ياترى شو كانت امنياتك اتكون .وما حالفك الحظ ؟؟

[

السلام عليكم ورحمة الله وبركاته
اليوم انا فايقه ورايقه ...وانتبهوا إيش عم يخطر ببال الفيلسوفه إيزيس والله خايفي طفشكم مني ههههههههه اتحملوا ظرافتي بأخر ها الليل
فكرة جديدة خطرت الان ببالي فقررت ان اكتبها هنا كموضوع نتشارك فيه جميعنا

بعيدا عن اااااالسياسة وااااالفلسفة وااااالهندسة واااااالكمبيوتر وااااااالمنطق

وااااالاجتماع .........................


احيانا نضطر لان نختار اشياء او مواقف لا خيار لنا فيها بل نكون مضطرين لها

اختيار التعليم مثلا ممكن الانسان يدخل تخصص مو باختياره نتيجة كتييير

عوامل وكذلك العمل وايضا الزواج ممكن انو يرتبط على غير اختياره


المهم هون بدنا نحكي عن اشياء كنا نتمناها بس ما سمحت الظروف

لنحققها وهون بدنا نحكي عن امنياتنا الي ما تحققت ..

ما بعرف شو رايكم [/

فكره كتير حلوه ايزيس دائما معودتينا على الافكرار الحلو والمواضيع الاحلى
الله لا يحرمنا منك ومن روقانك ويسعد ايامك
اما بخصوص الموضوع
يعني في شغلات اتمنيتها بس مو انه ما حالفني الحظ فيها ممكن تقولي خاب املي او لم يحالفني الحظ بانها تتحقق على الصوره اللي بدي اياها
يعني مثلا متلي متل كل هالعالم والامهات بها الدنيا اني جيب ولد واستنى امتى يكبر ابني واعلمه وادرسه بنفسي ويجي الوقت اللي دخله المدرسه لانه كتير بحب الاولاد وبحب ادرسهم
لكن الحظ وخيرت رب العالمين انه اجاني ولد اله وضع خاص مابقدر علمه وفهمه بنفسي وكنت بفكر كيف راح يكون شعوري لما ابني بيكبر وبيفوت المدرسه قديش راح اكون مبسوطه
ماكنت متخيله انه راح اضطر ادخله مركز خاص وانه راح يكون بقلبي غصه فما حالفني الحظ انه افرح واكون مبسوطه بابني

والشغله التانيه اللي ما حالفني الحظ فيها اني كمل دراستي
بس انا مازال عندي امل اني اكمل دراستي واحقق اللي بدي اياه بخصوص التعليم وان شاء الله مايخيب املي ويحالفني الحظ بخصوص هالشغله
واني اتوفق بتربيت ابني واقدر اكون قد المسؤوليه يارب


ومره تانيه بشكرك على افكارك الحلوه لاحرمنا منها ولا حرمنا الله منك

ميمي

هي المشكله انه بنحمل بقلبنا غصه وبنزعل ومابنتحرك ونحاول انه نحقق اللي بدنا اياه
مشكلتي اني بقول يالله لما بيجي الوقت المناسب وبأجل كل شي وبقول خليها لوقتها
وبعرف انه في النهايه انا اللي خسرانه واني راح اندم اكتر من ما انا هلق ندمانه
انا كنت عم بدرس بالجامعه وكنت متوفقه فيها بس مريت بلحظه استسلمت فيها لكل مجريات الحياة ولم اواجه واتمسك بدراستي
فانشاء الله يكون هالاستسلام اللي مريت فيه واللي بحس بالندم بسببه
اني اتعلم منه واذا الله ووفقني وقدرت ارجع للدراسه اتمسك فيها

والله يوفق الجميع

في أشياء كتيرة بالحياة بتمشي عكس ارادتنا تماما هي اذا مو كل شي
بس انا عندي قناعة ان الله اذا أحب عبدا ابتلاه
ونحاول ان نحنا نصنع الظروف بايدينا ونواجه كلشي بيمر بعزيمة
وبثقة كبيرة بان الله رح يكون جنبنا وماالنا دخل بهذا وا ذاك
لان في متل بيقول
(اعمل ماتشعر بداخلك انه صحيح لانك لن تسلم من الانتقاد على اية حال)
ومافي انسان ما احبط بكتير من اماله
انا يمكن اكبرحلم ما قدرت حققو هو ان ادرس صحافة او علوم سياسية
بس بعدين اقتنعت بلي كتبلياه الله والحمد لله

بشكرك ست ايزيس على افكارك ومواضيعك الرائعة
يسلموا ايديكي

''عسى أن تكرهوا شيئا و هو خير لكم و عسى أن تحبوا شيئا و هو شر لكم''(
انا كنت اتمنى أن أدرس الطب لكن مشوار الطب طويل و ابي لم يرغب فغيرت الاختصاص حسب رغبته هو المالية و البنوك لكن الان أصبحت أعشق اختصاصي كثيرا
الحمد لله أننا نستطيع التأقلم مع أي ظرف من الظروف

وانا بتصفح مواضيع االمنتدى قمت لقيت هالموضوع الرائع مع انو قديم بس
بدي اعطي رايي وبكل صراحه وكل تواضع.
يسلمو ايديك اخت ايزيس على الموضوع الرائع اللي جادت فيه طبيعة رواقك بالليل يا رب دوم انشالله ، وعن نفسي انا راح قلك شو هي لامنية اللي ما اقدرت اتوفق بتحقيقها بحياتي : اني كون صحافيه عندها قلم صادق وصريح ما بيخاف من شي بس للاسف تجري الرياح بما لا تشتهي السفن
فبسبب ضروف صارت معي لم استطع السفر والدراسه لان الجامعه التي تمنيت الدراسه بها كانت تبعد عن مدينتي حوالي 700 كلم وصار معي ضروف عائليه منعتني من ذلك لكن الحمد لله على كل شيء.
بالرغم من انني درست شيء لا احبه الا انني امارس ما احب من هوايات وهذا يكفيني لانه لله الفضل والمنه على كل شيء
وفي الاخير بتمنى الاستمرريه لقلمك انو يجود بالجديد والحلو متلك
تقبلي مروري .........................امال