه

في افكار ممكن تساويها بالبيت

يعني ممكن تجيبي ورق ملون وتكتبي فيها وبعدها تلفيها بشكل اسطواني يعني متل الشهادة الملفوفه او المطويه وتلفيها بشريطه وتوزعيها

ممكن تكون كلمه تختاريها وممكن تكون دعاء او اي شي واخر الورقه سجلي التاريخ والمناسبه



وفيه ممكن تجيبي ورق اسود

تقصيه مربعات

وكمان تقصي منها على شكل مستطيل

وقصي دائره صغيره كتير بحجم العدس

وجيبي شريط او خيط سميك

هالورق الاسود المستطيل تلفيه بشكل اسكواني ولزقيه في المربعات بشكل تكون متل البرنيطه ( الطاقيه ) وحطي الخيط وثبتيه بالنص وبعدين ثبتيه بالدائره الصغيره

واربطي باخر الخيط ورقه صغيره كمان اكتبي كلمه حلوه وسجلي التاريخ والمناسبه

وممكن تجكعي بين الفكرتين

هالافكار من راسي والله ما نقلتها بس هي صوره بتوضح قصدي

ان شاء الله تكون واضحه

اجينا للحفله

لو كانت مختصره ع رفقاتك

حلو تساويها تنكريه حتى شوي تخرج عن الحفلات العاديه

وحلو لو تشترطي عليهم يكون لبس مدرسي او يربطوا شعرهم بفيونكات وهيك

وحتى ضيافتك خليها شوي طفوليه

يعني وزعي مصاصات وحلويات وبالونات ووزعي اقلام في اقلام شكلها حلو ومهضوم بمحلات يابلاش بتكون شوي مهضومه

وطبعا فيكي ماتردي ع شي من الي حكيته احسن ماتسبيني

انا بشوف بلا هالاقتراح احسن ماهيك

اولا بشكر وائل من قلبي على هالإهتمام والأفكار الحلوة
عن جد خجلانه قد شعر رأسي ...وماني عارفة أيش أقول
غير "ربنا مايحرمني منكم جميعا ...من ذوقكم ولطفكم وطيبة قلوبكم "
...

الأميرة الجميلة ...الله يبارك بحياتك يارب ...وأكيد راح أسمع نصيحتك واعزم كل صديقاتي ...تسلميلي يارب

...أم التوت ... يا أم التوت ... ربنا يسعد قلبك وروحك وكل ايامك
حبيت افكارك كتيييير ...
وخصوصا ..لما قلتي "تخيلي حالك معزومة على حفلة ...إيش تحبي يكون موجود فيها "
وحتى الاقتراح الاخير حبيته تبع الحفلة الطفولية ... بس للأسف صعب تنفيذه ...لان مو بس صحباتي اللي راح يكونون موجودين فيه ..من الاهل والجيران ... يمكن بعدين اعمل حفله خاصة لصديقاتي بالبيت وونخليها تنكريه ونعيش طفولة متأخرة

تسلميلي يارب .. وماأنحرم من ذوقك ياعسل
...

أستاذنا الكريم وائل ...طبعا لاكلمة ولاكلمااااات تقدر توفيك حقك
أفكارك وجهودك محل تقديري ...ويارب عقبال ماتفرح بفوفو وحموزه

ريناااااد قيمك من كل هالحكي
انا معزوووووومه ولا لا
انا بجي لحالي مابصطحب معي اطفال متل عمو وائل

زهرة النرجس ..الله يبارك فيك ويسعدك يارب ويعطيك كل اللي تتمني واكثر
تسلميلي ياقمر
يكفيني هالكلام الحلو وهالأحاسيس الصادقة
....

ام التوت .. تنوريني وتشرفيني ياعسل
وانا بديك الساعة
بأطفال وبدون اطفال .. أحطك بعيوني
ريتك تسلميلي يارب

ريناد كتب:....

ام التوت .. تنوريني وتشرفيني ياعسل
وانا بديك الساعة
بأطفال وبدون اطفال .. أحطك بعيوني
ريتك تسلميلي يارب

وتسلمي لي ياقلبي والله كتييييييييييييييييييييييييير بتمنى اني اقدر احضر

وعن جد ياريت فيني اقدر قدم لك شي بهالمناسبه

اذا عندك حدا يقدر يستلم مني انا بتمنى اكيد

وهلئ بما انه اجت الاجازه

بتمنى كتير يوم تجي ع جده ونقدر نشوفك ونتعرف عليكي

وموفقه يارب ع الحفله وان شاء الله تكون حلوه

بس ما قلتي لنا انتي شو مجهزه ومخططه لتساوي بالحفله

فعلا ورد الشام غير
واهل ورد الشام غير
حاسة حالي بين اهلي واخواتي واعز
ربنا مايحرمني منكم جميعا ...
...
ام التوت ... ياأحلى من الذ توت
يسعدني ويشرفني اتعرف عليك اكيد
الله يحفظك ...ويحميك ويسعد ايامك ولياليك

ريناد ريناد

انا شفت الهدايا الي ساواها عمو وائل وهو مافي غير يورجيني

فيني الطش لي شي واحده منه