الأخ الأكبر _ أخر العــنــقـود

شكرا كتير يا وائل على الموضوع ، كتير حلو
بالنسبة الي انا الاخت الكبيرة او اول العنقود ع رأي وائل وكتير في مسؤليات بتجي علي لازم اكون القضوه للي اصغر مني باعتباري المثل الأعلى بعد الست الوالده الله يخليها النا وما يحرمنا منها ،

وبالنسبة لأخر العنقود طبعا ( لينا ) مفكره اني امها ما بتنام غير بحضني طبعا هسه صار عمرها 11 سنه وهي من هسه كل يوم بتبكي او من اول ما خطبت كيف بدي اتركها بشهر 7 طبعا يوم زفافي فيا ريت يا اخ وائل لو بتلاقيلي حل لهل المشكله

بداية

وطبعاً بعد ألف ألف مبروك

والله يتمم بخير

وإنشاء الله تكوني قرة عين له ويكون قرة عين لكِ

ويجعله زواج مبارك



لاشك أنه مشكلة والحديث والكتابة حتى كل الكلام ما يوصف تعلق أختك

بالعكس الشيء الجميل بالموضوع أنك مدركة للحالة النفسية اللي تمر فيها أختك

لكن الشيء المساعد في الموضوع عمر أختك

أنها في ال 11 عام

يعني من السهل أنك توصلي معها لمعلومة لحديث لتشجيع

بداية لاشك لازم تنمي عندها حب المسؤولية وتفهميها بطريقة المزح وليس طريقة المطالبة

أنه بكرا بس يصير عندي أولاد لازم تهتمي فيهم وتراعيهم حتى تعيشيها حالة نفسية أنه زواجك في بعده ثمرة أولاد وأنك ما حتتخلي عنها وأنك اصبحتي بوقت أنتي محتاجة لخدماتها وقفتها معك

هنا المطالبة ليست مطالبة بوفاء بالدين

لا على العكس أنتي تدخلي هذا المدخل معها حتى تحسسيها أنك أنتي أصبحتي محتاجة لها

وهذا الإحساس يعطيها شعور بأنك حتى في زواجك محتاجة لها ما تفسره داخليا

أنك لن تستغني عنها

هذا من ناحية

من ناحية ثانية

لازم تستعرضي معها حياة الوالدة

كيف كبرت وتزوجت وأنجبت وخلفتكم وأصبح لها حياتهاوبيتها

وبالتالي كان دورك وجودك جنب أهلك وقصة نجاحك ضروري تقرنيها بالحديث حتى تهتم هي بمستقبلها وتعرف أنه دائما النجاح والمثابرة والدراسة هم الطريق لكل شيء

من ثم تشعريها بأنه سوف ياتي اليوم وتفرحي بجانبها بزواجها ولازم تدخلي بشروط ومواصفات العريس وانك وانك

كل هذا الحديث سوف يعطيها الشعور بأن وجودك معها لن ينتهي بحالة زواجك

مع تحياتي وأرجوا أن تتقبلي وجهة نظري المتواضعة وتمنياتي أن أكون وفقت بعض الشيء

بجد شكرا لك على هاي النصائح
تسمحلي انو اطلق عليك سفير النوايا الحسنة في ورد الشام
لانك ع طول بكون الك الرأي الموفق والرائع
تقبل مني احترامي وتقديري
دمت لهذا الصرح العظيم

والله يبارك فيك اخ وائل طبعا اسمح لي ان اقدم الدعوى لجميع الاعضاء و الاصدقاء في ورد الشام لحفل زواجي في 2011/7/25 وبعرف انو ما رح تقدورا تحضر بس اكيد بكفيني حضوركم المعنوي وعليك انت تلم النقوط من الاعضاء
ههههههههه

فلسطينية وافتخر كتب:والله يبارك فيك اخ وائل طبعا اسمح لي ان اقدم الدعوى لجميع الاعضاء و الاصدقاء في ورد الشام لحفل زواجي في 2011/7/25 وبعرف انو ما رح تقدورا تحضر بس اكيد بكفيني حضوركم المعنوي وعليك انت تلم النقوط من الاعضاء
ههههههههه

أكيد نكون معك

واكيد فرحتنا كل أصدقاء ورد الشام تكمل وقت نشعر أنه مناسبة جميلة لأي صديق

نكون حاضرين فيها

صح هنا على صفحات ورد الشام ليس إلا

لكن دائما التعبير عن السعادة بفرح الغير

بيسعد الجميع

ودائما معروف أنه الشيء الوحيد الذي كلما وزعته للغير كبر عندك وأزداد

هي السعادة

فهي تزداد بالمشاركة ولا تنقص

اما بالنسبة الي فأنا رابع بنت وبعدين اجى الصبي ومدلل كتير وكنت انا دائما غار منو اضربوا شو مايعمل اعمل مثلوا حتى يفكروني ولد بس وقت كبر شوي وقوي عودوا صار ياخد حقو انا من اجل هيك مابحب فرق بين اولادي ولابحب جيب اخت لحنين حتى تبقى مدللة بس عندي مشكلة ان حنين عنيدة وكنان بساير وايام مابتسمع الكلمة رغم اتي مدلعتهاوما وبضربها وخصوصا هالفترة جفصة ومابتسمع الكلمة احيانا بحتار كيف بدي عاملها يعني برر شوي ان مو حابة الغربة بما انك تطرقت لهذا الموضوع وبشكرك كتير دائما خبرتك بالحياة كبيرة لهيك بتمنى تساعدني بحل

صباح الخير أولا

صباح الخير أم كنان

وصباح الخير لكل أصدقاء ورد الشام

أعتذر لعدم تواجدي بوقت أكثر بورد الشام مشغول بتركيب محل جديد

لذلك مضطر كون لوقت أكبر برات البيت



بالنسبة للموضوع أم كنان

طبعا بداية الله يخليكم لبعض وما يحرمكم من بعض



ما حكيتي لنا عن الأخ الأكبر بالعائلة مين وكم سنة بينك وبينها

وما تطرقتي بالموضوع حول علاقتك با الأخ الأكبر ومكانته بين أخوته

أما بالنسبة لموضوع حنين

حتخليني صدق نفسي

يعني متل المثال ما يقال

إني مضروب بحجر كبير

القصة مش قصة خبرة في الحياة

القصة قصة مشاركة مع بعضنا البعض

كل منا يحتاج رأي ورأي صادق من طرف أخر وهذه ميزة تواصلنا

يمكن كتير أوقات حتى أنا بيكون عندي مشاكل ومحتاج أسمع من طرف ثاني

بالمناسبة

أنا من النوع بحب أسمع للغير وبحب النصية

ودائما الكلمة بتكون أهم من المتكلم نفسه

عندي مهما كان وضعه

بالرجوع لموضوع حنين

رحم الله والدتي قبل كل كلام

مع أنها كانت ديكتاتورية في قراراتها لكنها علمتنا على الكلمة

علمتنا على التواصل

اللي بيحصل مع حنين طبيعي وخاصة بوجود كنان أنه مساير ووجود كنان بصفة المساير هذا عنصر مساعد الكلنه لو كان غير مساير

كان الأمور أصعب بينه وبين حنين

مرحبا كنان كيفك

حلوة المسايرة بتعلم أكثر ل سعة الصدر

بحييك على هالروح الحلوة

على فكرة حنين بتحب تساير حتى سأليها صح هيه عنيدة بس جربي أحكي معها أكثر جربي شرحي لحنين وشوفي بعدها تجاوبها

حنين بتمشي بالحجة بالإقناع بكثير من التواصل هي ما بتعاند هواية بالعناد ولا محبة بالعناد صدقيني بالكلمة بتسوي كل شي

بس نوصلها الكلمة نوصل ل حنين الفكرة

صح حنين؟

مستعدة تساوي أي شي

بالمناسبة موضوع التواصل موضوع مهم جداً جداً

ويبدا التواصل عليما من وقت يكون الولد جنين في بطن والدته

وحتى ما نفلسف الأمور أكثر

بالعام الأول والثاني وحيث قد يصبح الطفل في طبع الصراخ حتى تلبى طلباته سببه هو عدم التواصل من نهاية العام الأول وقت نجرب نتكلم مع الطفل بالكلمة كأنه كبير يستجيب الطفل للكلمة ويعي معنى متى نعم ومتى لا

وحنين من هذا النوع في هذا السن تحتاج للكلمة

وسوف تكتشفين أن حنين ليست عنيدة

تقبلي تحياتي

الله يرزفك وائل والله تستاهل كل خير بالنسبة لسؤال انا الرابعة بالبنات اكبر من اخي بسنة بس بالنسبة لاختي الكبيرة هي غالية كتير علينا وبغليها كتير ساهمت مع ماما بتربايتنا من شان هيك بحسها مثل ماما وبتساعدنا بحل مشاكلنا الله لايحرمنا منها يعني هي علاقتي بأختي الكبيرة