علمتني المترفـه : وشلـون احـس انـي ثـري !!
نصبّتنـي عرشهـا ،، ونصبّتهـا عـرش الحصـيـر
بس انـا .. علمّتهـا بصدقـي واصالـة جوهـري :
كيف يحتـاج الغنّـي .. لخبـزة احسـاس الفقيـر !!
.
اشعلي يـا نجمـة العشـاق - ليلـك – واسهـري
امشي بنفـس الطريـق .. وجرّبـي نفـس المصيـر
وبلّغـي صـادق تحياتـي / لحـزنـي ، وقـهـري
يوم كان الشـوووق لا يرحـم .. ولا عنـدّه ضميـر
وان تعبتـي مـن دروب العشـق واضنـاك سفـري
اذكريني .. تستريـح : الريـح / ويطيـب : المسيـر
واذكـري .. تاريخـي المـوؤود بانقـاض دهــري
شهقة : الخطوه ( الأخيره ) .. طيحة : الحلم ( الكبير )
رحلة آمالي .. فتـات اوراقـي .. اطـلال صـوري
سكرة اشعاري .. رماد ضلوعي .. احساسي الوفيـر
وغدرك اللي .. ما احترم صدري ، ولا صان ظهـري
وطعنـة ٍ مـن يومهـا مـا مـرّت ايامـي بخـيـر
طيـري بسـرب امنياتـك .. واوصلـي للمُشـتـري
وانثـري خواطـرك فـي واحـة الليـل الضـريـر
اذبلـي .. وتساقطـي .. وتكـسّـري .. وتبـخّـري
وامطـري علـى جـدار الذاكـره / كحـل وعبـيـر
سولفيـنـي للبـنـات الـيـا تقـصّـوك خْـبـري
لا صدح ضحـك العـذارى وجلسـن حـول الغديـر
.
كان .. يا ما كان ..... / وتغصّ الحروف ، وتنقري :
( سالفة حزني ) بصفحة خـدك : الدمـع الغزيـر !!
: .. كان شاعر – غير – لا ابو الطيّب ولا البحتـري
كل ما قال : آآه .. جمهوره مـن الفرحـه يطيـر !!
كانـت افكـاره : كنـوز ٍ توهـب ومـا تنـشـري
يجتمـع علـى موائـدهـا المـشـرّد ، والأمـيـر
اصبعه لا من كتب على ال/ ثَّرَى .. يُصبح / ثََـرِِي !!
كيف اجل لو ينظـم ابياتـه مـن خيـوط الحريـر ؟!
.
كان .. يا ما كان ..... / ويسافـر سرابـك لنهـري
وتشهق بصـدرك طيوفـي مـن ورا ضلـع ٍ كسيـر
فـارس ٍ باسـه شديـد ، ويسكنـه قلـب ٍ جــري
ولا رزَقه الله حصان ابيض ، ولا سيـف ٍ شطيـر !!
.
سولفيـنـي وان تغشّـتْـك الـدمـوع ، اتـذكّـري
يوم كـان الحلـم نهـر .. وكانـت عيونـك هديـر
ويوم كنـت آخـاف مـا يعجـب عيونـك مظهـري
وانحني منشـان مـا يفضحنـي الثـوب القصيـر !!
اسألـي كـل الشـوارع ، والحدايـق ، واظفـري !!
كيف كنت بكل يـوم اهديـك ( باقـة ورد ) غيـر ؟؟
كنت اوقّف بآخر الشارع .. واراقـب .. واحتـري ..
ليـن يهـدا الجـو .. وانتقّـى لـك الـورد النظيـر
كل ما امـر بْرصيـف يقـول : خلّصـت زهـري !!
وكل ما اقطف ورده .. اللي جنبها / منهـا : تغيـر !!
اسألـي شباكـك الـوردي .. وش اردى بنظـري ؟؟
لا قعـدت الـف قبلـة بيتـكـم كـنـي غفـيـر !!
كنـت احاصـر غرفتـك بجيـوش عينـي وبصـري
كـن لـي عـش ٍ بشباكـك وكـن العيـن طيـر !!
آآخ .. لـو عشتـي انتظاراتـي ، وشفتـي منظـري
لا سألنـي جاركـم : وش بـك هنيّـا تستـديـر ؟؟
و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !! –
و ، بس يدخل .. اسمعه يضحك بصـوت ٍ مُـزدري !!
- ( حنّا بالعطله ، وصاحبنا على الدفتر سهير !! ) -
اسألي الجدران .. عـن خـط ٍ عجـز لا ينقـري !!
علّـم الجـدران ( مالـم تعلـم ) فبـوح الضمـيـر
اسألي امي .. عـن كـدر بالـي وضيقـة خاطـري
لا سألتني: يـااا وليـدي وشبـك ؟؟ .. ورد الزفيـر
.
السـواد اللـي علـى جفونـي مـن آثـار سهـري
لـو عرفتـي كيـف كحّلنـي بـه .. الليـل المريـر
كنت لا جا الليـل .. قلّطتـه علـى الجفـن الطـري
ليـن نصّبنـي السهـر لعيـون خلـق الله سفيـر !!
وان نفانـي للسهـر - يـا مترفـه – حكـم قـدري
هالسهر يـا مـا نفـى لـي مـن ضحايـاه الكثيـر
والبيـاض الـلـي تشوفيـنـه تنـامـى بشْـعـري
من مظاليمه : هـلال اعـرج / ونجـم ٍ مستجيـر !!
.
يـا رُفـات الطيـش فـي تابـوت الاحـلام البـري
من خذلنـي بالبدايـه .. كيـف اصونـه بالأخيـر ؟!
ما بقى لـك غيـر بعضـي .. واستميحـك باكثـري
ضاع .. مثل النور لما ضـاع عـن عيـن الضريـر
مثل ما ضاعت عصافيـرك عـن اغصـان شجـري
مثل ما ضاع الامـل عـن صبـح شباكـي الصغيـر
وما بقى لك غير سالفتـي .. وشعـري .. وصـوري
سولفيهـن للشمـوع الحمـر .. والفـرش الوثيـر
للستـايـر .. لـلأسـاور .. للـحـاف السـكّـري
للهدايـا .. للتـحـف .. للمزهـريّـه .. للسـريـر
.
واوعدك .. وقت الحصاد .. اتجاهل الجـوع / العُـري
بس لاجل اكتب حـروف اسمـك بحبـات الشعيـر !!
ولاجـل اعلّـم هالـزمـان المستـبـد العنـصـري
كيـف يحتـاج الغنـي لخبـزة احسـاس الفقيـر !!
لــ خلف الكريّع
نصبّتنـي عرشهـا ،، ونصبّتهـا عـرش الحصـيـر
بس انـا .. علمّتهـا بصدقـي واصالـة جوهـري :
كيف يحتـاج الغنّـي .. لخبـزة احسـاس الفقيـر !!
.
اشعلي يـا نجمـة العشـاق - ليلـك – واسهـري
امشي بنفـس الطريـق .. وجرّبـي نفـس المصيـر
وبلّغـي صـادق تحياتـي / لحـزنـي ، وقـهـري
يوم كان الشـوووق لا يرحـم .. ولا عنـدّه ضميـر
وان تعبتـي مـن دروب العشـق واضنـاك سفـري
اذكريني .. تستريـح : الريـح / ويطيـب : المسيـر
واذكـري .. تاريخـي المـوؤود بانقـاض دهــري
شهقة : الخطوه ( الأخيره ) .. طيحة : الحلم ( الكبير )
رحلة آمالي .. فتـات اوراقـي .. اطـلال صـوري
سكرة اشعاري .. رماد ضلوعي .. احساسي الوفيـر
وغدرك اللي .. ما احترم صدري ، ولا صان ظهـري
وطعنـة ٍ مـن يومهـا مـا مـرّت ايامـي بخـيـر
طيـري بسـرب امنياتـك .. واوصلـي للمُشـتـري
وانثـري خواطـرك فـي واحـة الليـل الضـريـر
اذبلـي .. وتساقطـي .. وتكـسّـري .. وتبـخّـري
وامطـري علـى جـدار الذاكـره / كحـل وعبـيـر
سولفيـنـي للبـنـات الـيـا تقـصّـوك خْـبـري
لا صدح ضحـك العـذارى وجلسـن حـول الغديـر
.
كان .. يا ما كان ..... / وتغصّ الحروف ، وتنقري :
( سالفة حزني ) بصفحة خـدك : الدمـع الغزيـر !!
: .. كان شاعر – غير – لا ابو الطيّب ولا البحتـري
كل ما قال : آآه .. جمهوره مـن الفرحـه يطيـر !!
كانـت افكـاره : كنـوز ٍ توهـب ومـا تنـشـري
يجتمـع علـى موائـدهـا المـشـرّد ، والأمـيـر
اصبعه لا من كتب على ال/ ثَّرَى .. يُصبح / ثََـرِِي !!
كيف اجل لو ينظـم ابياتـه مـن خيـوط الحريـر ؟!
.
كان .. يا ما كان ..... / ويسافـر سرابـك لنهـري
وتشهق بصـدرك طيوفـي مـن ورا ضلـع ٍ كسيـر
فـارس ٍ باسـه شديـد ، ويسكنـه قلـب ٍ جــري
ولا رزَقه الله حصان ابيض ، ولا سيـف ٍ شطيـر !!
.
سولفيـنـي وان تغشّـتْـك الـدمـوع ، اتـذكّـري
يوم كـان الحلـم نهـر .. وكانـت عيونـك هديـر
ويوم كنـت آخـاف مـا يعجـب عيونـك مظهـري
وانحني منشـان مـا يفضحنـي الثـوب القصيـر !!
اسألـي كـل الشـوارع ، والحدايـق ، واظفـري !!
كيف كنت بكل يـوم اهديـك ( باقـة ورد ) غيـر ؟؟
كنت اوقّف بآخر الشارع .. واراقـب .. واحتـري ..
ليـن يهـدا الجـو .. وانتقّـى لـك الـورد النظيـر
كل ما امـر بْرصيـف يقـول : خلّصـت زهـري !!
وكل ما اقطف ورده .. اللي جنبها / منهـا : تغيـر !!
اسألـي شباكـك الـوردي .. وش اردى بنظـري ؟؟
لا قعـدت الـف قبلـة بيتـكـم كـنـي غفـيـر !!
كنـت احاصـر غرفتـك بجيـوش عينـي وبصـري
كـن لـي عـش ٍ بشباكـك وكـن العيـن طيـر !!
آآخ .. لـو عشتـي انتظاراتـي ، وشفتـي منظـري
لا سألنـي جاركـم : وش بـك هنيّـا تستـديـر ؟؟
و- المصيبه – دايمـاً عـذري : مضيّـع دفتـري !!
يبتسم ، ويروح – وانا مصدّق انْ عذري خطيـر !! –
و ، بس يدخل .. اسمعه يضحك بصـوت ٍ مُـزدري !!
- ( حنّا بالعطله ، وصاحبنا على الدفتر سهير !! ) -
اسألي الجدران .. عـن خـط ٍ عجـز لا ينقـري !!
علّـم الجـدران ( مالـم تعلـم ) فبـوح الضمـيـر
اسألي امي .. عـن كـدر بالـي وضيقـة خاطـري
لا سألتني: يـااا وليـدي وشبـك ؟؟ .. ورد الزفيـر
.
السـواد اللـي علـى جفونـي مـن آثـار سهـري
لـو عرفتـي كيـف كحّلنـي بـه .. الليـل المريـر
كنت لا جا الليـل .. قلّطتـه علـى الجفـن الطـري
ليـن نصّبنـي السهـر لعيـون خلـق الله سفيـر !!
وان نفانـي للسهـر - يـا مترفـه – حكـم قـدري
هالسهر يـا مـا نفـى لـي مـن ضحايـاه الكثيـر
والبيـاض الـلـي تشوفيـنـه تنـامـى بشْـعـري
من مظاليمه : هـلال اعـرج / ونجـم ٍ مستجيـر !!
.
يـا رُفـات الطيـش فـي تابـوت الاحـلام البـري
من خذلنـي بالبدايـه .. كيـف اصونـه بالأخيـر ؟!
ما بقى لـك غيـر بعضـي .. واستميحـك باكثـري
ضاع .. مثل النور لما ضـاع عـن عيـن الضريـر
مثل ما ضاعت عصافيـرك عـن اغصـان شجـري
مثل ما ضاع الامـل عـن صبـح شباكـي الصغيـر
وما بقى لك غير سالفتـي .. وشعـري .. وصـوري
سولفيهـن للشمـوع الحمـر .. والفـرش الوثيـر
للستـايـر .. لـلأسـاور .. للـحـاف السـكّـري
للهدايـا .. للتـحـف .. للمزهـريّـه .. للسـريـر
.
واوعدك .. وقت الحصاد .. اتجاهل الجـوع / العُـري
بس لاجل اكتب حـروف اسمـك بحبـات الشعيـر !!
ولاجـل اعلّـم هالـزمـان المستـبـد العنـصـري
كيـف يحتـاج الغنـي لخبـزة احسـاس الفقيـر !!
لــ خلف الكريّع
