بدي نق مرة تاني معلش

آنستي الكريمة أنا مالي علاقة انتي ووائل وإيزيس تصطفلوا

راح كان تصير داحس والغبراء

أو البسوس العالمية التانية

شو القصة اليوم كلو هجوم علينا , الموضوع أبسط من هيك بكتير وأنا بضم صوتي لصوتك معليش يعملوا بروفا وتنعرض ويتصوت على الشكل الجديد ويا بيبقى أو بيرجع القديم.
الله يخليك أخ وائل لاتزعلونا الآنسة منيرفا الغالية وفعلاً جربوا الفكرة

اي والله انا معك يا عزيزتي وخاصه هل الايام هو ذكرى وفاة شاعرنا الكبير نزار قباني يلي كتب عن الياسمين الشامي وانتي يا ست شيراز المهم تجي طرطوشه ل حمص وكلو بيهون عندك يعني ما عندك ما عندك مشكله هههههههههه

الله يسامحك شوفي الامر من الكاسه المليانه مو الفاضيه بعدين انا بسترجي البركه كل العيله صارت بالمنتدى يعني مسنوده عل اخر هههههههههههههه

نحن هون كلنا أخوة بالله سبحانه وتعالى والله يقدرك ويصير المنتدى مشهور على أكبر مستوا والله ياوائل بتستاهل كل خيروماننسى نحن أنو هذا المنتدى بيتنا الثاني تقبلو تحياتي جميعا
:cheers:

مانيرفا أي اقتراح تقترحيه بفرح القلب ليش يفرح القلب
لأنه بيدل على حبك للمنتدى وحبك للي فيه
هذا من جهة
من جهة تانية
بيدل على قديش ها القلب طيب بجد لآنه اللي بيكون كل شي بقلبه على راس لسانه بالفعل بينحب
هذا دليل صريح بحد ذاته أنه بتلبقلك المشاركة وبيلبقلك الحياة الجماعية
مني الك بقدم تحية حب لمنيرفا ولنقلها كلنا عاشت مانيرفا الجميل الله ما يحرمنا من نقك[/color]
اولا شكرا وائل لكل العبارت الي حكيتا بحقي والمهم انك فاهم الغاية من اي طلب عم اطلبو وهدا شي بيساعد على التواصل بينا


بالنسبة للتغير كل واحد فينا بيسجل بالمنتدى بيسجل متل اللي داخل على حي أو حارة أو موقع ما بيعرف طريقته ولا اسلوبه ولا خباياه وإما بيمل من المنتدى وبيمشي يا بشوية محبة بيقدر يستمر ويحب المنتدى
طيب كل ما واحد تعود على لو وعلى طريقة وألف وحب المنتدى وعيونه لإرتاحت للمنتدى
نجي تاني يوم الصبح نقلبله موازين المنتدى وين تعود وين تعلم وكل يوم نجنن أهله كمان ما بينفع
لآنه في ربط وارتياح بين الصديق وستايل المنتدى ما معقول كل يوم يدخل للمنتدى يحس حاله غريب لاول مره بيدخل
سبق وحكيت انو الي بيعني اكتر المواضيع والكتابات والاقلام الموجودة بالنادي قبل اي شي انا بطبعي ما بدخل على مكان الا لاكبر فيه مو اصغر ولو ماحسيت انو ها النادي رح يعطيني من الرقي والكبر ما سجلت فيه اكيد


حاولت وطلبت من البعض يمسك إشراف إشراف فقط والإشراف مو قصة تحتاج لجلوس على الكمبويتر وقت اطول
الإشراف لا يقل أهمية عن دعوة ولإنتقاء الأصدقاء
يعني تخيل يكون مشرف قسم بالمنتدى يحذفلك موضوعك، تخيل مشرف يكون أرعن ، أو يردلك برد متحمس شوي أو يكون أجوبته للشباب غير لا ئقة
أو يكون متسرع ويعمل باند لصديق ما وحندخل في صراعات ومشاكل مالنا غنى عنها

بالنسبة للاشراف سيد وائل بحب علمك بش انا الي بعرف شو يعني تكون مشرف شو الواجبات والمطالبات الي بتكون على المشرفين
لان اول مرة رح احكي انا مشرفة قسم التصميم والابداع بنادي معين وبعرف كل تفاصيل ها الموضوع [/color]

في ملا حظة بتمنى على أمورتنا شام تحكيلنا شوي شو يعني تصميم منتدى شو يعني أنه بجهد فردي يصير منتدى لآنه جربت وشافت
بتمنى تحكيلنا هيه
بدون ما اسال شام انا بعرف لغة التصميم وشو التعب والمجهود الي عم تعملو ولمل حكيت عن الستايل لان بعرف تطبيق الستايل عم بيكون في لغة الخاصة الي عم نتعامل فيها مشان نقدر نطلع شي حلو ومانكرت لا جهودك ولا تعبك بالعكس اكيد بحترم ه الشي منك
يعني القصة باختصار اقتراح للتطوير ومابعرف ليش اتواجه بها الطريقة هي وصار القصة بدا براهين ودلائل
بحب احكي كلمة اخيرة لو اي كلمة حكيتا زعجت اي شخص بعتذر منو اكيد
وفعلا ياجماعة ما عندي مشكلة لو انو وجودي غير مرغوب فيه
لان هدا الطبع ما رح اققدر غيرو ولما بتعامل مع الناس ما بطلب انون يتغير كرمالي بالعكس علي اتقبل كل النماذج البشرية
يعني ياريت تقولوللي بشكل كتير محترم بطلع من النادي وما عندي اي ضغينة تجاه اي شخص
مشكور وائل لكل الكلام الي حكيتو