يارب تشفي أخو صديقتنا سولاف

مساء الخير للجميع ..
مرحبا صديقتنا سـُـلاف .. تمنياتنا لأخيك الكريم بالشفاء العاجل يارب .
وأي خدمة تحتاجينها نحن بالخدمة إن شاءالله .. مع خالص احترامي .
وبخص بالشكر الأخ وائل لتنبيهنا وتعليمنا ويارب يقدرنا على فعل الخير
دائماً وأبداً .
مع خالص احترامي.

الله يشفيه انشاء الله وياخد بيدو يارب
آمين آمين آمين

وااااااااااااااااو شو هاد
فاجئتوني جدا مو عارفي احكي بكيتوني كتير وموعارفي من شو عم ابكي فرحتي بيكم وبدعمكم الي او شعوري اني مو لحالي انا هون جازاكم الله كل الخير ربي مايحرمني منكم ربي يطول اعماركم ويجبر بخاطركم عم ابكي مو عارفي اكتب
برجع بكتب مرة تاني
بحبكم جميع وبعتز بوجودكم بقربي وبتشرف بمعرفتي بكم الف الف شكر لكم الله يديم عليكم الصحه والعافي .................

سولاف ما بيكفي هيك
بدنا تحطينا بصورة الوضع بكل التقارير بدنا نعرف لوين وصلتي
شو الحالة
بدنا تكتبيلنا شو كان تشخصي الدكاترة حتى كل مين فينايعمل بحث بالنيت عن حالة أخوكي
ويسال بطريقته
تحياتي

مساء الخير للجميع هي انا اكتب حالة اخي بالتفصيل مني ومن كلام الدكاترة
بسم الله الرحمن الرحيم عمل صورة رنين مغناطيسي للدماغ لانو كان بيشكي من دوخه وزوغان بصر
طلع بالصورة توضع تلات اكياس هلاميه بالدماغ ووحده منهن سائله
وعملو صور للبطن مافي شي نظيف والكلاوي نظيفه....ووضعو كلو مستقر
عملو رنين مغناطيسي للصدر
...لقو كتله متوضعه باعلى الرئه اليمنى
عامله ارتشاحات للصرة
وطلبو خزعه لتحديد وضع الكتل هل هي سرطانيه ام لاء التهابيه مثلا او عقد دم او سائل ليحددو
بس بيرجحو انها سرطانيه بس ما اكدو
المهم وضعو الان
مافي وجع راس ابدا
ولا ضيق تنفس
لا بالراس ولا بالصدريوجد الم ..بس هاي الفترة شكى من كولونه
بس الصورة للكولون وضحت انو نظيف
وبيصير معو بس بيحس انو حدى ماسكو من راسو وبيضغط شوي وهاد بفعل وجود الكتل شي طبيعي
بس .....الحمد الله مضاعفات خطيرة مافي
بس امبارح باللليل طالع دم من صدرو
طالع دم مع البلغم شي مرتين
والتالته كان نظيف
وهلاء الصبح طالع من انفو
هي هيه حالة اخي بالتفصيل آخر شي هلق حكيت مع اخواتي من شان ياخدوه على الشام وبعملوا الخزعه ويبعتولي النتيجه لهون على الرياض وناطرة مابيدي غير هيك وحاطه الأمل بالله ...ومتوكلي عليه ...شكرا الكم والله لا يفرجيكم مكروه لا بالدنيا ولا بالآخرة ربنا كريم الحمد الله مابينسى احد

كل الشكر لكم احبابي ومهما شكرت بكم لن اوفيكم جزء بسيط يعطيكم الصحه والعافي والعمر المديد شكرا وائل شكرا اصطيف شكرا بنت الشام والله انكم اهل واصدقاء والحمد اللله انا ربي بيحبني وبعتلي اهل اعتز فيهم دائما واذكرهم بكل الخير شكرا رشروش ياأصيلي اتمنى للجميع الصحه الدائمه طول العمر والحياة

اللهم عافي مرضانا ومرضى جميع المسلمين

ما حدى بيصدق وقت لقيت إهتمام بنت الشام ومو كاتبه اي رد أو اي دعاء ميشان أخوكي دمعت عيوني من قلبي
الله يخليلها ولادها
ويديم كل محبة وسولاف ما بتتمز عن أخت بجد
بتساهل كل خير
وافقة بقلبها وروحها وقفة رجل مع أخوها

الله يشفي ويساعدو يارب......منك منطلب
وبشكر الجميع على الكلام الحلو؟؟؟؟

ربي يحميكي يللحن شكرا كتير لزوقك وعباراتك ربي يحميكي