تحية لمعلمناوائل

تحية لمعلمنا وائل
السلام عليكم ورحمة الله وبركاته
أنا قرأت موضوع الأخت مينيرفا
بس ما حبيت علق فيه
لأني حبيت إفتح موضوع جديد وحيي فيه وائل
والمفترض قول الأستاذ وائل
بس التكاليف مرفوعة لأنو بحس حالي ببيتنا وقت بفوت على المنتدى وعفوية الأعضاء هيي يلي
بتحلي المنتدى
ونحنا هون كلنا عيلة وحدة
وصحيح أنا مقلة كتير بردودي ومواضيعي
بس أنا بفوت دايما على المنتدى وبقرأ المواضيع بس ما بسجل دخول
ووائل بيستحق التحية والتقدير
مو لأنو ساوى المنتدى
بس لأنو عبر عن شوقو وعشقو للشام بهاد المنتدى
وقديش بفوت منتديات مدفوع عليها كتير بس الراحة يللي بحس فيها هون
بالمنتدى لا تقدر بتمن أبدا
بالعكس هون بنشوف قديش وائل ربى هالمنتدى متل كأنو عم يربي ولادو
وكل يوم والتاني
كان يبعتلي تعليق ودعوة للمنتدى على مدونتي بجيران لحتى هلكني
رغم إني من أعضاء المنتدى
بس الظاهر الأمر إلتبس عليه
وكنت قول لحالي قديش هالإنسان نشيط ما شاء الله
وكلو حيوية
وعم يحاول يجمع قلوب محبي الشام
من كل الشام والشام مو هيي
بس دمشق الشام أكبر من هيك بكتير
وشخص متل هاد بيستحق ننحني قدام المجهود الضخم يللي عم يساويه
لحتى يجمع قلوب
الكل ويحاول يوقف جنب فلان وعلان
ومجرد إني عم أكتب هلأ موضوع
فهاد الشي بيعني
إني بحب المنتدى ومقتنعة بكل شي فيه
لأني مستحيل إنجبر علق تعليق أو أكتب موضوع مجاملة لحدا
ومتل ما قال أخونا وائل أنا ما بكتب إلا المقتنعة فيه
وكل الدعوات للمشاركة ما بتأثر عندي لو ما عندي قناعة
وأمي بتقول ما بيعجبني العجب
وموضوع فناجين القهوة خلاني حب المنتدى الطاق عشرة على قد حبي للقهوة
ورغم إني مقيمة بسوريا بس بحس بالحنين
يللي كل اللي برات سوريا بيحسو فيه
والذكريات يللي كتبها أخونا وائل بموضوعي
حسستني بشغلات كتير حلوة
واهمها طيبة قلبو وإحساسو الراقي جدا
وشكرا لمينيرفا يللي خلتنا نشوف عظمة المجهود يللي عم يقوم فيه
بتمنى منكم ما تكونوا مليتوا
واللي وجعوعيونو
فنضارتي تحت الطلب تكرم عينكم
وإذا أنا فتت على هاد المنتدى
فتأكدوا إني فتت كرمال الأستاذ وائل
وهي الصفحة مفتوحة لحتى نعبر كلنا
عن شكرنا وإمتنانا
لهاد الشخص يللي جمعنا
على حب الشام
وتقبلو تحياتي وأحلى الأمنيات
وهيك المنتدى حلو كتير وبساطة المنتدى هيي يللي محليتو

صدقوني انا مو شي انا فيكم وبدونكم ولا شي
------------------------------
لذلك انا اللي بوقف إحترام لكل اخ لكل اخت وثقت فينا لكل شي طيب بقلوبنا بزمن ضاقت الصدور
بتعرفي ذكرتيني بشغلة
نحن بالمدرسة كنا مختلط بالشام يعني بنات وشباب ولا تلاميذ مع بعض ولاد وبنات
كان في 3 صفوف شو بيسموها شو بيسموها شو بيسموها بالشام
والله نسيت يعني وقت بيكون الصف مقسم 3 اقسام بيبسموها فرقة ولا شو
لما بتذكر بحكيلكن
المهم كنت من يومي عريف بالمدرسة
وكان أعد باول مقعد على يميني صف البنات
شوفوا يا جماعة لليوم والله لليوم ونحن كنا بالصف الخامس
لليوم بحس كل بنت كانت معنى بالمدرسة اختي وكل ما بنزل على سوريه وبفحر
بدور عليهم وحده وحده
وبسال مين صارت دكتورة برتبة عقيد ومين تزوجت ومين سافرت
انا لليوم بعتبر هدول اخواتي
وعلى فكرة ما بستحي ولا بخاف ولا بيهمني حدى لو شفت زوج اي اخت بحكي معه بساله عن زوجته
لو شفت اخ اي واحده حتى لو لمجرد يقولولي هذا اخو فلانه بسال عنها
---------------------
حياة لاخوة الصافية بجد حلوة وبتنقي الروح
شكرا بنان

فعلا الاستاذ وائل بحاول قد مافيه يجمع اعالم على قلب واحد بحب نكون كلنا ايد وحدة متحابين على كلشي الحلو والمر وبيتعب ليوصلنا لهاد الشي بس بالنهاية تعبه بجيب فائدة ومنصير فعلا قلب واحد محبتنا وحدة

اله يخلينا هالمدير مافي منه لانه لاحظت بباقي المنتديات المدير بكون رافع راسه ومحدا قدة لابيتحاكا ولا بينبعتله رسالة بس بمنتدى ورد الشام المدير نفسه بتحسو من الاعضاء يعني اخوكن ومافي شي بيناتنا ليتخبى كلشي بنحكيه وبنعرضه عليه

شكرا بنان عالموضوع

menyrva كتب:كلمة وحدة رح احكيا مجرد التسجيل بالنادي ومحاولة ايجاد نوع من الثقافة من خلال المواضيع والبعد عن الاساءة للاشخاص الموجودين هي الحالة بعتبر قدمتللك سيد وائل التقدير والاحترام على كل جهودك
لان بشكل بديهي لما شغللك ما كنت انا بالنادي

مانيرفا كمان مانيرفا مجرد وجودك معنا شي غالي بالنسبة النا
وبجد ما كتبت ولا كلمة عنك من باب المجاملة
بجد مانيرفا أنتي أخت عزيزة وغاليه واللي بقلبك على راس لسانك ولو كنتي صديقة وأخت قبل ملا حظاتك اليوم صرتي أغلى وأغلى ومني علي متمسك بصداقتك وبيشرفني ذلك أخت وغاليه
وبتمنى من أنه ما توقفي ولا من ملاحظة ولا من اي شي لآنه هذا بصدق بيسعدني أنا بعرف روح وقت واحد بيقدم ملاحظة وما يأخذ فيها لذلك صدقين والله شاهد أنتي وغيرك وأي أخ لاوة تواجدنا بتناصحنا مع بعض
ويمكن حتى بالمواضيع نحن كأصدقاء ما نشعر ببعض مع الوقت لتكون مشاكلنا ومشاغلنا وأحاديثنا مشتركة منحس بطيبة وطعم الصداقة اللي ما بتهدف غير للمحبة بصدق والمحبة النضيفة
برجع وبقولك من أخوكي وائل
بيسعدني أنك تكوني معنى
ولو الي خاطر عندك ما توقفي ولا تأجلي أي ملاحظة عندك

دايما هيك بيصير بياخد السيد وائل العبارات الحلوة وبالأخير الكل بيكتبولي وشكرا بنان
طيب ماشي إلي الله شوبدي ساوي
الأستاذ وائل عم يسحب الأضواء مني عينك عينك
ماشي الحال
بيموووووووووووووووووووووووووووووون
ولكل مين شارك هون أحلى تحية معطرة بالياسمين البلدي

طبيعي حتنسحب الأضواء منك وتتوجه علي لآني بحاجة مين يضويني لحتى بين
بس أنت ينان
يعني بنان بدون أضواء شعلة مضواية
في ناس متلي لو ما ضوينا عليهم ما بيمشي حالهم معتمين
وفي ناس أساسا ما بتحتاج حدى يضوي عليها
لأنه نورها كفاية
بالعكس منستمد منها نوووور

اهلا وسهلا أختي الغالية إيزيس
واهلا وسهلا بالكل
والكل بيستاهلو التحية
واعذروني والله أنا مقصرة معكم بس كل واحد إلو ظروفو
والله إنتو بالقلب باقيين

بالمناسبة التي طرحتها اختنا الكريمة يطيب لي أن أقدم شكري لجهودكم في انشاء

وتطوير المنتدى .

الأخ وائل أرجو لكم الصحة والعافية وللمنتدى مزيد من التطور والإزدهار

وفقكم الله....................................................أبووائل

الأخ وائل

لا أعرف ما يمكنني إضافته إلى الدرر واللآلىء المشعة التي سطرها كل عضو وعضوة

في حقك ... صدقني لولا شعورهم الأخوي والصادق من صميم قلوبهم ما خطوا ولا

طرحوا هيك مشاعر وأحاسيس مفعمة بالمحبة والأخوة


فسر بحمى الرحمن

ومزيدا من التألق والتطور والتفاعل الدائم لورد الشام الغالي
أطيب التحايا لروحك :flower:

بوجه التحية والاحترام الكبير للأخ والاستاذ وائل وبحيه من كل قلبي على جهودو
وبوجه الشكر لكل الاعضاء والمشتركين في المنتدى على أرأتهم المفيدة

[color=blue][b]وأحلى تحية لأحلى وائل :أقف منصوبة القامة وأقول إحترااااااااامي سيّدي أقصد أخي وائل ههههه يسعد صباحكم جميعاً وشكراً مصطفى


:

:bball: :bball: :bball: :bball: :bball: :bball: :bball: :bball: