الميدان في الليل

اليوم الموضوع من الميدان
من أحياء الشام العريقة
من الميدان وجمعة شباب الشام بالميدان
هذا السوق هذا الحي الذي لا ينام
ومن منا لا يعرف الميدان
باللقطة اللي معنا
فيها أخي نورث وأخي سعيد وصديقنا مهند
وصديقنا علاء
وكمان صديقنا عزيز
حتى صاحب البسطة من أصدقائنا اللي كانوا بجده
طبعا ظاهرة من مظاهر التقبل بين الناس والمشاركة
ظاهرة من مظاهر تقبل الأخر ومشاركة الأخر لك في أي شيء يوحي ل حبك للغير
خليني ساكت بلا ما كمل أحسن
خلي غيري يكمل

والله شايفه المفروض نقوم باستدعاء للصديقه منيرفا

لحتى تحكي لنا عن الميدان

ياسلام على ميدان وأهل ميدان وآكل ميدان وبذات آكلات السجقات وروس ومقادم من عند المحبة وبعدين للحمة بل عجين من عند القمة الطيبة والفول والحمص من عند بوزالجدي وحلومن عند دوواد بصراحة كلش بسوق الجزماتية طيب وأحلى شي انوبيفتح 24ساعة بصراحة كلش بشام حلو ومافي أحلى من شام

سما كتب:

يا حبي لسوريا
ما اروع ابدعك يا ورد الشام
ميدان رائع بأهله وميدان إن شاء الله نزوره عن قريب
كل الشكر على الطرح الراقي

يا اهلا وسهلا بالصديق اسعدنا ردك بالموضوع
وسعيده جدا لمرورك وردك

 

والله يا ام التوت ماخليتيلي حكي كأنك انت الميدانية مو أنايعني ما خليتي تاريخ ولا معالم والأكل بأنواعو ومحلات الحلويات وأنواعها
تسلميلي على هالوصف حلو كتير
الميدان بتجمع عراقة الماضي وأصالة الحاضروهي بسوقها ومحلاتها وبيوتها بتحلى بضيوفها من كل مكان طبعا بماعية أهلها البشوش ههههه يعني الزيارة عليكن والباقي علينا...
الميدن فيها كل شي بتشتهي يعني يلي بحب أكلة السجقات والمقادم والروس بيلاقيها بأول سوق الميدان ولبعد شوي بيلاقي مطعم الروضةأو ميدان القديمة بيعمل مشاوي بأنواعهاوشرحات مطفاية وشرحات سناسل ومحلات الشاورما الدجاج واللحمة باخر الميدان يعني بالجزماتية ومحلات الفول والحمص موزعين فيها والفلافل السيوفي أو أبو زهير أوعلى كيفك والقطايف والبوظةعرب بالقشطة او الفستق داوود أو الصولجان هي ما عدامحلات المحمامص يلي بتشوف الموالح هي وعم تتحمص و محلات الحلويات يلي بتضم كل أنواع الحلويات الشرقية من المعمول بعجوة وجوز وفستق وجوزهندومبرومة واسية وكول شكور وعش البلبل والغريبةالعادية وبالقشطة والبرازق والاصابع والوربات والمخشوشة والمدلوقة والعثملية والنمورة والهريسةما بعرف اذا نسيت شي نوع..ويلي بنفس الوقت بتقدم كل أنواع الطبخ الشرقي من بينهن الكبب بانواعها المقلية واللبنية والمشويةوالمبرومة وكبة بالصينية والاوزي والفريكةطبعاو بالسمن العربي وهي الملات المشهورة بهالسوق والمصفوفة من من أولها لاخرهايلي بيقصدوها الناس من كل حدب وصوب لشهرتها العالمية ومن بيناتهن مطبخ و حلويات داوود يلي هي عليلتي طبعا...
ولسه كتير محلات موجودة بسوق الميدان
وأكيد الحكي مو متل الشوف

لا والله الحكي ما بيشبع لازم نجرب المضمون من هالاكلات كلها


هههههههههههههههههه


حرام عليكون شو هالصور هي ياميمي ويا وائل افندي يعني الواحد مالو عرفان يشتاق لبلادوا واراضيها وخيراتها ولا يشتاق لاكلات الشام ولا للحلو وبعد الشام بأكلاتها وبشعبيتها مافي

بالله مين شاف هالصور وما تمنى يكون بالميدان هلاء اولاً انت استاذ وائل

شكرا اللك على جهودك بتقديم هالمواضيع الرائعة النا

ومبادرة حلوة تصوير الفيديو الي في العم سعيد والعزيز والغالي نورث وان شاء بتسلملي طلتوا يلي بتنور الدنيا فيها والله يخليه النا وما يحرمنا منو قلوا كلكون يارب ......يارب ......يارب ....يارب ....يارب..


وطبعا ما بننسى جهود الغالية ام التوت لتكملة الموضوع بكل زوايه

شكرا للك على جهودك ونشاطك

تحياتي لك اليسار انت والمقادم وغيره مع اني ما بحبوا من المحلات بس بحبوا من ايادي أمي واسألي الي جرب ما بعرف اذا وائل مجرب ولا لأ