semo

roro

سوسكانا

7 مشترك

انتقل الى الصفحة :

1, 2

عضو تحت الاضــــــــــــــــــــــــــــــــــــــواء

سوسكانا

سوسكانا: مشرفة المنتديات الإجتماعية; عدد الرسائل : 833
تاريخ التسجيل : 01/07/2009

مساهمة رقم 26

رد: عضو تحت الاضــــــــــــــــــــــــــــــــــــــواء

من طرف سوسكانا الإثنين 5 يوليو 2010 - 22:58

شكرا انثى ملائكية

على هذه الشفافية
متألقة كعادتك

والان نجمنا التالي

هو

رورو

roro

roro: دمينو ^_^ الشآآآآآم; عدد الرسائل : 3685
تاريخ التسجيل : 09/06/2009

مساهمة رقم 27

رد: عضو تحت الاضــــــــــــــــــــــــــــــــــــــواء

من طرف roro الإثنين 2 أغسطس 2010 - 15:19

من انت في جملة واحدة

رورو محمد جمال ههههههههههههه

وسعادتكِ تكمن في ........

شفآئي

أي فصل من فصول السنة يعكس شخصيتك؟

كل الفصول خير وبركة

!
قوّتكِ تكمن في
.
صبري

نقطة ضعفك ماهي ...........

ما هي موهبتك
ولا شي

ما هو الشيء الذي تتفائل به؟

رؤية الكعبة

من العين التي تسهر عليك

ربنا
بما ذا تحب أن تفاجئ

تذكرة سفر لالمانيا

تبحث باستمرار عن ......

رضا ربي

نصيحة تقدرها دائما

خلي بينك وبين عدوك خط للرجعه

سرّ لا يعرفه سواك .....

بعدين بقلك سوسو

لون يشبهك

الرمآدي

ما الذي يفرحك
شوفت فوفو وبوست وئولي

حلم حققته ...

ولا شي

خوف يرافقك

الشلل

كلام أو عبارة لا تُقال

علىالهواء؟

ذنوبي

ثلاثة أمور ترشحها لتُطرد

من حياتك؟

المرض
المرض
المرض

تحارب الإجهاد ب.....الراحة.........
..
وجهتكِ المفضّلة
للراحةوالإستجمام؟

ههههههههههههههههههههه الشام

شيء لا يمكن أن

تعيره لأحد؟

نضارتي

ما هو أحبّ أيام الأسبوع إلى

قلبك،ولماذا؟
كل الأيام متل بعضها

ما هو أفضل اختراع في العالم

بالنسبةإليك، ولماذا؟.

هههههههههههههههه مابدي قلك

ما هي أكبر

فاتورةدفعتها؟

اكيد بتعرفيها

كانت بحدود 720ريال هي اكبر وحدة

كلمة تقولها لنفسك بعد

كل فشل؟

المرة الجاية ما بقى ساوي هيك
شخصية إستثنائية لك.

عمي ابراهم اخو بابا
وعمي ابو وائل

عبر عن الحياة بكلمة

رحلة

يوم لا تنساه
وفآة بابا
ولادة وئولي
يوم سفري السعوديه اول مرة

آخر فيلم شاهدته وأثر بك

فيلم مبآرح كان فيلم إيراني مقتبس عن قصة واقعية عن رجم امرأة لاتهامها بارتكاب الزنا وكانت بريئة من هذه التهمة
كتير اثر فيني

نقطة ضعفك هي .... كم مرة بدي رد

حلم مازال يراودك
احلامي كتيرة
لا زال يراودني
استديو تصوير خاص فيني
ومكتبة كبيرة كمان خاصة فيني

ندمك الاكبرهو... اني زعلت ماما مني بيوم من الأيام
..
شيئ لاتقبله لا من صديق ولا من
حبيب

بتقبل أي شي من صديقي وحبيبي

&shy;انت مجبر أن تعطي اقتراح لمنتدى ورد الشام
ما هو

لو كنت مدير لورد الشام ليوم

واحد
ما هو اول اجراء
تتخذه
اول اجراء
بحذف كل الردود الغبية اللي مالها طعمة اللي بتحسس الأعضاء انهن قاعدين بشات مو بمنتدى ثقافي ترفيهي اجتماعي
يعني حلو نمزح ونحكي ونلعب
بس مو حلو انو نفتح المنتدى بس لنتعرف على هي ونحكي مع هديك

الشخص الافضل برايك هو

الذي

يصادقُكَ ام يصدقُكَ

الاثنان معاً
_ ما الدعاء الذي لطالما دعوته لنفسك ؟ لوالديك ؟ لشخص تحبه ؟ وأخبرنا من هو هذا الشخص؟

لنفسي : سر مع ربنا
لوالدي : رب اغفر لي ولوالدي وارحمهما كما ربياني صغيرا

لشخص بحبه :
بعيداً عن الأهل والأصدقاء
طبعاً لأن اهلي دايماً بقائمة أدعيتي

بدعي أكتر شي لفوفو : رب يحميها ويجعلها من حفظة القرآن وتبعتلها أيام حلوة ما تضيمها

شو رأيك بالأسئله وشو اكتر سؤال عجبك واكتر سؤال ما عجبك
أكتر سؤال عجبني
كزا سؤال بس اكتر شي
سؤال الدعوات
ويوم لا تنساه
ماعجبني نقطة ضعفك تكمن بشو

والان

اختر نجماً ليكون تحت
الاضواء
بختار

زهرة النرجس

واكتب له مقدمه تليق
به
دمشقية الهوى
نزارية الحضور
بحبها كتارين

يسلمو ام السوس ان شالله تعجبك ردودي هههههههههههه

زائر

زائر: زائر

مساهمة رقم 28

رد: عضو تحت الاضــــــــــــــــــــــــــــــــــــــواء

من طرف زائر الثلاثاء 3 أغسطس 2010 - 1:16

الأسئله

؟ من انت في جملة واحدة

مجموعة انسان

وسعادتكِ تكمن في ........
رضا الله ورضى الوالدين

أي فصل من فصول السنة يعكس شخصيتك؟

الفصول الاربعة
!
قوّتكِ تكمن في
ايماني

نقطة ضعفك ماهي ...........

طيبة قلبي

ما هي موهبتك
التعامل مع الاطفال

ما هو الشيء الذي تتفائل به؟
ما بعرف
كتير اشياء
الورد الابيض
ضحكة طفل صغير

من العين التي تسهر عليك
بابا الله لا يحرمني منو

بما ذا تحب أن تفاجئ
بلقاء شخص بعيد عن العين
تبحث باستمرار عن ......
راحة البال
نصيحة تقدرها دائما
اذا في بتمك كلمة حلوة قولها قبل ما تروح حلاتها
واذا في كلمة مرة اصبر عليها حتى تخف مرارتها

سرّ لا يعرفه سواك .....
وزني

لون يشبهك
الابيض

ما الذي يفرحك

اللعب مع الاطفال

حلم حققته ...

زيارة بيت الله الحرام وزيارة الرسول الكريم
عليه افضل الصلاة والسلام
كانت اغلى حلم والحمد لله تحقق
وهلأ حلمي ارجع مرة تانية

خوف يرافقك
الوحدة

كلام أو عبارة لا تُقال

علىالهواء؟
فكرة عم تجول بخاطري هاليومين بس مع الاسف ما بقدر اقولها
ثلاثة أمور ترشحها لتُطرد

من حياتك؟

الحزن
الضعف
التالتة سر

تحارب الإجهاد ب..............
النوم
وجهتكِ المفضّلة
للراحةوالإستجمام؟
لا راحة لمؤمن الا بلقاء ربه
بس انا وجهتي المفضلة حتى ارتاح الصلاة والدعاء
شيء لا يمكن أن

تعيره لأحد؟
قلبي
ما هو أحبّ أيام الأسبوع إلى

قلبك،ولماذا؟
دخيلكن كلن متل بعض
حتى احيانا ما عم نعرف نحنا اي يوم هههه
ما هو أفضل اختراع في العالم

بالنسبةإليك، ولماذا؟.
يمكن يمكن سلطة الفواكه ههههه لأني بحبها

عم امزح يمكن الانترنت احلى شغلة

ما هي أكبر

فاتورةدفعتها؟
تقريبا 75 دولار هههه

كلمة تقولها لنفسك بعد

كل فشل؟
الفشل اول طريق النجاح

شخصية إستثنائية لك.
بابا

عبر عن الحياة بكلمة
حلوة ومرة

يوم لا تنساه
اليوم اللي عملت فيه عملية لعيوني
الالم كان كتير صعب ما بينتسى

آخر فيلم شاهدته وأثر بك
من زمان ما شفت افلام

نقطة ضعفك هي ....
تاني؟؟؟؟؟؟
هو اللي حنقولو حنعيدو؟؟؟

حلم مازال يراودك

ندمك الاكبرهو...
شيء خاص ما بحب احكي فيه

شيئ لاتقبله لا من صديق ولا من
حبيب
الكذب

انت مجبر أن تعطي اقتراح لمنتدى ورد الشام
ما هو
بقترح تغيير الستايل

لو كنت مدير لورد الشام ليوم
واحد
ما هو اول اجراء
تتخذه
بغير الصورة اللي حاططها وائل
راح تقهرني بعيشتي

الشخص الافضل برايك هو

الذي

يصادقُكَ ام يصدقُكَ
الاتنين

_ ما الدعاء الذي لطالما دعوته لنفسك ؟
اللهم اني اسألك الهدي والصلاح والرحمة والمغفرة

لوالديك ؟
اللهم اغفر لهما
لشخص تحبه ؟
اللهم اجمعني واياه في رياض الجنان
وأخبرنا من هو هذا الشخص؟
انتو كل شي بدكن تعرفوه؟؟؟

شو رأيك بالأسئله وشو اكتر سؤال عجبك واكتر سؤال ما عجبك
اكتر سؤال عجبني حلم حققته
اكتر سؤال ما عجبني آخر فيلم شاهدته وأثر بك

والان

اختر نجماً ليكون تحت
الاضواء

واكتب له مقدمه تليق
به

بحضوره متالق دائما
بغيابه عطر كلماته يتناثر بين السطور
ينصح ويوجه ويعطي ويساعد
يتغزل ويمزح ويضحك
دائما قريب من الجميع
قلب ابيض لا يعرف الا الحب
كل الكلام الذي نقوله بحقه قليل
اخونا الكبير وصديق الجميع

وائـــــل

بانتظـــــــــــارك

سوسكانا

سوسكانا: مشرفة المنتديات الإجتماعية; عدد الرسائل : 833
تاريخ التسجيل : 01/07/2009

مساهمة رقم 29

رد: عضو تحت الاضــــــــــــــــــــــــــــــــــــــواء

من طرف سوسكانا الثلاثاء 3 أغسطس 2010 - 2:08

الله يسلم ها الفم يا زهرة بصراحة انتي الوحيدة
الي ما عليتيلي قلبي ورديتي بسرعةة
مو متل بعض ناس قبلك
الله لا يورجيكي ردودها الي قبلك متل المحششين

والله يسامحك ما اخترتي غير وائل
خدي بقى راحتلها اللعبة سنة زمان

roro

roro: دمينو ^_^ الشآآآآآم; عدد الرسائل : 3685
تاريخ التسجيل : 09/06/2009

مساهمة رقم 30

رد: عضو تحت الاضــــــــــــــــــــــــــــــــــــــواء

من طرف roro الثلاثاء 3 أغسطس 2010 - 9:25

مين محشش مالي خبر انا

زهورة

ليش عصبتي يعني شو فيها اذا بدنا نعرف كل شيء عن اي شيء

والله ممتعه بردودك عن جد بتفشي القلب

مو متل بعض عالم ههههههههههه

يلا بانتظارك وائل

زائر

زائر: زائر

مساهمة رقم 31

رد: عضو تحت الاضــــــــــــــــــــــــــــــــــــــواء

من طرف زائر الثلاثاء 3 أغسطس 2010 - 21:55

سوسكانا كتب:الله يسلم ها الفم يا زهرة بصراحة انتي الوحيدة
الي ما عليتيلي قلبي ورديتي بسرعةة
مو متل بعض ناس قبلك
الله لا يورجيكي ردودها الي قبلك متل المحششين

والله يسامحك ما اخترتي غير وائل
خدي بقى راحتلها اللعبة سنة زمان

سلامة قلبك سوسو خانم
مين هاد اللي بيسترجي يعللك قلبك؟؟؟
بعدين انتي ليش ما عم تباني والله اشتقنالك

بالنسبة لأختيار الشخص انا افترضت العكس ما بعرف ليش متخيلة انو وائل ما بيتأخر بالرد ههههه
بكل الاحوال لعيونك خلص من اليوم ببلش النق
وانتو من عندكن صبح ومسا انتي ورندة
ضلو نقو عليه وضلو وراه وراه حتى يجاوب... شلوني معك؟؟

زائر

زائر: زائر

مساهمة رقم 32

رد: عضو تحت الاضــــــــــــــــــــــــــــــــــــــواء

من طرف زائر الثلاثاء 3 أغسطس 2010 - 21:56

roro كتب:مين محشش مالي خبر انا

زهورة

ليش عصبتي يعني شو فيها اذا بدنا نعرف كل شيء عن اي شيء

والله ممتعه بردودك عن جد بتفشي القلب

مو متل بعض عالم ههههههههههه

يلا بانتظارك وائل

لك مو عصبت انا بس انا ما بحب الحشرية
هي سوسو بتحشر انفها بكل شي هههههه
وانا ما بحب هيك بس اذا بدك تعرفي شي بحكيلك ياه عالمسنجر ههههه
بكل الاحوال منيح اللي فشيت قلبك بردودي
كنت خايفة اكون تقيلة دم

roro

roro: دمينو ^_^ الشآآآآآم; عدد الرسائل : 3685
تاريخ التسجيل : 09/06/2009

مساهمة رقم 33

رد: عضو تحت الاضــــــــــــــــــــــــــــــــــــــواء

من طرف roro الثلاثاء 3 أغسطس 2010 - 22:10

لالالالالالالالالا حبيبتي شو تقيلة دم

لك انتي دمك شربات

بس شو النكتة الحلوة انو متخيلة وائل كا يتأخر مو قلتلك دمك شربات ههههههههههههههه

يا ستي انا موافقة بنئ ماعندي مشكله ابدا

بس بدك مين يسمع النئ هههههههههههه

waell

waell: مدير الموقع; عدد الرسائل : 29437
تاريخ التسجيل : 27/09/2007

مساهمة رقم 34

رد: عضو تحت الاضــــــــــــــــــــــــــــــــــــــواء

من طرف waell الجمعة 6 أغسطس 2010 - 19:26

عضو تحت الاضواء

تأنق وتألق
لانك
ستكون نجمنا لهذا اليوم
هو مشكلة مع موضوع الأناقة بصراحة
مافي أحلا من الأناقة حتى بتحسن من نفسية الواحد يعني بإختصار اليوم صرنا كتير نسمع كلمة طفشان طفشانين طفشانه مع إنها كلمة غير محببة للمسلم بشكل خاص وحتى لبني آدم بشكل عام مكروهة حتى ما تقولوا بادي معكم بداية إسلامية لكلن هاي حقيقية مذكورة بالدين التأفف ودائما الشعور بالطفش منهي عنه بالدين

لذلك علينا نغير من نفسيتنا للأحسن بطريقتنا الخاصة
بالمناسبة قبل شوي صحي وائل الصغير من النوم وشافني وجا لعندي يبوسني وباسني وصبح علي وباس إيده على طريقة أبو شهاب وارح لغرفة رورو يوقولها صحنوم لأنه هو بيوصلهم مع بعض وصلتها
يعني مو صح النوم صحنوم
منرجع لموضوع الأناقة وربطها بموضوع الطفش
الأناقة سبحان الله بتختلف من شخص لآخر
أهم شي مهما لبست ومهما تأنقت تكون النفسية من داخلك مرتاحة وتكون نفسيتك من الداخل مرتاحة عندك قناعة بنفسك
عندك قناعة بشخصيتك
عندك قناعة بأنه وجودك بها المكان صح

الأسئله

؟ من انت في جملة واحدة
أين من عينيّ هاتيك المجالي يا عروس البحر يا حلم الخيال
أين عشّاقُكِ سُمّارُ الليالي أينَ من واديكِ يا مهدَ الخيالِ
موكبُ الغيدِ وعيدُ الكرنفالِ وسرى الجندول في عبر القنال
بين كأسٍ يتشهّى الكرمُ خمره وحبيبٍ يتمنى الكأسُ ثغره
التقت عيني به أول مرة فعرفت الحب من اول نظرة
أين من عينيّ هاتيك المجالي يا عروس البحر يا حلم الخيال
مرّ بي مستضحكاً في قربِ ساقي يمزج الراحَ باقداحٍ رقاقِ
قد قصدناهُ على غيرِ اتفاقٍ فنظرنا وابتسمنا للتلاقي
وهو يستهدي على المفرقِ زهره ويسوّي بيدِ الفتنةِ شعره
حينَ مسّتْ شفتي أول قطره خلتهُ ذوّبض في كاسيَ عطره
أين من عينيّ هاتيك المجالي يا عروس البحر يا حلم الخيال
ذهبيُّ الشعرِ شرقيّ السمات ملِحُ الأعطافِ حلوُ اللفتاتِ
كلما قلتُ له خذْ قال هاتِ يا حبيبَ الروح يا أنسَ الحياةِ
أنا من ضيّع في الأوهام عمره، نسي التاريخ أو أٌنسِيَ ذكره
غير يومٍ لم يعد يذكر غيره، يوم أن قابلته أول مرة
أين من عينيّ هاتيك المجالي يا عروس البحر يا حلم الخيال
قلتُ والنسمة تسري في لساني هاجتِ الذكرى فأين الهرمان
أين وادي الذكرِ صدّاحِ المعاني، اين ماءُ النيلِ أينَ الضفتان
آه لو كنتَ معي نختال عبره بشراعٍ تسيح الأنجم إثره
حيث يروي الموج في أرخمِ نبرة حُلمَ ليلٍ من ليالي كليوباترة
أين من عينيّ هاتيك المجالي يا عروس البحر يا حلم الخيال

عضو تحت الاضــــــــــــــــــــــــــــــــــــــواء - صفحة 2 Download

وسعادتكِ تكمن في . مع وائل ومع فوفو
مع انه للسعادة فلسفتها الكبيرة البسيطة السهلة
السعادة هذا الشعور اللي ممكن تعيشه مع أصغر حالة بسيطة يوم تشوف منظر يسر العين تبقى بسعادة ليوم كامل وأوقات تفكر حالك غضنفر زمانك تبقى تجري تجري تجري ورى السعادة وتقول وينها وبعض أحيان بتكون السعادة قريبة منك كتير وأنت مو منتبه ليها
السعادة بسيطة وكل يوم موجودة السعادة غير مرتبطة بتحقيق أحلامنا لأنه حتى مع تحقيق احلامنا وبعد تحقيقها بيبقى بعد باقي أحلام بعد هاي الأحلام نحتاج ونتأمل تحقيقها السعادة الحقيقية أنك تفرح قلب غيرك تحس أنك مهم وأنت جنب الآخر تحس بوجودك

أي فصل من فصول السنة يعكس شخصيتك؟
الربيع لا شك يمكن لآني جوزاء دائما الربيع فصل التجدد فصل الحيوية فصل النشاط

!
قوّتكِ تكمن في
طول عمري بعرف أنه قوتي بمصداقيتي بصدقي
يعني بوضوحي الحمد لله مع اني بخفي كتير اشياء وببلع اشياء كتيرة بجد لكن وقت الجد أي اي لاء لاء
ما بحب تزين الاشياء وما بخاف من كلمة صح
مهما كان الوضع صعب هو للحقيقية قوة الواحد فينا تكمن في انه قادر يسمع اللي حواليه قادر يستوعب اللي حواليه ومو شرط يكون عنده جواب لآي سؤال قد يطرح عليه مستقبلاً يمكن فهمتوا قصدي
في ناس بتكون مجهزة جواب لآي سؤال قبل ما ينطرح عليها وهذا شي غلط كبير بهاي الحالة بتقوقع نفسك في مجال عدم الفهم عدم الإستيعاب عدم تطوير ذاتك عدم مشاهدة نفسك من خلال عيون الآخرين مع أنه منرجع بحقيقية الأمر منقول حاسس بوحدة
حاسس حالي لحالي
حلوا كتير نسمع السؤال نسمع النقد نسمع التعليق نأخد نفس عميق نهضم الموقف اللي نحن فيه ونقول صح أنا على غلط
.

نقطة ضعفك ماهي ...........

يمكن المرأة ما بعرف
نقطة ضعفي عائلتي

ما هي موهبتك
لاحدى يحكي عن الموهبة هالكم يوم بالي مشغول بتصميم المحل الجديد

ما هو الشيء الذي تتفائل به؟
بصراحة بتفائل بحسام
وبتفائل برندا مع انها
**** مافي

من العين التي تسهر عليك
سهام أكيد
وبصورة أشمل كل عائلتي حتى أخي نورس مع انه كتير بيعذب الواحد هو لكن بصراحة سبحان الله دائما الأم تتنبأ من صغر أولادها بأبنائها مهاما حصل بيناتنا ما بنسى أخي نورس حتى عن باٌي أخواتي كلهم

بما ذا تحب أن تفاجئ
ما بحب المفاجئات بصراحة
يمكن بحب أني أتفاجئ يشخص مشتاقله
بزيارته بعودته بشوفة شخص غير متوقع أني شوفه
لكن أي شي تاني كمفاجئة ما بحب المفاجئات
تبحث باستمرار عن ......

نصيحة تقدرها دائما

من لاتهم حياته لم يهم مماته

سرّ لا يعرفه سواك .....

قصدك أسرار كتيرة لا يعرفها غيري
لازم تجيبوا أدوات غطس وبحر كبير
لالا وجهاز كشف الكذب
ويمكن ما بيطلع معكم شي

الإنسان مجموعة أسرار وما بيقدر يكون غير هيك

لون يشبهك

الأبيض
حتى وقت ألبس بحب يكون في بلبسي أبيض
شفتوا كيف بعرف أمدح حالي

ما الذي يفرحك

يعني السيجارة فوق صحن السيجارة
وما حسيت بحالي جيت أشعل سيجارة تانية
بس الله ستر
يمكن إذا شي بيفرحني هالايام أنه تتعافى رنده

حلم حققته ...

كتير أحلام حققتها والحمد لله وبشعر اني بخير وأنه الدنيا بخير يمكن من الأحلام اللي حققتها وبحبها أني عمرت بيت على مزاجي يعين تفننت فيه صح هو مو قصر لكنه مميز وعلى قد أحلامي مع أني ناوي بيعه بصراحة
طبعا الحلم التاني اللي حققته إنه كنت دائما متمني حسام لسهام وهذا الشي الكل بيعرفوه والحمد لله كان توفيق من الله وأنا بعتبر أنه هذا الحلم بالعشر سنوات الأخيرة هو الشي الأكثر توفيقاً بحياتي أنه ربنا وفقهم مع بعض وحسام أكثر من مأدب

خوف يرافقك
دائما قلق على فوفو وائل
كلام أو عبارة لا تُقال

علىالهواء؟
تضربي بها الكسم
ثلاثة أمور ترشحها لتُطرد

من حياتك؟
السيجارة مع انها
تحارب الإجهاد ب..............
..بالطاعة
وجهتكِ المفضّلة
للراحةوالإستجمام؟

يمكن بيتي
لآنه اي مكان تاني بيبقى مخي مشغول

شيء لا يمكن أن

تعيره لأحد؟
صحيح شو هو ؟
ما هو أحبّ أيام الأسبوع إلى

قلبك،ولماذا؟
أكيد يوم الجمعة
طبعاً مو لأنه يوم عطلة أو يوم جمعة
لكن لو تفكرنا شوي بأنه لو ما في يوم جمعة
لو مافي يوم جمعة كل سبع ايام الموضوع مو عادي ترتيب ربك للأيام ترتيب ربك لوجود يوم جمعة بعد سبعة ايام بالتحديد وشعورك ب ستارة جديد يوم السبت لاشك شي مرتبط بتكوينك الفيزيولوجي تصور لو كل شهر يوم جمعة رغم انه صح في ناس ما بتعطل يوم الجمعة لكن يوم الجمعة أوجده ربك لأنه هو ب يعرف قردتنا ومقدرتنا
لو تفركنا بأسبوعنا كله وكيف ب يمر الأسبوع علينا لعرفنا بجد قيمة يوم الجمعة

ما هو أفضل اختراع في العالم

بالنسبة إليك، ولماذا؟.
يمكن السيارة
يمكن شو رأيكم أنتو

كتير أشياء مهمة بحياتنا وكتير اختراعات مهمة أصبحت جزء من حياتنا
لكن بتقى السيارة الوسيلة الصعب البقاء بدونها بكل أشكالها

ما هي أكبر

فاتورةدفعتها؟

المشكلة حسب الفاتورة
يعين لو فاتورة اشتريت فيها أغراض دفعت واستلمت ما بتزعل بتعرف أنك مقدم على شي
لكن أنك تدفع فاتورة مالك دخل فيها ولا ذنب ولا يأتيك منها مردود أي كان هنا المشكلة صح
فواتير تليفون مرتين دفعت فواتير كبيرة

لكن المرة اللي بعدني ما بنساها ومحتفظ بفواتيرها
فاتورة تليفون البيت بالشام
صحيح حدى يقدم طلب يوقف ها التليفون
مرة من المرات خليت بيتي مفتوح مع ولاد أخي

وشكله الله والعليم الله والعليم ما سكروا سماعة التليفون لمدة سنة ونصف وهذا الكلاام مو جيدي يعني تقول المبلغ مقبول بها الأيام
هذا الحكي سنة سنة
اي سنة صحيح ؟؟؟

يمكن 93 كنت قبل بيوم هون بجده مشتهي اشتري سيارة مرسيدس وقتها بحدود ال 25 الف تقريباً وماباقي غير أدفع عربون السيارة لكن سبحان الله ما دفعت
ورجعت للبيت أتصل علي ابو هشام من الشام قال فاتورة تليفونك 160 ألف ليرة سوري مبارح دفعتها
طبعاً ابو هشام الله يجزيه الخير هو كان يدفع كل فواتير الشام كهرباء مدارس أي شي كان هو يدفعه يعني ما بحاجة ليسألني أدفع أو لا
يومها أضطريت أدفع الفاتورة وحولها اللي قيمتها 160 ألف ليرة سورية وطبعا لحقتها فاتورة تانية مع اأني وقفت التليفون 250 ألف ليرة والمشكلة اللي بتخيلك تدفع هيك فاتورة على رقم تليفون ما تتنازل عنه انك كنت مسجل على التليفون من 12 سنة حتى ركب عندك

يعني مو متل هاي الايام
طلع عندي مكالمات على استراليا وعلى بريطانيا وعلى اسبانيا وايران وووو مافي دولة من دول العالم ألا والشباب متصلين

طبعا هاي فاتورة مؤسفة يعين فاتورة بدون فايدة بدون مردود مرغم عليها
فاتورة جوال دفعت فاتورة كبيرة دفعة واحدة بعد ما رجعت من سوريا بال 96 وكانت قيمتها
15000 ريال مكالما ت دولية سعر الدقيقية 7 ريال

كمان مأسوف عليها بصراحة
بس فاتورة مشتر وات بأرقام كبيرة
يمكن سيارتي بس

كلمة تقولها لنفسك بعد

كل فشل؟

الحمد لله
شخصية إستثنائية لك.
حافظ الاسد
واللي ما بيعرف وحابب يعرف ليش حتى جاوبه

عبر عن الحياة بكلمة
ساعة
يوم لا تنساه
يمكن يوم فرح سهام

آخر فيلم شاهدته وأثر بك
بس اتذكر بخبركم
نقطة ضعفك هي ....

حلم مازال يراودك
سر ههههههههههه
ندمك الاكبرهو...
..
الله يرحم أمي
يمكن كنت بتمنى كون بعمر اكبر
حتى قدملها شي غلفت بوقتها أني قدمه
شيئ لاتقبله لا من صديق ولا من
حبيب
صح هو الكذب
بس صرنا بوقت مع كثرة الهموم والضغوط كل واحد فينا مهما كان صغير بالعمر بيحس حاله أكبر من عمره صارت المواجع كثيرة يمكن صار الواحد يتقبل اي شي
صرنا متقوقعين جوات خوف ، خوف من شو ما أحد عارف الدنيا تقزمت المشاعر تقزمت
صرنا نخاف على حالنا صرنا نخاف على غيرنا على اللي حوالينا ما منعرف بالحقيقية صرنا نخاف على مين ومن مين
من زمان كنت تقسى تقدر تكون قاسي ما تخاف مفردات الدنيا معروفة
اليوم مفردا ت الدنيا مواجعها كبيرة ومشكلة
صارت مواجعنا تتقبل اي شي

&shy;انت مجبر أن تعطي اقتراح لمنتدى ورد الشام
ما هو

لو كنت مدير لورد الشام ليوم
واحد
ما هو أول إجراء
تتخذه

الشخص الأفضل برأيك هو

الذي

يصادقُكَ أم يصدقُكَ

الشخص اللي بيضحك علي بيصادقني ما بيصدقني
صرنا بزمن منحتاج مين يضحك علينا
الصديق اللي بيصدقنا سرعان ما نفقده
لذلك منقول إفتقدنا فلان

نحن هيك منمشي أعوج
_ ما الدعاء الذي لطالما دعوته لنفسك ؟ لوالديك ؟ لشخص تحبه ؟ وأخبرنا من هو هذا الشخص؟

شو رأيك بالأسئلة وشو اكتر سؤال عجبك واكتر سؤال ما عجبك

والان

اختر نجماً ليكون تحت
الاضواء

شومي
لو بدي أكتب مقدمة حاليا ل شومي
حتكون مقدمة في نهاية كلامي
وأنا بدي أكتب مقدمة مابدي أكتب نهاية
لذلك خلي المقدمة لوقت تاني
حتى تكون مقدمة
تليق ب شومي

واكتب له مقدمه تليق
به

1erv

سوسكانا

سوسكانا: مشرفة المنتديات الإجتماعية; البلد : سورية

العمر : 41
والد : waell
عدد الرسائل : 833
تاريخ التسجيل : 01/07/2009
مستوى النشاط : 12926
تم شكره : 22

مساهمة رقم 35

رد: عضو تحت الاضــــــــــــــــــــــــــــــــــــــواء

من طرف سوسكانا الإثنين 25 أكتوبر 2010 - 2:33

صد يقنا العزيز شومي

نحن بانتظارك لتتاْلق معنا تحت الاضواء

فاهلا فيك

سوسكانا

انتقل الى الصفحة :

1, 2