جلسة الصراحة

ملأ السنابل تنحني بتواضع
والفارغات رؤوسهن شوامخ
أحلم بأن اظــل أحلم بالراحـــة بعد تعــب السنين .. أحلـم بالإبتســامة بعد البكــاء والأنـين ... وأحلـم باللقــاء بكم بعد الشــوق والحنين .. فاللحظــة معكم هي عمـــري بأكملـــة ...
الله يعطيك العافية ويحقق أحلامك ويبعد عنك الحزن وكل سوء
وانشاءالله الأحلام بتكون واقع وحقيقة
أجوبة سهلة اللفظ عميقة المعاني وأمنيات لطيفة
سؤال ظغنوط:ماهي الأشياء اللي بتخلليكي قريبة من وضع(( خمسة ))؟؟؟؟؟؟؟
مشان نحاول نبعدك عنها أونبعدها عنك مشان المزاج يضل تمام التمام
ونستمتع بخفة ظللك ومرحك والله يوفقك ويرعاك

عمي انا ما دخلني انا ما بعرف واحد اسمو علي السماحي ...هههههههههههههه...شو بارودي ما بارودي ...انا براي قوسو...هيك براي ما بعرفو...
وشو نا طيرينك ما ناطرينك....بس الله يسامح لي نزل الموضوع...انا راح يجي دوري بعدين....بس بالاول اسالو خالتو ديدي ساسو ..او الاستاذ ابو وائل ...او الهام...او هيفا...انا برشح اما هيفا او خالتو ديدي ساسو...انتو اختارو....انا بدي ابلش اسال خالتو ديدي ساسو...ههههههههههههههههه

اي انا منشان هيك بدي كل المنتدا ...يختارك بلتصويت ...يلا الله يخليكم ...صوتو انو خالتو ديدي ساسو هي لي تكون التالي ...والله يا خالتو شيراز انا اتغديت فيكي قبل ما تتعشي في ...يعني ما عاد يمش حالا خططك....هههههههههههههههه :twisted:
وبلنسبة لخالتو ديدي ساسو انا بعرف انك قدا وقدود...يعني انشاء الله اختياري بمحلووو

سامحك الله أخ سامي ماهكذا تورد الإبل . لقد كنت خير مثال للشباب بوجه

الصبايا في الرد على الافتراءات ال25 على الشباب . لكنك الآن خربت كل

ما بنيته أتتهرب من السلاح أيها الشاب . وتدع صبية تتحدى وباختصاصات

أيضاً . أصلحك الله تقدم وكن مقداماً فأنت زينة شباب المنتدى .

ولو كنت مكانك لتصديت للتحدي بصدر رحب .....

ثم أنت بالذات ديدي ساسو من كنت أعتبرها الحليف الأول في المعسكر اللطيف

فلم هذا الانقلاب المفاجئ.....................

....................................تحياتي للجميع ............................

وانا عنديالرمح ...هي الرجولي بلرمح ...بس عمي ابو وائل انتي معي ولا علي ...انا بدي البنات بلاول يقعدو على كرسي الاعتراف او جلسة الصراحة...بعدين نحنا منكون جاهزين...او بلأحرا مننفد ما حدا بيسالنا...

لك يا خالتو ديدي ساسو هي اسما الحرب النفسية ...والتصويت بيبن...ومنكون على ارض الواقع انا عامل حسابس لكل شي ...وانا لي اخترت الحرب...وخير وسيلة للدفاع هي الهجوم؟؟؟ههههههههههههههههههههه

لحظة أخت ديدي ساسو فهمتيني غلط . أنا أول شي مع سامي قلبا وقالبا ولكن

أتمنى أن تبقين معنا هكذا أقصد ولست أقصد أن أكون ضد سامي لكن مأخذي

عليه أنه متردد في الهجوم وأثبت فيما بعد أنه تكتيك وليس انهزامية ...........

بارك الله بك سامي ............................................أبووائل

انا ما راح انسحب ...وجاهز لكل المخاطر...متل ما قلتلك...مع انو عرفان انو نهايتي على ايدكن ..بس المقاومة ..حلوي وانا بحبا...ومتل ما قلتلكم انو خير وسيلة للدفاع هي الهجوم....واعذر من انذر...وهاي لالكم كلياتكن كلياتكن ...والاستاذ ابو وائل مع وكل الشباب ... :twisted: والانتصار قادم...

لا تفرحي كتير ما قصدو ه|لأ

قصدو لما الله بيتمم بخير آخرتو أكيد على إيد كون

ولوقتا انا معو والشباب كلهم وراه وما بيهاب حدا

...................................................أبووائل

هههههههههههههه..الله عليك يا سيد\ ابو وائل...انتي لي جبتها معلش نحنا عم نعطين شوية معنويات...ولا يهمك....

لاء اولا انا ما ني غشاش ...وتانيا انا ما فيني اصوت الا مرة وحدي...وثالثا ...انا ضامن كام عضو.... :twisted: بس بدي الاستاذ ابو وائل يسوط...

السؤال الأول
كثيرا ما كتب عن الحب كثيرا ما سطرت الأقلام عن خيبات أمل بالحب
ماذا تقولي اليوم لكل محب مفارق حبيبه

احيانا كتير الفراق بيكون غصب عنا
بدون ارادتنا مشيئة الله عز وجل
ولازم نتقبلو ونحاول نعيش بدون الحبيب
واذا كان الحب حقيقي
مستحــــــــــــــــــــيل نقدر نفارقو ولو بعد عنا اكيد بيوم رح يرجع

وبهيك لازم نستناه
لانو عايش فينا
ومارح يبعد كتير


تمتعتي بقلم يحمل الكثير من الرومنسية وأحرف تحمل بين طياتها عشقا لا ندري عنه شيء
أين أميرة من قصص العشق هل مرت أميرة بتجربة عاشقة وهل الحب هز أركان هذا الفؤاد الطيب

أمممممم
مريت بتجربة حلوة كتير مع انها انتهت بس ماسببتلي اي جرح وماندمت ولا رح اندم عليها ابدا وبتمنى الزمن يرجع ورح ارجع عيد نفس التجربة
ونفس الشخص
ونفس النهاية

اكيد رح تستغربو شلون انتهت وعم احكي عليها هيك
في بشخصيتي شي من الجنان
ههههه
هل تعلمون
أن الحب من غيرهـ ليس حب
فالحب لهُ ومنهُ فقط

إذاً سوفى ابقى مجنونته
ويبقى هو في جنوني
لن أحطم جنونه
لأنه يغريني .. يعجبني .. يسحرني..يداعبني.. يرضي غروري

سوف أبقى في جنـــــــــــــــــــوونه

انا جنونه وهو اكبر جنوني
............... اصبحت انا وهو اكبر مجانين

مواضيعك كثيرة وكل موضوع أجمل من الأخر
وكلنا والحمد لله أصبحنا من عشاق قلم أميرة
اليوم نقول لأميرة ما هو الموضوع الذي كتبته أنتي بخط يدك وتشعرين أنه يلامس أميرة من داخلها يفهمها جيدا
الرجاء كتابة مقتطفات من هذا الموضوع مع وضع عنوان الصفحة لمن يحب زيارتها
الحمد الله انو مواضيعي المتواضعة لقت الاستحسان بينكم

بنسبة الي كلون بحبون
لانن احساسي
بس الاقرب

مقبرة الفراق

سأدع الصمت يبحر بأحزاني لآخر سورٍ من أسوار الألم
فلم يعد هناك من يشفق عليكَ من أنين تلك الأحزان
تخونني عزيمتي على الصمت الدامي
ولكني هنا سأغرق في بوح حروفي
تنتشلني أفكارُُ تغذي جنوني
هنا سأتنفس
سأتبعثر
سأتلثم
وآخذ دور اللص
هنا سأرتكبُ مالايتسع له قلبي من الجرائم


https://shamtosham.yoo7.com/montada-f23/topic-t1744.htm


نحن نعلم جميعا أنه هنالك تشابه كثيرا وتناغما ومحبة بين أميرة وديدي ماذا تقولي للمنتدى اليوم بصدق حيث تعارفتي على ديدي من خلاله
كلمة للمنتدى من القلب وكلمة لصديقتك ديدي من القلب
انا مابعتبر حالي بمنتدى والكلام الرسمي الي مابحبو ابدا
انا جد بحس حالي بين اسرتي
ومن كل قلبي بقول شكرا لوائل الي دعاني لهاد المنتدى

ديدي
مو صديقتي وبس ديدي اختى الي كانت ضايعة مني ولقيتها هون اخيرا

بحب قلك اكتر شي انا سعيدة فيه صداقتك واخوتك
وبتمنى نبقى كل العمر مع بعض يا احلا اخت

لو طلب إليكي الإشراف على أحد أقسام المنتدى
أي من أقسام ترينه مناسب لكي تكوني رائده به ومشرفة عليه

انا بحب اغلب الاقسام والي مشاركات فيها
بس اقرب قسم على ومابحس بلغربة فيه اكيد قسم

همس القلوب والخواطر الشعرية

الصداقة بصفحة عامة شيء جميل ولا يستطيع أحدنا أن يستمر من غير الصداقة
هنالك دائرة صداقة صغيرة نلمسها بالمنتدى بينكي وبين عدد من الأصدقاء وهذا الشيء يزيد فرص التحاور الجاد والتعارف الطيب ويعتبر صحي للمنتدى ولآعضائه
ماذا تقولي لهذه الدائرة الجميلة والتي نحن بدورنا نراها جميلة
أذكري اسم او اسمين من أعضاء المنتدى لينضموا لهذه الصحبة
الحمد الله هون بلمنتدى كونت صداقات بفتخر فيها مع كتير من الاعضاء
الي بحبون كتيركتير
ايزيس شيراز ساكنة التلال شام الهام لحن حبيب ابو وائل درتي
هيفاء وبحب ينضم لهي الصحبة مصطفى ونجددوس
وياريت ماكون نسيت حدا

كل منا هنالك بحياته موقف لا يستطيع أن ينساه موقف محرج حصل ولكن تتمني أنه لم يحصل أذكري لنا هذا الموقف
اكتر موقف بضحك عليه لما كنت زغيرة لسا بصف التالت يمكن
كان عنا درس جغرافيا
وكانت الانسة عم تشرح وتوجع قلبها المسكينة
وكان الدرس عن سورية وعدد السكان هيك بتذكر
يمكن شافتني عم العب بصف بما اني شقية كتير
مالقت غيري تسقلو قالتلي اميرة تفضلي لشوف
كم عدد سكان سوريا
انا حاليا نسيت بس بوقتا
قلتلها عدد سكان سوريا
1200000 مليون نسمة واحد

صفنت شوي وقلتلي ال12 فهمنا الواحد منين جبتي
قلتلها انسة
بلكي نسيو يعدوني
وقعدت تضحك ساعة على انا بجد
كنت بحكي جد بوقتا

أغنية جميلة لها ذكرى جميلة من الصعب جدا أن تمر بمخيلتك أو على مسمعك هذه الأغنية دونما أن تتذكري موقف ما ذكرى ما
اذكري لنا هذه الأغنية
مع ذكر كم جملة كم كلمة تعتبريها أجمل ما قيل بل أجمل ما يؤثر بكي
اغنية
امممم
اغنية لا احلام
والله احتاجك انا

الها ذكرى كتير حلوة لدرجة انو هلا مستحيل اسمعها


تدري يلقلب الحنون انت بنسبا لي ايش انا بعدك كيف اكون كيف احب وكيف اعيش

يلي شفت احلامي فيك ولتقيت باحلا جنة ادعي ربي ورتجيه ربي لا يحرمني منك



أميرة
أختاري 3 اسماء من المنتدى وجهي لهم تحية
وأختاري 3 اسماء وجهي لهم نصائح
أختاري 3 اسماء وجهي لهم نقد

بحب وجه تحيا ل الاخت ايزيس
وائل
وابووائل


انا مارح وجه نصائح لان الاخوان كلهون مشا الله عليهم مابدون اي نصيحة

ياريت هني ينصحوني

ماعندي كمان اي نقد

نحن نعرف أنه ما زال هنالك متسع كبير للطفولة في حياة أميرة
كيف تعيشين طفولتكي اليوم ما هو سر تعلقك الطفولي باسلوبك
وجهي كلمة لكل صديقه بعمرك كيف تعيش مرحلة حياتها حسبما أكتسبتي من خبرات الحياة


نعم كبرنا ...
لكننا نبحث عن أمان .. عن حنان .. عن دلال ... عن قلوب كـ قلوب الأطفال ...
تحب بـ صدق .. ولا تعرف الكره والحقد ... صافيه نقيه .. لم ينجسها الزمان ...!!!!

ديدي
مو صديقتي وبس ديدي اختى الي كانت ضايعة مني ولقيتها هون اخيرا

بحب قلك اكتر شي انا سعيدة فيه صداقتك واخوتك
وبتمنى نبقى كل العمر مع بعض يا احلا اخت



ما أروع سكون أميرتي
ما أروعه.........رائعة في تراقص نجومها
سكونها يحكي سر جميل
سر صمتها الدائم
سر صمتها من الحب
وحتى عندما يدق بابها
صمتها عندما تفرح
ياله من عجيب سكون الأميرة
سكون القليل من فكر به
سكون يحبه الناس
لأنه بدوره هو يحبهم.......يواسيهم
هو من ينسج الحب لهم
بين خيوط ظلامه
هذه قصصي مع سكون أميرتي

دمتي لي أختا غالية
ليتني أرد لك بعض معروفك

ما شاء الله عليك أميرة
جلسة الصراحة هذه كشفت لي عن شخصيتك المميزة
ما شاء الله عليك و الله يحميك
و ما تنسي صديقتك imitta

أشكرك شكراً جزيلاً لذكري بتحية
ولكن أود أن أذكرك أن من يستحق الشكر والتحية هم ألما
وأمثالها الذين يثرون المنتدى بإبداعاتهم .................
وأتمنى لك التوفيق في كل مجالات الحياة لاسيما الجغرافيا
وهمسة قبل أخيرة لو استلمت لاقدر الله منصباً هاماً بالبلد
فتأكدي أن منصب إدارة الإحصاء لن يكون لغيرك فابشري
الهمسة الأخيرة : الأخ وائل طرح عليك بعض الأسئلة
الإضافية لكن نسيت أن تجيبي على الأسئلة أدناه فتفضلي:

السؤال الأول:
ما هو أسمك الحقيقي


السؤال الثاني
ما أحب الأسماء لديك/ اسم ولد و اسم بنت /


السؤال الثالث
ماهي المقولة / المثل / بيت الشعر / الذي تؤمني به في الحياة


السؤال الرابع
من هو الصديق والصديقة الأقرب لك في المنتدى


السؤال الخامس
من هو الصديق والصديقة الذي يعتبر يحب الصداقة في المنتدى


السؤال السادس
من هو الصديق والصديقة الذي يعتبر الأكثر رومسية في المنتدى


السؤال السابع
من هو الصديق والصديقـة الأكثر نشاطا في المنتدى


السؤال الثامن
مقطع من أغنية أكتبيه هنا وأهديه لصديق وصديقة في المنتدى


السؤال التاسع
أختاري شخصية معروفة لدى الجميع شخصية فنية / سياسية / أدبية
لو لم تكوني أنت (ألما) أميرة نفسك تحبي أن تكوني تلك الشخصية



السؤال العاشر
أهدي كلمة منك للمنتدى



السؤال الحادي عشر
كلمة صراحة وجهيها ل أميرة لشخصك نصيحة / كلمة تقولي لأميرة اين أنت اليوم / أمنية تتمنيها اليوم



السؤال الثاني عشر
رشحي الصديق الذي يليك في جلسة الصراحة هذه
أحببت أن أخفف عنك ولا أثقل عليك أكثر سؤالي أنا هل لديك اقتراح لتطوير المنتدى ؟
تقبلي ....!!!!!!!! .................................................................أبووائل

ياحبيبي شو هالأسئلة كلها أنا شفتهوم بس فشلت الله يعينك حبيبتي

الله حيووووووووووو وائل والله انا بدي صوت لمانيرفا وعندي اسئله مجهزتها كتير شكرا لهتمامك بأجمل البنات ...مانيرفا