اكتشفت أنها تُحادث شباب على الهاتف أرسلتها إلى بيت أهلها وأه

شو هل المسخرة
بحب قول يلي عم يبسط الموضوع: هاد الموضوع خطير كتير وللخيانة انواع كتير اخرها الزنا واولها النظرة. وبدي اسأل صاحب الرسالة: لو كانت مرتك لحالها بالبيت واهلك مالون موجودين كانت رح تكتفي بالعلاقة عالتلفون؟؟؟!!! انا برأي الطلاق انسب الحلول لأنو رح تشك فيها طول عمرك وكون بعلمك انو مارح تصون عرضك طول عمرها الا بقدرة قادر



يعني الواحد ما بعرف شو يحكي يعني إذا مرتك بتقتل زلمة قدام القانون بتروح الى سجن الأحداث أو إلى المعهد الاصلاحي ، بمعنى آخر ما بتحمل المسوولية لانها تحت 18 سنة القصد بتبطل إنت تلعب بذنبك او بتهتم مرتك ، مليحة هاي بتغيب 5 تيام .. حطها تحت جناحك و لا تخرب بيت البنت بشي إنت مسوول عنه إلي بقلك طلقها هاد ما بخاف ربه سلام



المسالة مسالة قيم
والله لو كل وحدة انشغل عنها جوزا بتحكي عالتليفون وبتخون معناتو عالدنيا السلام المسالة مسالة قيم واخلاق وتربية والظاهر هي مفتقرة لهالقيم والاخلاقيات بتربيتها ولسا ماصرلا عشر شهور متزوجة معناتا مابتعرف الاخلاص ابدا ومتعودة عالعلاقات وراح تضل سوسة عندا وكل اللي ببلشو خيانة سواء رجل او امراة بيتحججو بانشغال الطرف الاخر عنن حتى يبررو جريمتن ويطالعو حالن مساكين ومظلومين


اذا لم يكن لك اي علاقات مع النساء من اللحظة التي تزوجت بها فطلقها اما اذا كان لديك علاقات فاعدها الى المنزل بعد ان تقطع جميع علاقاتك مع النساء فان عادت مرة ثانية لمحادثة الرجال فطلقها


لفتني تعليق سراج
يقول الرجولة أغلى من كل حب بالعالم! لو قلت أن الاخلاص أهم من كل حب في العالم كان معقول ومفهوم أما أن تقول الرجولة ؟!!بالمناسبة يا سراج ماهو تعريف الرجولة عندك؟؟ على فكرة الاخلاص لا يتوقف على جنس الشخص رجل كان أم امرأة بل مطلوب من الطرفين معاً


و انت ؟؟؟؟
طيب اذا مرتك عم تحكي عالتلفون ... عجب انت كيف عم تقضي هالخمسة ايام ؟؟؟ ولا انت معلش و هي لأ ؟؟
-


 سنة ؟ لاتنسو ياجماعة انو عمرها 17 سنة !!! يعني ولد لسه !! يعني والواحد بيتزوج اقل شي 20 !!صراحة مابعرف شلون بدك تكمل هيك لانه شكلكم انتو الـ2 صغار عالزواج نسبيا !



ببساطة

ببساطة إذا كانت عم تتعرف على شباب عن طريق الهاتف فقط فالمسألة سهلة اشتريلها خط جديد وقلها حياتي هاد خط خاص فينا نحن الاثنين وكل ما تحب تحاكيك إلك بدل ما تحكي مع حدا تاني وتتعرف عليك عن طريق الهاتف لأنو يومين بالأسبوع غير كافيين للتعارف رغم إنكم متزوجين بس عالتلفون بتشكيلك همها وبتخبرك عن اشتياقها إلك وأنتكمان بادلها الاهتمام ولا تحسسها إنك متدايق من اتصالها وهيك بتتعود عليك بدل ما تتعود حدا تاني ومو كل مامريتو بمشكلة تقول بدك طلاق في عقل ومنطق وعاطفة استخدمها





المسامح كريم
اخي الكريم سانصحك واتمنى ان تسمعني التكنولوجيا الحديثة غزت بيوتنا بسلبياتها وايجابياتها ومنها طرق التعارف السريعة ، وانت ذكرت انك تغيب عن البيت طويلا وهذا له اثر سلبي على المراة وخاصة من الناحية العاطفية انصحك بإعادتها اليك ولكن عليك بإشغالها عن الفراغ الذي تشعر به إما بالاطفال وإما بالدورات المهنية بالاتحادات النسائية واما بالدراسة فالفتاة صغيرة وعليك ان تحتمل هفواتها وتستوعبها وتردها الى جادة الصواب ان اخطأت ومن منا يحيا بدون خطأ فليقل.





حل وسط
طالما سكنتكون مع أهلك حالياً فما رح تقدر ترجعها، أنا رأيي لا تطلق ولا ترجعها عند أهلك، خليها حالياً عند أهلها لبينما تقدر تأمن بيت منفصل أو شغل ما فيه سفر، ومن هون لهداك الوقت حاول تضغط على أهلك وتقنعون بوجهة نظرك. بس فهما لمرتك إنو لازم تتحمل هالوضع لأنو هي غلطانة وأهلك معون حق، وأنك رح تراقبها وهي عند أهلها وإذا بترجع تعمل حركات رح يكون ردك أكتر من مجرد الطلاق خوفها يعني ولا تجيب منها ولاد لتأمن انها بطلت هالقصص..الله يعينك والله شكلك ابن حلال ومحدا عم يراعيك





خيانة مرفوضة
انا قريت التعليقات ومستغربة من بعض الاراء اللي عم تحط الحق كلو على الأثنى يعني الرجل اذا خان معليش بالشرع والاثنى لا هاد الحكي مرفوض لكلا الطرفين والخيانة مرفوضةوبالنسبة للبنت انا بقول انو هي وحدةصغيرة لسه مو عرفانة معنى الزواج هو اكيد غلط اللي عم تتصرفو بس لازم ينبها لتصرفاتهاواذا رديت عملتها لازم يتركها لأنو اللي في عنصر الخيانة مالح يتغير وكمان الشب لازم يقدر انو هو متزوج جديدومايترك مرتو هل الفترة الطويلة حتى لو كان شغلو بياخذ وقتو مرتو الها حق عليه ونصيحة لازم ياخذو وقت ليفهمو بعض





وماذا عنك يا أمير ؟ تعالو نغير اتجاه هي المشكلة المتداولة ولنسأل صاحب المشكلة أمير. كيف عم تلبي احتياجاتك الجنسية يا أمير خلال غيابك الطويل عن البيت وخاصة بعدك عريس جديد؟ أكيد إذا سألت نفسك هذا السؤال رح تشعر بزوجتك وحتياجاتها الجنسية والجسدية ولعاطفية. بس ما تكون أنت نفسك حابب الطلاق وتريد أن تقول أن أهلك بدون هيك. لا تزعل من صراحتي لأن أنا حاسس أنك منك فهمان ظروف ومتطلبات الحياة الزوجية لأنها مختلفة كتير عن أيام العزوبية   





إلى فراس الشام
مالي شايفة تعارض بين كلامك وكلامي..بس الفرق يمكن أنو إنت رأيك أنو يراقبها ويطلقها إذا كررت الغلط..وأنا رأيي أنو يعالج سبب الغلط لحتى ما يتكرر وهو غيابه الدائم عن حياة مرته. يعني ما بيكفي يقعد يتفرج ويستناها لتغلط بعدين يجي يحاسب ويطلق.





إلى سنفورة غضبانة..جدا
روقي شوي شو يعني حاجات قبل الزواج ولا حاجات بعد الزواج يعني تطلب الطلاق اذا ما عجبها الوضع انا بقول في حق على الزلمة ونصحته يسامحها مع انذار اخير ويراقبها وهي بتكون اخر فرصة بس كمان غير مبرر شو ما كان انه تخون زوجها يعني مو منطقي والله في نسوان بهالزمان ازواجهن بتموت وبيبقوا لحالهن وفي مطلقات وما بيخبصوا انا ما عم قول والله حرام عليها وحلال على غيرها ومنطقي كلامك بس كمان غير مبرر والله اي وحدة بتشتهي الجنس وزوجها بيقصر شوي تروح تخبص والحق عليه بيكون وقتها في شي اسمه تربية وعيلة وانسانية











إلى غزل ‏
يا أخت غزل صح أن أبغض الحلال عند الله الطلاق ولكن لماذا وجد الطلاق لأمور مشابهة لهذه لاتنسي أن هذه خياااانة لزوجها وعدم احترام الحياة الزوجية التي تتطلب العفة وأكيد زوجته تعلم قبل الزواج طبيعة عمله ولم تتزوج وهي مغمضة العنين وأريد أن أضف أن المرأة قادة على الخيانة حتى لوسجنت بين أربع جدران مثلما لو أرادت العفة سواء كان مغريات أو لم يكن وزوجته ناضجة تماما وتعلم كل شىء والا لم تكن لتتزوج وأخيرا الحق ليس على أمير وليس مضطرا للعيش معها وتحمل تصرفاتها





إلى ربان السفينة الضائعة
يلي بعرفه أنو الرجال قوامون على النساء ومعناها أن وجود الرجل في حياة زوجته ضروري لإشباع كل حاجاتها ولتوجيهها..أما أن يغيب ويقصر بواجباته ثم يأتي في النهاية ليحاسب فقط فهذا ليس من القوامة ولا الرجولة في شيء. رداً على سؤالك إذا طبيعة شغله بتفرض الغياب يغيره أو كان لا يتزوج. أما يتركها لا معلقة ولا مطلقة خمس أيام بالأسبوع بهالعمر الحرج، فاللي ما بيتوقع انحرافها بهيك وضع بيكون أعمى أو منظر. والبنت قبل الزواج ما بيكون عندها فكرة عن الحاجات يلي رح تصير عندها بعدما تتزوج فما تقلي هي كانت بتعرف وضعه





كن عاقلا يا سيد أمير
والله يا سيد امير أنا برأي تعطيها فرصة ثانية بريكي إن شاء الله بيمشي الحال لأنو أنا برأيي البناء صعب كتير أم الهدم بيتم بدقيقة موفق إن شاء الله





كمالة التعليق
بعدا مالك عشر اشهر متجوز شلون بتتركها وبتروح لساتها عروس جديده شو ماكان رايك بالنهايه بس تاكد انه الحق عليك





يا اصدقائي ماحدا بشور بالطلاق حرام عليكن بعدا بالدين الطلاق حرام اذا ماكان لاسباب تستحق الطلاق وانت يا اخي العزيز بتطلب من مرتك تصونك لما بتكون محققلها كل رغباتها والي عم يقول زمان كانت المراة تصون جوزها ما كان عندن هالمغريات لتتصرف تصرف خاطئ وانت بتعاتب زوجتك عهالتصرف لما بتكون ناضجة بس هي لساتها طفله وبصير تكون مالها قد الزواج والاسره واخيرا الحق عليك طالما بدك تتركها وتسافر بدك تتحمل هالتصرفات لانه مافي زوجه بتتحمل غياب زوجها





انا بدالك بطلقا لانو طالما عملتها اول مرة وتاني مرة معناها على استعداد انو تعملا مية مرة يعني اخلاص منا وروح اتزوج وحدة غيرها انت لسا شب وباول عمرك



*كما فهمت أنها التجربه الأولى في الحياة الزوجيه .وما أريد قوله .الشخص من عند زواجه يصبح سيد نفسه ..أي لا حق لاهلك أن يتدخلوا لان مشاعرهم هي فقط نحوك .يعاملوك كالطفل من دون شعور بالمسؤليه والامور العاطفيه.الرابطه بينكما.الخطأ منك {وجودها عند أهلك +غيابك 5 أيام .عمرها =المراهق} . فنصيحه بالطلاق فكره جاهليه .عشوائيه غير مقبوله وفي القرأن الكريم قال في هذا الصدد : *ان جاءكم فاسق بنبأ .فتبينوا أن تصيبوا قوما بجهاله وتصبحوا على ما فعلتم نادمين* والطلاق.أكره الحلال عند ال




معالجة المرض من أول ظهور عوارضه

عزيزي : اوّل الأمر ليس لأهلك أو لأهل زوجتك حق التدخل المباشر في حياتكما الزوجية مع احتفاظ الأهل بواجب النصح والارشاد لأنه للأهل خبرة طويلة في تجارب الحياة .أنصحك بالتفاهم الواضح مع زوجتك مبررا غيابك الطويل عن البيت ليس الا لتأمين المستقبل - رغم أن هذا الأمر مرفوض سلفا من قبل زوجتك - وسوف يكون جوابها بأنها تزوجت منك لا لكي تكون بعيدا عنها. حاول أن توجد حلا لغيابك الطويل عن البيت خشية أن تدفعا أنت وزوجتك ثمنا باهظا لهذه المشكلة. لك تحياتي.





الى نغم
كلامك صحيح من حيث أن الخيانة لايمكن تبريرها بشيء وبالنسبة لي طالما علقت بهذا الشكل على مشاكل مشابهة. ولكن الحقيقة هنا أن الزوجة هنا هي ضحية الأهل والمجتمع . الأهل الذين يرمون بناتهم للزواج صغيرات غير مدركات.لا يمكن مقارنة زواج الصغيرات أيام زمان بالصغيرات الان . المجتمع كله تغير .الفتاة في ال17 صبية يافعة لا مسؤولية لديها في بيت أهلها سوى الدراسة.الزواج مشاركةوحوار بين عقلين واعيين قبل أن يكون حياة تحت سقف واحد











انا مع الاخت نغم
والله لأخت نغم كلامها مظبوط وكلام منطقي بس انا برئي حرام تطلقها وخاصة اذا حامل لانو رح تروح على ابنك والله لعظيم يا اخي ربك عزوجل بيغفر لعبادو شوماكانو عاملين انا بنصحك لوجه الله عطيهافرصة ثانية وان ماصانت عرضك وخانتك هون الك حق تطلقها والاه يقدم لفي لخير الك ولجميع الامة الاسلامية





الفراغ العاطفي
انت طبق عليك المتل الي بقول مرت المشغول بنيكها المتفضي روح عمي طلقها وشو بدك بهالصرعة             







الانفصال
اخي الكريم طلقها افضل الك والها كونها احدى المرات كانت تتحدث مع شاب وانت غفرت لها ومن بعدها رجعت تتحدث مع شاب آخر برأيي الطلاق في هذه الحالة افضل حل







طلقها
أنا ضد خراب البيوت والطلاق بس هي واعية وعم تعرف ايش عم تعمل وما عملت احترام لبيت اهلك وانت عطيتها فرصة بس هي ما تابت ثم أنكم متزوجين من جديد وما في أولاد بعد كم سنة بتقول يا ريت طلقتها من زمان هلق ما بقدر كرمال العشرة وكرمال الأولاد
-



رد لكل المعلقين

حاج ‏ تقولوا مراهقة وحاج تقولوا صغيرة أذا أهلها زوجوها معناها هية بنت ناضجة وبتقدر تفتح بيت وبعدين مافي شي بلدني ببرر الخيانة وصحي أيام زمان كيف كانو يتزوجو وزواجن بغيبو عنن أشهر والمرة بضل مستورة ببيتا لو شو ماصار وصاينة عرضو وشرفو ومع العلم بتكون أصغر من عمر زوجتو لأمير بس نحنا مجتمعنا انحدرت أخلاقو وبنصحك يا أخي بلطلاق لأني الشك دخل قلبك ورح ضل عايش كل عمرك وشاكك بحبا وأخلاصا ألك







طلقها
صديقي كل من يقول انها صغيرة ومراهقة فالجواب ببساطة من شب على شي شاب عليه وهناك ملايين القصص الواقعية التي نشاهدها ونعيشها كل يوم من فتيات متزوجات غير مراهقات يخونون ازواجهم العمر ليس بمقياس التربية اولا وطبيعة الفتاة طلقها لان حياتك سوف تصبح جحيم لدينا جار قد شك مجرد الشك بزوجته وهو لم يترك طريقة للتجسس عليها وكل من في الحارة يعلم بهذا واصبح موضوع دسم بين شباب الحارة من حيث النكت والاستهزاء طلقها واخلص منها
-




عذر أقبح من ذنب (ملل )

اخ امير ... يبدو انو زوجتك مو عارفة معنى تقديس الحياة الزوجية والحفاظ عليك ..يعني شو يعني ملل ؟ معناها الملل ممكن يولّد شي اكبر من هيك ..هي مراهقة وتصرفاتا مو محسوبة وهي مشكلة انت تحاسب عليها لانوقبل ماتتزوجا كان لازم تعرف انو نضجها وعمرها غير كافيين لحتى تبنوا اسرة ..بكل الاحوال الطلاق مالو حل بس كمان هي رح تبقى هيك لحتى توصل لعمر فكري وتنضج وتقدر تعرف شو يعني شريك وتحرص على الاخلاص له ... وكمان مو اكيد هالشي ...  





الى سنفورة غضبانة جدا "
أنا مستغترب من كلامك، شو بدك الرجال يقعد بالبيت ويسند خاصرتها للبنت، إذا طبيعة شغله بتفرض عليه يغيب 5 ايام شو بيعمل!!!! بعدين اكيد البنت عرفانة بوضعه فليش تتزوج إذا مو عاجبها !!! والأحلى من هيك بيطلع الحق عالشب،متى ستتعلمون أن الانحراف والفلتان يبدأ من الانثى . كان الأبدى أن تقولي بأن وراء كل رجل منحرف امرأة فلتانة لا تعرف شيئا من الشرف بدلا من أن تعلقوا انحطاط أخلاق البعض على الرجال







انت صاحب القرار
شو دخل اهلك بموضوع بخصك مالي فهمان !!؟؟ اذاكان ما في امل منها طلقها ولا تتردد ابدا اما اذا كان ممكن تنصلح وتبطل هل العاده اعطيها فرصه اخيره ولاترد على اهلك