ماضي الفتاة هل يهمك ؟؟؟ دعوة للمشاركة

يعني ليش مايكون السؤال بشكل عام انه لو البنت كمان حبت ترتبط برجل واكتشفت انه له ماضي غرامي مع غيرها هل سترضى هي الاخرى ان تنسى وتبدأ حياتها معه وكأن شيء لم يكن


لماذا مسموح ان يكون للشاب اي ماضي غرامي وليس من المسموح للفتاة

الموضوع يجب النظر اليه بشكل اكبر
يعني كان ممكن لاي قصه غراميه ان تنتهي بالزواج
ولماذا على الجميع ان يبحث عن الزواج التقليدي

يعني انا بشوف اذا كان هناك فتاة او شاب حبوا ان يرتبطوا ببعض لانهم رأوا ان الطرف الاخر مناسب وذو اخلاق فالماضي لابد ان لا يشكل عائق بينهم

وكل واحد واله ماضيه مو لاننا بدنا نرتبط بحدا لازم نرتبط بحاضره وبالايام التي راح يتابعوا حياتهم مع

بعض ويتناسوا اللماضي

وهذا رايي

وشكرا على الموضوع


ميمي

اول شي مساء الخير ومرسي للموضوع الجميل

وسمحولي ابدي رايي وشارك معكم

اول الشي خلينا نكون واقعيين شوي ونعترف اننا بمجتمع شرقي فيه عادات وتقاليد منحترمها ونعترف كمان انو صار تغيرات فيها كبيرة اوي بدنا نتماشى معاها ونعطي فسح فيها لانها تغلغلت فينا
وانو اغلب الامور الي منشوفها مستحدثة من الغرب وهيا الاعترافات بحجة الوفاء والصدق
الحب موجود مافي حد بيقدر ينكرو
والعلاقات كمان موجودة بين الشب والبنت
هي مش مشكلة بحد ذاتها لنقول اذا البنت ليها ماضي ولازم تتعاقب عليه بانو ما نقرب ليها
او نلغي الحب بمجرد عرفنا انها كانت على ماضي وعلاقة مع شب
اول شي لكل علاقة ابعاد وكل بعد بيعطي انطباع مختلف عن الاخر
كيف نوع العلاقة كانت وكيف شكلها
وبيختلف كل انسان عن الاخر بتقبلو بهيك امور بالعلاقات
في شباب بتسامح وبترضى بمجرد انو كان لحبيبتو علاقة عابرة او قصة حب قبلو
ولاكن علاقة وحب بضمن الحدود طبعا
وفي شباب بتسامح حتى لو فيه علاقات كبيرة ومعمقة بقولهم انو يوم عرفتك ما بهمني ما قبلك
والي بدي قولو بالنسبة لرايي الخاص
مافي فرق بين الشب والبنت بالغلط حتى الشرع حطهم بنفس المستوى
لشو بدنا نتخفى وراء اصبعنا
البنت ليها مشاعر واحاسيس زي الشب وخلق واحد
لشو بدنا ننكر على البنت ونترك الشب بحجة انو شب والشب عادي ما بهمو
بدي قول انو الي مستغربو ليش الانسان لما بيغلط وبصالح نفسو على غلطو
بيفضح روحو تاني
هي المشكلة الحقيقية برايي ليش لما الانسان بكون على علاقة قديمة
وبتنتهي او بتفشل وبصالحو روحهم وبلاقو الشريك الي حبوه وتمنو يكونو مع بعض كل العمر بلحظة بصير الاعترافات على اساس انو باب من الصدق مع الاخر
لشو البنت لتقول لحبيبها انو انا كنت وكنت طالما صالحت روحها والعكس للشب
ليش ما نطبق
اذا ابتليتم بالمعاصي فستترو
عسى ربنا يغفر ويسامح
وفي النهاية بدي قول
مش مشكلة الغلط بس المشكلة اننا نستمر فيه
وما نترك روحنا لسموم الغرب ونعطي مجال وفسح لمين غلط لانو يلاقي حد وقف حدو وحس فيه وحس بالامان معو وقتها رح نضمن اننا ما رح نرجعو تاني للغلط
ولازم نقيس على انفسنا واغلاطنا قبل ما نعير غيرنا فيها او نتخلا عن احباب لينا بمجرد عرفنا غلط قديم بحياتهم
والله الموفق
سامحوني على مروري وطول كلامي
اخوكم ............مالك

السلام عليكم ورحمة الله وبركاته
يسلمو ام نادين على الموضوع الشائك والشيق واللي هو مشكله من مشاكل مجتمعنا بس الي راي خاص بهيك موضوع
يقول المثل اذا كان الحب طبق مفضل لدى الرجل فهو بالنسبة للمراه مائدة كامله
يعني البنت لما حبت بالماضي وعملت علاقه كان هدفها الارتباط لانو ما من حدا يحب حب حقيقي مليان احساس ومشاعر الا ويحلم يكون مع حبيبو حتى بعد الموت
والرجل اللي حب حقيقي كمان هيك ، لكن يبقى سؤال يدور هل من حق كل من المراه و الرجل ان يحاسب كل منهما الآخر على اخطائه اعتقد لا لان الله هو من يحاسب وكما نوه اخواني من قبل ميمي ومالك كل منا بشر سواء رجل او مراه
يعني كل منا له اخطاءه لكن لما يفضح المرأ نفسه والله ستار حليم فخطأ الحب مثل اي خطا نقترفه في حقنا او حق غيرنا ويبقى الحب حب ولشخص واحد فالقلب ليس محطات من العلاقات الفاشله وتبقى العلاقات محدودة بين اثنين وهذا ما يسمى اسرار الحب كل يراه من زاويته وماضي المراه كماضي الرجل .
وبالاخير تقبلي مروري ................صديقتك واختك امال محمود

اول شي اشكرك أختي ام نادين على الموضوع الرائع
اذا كل انسان بدو يتعاقب على الماضي تاعو فهذا راح يسبب مشكلة عامة
تطلب لأخذ قرارات صعبة ومهينة لكل انسان لهو ماضي
انو صعب توجدي انسان ما يكون الو ماضي
نحنا بدورنا لازم نتغاضى عن الماضي ان كانت بنت او شاب
نسير الى الامام ولا ننظر للخلف
واذا بننظر للقضية نوضع نفسنا مكان هذا الانسان
ما بنحب حد يظلمنا
وما بنحب الظلم لحد
وبما انو البنت او الشاب بدأ صفحة جديدة لازم بدورنا نساعدو على نسيان الماضي
وما نوقف بطريقو
وهاي هي طريقنا للسعادة
وبتمنى للجميع السعادة.....
تحياتي...........

الزمان : القرن الواحد والعشرين
المكان : الوطن العربي
الموضوع : ماضي الفتاة والشاب
رغم هذا الزمن يلي نحنا فيه الا اننا لانزال في نفس المكان وفي نفس العقلية والعادات والتقاليد التي بالرغم من تبدل معطيات العصر والأحداث .. والأمور المستجدة إلا أننا لانزال في نفس النظرة الشرقية
مازلنا محافظين بشدة على آرائنا وأفكارنا القديمة
في وقتنا الحالي قلما تجد فتاة بدون ماضي وهذا حكم الواقع وليس شئ من إرادتها هي
هكذا وجدت نفسها
برأيي إذا كانت البنت أخلاقها عالية فما رح يهم ماضيها لان يعتبر مجرد تجربة عاشتها وانتها الموضوع
لأنها أكيد من خلال الحب يلي عاشتوا ماسمحت للإنسان يلي حبتو يغلط معها بشي .. رح تقول لو اخلاقها عالية ماكانت رضيت بها الشي
انا بقلك : نحنا بشر ومافينا نمنع متل هذا الاحساس الرائع ان يجتاح حياتنا
ممكن تقع بها الشي اختك .... بنتك .... انت
مافيك تقول للحب لا مابدي حب
فإذا بدنا نحكم بها الموضوع لازم نحط نفسنا بصدق بهذا الموقف وساعتها بنقرر
ففي حكمة بتقول : كلنا كالقمر له جانب مظلم
فليش نحنا نبقى على طول نبحث عن الجانب المظلم
ليش نتجاهل الجانب المشرق الجميل يلي بتشع فيه القيم والاخلاق والانسانية
فنحنا على ارض الواقع مابنشوف من القمر غير الجانب المنير ومانفكر بجانبو المظلم
خلونا هيك بحياتنا اليومية نتناسى عيوب الاخرين لان رح نتعب اذا بقينا نفتش وراهم
كل بني ادم يخطئ بحياتو وخير الخطائين التوابين
والموضوع اولا واخيرا بيرجع للشب ومدى رقي تفكيروا وعاداتوا وتربيتوا
واهم شي ان يتأكد الشب إن البنت خلص نسيت ماضيها
وفتحت صفحة جديدة مع الدنيا
يعني مابتكون ملكو لكن قلبها لا
والاهم من هيك ان يكون هو مستعد ان يعيش معها دون ان يتذكر ولو جزء بسيط من ماضيها
او يحاول يذكرها ويذلها فيه
هذا من وجهة نظري وبعتذر للاطاله
يسلموا ايديكي ام نادين

:wee: