اقر واعترف

أقر واعترف
اقر واعترف اني هبلة يا ناس
لك شو صار بالدنيا
في شي اسموا يوم حساب ولا انا عم اهدس
والله شي بفقع من البكي
ليش هيك صاير
شو صاير بشبابنا
والله عم ابكي بحرقة قلب
قلبي ودمي محروقين
والله شي بيحرق تشوف شب متل الوردة ميت وعيش بنفس الوقت
اصحوا يا ناس
ارجعوا يا شباب لدينكون
اتذكروا انوا في رب وانوا في اخرة ويوم قيامة
شو عم تعملوا بحالكون
ناسين الاخرة وراكضين وراء وسخ الدنيا
يارب اهدينا واهدي عبادك يا الله
يارب يارب
يا عظيم
اهدينا يارب

ندر علي والله لصوم ثلاث ايام
وادعي لشبابنا
الله يهديون
ويحميون
ويرجعون لعقلون
يارب اهديون
يارب انت عفوا اعفي عنهم واهديون
يا الله
انت العفوا والرحيم
ارحمهم واهديهم

اسفة يا جماعة بس طاقق عقلي

سلامتك من الهبل والطققان

حاشاكي وعلى سلامتك وإلااا وليييي راح نكون كلياتنا هيك هبل

وكلنا راح نطق


بس عن جد شو بدنا نساوي


ما النا غير نحاول قد ما نقدر نصلح من حالنا
وندعي لغيرنا

اللهم اهدينا و اهدي جميع امة محمد

واصلح حالنا وحال خلقك

ووفقنا ووفقهم الى ما تحب وترضى

تحياتي الك ولطيبة قلبك


ميمي

اهلين زهورة حبيبتي


انتي سلامتك من الهبل ومن طئئان الامخ بس شكلك انعديتي من ميمي

وعم تعدي لحالك كتير ويطلع بمخك نهفات

يا اما شي حدى مخليكي تحكي هالحكي

هلئ بدنا تقري وتعترفي شو القصة يلا احكي ع السريع

وبعدين انا كمان بدي اتعاضد معك وصوم 3 ايام وادعي لشبابنا

لما تصومي خبريني

اتفقنا

وبعدين انا كمان بدي اتعاضد معك

,ولييييييييييييي على هالتعاضد

بدنا الشباب ينهدوا

مو ينهدّوا

لك يالله احكوا بدي نامممممم ايش صاير

يا حبيبتي لسه ما فهمنا شي

البنت معصبة ونحن تآزرنا معها بكره ان شالله بس تفوت لازم تفهمنا شو المشكلة وليش معصبة

لك يسلملي الي بدو يفهم القصة قبل ما ينام

ايزيس كتب:لك يالله احكوا بدي نامممممم ايش صاير

والله يازهرة ايزيس دخلت وسالتني عنك مشغول بالها عليكي شو صاير معك

لذلك عند جهينة الخبر اليقين

ااااااااااااااااخ

يا زهورة

انتي ما بتعرفي يا حبيبتي انه هالمنتدى كل الاعضاء الي موجودين فيه حشورين

وفضوليين

يعني ح يصرعولك راسك بس مشان يعرفوا شو القصة

الله يرضى عليكي لا تطولي الغيبة واحكيلنا شبك مو مشان انا

لا مشان روري
ايزيس

وبكره بتجيكي النئائة ريمون

فالله يعينك يارب

شكرا للكل
شكرا ميمي _ شكرا رورو _ امنا ايزيس شكرا _ شكرا استاذ وائل _ شكر روري
شكرا كتير للهفتكون عنجد انتوا نعم الاهل والاصدقاء
اسفة كتيرا مابعرف شو صرلي مبارح
يمكن لهلق لسى ما صحصحت
انا حرارتي من مبارح طالعت وخايفة احكي وخبص بالحكي
مابعرف اذا خرج احكي ولا شو

صباح الخير

رح احكي ليش معصبة بس بتمنى ما حدي يزعل مني لانوا رح احكي واقع
واقع اكتشفتوا للاسف وانصدمة فيه ، بس لازم اللي مغمض متلي ولسى ما عرف يعرف كمان
حتقولوا هل بنت مجنونة داخلت موضوع ما قدها
او يمكن يا لطيف وقحة كتير
خلص ماعاد تفرق معي ، رح اكتب بمختصر كتير وسطحيت لانوا في شغلات ما بتنحكى.

الموضوع

انهم ضحكوا علينا ، أي ضحكوا علينا وقالوا انوا في شي اسموا صداقة بين البنت والشب
كذب كلوا كذب ما تصدقوا
كل القصة انوا نحن ادات ووسيلة للتسلية ما اكتر
بتتعرفي على الواحد بيطلع ملاك وشيخ ويصير بدوا ينصحك ويهديكي وينبهك على الصح والغلط
المسكين يا قلبي عليه بيحب الصداقة وبقدر الصديقة
بس لا مو هيك يا شاطرين الحقيقة انوا لا عم يدور على صداقة ولا شي كل هموا الجنس وبس
وباقرب فرصة رح ينقض عليكي متل الوحش ، لانوا ما هموا غير الجنس
تفكيرو جنس وغرائزه جنس وعايش حياتوا كلها بالجنس.
رح تقولولي لا ولو مو الكل ، الاغلبية حبيبتي والنوع التاني نادرين .
صار الي سنة كاملة وكام شهر عم ادخل على عالم النت
دخلتوا بحذر ما بدي اغلط بدي اتعرف وكون صداقات واتعلم هذا هدفي
بس للاسف من فترة وانا عم حس انوا في شي غلط ويمكن السبب شخص اتعرفت عليه والله اعتبرتوا متل ابي
بس هو كان بوادي وانا بوداي
المهم صحصحني وبما اني كتير حشرية صار بدي اعرف وبدي افهم وصرت دور وأسأل في شي اسموا صداقة بين الشب والبنت
فهمت بس ما كتير اقتنعت انوا كل الشباب على النت عندون هم واحد هو الجنس ، وانوا عم يستغلونا استغلال للاثارة ما اكتر.
انت تكوني عم تحكي بقلب طيب وهم غرقانين باحلامون المقرفة . واذا ما اقتنعتي فتحي عقلك وحاولي تكتشفي اكتر صديقك الشب اللي عم تحاكيه ورح تشوفي انوا كلامي صح .
بس مو هون الصدمة كانت
الصدمة كانت اكبر من صديق قديم اتعرفت عليه من زمان وكان داعية بالدين كان كل حكيه عن الرسول والاولياء الصالحين وعن نسبه العظيم بالدين والله كنت غار منه من كتر ما فهمان بالدين .
طلعت يا جماعة ما فهمانة شي والبركة فيه فهمني
كان الي شي اربع اشهر ما صدفتوا
دخل وكان متدايق وانا الهبلة قلت حرام رح خليه يفشلي خلقوا ويفتح قلبوا ويحكي وياريت ما حكى
شال القناع عن وجه وظهر على حقيقتوا
انسان فاشل ولا اكتر من هيك
عايش كرمال ياكل ويمارس الجنس ، حاجة في شي اهم من هيك
لسى المصيبة مو هون ، المصيبة بالافكار السودا اللي ما ليت رأسه
لا شيطان ولا طل الخبر
حكى حكي بوقف شعر الراس
حكى عن مدربين اجانب يعملولون دورات ويقنعون بافكار والعياز بالله
لا وهوي مقتنع فيها اكتر من قناعتوا بالقرأن ويقلك هذا متعلم ومن الدولة الفلانية وكلاموا صح
يقلك الشب والبنت لازم يمارسوا الجنس كل اسبوع مرة وحتى لو مو متزوجين ، ليش لانوا في كتير فوائد ،لك وكلها غلط بس حافظها يغزي العين
يعني انا برأيوا رح موت عن قريب لاني ما بطبق شي من اللي قالوا وبحياتي ما رح احبل لانوا طلعني بنت عقيمة . وقلي بشكل صريح انا مابحكي معك كتير لانك بنت متعصبة ومعقدة . يعني حرام والله هلك وهوي عم يمثل علي دور الشيخ لحتى طفشتوا .
لك اللي بيضحك قال بدوا يقنعني
قال شو زوجة رفيقوا ما بتجيب اولاد وزوجها طول النهار يهتها ويصرخ عليها ويقلها لو ما كبتي حالك وقت كنت عزبة ومارستي الجنس كان اجانى شي ولد هلق وما صرتي عاقر.
حكى عن نسوان بطريقة مشفقة انهم مساكين اتطلقوا او ماتت ازواجون واتعودوا على الجنس ، لهيك هوي واصدقاء بيقدموا المساعدة.
حتقولوا عم يضحك عليكي
لالالالالالالالا كان عم يحكي بقناعة 100% وعن وقائع عم تحصل وحصلت
هي افكار زارعها المدرب الروسي بعقولون واكتر من هيك .
الجهل والسواد عامي قلبون وعيونون يا لطيف ، انا اللي استوقفني انوا الحكي هذا مو منوا بس كان عم يحكي على شلة جماعة كاملة متلوا .
عايشين متل ما بعيشوا الحيوانات ، مدمني جنس بشكل مفرط . يعني والله بدون حظر وعلاج .
انا والله ما كان عندي نية اترك الموضوع وامشي كان بدي حاول اقنعوا ولو بفكرة بركي بصحصح وخصوصا انوا متربى تربية اسلامية يعني عندوا اساس صح .
بس للاسف ما اقدرت كفي معه دخل با شياء اكبر مني بكتير
ووقت ارجعت بعد شوي كان تاركلي رسالة
انا هيك عايش بالحرام واكلي حرام ، انت اصحك تفكري تعملي شي حرام.
يعني الحمد لله اخيرا اقتنع انوا في شي اسمه حرام.
والله قلبي لهلق فارط عليه ، مو حرام شبابنا هيك يصير فيون ، مو حرام يضيعوا بوسخ الدنيا.
انتبهوا على اولادكون وعلى النوادي اللي عم يدخلوها وخصوصا نوادي كمال الاجسام ، واللي عندها اولاد شباب تنتبه اكتر
مافي شي بخجل ، مية خجلة ولا يصير لابنك شي .
انتوا بتنتبه على البنت وتنسوا الشب ، انتبهي وراقبي ابنك ونشاطوا الجنسي
يعني اكيد مو طبيعي انوا يظل طول النهار منثار جنسياً ويفضل طالع داخل على الحمام طول النهار وانت ساكتة ، لا ويمكن ما تلاحظي الا بعد فوات الاوان.
يعني يكون أذى حالوا وعمل حرام ، ويمكن وقت يطق مخوا ينعمى على قلبوا وحتى يعتدي على اولاد اصغر منه ، او حتى على اخوته. او حتى ينتحر .
انا ما عم احكي شي غلط كلوا وقائع صح وعم بتصير بشكل يومي واذا ما مصدقين افتحوا شي موقع حوادث
او حتى استمعوا لشي برنامج بيعرض مشاكل المراهقين والشباب ورح تشيبوا .
لك حتى زوروا مشفى الرازي او ابن سينا رح تلاقوا فيه ناس عم يتعالجوا من ادمان الجنس اكتر من المختلين عقلياً.

اسفة كتير

المحلل النفسي

السلام عليكم ورحمة الله وبركاته
شكرا لك اخي وائل على تعليقك على مداخلتي والله لازم اتكون طبيب نفساني والله عرفت ما في نفسي واخبر الجميع من المشاركين بورود الشام واعلن صداقتك الى مالا نهاية وانت نعم الصديق والاخ وبقول لزهرة وجميع بناتناالموجودين معنا
يعني لوصادقنا وائل نعترف بمعنى الصداقهونميزها ونحبها تحياتي لكم

مسا الخير للجميع
شكرا على الردورد
شكراً استاذ وائل وشكراً رورو الله يخليلي اياكون ومايحرمني من وقفتكون جنبي
الله يجبر بخاطركون
شكرا ابو ميزر بتمنى تتعمتع بالجرأة وتحكي اذا في شي بتحب تحكيه تعليق على الموضوع ، بهمني رأيك كتير وخصوصا انك من جيل الشباب واكيد عندك شي مفيد .
وشكرا كبير كتير كتير للصديقة والاخت ايزيس على التعليق ، اكيد انا بهمني رأيك كتير اكيد انتي عندك خبرة ومعرفة كبيرة بتمنى ما تخبيها ، حتى لو كانت محرقة احكي وماتخلي شي بقلبك ، انا بهمني اعرف الغلط ولو كان جارح وما بزعل من شي.
بصراحة لسى عندي كلام ، بس وضعي الصحي تعبان شوي ،يعني عم اكتب والشاشة امامي عشرة شاشات ، لهيك رح ودعكون وارجع للموضوع بعد كام يوم ، بتمنى من كل شخص عندوا اي تعليق يكتبه ومايهم شي ، انا بنت بتقبل الكلام الطج ما يهمكم .

تسلميلي
والله انت عم تفهمي عليّ
كلامك صح ، لك المشكلة انوا نحن جيل منحب نتعلم من كيسنا
خدي مني وجري
بسأل عن الموضوع وبشاور وبحاور وبعرف ان كلامون صح بس برجع بعمل اللي برأسي وبوقع
يعني على قولت امي ليش بتسألي اذا مارح تعملي غير اللي براسك
والله مابعرف
بتعرفي مع انوا جرحي كبير بس ماندمانة على شي ، لانوا اتعلمت كتير من وراء الموضوع واستفدت
حتى كتابة الموضوع هون مفيد لي لانوا وقت رح حس حالي بلشت انسى ،رح ادخل واقرأ شو كتبت وارجع اتذكر شو صار وارجع لعقلي.
وكمان في كتير بنات وشباب الموضوع ماطارق على بالون ابداً ، قلت يمكن وقت يشوفوا تجربتي يخطر الموضوع على بالون ويبحثوا فيه ويمكن يكتشفوا شغلات كانوا مغمضين عنها ويستفيدوا أو حتى يفيدوني بشي معلومة أو نصيحة.