تطوير البوابة يرجى الزيارة وإبداء الرأي وشكرا

:15: :15: :15:

السلام عليكم اخي وائل العزيز
حقيقي يا وائل انك اهل للزوء والاخلاق العالية
وكل تغير بتعملو بدل اكتر واكتر على زوءك الرفيع
ويسلمو ايديك وربنا يبارك فيك

اخي وائل انا بدي احكي شي انا التمستو وكتير من الاعضاء المسوه
في هذا الموقع الرائع
اخي وائل جميل التغيير في اللوحات والاشكال ولاكن الاجمل من كل هذا هو التعاون
والاهتمام وعدم الانحياز لناس وناس ويمكن انا الي مشترك من سنة وما يزيد
وابديت رايي بهالمشكلة كذا مرة ومافي اجابة
رح تقلي شو انحياز وشو اهتمام
انا رح قلك الانحياز كتير عم يمنع مشتركين من الدخول او المشاركة
وفي كتير مواضيع يستحق النقاش فيها مافي حد عم يتعب خاطرو ويرد فيها
وكتير مواضيع على اقل من الاهمية منها بشوف فيها الردود لا طائل لها
وكتير مشتركين بردو على استحياء وكان بقولو هي رديت ويمكن حتى ما قراو الموضوع ولا مستعدين حتى يناقشو يا دوب صورة مجهزة بيطبعوها وخلاص وكتير مشتركين بيدخلو جدد ومافي حد حتى بيهتم فيهم وبعرفهم على المنتدى كويس
وبخص بكلامي هذا كلو انت اولا وثانيا الاعضاء المفضلين في هذا الموقع
والي انا بجهتي الي من يوم اشتراكي ما شفت منهم مشاركة فعالة حقيقي او اهتمام
جدي بما يدور في الموقع
معلش سامحني اخي وائل على كلامي واذا بتحب بترك الموقع كلو اذا كان وجودي
متعب او انا بتكلم بحرية كبيرة او اذا بتفصلني انتي كمان مافي مشكلة
المشكلة اني اذا بقيت ما بقدر اسكت على اغلاط بشوفها ومش لوحدي كتير مي من الناس
بس يمكن انا الوحيد حكيت فيها لاني حقيقي حابب يكون هالموقع من اجمل المواقع
ويكون كل مشترك مهتم وعندة دراية بكل ما يجول في هذا الموقع
ويا ريت تعمل موضوع يا اخ موائل بخص اراء كل المشتركين وملاحظاتهم
السلبية والايجابية ويكون النقد من كل جهات الامور لنوصل لكل ما يجول من افكار للمشتركية ويكون شيء ايجابي للموقع
وشكرا اخي وائل والقرار الك
اخوك ....مالك

اهلا بالاخت ام نادين معلش سامحينا اذا سمعناكي بشي كلمة هههههه
مع انو كتير دخولك هادئ الى المنتدى وبترمي كذا موضوع بالسانية
وردودك قليلة جدا بس هي مش مشكلة انتي وجودك بنورنا وبعطر اماكنا
ونحن لو ما محبتنا ما طلبنا منك مشاركتنا
والاهم من كل هاد
انو انا حبيت هز الورد لنشم ريحتو
سامحيني ومرسي لرقتك وزوءك
اخوكي مالك

اولا وقبل كل شيء السلام عليكم ورحمة الله وبركاته
شكرا الك اخي مالك انك فتحت هيك موضوع وحلو كتير
انو نلاقي حدا بيحب هالمنتدي وقلبو عليه مع انو متاكده انو الاخ وائل ما بيقصر
واعذروني يمكن لساتني جديده وما الي الحق اني انتقد ناس واعضاء سهرت كتير
واشتغلت كتير بهالمنتدى وبعرف لساتني فتيه بس دخلت هالمنتدى لكتر ما سمعت
من الاخ مالك عليه انو فسحه لكل معاني الحياه للحب للصداقه للعلم ولادب الراقي
وما بنكر اني لمست هالشي بس في شي ما بتمنى يضل هو انو بعض المواضيع
ما بيكون فيها اي ردود مع انو كلشي بينكتب برايي لازم نهتم فيه وننتقدو سواء
بالاعجاب او التقصير علشان يكون فيه عطاء اكتر وتحسين اكتر واكتر
وانا من جهتي اتقبل اي رد مهما كان بسيط والو معنى حتى لو يناقضني
لانو اختلاف الآراء لا يفسد للود قضيه ونضل رفقه واصحاب واصدقاء بالقلم اولا
والروح ثانيا وبالآخر يجمعنا الاحساس الحلو والشعور النبيل والاخلاق العاليه
بتشكر الاخ مالك مره ثانيه ويسلمو ايدينك اخي وائل على كلشي بتعملو وبتمنالك
التوفيق من الله سبحانه وتعالى....وياريت ما اكون ازعجت حدا
تقبلو مروري اخواني ................اختكم امال

الكل مبدع وممتع فى مواضيعه كلمات بسيطه تعبر عن اعجابى للكل
تقبلو مرورى المتواضه agassy