البارحة في حزة النوم مانمت

البارحة في حزة النوم مانمت..
لين الصباح تبينت لة علامة..

آخرت في بيوت القصيدة وقدمت..
ابغي لخلـــــي ما يناسب مقــامة..

بالشعر يوم اني لحبة استسلمت..
صابة غرامي واستصبت بغرامة..

يافاتني لي جمالك استلهمت..
الابداع وفنون القصيد ونظامة..

انتة فصدري بين الاضلاع خيمت..
وسكنت سكنة فالحشى مستدامة..

غيرك يمر مرور الاكرام بالصمت..
يومين والثالث يحول خيامة..

وانتة بقيت وعشت فالخافق ودمت..
ريح عطيناك الامن والسلامة..

غالي ولو طال الزمن ماتقادمت..
حبك مخلد لين يوم القيامة..