جلسة الصراحة

waell كتب:

مين معي بيقترح أبو ميزر

ليوم الثلاثاء القادم

بتعرف الحق عليي وائل كان المفروض ما اسئل زهرة شي مشان ما يخطرلك هالخاطر :showletter:
بس انا جاهز ما في مشكلة والي الشرف والجلسة كاس تدار على كل الناس بس يعني بدكن تساعدوني وما تصعبو الأسئلة
تحياتي وائل

مساكم خير وفل
وانا بضم صوتي لصوتكون لاختيار ابو ميزر

زهرة البراري

مساء النور بما أننا ما زلنا مع الصديقة زهرة
وبما أنه شايف الشباب أو أخد عليهم الصيام
أو متعاطفين مع زهرة
أو زهرة جالسة ترسل رسايل خاصة
الله يوفقكم لا تسألوني
ههههههههه
حبيت نكمل ها ليومين مع زهرة

دائما نحتاج بين وقت وأخر للقرار
وللقرار الصائب
وتسارع وتيرة الحياة
يجعل الوقت والظرف أصعب في إتخاذ القرار
والسؤال هو
كم مرة كان قرار قد اتخذته زهرة كان صائباً في حياتها
وهل اتخذتِ قرار غير صائب في يوماً ما

زهرة البراري

السؤال الأول

ما هو أسمك الحقيقي
محمد

السؤال الثاني
ما أحب الأسماء لديك / أسم ولد / أسم بنت /
اسم ولد ميزر.....وبنت (هلا)

السؤال الثالث
ماهي المقولة / المثل / بيت الشعر / الذي تؤمن به في الحياة
نعيب زماننا والعيب فينا وما لزماننا عيب سوانا


السؤال الرابع
من هو الصديق/ـة الأقرب لك في المنتدى
طبعاً كوني جديد بالمنتدى عم حاول اتقرب من الكل وما شاء الله عليهم كلن طيبين معي

السؤال الخامس
من هو الصديق/ ـة الذي يعتبر يحب الصداقة في المنتدى
بتوقع الريم وعبودي

السؤال السادس
من هو الصديق/ـة الذي يعتبر الأكثر رومانسية في المنتدى
كل البنات ما شاء الله عليهن وانا كمان


السؤال السابع
من هو الصديق / ـة الأكثر نشاطا في المنتدى
وائل ورور وريم وميمي ودرةالحجاز بتوقع حالياً

السؤال الثامن
مقطع من أغنية أكتبه هنا وأهديه لصديق / ـة في المنتدى

ما رح اكتب مقطع بس الناس بالمنتدى بتستاهل اكتر من هيك بكتير
السؤال التاسع
أختار شخصية معروفة لدى الجميع شخصية فنية / سياسية / أدبية
لو لم تكون أنت / نفسك تحب أن تكون تلك الشخصية
الشاعر العربي محمود درويش



السؤال العاشر

أهدي كلمة منك للمنتدى

منتدانا رائع والعمل فيه متعة بكل معنى الكلمة وهو ساحة كبيرة لتبادل الآراء ولكن يحتاج الى عمل من جميع الأعضاء بدون استثناء

السؤال الحادي عشر
كلمة صراحة وجها ل ابو ميزر لشخصك نصيحة / كلمة تقول لنفسك اين أنت اليوم / أمنية تتمناها اليوم
انسى كل المشاكل وحاول ان تصلح العلاقة بينك وبين المقربين منك وقدم تنازلات عسى الله يكتب الك الخير بالأيام القادمة


السؤال الثاني عشر
رشح الصديق الذي يليك في جلسة الصراحة هذه
ما بدي غير ميمي فقط
بس بدي اطلب طلب صغير من الناس اللي حابة تسأل عن علاقتي بالأعضاء بالمنتدى بس يحطو ببالن انو انا جديد بالمنتدى وشكراً وائل حبيب القلب

بطاقه تعارف 1)الاسم..........محمد
2)العمر...........بعد شهر ونص بيصير 22سنة
3)الجنسيه.......... سوري
4)الدوله التي تقيم بها حاليا سورية
5)المدينه........... دمشق
6) الجنس............ذكر
7)التعليم ............... عم بدرس دراسات قانونية بجامعة حلب (تعليم مفتوح)العمل.................حالياً بإجازة عم دور على شغل بعد رمضان
-------------------------------------------------------------------------

ساعدنا لنرسم صوره لك/ي في خيالنا
.9)الطول.....169 سم
10)الوزن......... 65
11)لون العيون........ اسود
12)لون البشره.........حنطي
13)طول الشعر.....وسط قريب للطويل ....ولون الشعر اسود
-------------------------------------------------------------------------

لنتعرف عليك/ي اكثر
14)ماذا تكره/.... الكذب والحركات المكشوفة من اللي بيعمل حالو ذكي
15)ماذا تحب/.....الصراحة والصداقة والرياضة
16)الشيء الذي يشعرك بالخوف......الغدر
17)الشيء الذي يشعرك بالامان.........ما بشعر بالأمان غير لما بنام وماما مو زعلانة مني
18)موقف اضحكك/........ لما بفيق الصبح وما بعرف شو اليوم بحس حالي خارج التغطية
19)موقف ابكاك/ي..........لما توفت اقرب شخص لقلبي من فترة
20)شخصيه اثرت في حياتك............استاذي بالمدرسة نبيل ابراهيم
21) مثلك المفضل................. ما في مثل محدد
-------------------------------------------------------------------------

والان كيف ترى/ي او توصف/تصفي .........
22)الموت............ حق على الجميع وما حدا على راسو ريشة
23)الحياه................. مدرسة بس التعلم فيها غالي كتيير
24)الاخوه............... نيالو اللي بيعيشها مع شخص صح
25)الصداقه............... كنز لا يفنى واللي ما عندو اصدقاء يروح يموت احسنلو
26)الحب................. مرض جميل يصيب القلوب
27)الكره.................. مرض خبيث يصيب القلوب
28)النفاق.................. الله يبعدنا عنو يا رب
29)الصدق.................... احلى صفة بالإنسان
30)الكذب...................... ابشع صفة بالإنسان
31)الخيانه..................... ما بقدر اوصفها لأنها اسمها رح يتنصل منها على كتر ما هي صعبة
32)المرأة.................. اكتر من نصف المجتمع لأنها الأم والأخت والبنت والزوجة والحبيبة والصديقة والحماية يعني كل هدول معقولة بس نصف المجتمع
33)الطفل.......... ما احلاه وهو صغير وساكت
34)الرجل.......... كلمة وفعل وليس احدهما دون الأخر
-------------------------------------------------------------------------

لنذهب الى الطبيعه قليلا
35)اي الاشجار تحب............ كلن
36)اي الورود تحب............... ورد الشام الياسمين والجوري والفل
37)ماذا تحب اكثر .............الجبال اكتر شي
38) ماذا تحب اكثر .......الليل......ام النهار...... الليل طبعاً
39)ماذا تحب اكثر........الغروب.......ام الشروق..... انا بحب الغروب بس للأسف ما عم شوف كل يوم غير الشروق
40)المره الاخيره التي رايت بها ....القمر ..........انا وياه جيران كل يوم بس صرلو غايب فترة
41)حيوانك المفضل او الذي تحب..........القطة وبس
42)الون المفضل لديك .......... الأسود والأحمر
43) سؤال تريد ان نسالك اياه ........بس تخلص الجلسة بخبركن اذا حدا سألني ياه ولا لاء مشان يضل كخيار مفتوح

-------------------------------------------------------------------------

والان هل انت/ي قادر/ه ان تصف / تصفي نفسك/ي بعدد من الكلمات كيف ترى/ي نفسك عرفنا/ عرفينا على شخصتك بلسانك انت/ي \ انت.......................................................
شوبدي احكي انا انسان مغرور بس قلبي طيب بيقولو عني خجول بس انا عنجد ما بشوف هالشغلة بحالي بحب الصداقة كتيير وبشجع ريال مدريد وما بحب برشلونة والبرشلوني لا يفرجيني حالو
ومع الوقت بتعرفو عني كتيير شغلات
-------------------------------------------------------------------------

واخيرا يتوجب عليك/ي ان تسجل/ي تاريخ ميلادك 23\10\1987
واذ امكن اي تاريخ لاي مناسبه مهمه تحتفل بها لعلنا نشاركك/ي هذه المناسبه
ما في مناسبة بتوقع بتستاهل


وشكراً وائل على الأسئلة بس خفف العيار شوي اي

اهلين يا سوسو والله يعين لأنو اول الغيث قطرة
-شو معنى اسم ميزر شو عاجبك فيه
ميزر بتوقع معناه سلاح او دفاع بس انا عاجبني فيه (صراحة ما بعرف) بس الو عندي ذكرى حلوة



2-شو رايك بها الدنيا الي نحن فيها
دار فناء والشاطر اللي بيستغلها بالطريقة المثلى



3- شو احلى مو ضوع قريتو بالمنتدى

4-لو عرفت انو باقي شهر بعمرك شو بتعمل

فيه غير الطاعات هو بعيد الشر عنك
بعيد الشر عن قلبي ما بساوي غير شغلة بصالح الإنسان اللي مزعلو من خمس سنين مشان كون ريحت بالي



5-شو مواصفات الي بتحبها بشريكة حياتك

زوجتك يعني المستقبلية
شوفي انا ما عندي كتيير شروط
حلوة وعيون خضر وشقراء رشيقة وجذابة ومحترمة وبنت عالم وناس وبتحبني ووووكم شغلة تانيات هههههه
البنت اللي بدي ياها بدي فيها ثلاث شروط بس
حلوة وعلى خلق ودين وبنت عالم وناس وبس


وشكراً سوسو على المشاركة

مرحبا يامحمد

حلو الكرسي مو بتعرف شو اخلى شي انو انا خلصت جلستي وما فيك تردلي الاسئلة

يا جكرك

منبلش بسم الله

1) _ كم عمرك
2) _ شو احلى موقف صارمعك بحياتك
3) _ شو ابشع موقف صار معك بحياتك
4) _ كل انسان احيانا بيضطر يكذب شو المواقف الي بتستدعي انك تكذب ولا تقول انك مابتكذب لاني ح قول عنك (-___________)
5) وبما انك ما جاوبت عن سؤالي
ف ح اسئلك ياه بتقبل حبيبتك تحكي مع اصدقاء شباب من مبدأ الصداقة وليش
6)_ هل انت عصبي
7)- هل انت جريئ
8)_ هل انت حنون
9)_ هل انت لئيم ومع مين بتكون لئيم
10)_ هل انت طيب القلب ومع مين طيب
11)_ هل انت خفيف دم ام ثقيل دم
12)_ شو بتحب اكتر مادة بتدرسها
14)_ شو بكره مادة بتدرسها
15)_ بتحب كتب علم النفس
16)_ كيف بتحكم ع الانسان من الانطباع الاول ولا لما بتتعمق فيه وليش
17)_ بتحب عالم الاحلام ولا انت واقعي
18)_ هل انت رومانسي وكيف تبينلك
19)_ بالنسبة للمرأة انت بتحب المرأة الذكية او المرأة الي ما بتقلك تلت التلاتة كام
20)_ شو مقياس الجمال للمرأة برأيك
21)_ شو زمرة دمك
22)_ شو الالوان الي بتحبها
23)_ في شي بشخصيتك نفسك تغيرو وليش
24)_ شو الشي الي بشخصيتك الي بتحبها وبتتمنى تكون عند الناس الي بتحبهن
35)_ شو الارقام الي بتحبها شو رقم حظك شو الرقم الي بتكرهو
26)_ هل تعتبر طيبة القلب نقطة ضعف بالانسان
27)_ هل شعرت بالذنب على شيئ فعلته
28)_يقال ان المصاري بتكشف الانسان لو انتي حصلت على مليون ريال بتتغير نفسيتك
وشو اول شي بتعملو بهالمليون
وهخو مليون مو اكتر

بظن حاجتك هدول مبدئيا لانهن كتارين وانا مابدي استعجل لانك انت معنا اسبوع
ان شالله ما كون تقلت عليك بأسئلتي
وان شالله تجاوب عليهن كلهن لان الي ما ح تجاوب عليه ح ضل اسئلك ياه
وان شالله تكون مستمتع ومستأنس بالكرسي
وان شالله الكرسي يكون مريح

اهلين رورو وشرفتي الجلسة وبالنسبة اني ردلك الأسئلة ما في مشكلة بتتعوض

1) _ كم عمرك
22 إلا شهر وشوي
2) _ شو احلى موقف صارمعك بحياتك
صار لما سجلت بالجامعة
3) _ شو ابشع موقف صار معك بحياتك
قبل ما سجل جامعة بأسبوع واحد كان الموقف كتيير صعب وعلى اثره صار احلى موقف بحياتي
4) _ كل انسان احيانا بيضطر يكذب شو المواقف الي بتستدعي انك تكذب ولا تقول انك مابتكذب لاني ح قول عنك (ــــــــــ)
طبعاً رغم اني من اصحاب فكرة انو الكذب ما فيه لا ابيض ولا اسود بس في مواقف بتضطر الواحد يكذب متل لما بحاول حل مشكلة او مشي معاملة عند الدولة او اني ما خلي ماما تزعل مني طبعأ الشخص اللي بيقول انو ما بيكذب (كذاب)
5) وبما انك ما جاوبت عن سؤالي
ف ح اسئلك ياه بتقبل حبيبتك تحكي مع اصدقاء شباب من مبدأ الصداقة وليش
ما بنكر انو هالموضوع كتيير حساس وسؤالك هاد رح ردلك ياه لا تخافي
الموضوع بالنسبة الي بيعتمد على شخصية البنت اللي هي حبيبتي اللي بكون اساساً باني محبتنا على التفاهم يعني ما بنكر اني ممكن ما اتقبل هالفكرة بالطريقة اللي انتي عم تحكي عنها بس انا ممكن اقبل الفكرة بحالة وحدة اني كون بعرف كل شي عن اصدقائها وتاني شي انو ما يكون الهن تأثير على مسار حياتنا انا وياها طبعاً كتيير من الناس ما تتقبل هالفكرة بس انا بكون انسان غير محترم لما بقبل هالشي على بنات الناس وما بقبل هالشي على حالي وكمان المفروض انو الواحد يكون بيعرف شو عندو
نحنا بمجتمع لا يرحم وهالكلام لا نقاش فيه بس عدم المؤاخذة يعني البنت بتكون بالجامعة وممكن تكون متزوجة بس بالجامعة كمثال البنت مضطرة تبني علاقات مع اصدقاء مشان تكفي دراستها وتلاقي مين يساعدها اذا لزمها شي .طبعاً هاد مثال وفهمكن كفاية
6)_ هل انت عصبي
كتيير
7)- هل انت جريئ
انا هيك بعتقد بس مستغرب الناس ما بتوافقني الرأي بهالشي
_ هل انت حنون
بس على الأولاد الصغار
9)_ هل انت لئيم ومع مين بتكون لئيم
لاء انا ما بكون لئيم مع حدا
10)_ هل انت طيب القلب ومع مين طيب
كتيير وهي مشكلتي وانا طيب القلب مع الكل بدون استثناء
11)_ هل انت خفيف دم ام ثقيل دم
هي ما بعرفها بترك الحكم للعالم
12)_ شو بتحب اكتر مادة بتدرسها
اللغة العربية والإنكليزية ايام المدرسة وهلئ قانون العقوبات بكل اقسامو بالجامعة
14)_ شو بكره مادة بتدرسها
الجغرافية بالمدرسة وقسم القانون الإداري والتجاري بالجامعة (يعدمني الجوز)
15)_ بتحب كتب علم النفس
يعني بس اكيد ما بكرهها
16)_ كيف بتحكم ع الانسان من الانطباع الاول ولا لما بتتعمق فيه وليش
لاء انا بحكم بعد التعمق لأنو التصنع ما شاء الله كتيير بحياتنا
17)_ بتحب عالم الاحلام ولا انت واقعي
واقعي لأبعد الحدود بس كتيير بفكر بعالم الأحلام
18)_ هل انت رومانسي وكيف تبينلك
ما كتيير لأنو الظروف اللي عم عيشها ما خلت رومنسية ولا شي
19)_ بالنسبة للمرأة انت بتحب المرأة الذكية او المرأة الي ما بتقلك تلت التلاتة كام
طبعاً الذكية لأنو ما في امرأة ما بتقلي تلت التلاتة كام وانتي بتعرفي هالشي
20)_ شو مقياس الجمال للمرأة برأيك
عيونها ضحكتها وطريقة لبسها
21)_ شو زمرة دمك
نفسي افهم هالحشرية الزايدة ليش يعني بشو بتفيدك هالمعلومة بس رح جاوب زمرة دمي A+
22)_ شو الالوان الي بتحبها
الأسود والأحمر
23)_ في شي بشخصيتك نفسك تغيرو وليش
طيبة قلبي الزايدة لأنو عم قدم كتيير تنازلات بسببها
24)_ شو الشي الي بشخصيتك الي بتحبها وبتتمنى تكون عند الناس الي بتحبهن
كمان طيبة قلبي
35)_ شو الارقام الي بتحبها شو رقم حظك شو الرقم الي بتكرهو
7-9 -17 -11- ورقم حظي 7 والرقم اللي بكرهو 10
26)_ هل تعتبر طيبة القلب نقطة ضعف بالانسان
اذا كانت زايدة اكيد لأنها بتخليه يتنازل عن حقوقو بسهولة
27)_ هل شعرت بالذنب على شيئ فعلته
شغلتين الأولى اني مزعل بابا من فترة طويلة(علماً انو مو انا سبب المشكلة لحالي) والتانية اني رضيت اشتغل مع شخص صديق عزيز وخسرتو بعد ما اشتغلنا مع بعض
28)_يقال ان المصاري بتكشف الانسان لو انتي حصلت على مليون ريال بتتغير نفسيتك
لاء لأنو المال ما بيغير غير نفسية الناس اللي ما عندها مبدأ وتاني شي الغنى غنى النفس مو غنى المال وتالت شي وهو الأهم انا ما باخد مصاري بدون ما كون تعبت بمقدارها
وشو اول شي بتعملو بهالمليون
في حال كان ولا بد اني اخذ المصاري بساوي ....
ولا شي بصرف المليون على حالي بشتري تياب وبسافر شهر على تركيا بضل هنيك ليخلص المبلغ وبرجع لمرحلة ما قبل المليون
............................................

بظن حاجتك هدول مبدئيا لانهن كتار وانا مابدي استعجل لانك انت معنا اسبوع
لاء كملي ما ورانا شي لأنو ما.......
ان شالله ما كون تقلت عليك بأسئلتي
لاء بنوب معقولة لولا العيب كنت نص الأسئلة ما جاوبت عليها
وان شالله تجاوب عليهن كلهن لان الي ما ح تجاوب عليه ح ضل اسئلك ياه
هي جاوبت على الكل مشان ما تحكي شي
وان شالله تكون مستمتع ومستأنس بالكرسي
اكتر من هيك ما شايفتيني طاير من الفرحة
وان شالله الكرسي يكون مريح
كمفورتبل تشيير بالإنكليزي

اهليين بميمي وبأسئلتها
1. صف نفسك ببضع كلمات
مغرور وقلبي طيب وبحب الصداقة وعندي ياها قيمة عليا من قيم الحياة وبحب النقار وبكره الكذب ووو ....
رح خلي باقي الشغلات لغير اصدقاء بيسألو هاد السؤال لأنو ما عندكن غيرو ههههههههههه


2. شو اللي بتحب انه الناس تعرفه عنك ؟ وشو اللي بتحب تخبيه عنهم ؟
مافي شي معين انا بحكي للناس اللي برتاح اني احكي
بس بحب خبي شغلة وحدة(اسمي الكامل) :lol:

3. كيف تبني صداقاتك عادة ؟
يعني انا بحب الصداقة وبصادق اي شخص بيحب يتعرف عليي بس انا اللي بقرر طريقة اكمال الصداقة مدى قوتها وهاد الشي بيعتمد على مستوى النجاح بالإختبار اللي بساويه مع اصدقائي (بس كل حالة الها استثناءات)
4. اطول علاقة صداقه معك كم دامت ؟

الحمد لله كتيير من الصداقات طولت معي كتيير ولا تزال وانا ما بحب اخسر اي حدا من اصدقائي

5. عند تنهي علاقة صداقه مع شخص ما ماهي اهم الاسباب التي تجعلك تقدم على ذلك ؟
متل ما حكيت ما بحب اتخلى عن صديق بعرفو بس اي شخص بيتخطى 3 خطوط حمراء بقصد او بدون قصد ممكن امسحو من حياتي للأبد


6. احد علماء النفس قال : ان باستطاعة الانسان ان يعيش بدون صداقه فما رايك ؟
هذا الكلام غير مقنع ونحا خلقنا اجتماعيين ودليل ذلك قوله تعالى
«يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ»
ولا كلام فوق كلام الله عز وجل



7. برايك لماذا تنعدم الثقة بين الناس ؟ هل العيب بالشخص نفسه ام بمن حوله ام بالحياة او ماذا برايك ؟

الأساس هو الأنحطاط الأخلاقي والإجتماعي الذي يعيشه مجتمعنا والتخلي عن القيم والطابع الديني الذي كان يقدم بعضاً من الوازع الأخلاقي وتغير المفاهيم في عصرنا ادى الى ما نحن فيه

8. هل تستطيع ان تحصي عيوبك بكل صراحه ؟

لا لأني بعرف انها كتييرة وانا بحب الشخص اللي بيدلني على على خطأ موجود بحياتي ويساعدني على تجاوزه

9. انا هعطيك فرصه مافي منها يعني هو سؤال مكرر سالته سابقا زهرة

10. اختار 3 اعضاء ووجه لهم اسئلة ؟
سؤال واحد لكل الأعضاء اللي رشحوني للجلسة بإصرار كبيير
ليش رشحتوني الي بالذات علماً انو في اعضاء اقدم ولهم تواجد اكبر وابداعات كبييرة





11. مين العضو اللي تتمنى تعضه ؟ ومين العضو اللي تتمنى تعطيه كف ؟ومين العضو اللي تتمنى ترش عليه كاسة مي باااااااااااااارده ؟
ما في حدا بدي عضه ولا اعطيه كف بس في واحد مشتهي رش عليه برميل مي وهو اللي بيستفزني بالأسئلة كتيير وبيعمل حالو ما عامل شي هههههههههههه عم بمزح انتو كلكن اصدقاء اعزاء وما بتمنالكن إلا كل خير




وهلأ حاجه لحتى ما نتعبك كتير برجع بسالك بعدين ِِ
شكراً ميمي على المشاركة
وان شاء الله بس يجي دورك منتحاسب