تصرفات الأم بعد ولادة ثلاثة أطفال

تصرفات الأم بعد ولادة ثلاثة أطفال
الملابس

الطفل الأول: بتلبس أواعي الحمل من أول ما تعرف إنها حامل.


الطفل الثاني: بتحاول تلبس أواعيها العادية لأطول فترة ممكنة.


الطفل الثالث: أواعي الحمل هي أواعيها العادية اليومية.!!!!


الإعداد للطفل

الطفل الأول: كل دقيقة بتغير للطفل.. وتحاول تخلي ريحته حلوه.


الطفل الثاني: كل ثلاث ساعات.


الطفل الثالث: لما ريحته تطلع!!!!


القلق

الطفل الأول: من أول خبطه بتركض عليه و بتشيله.


الطفل الثاني: بتشيله بس إذا حست انه فيه سياره راح تدعسه.


الطفل الثالث: احسن..عشان تتربى... خلي السياره تدعسك!!!!


الأكل

الطفل الأول: بترمي أي إشي بيوقع منك على الارض. واوعى توكله


الطفل الثاني: بتغسلها بشوية مي.


الطفل الثالث: بتمسحها بأواعيك وبتوكلها!!!

الخروج

الطفل الأول: بتتركه مع أختها و بتتصل تطمن عليه كل خمس دقايق.

الطفل الثاني: بتتركه مع اختها.. وهي على الباب بتفطن انها تترك رقم التليفون تبع المكان اللي هي رايحه عليه.


الطفل الثالث: بتتركه مع أي واحد.. مع التحذير بأنه ما حدا يتصل فيها إلا لما يكون الموضوع فيه دم!!!


لو بلع قرش

الطفل الأول: تطلب عمل أشعة للولد.


الطفل الثاني: بتخاف شوي عليه ، وبتستنى وتشوف هل راح يبلع المصاري ويهضمها ولاَّ لأ؟


الطفل الثالث: بتخصمه من مصروفه

والله ياسيدتي أنا متأكد أنها للطرفة فقط وهي فعلاً طريفة , وتستخدم بعض الكلمات من وراء القلب ولكن الحقيقة أن الأم تبقى الأم من الطفل الأول

إلى ماشاء الله من أطفال .

وتذكرت الآن السؤال الذي طرح على الأعرابي - من أحب أولادك لقلبك ؟ -

فكان الجواب الشهير :

- الصغير حتى يكبر

-والمريض حتى يشفى.

- والغائب حتى يعود

ولم يذكر الترتيب العددي .وأنت سيدتي ما رأيك الحقيقي بالأمر ؟؟؟؟؟؟؟؟؟

سيدي ...........الكريم
هي للدعابه ولفت انتباه بنات اليوم الى ان الام بتبقى ام لو بعد عشرين ولد بس الاطفال واحساسهم ان الام بتدلل الكبير وبتعطف عالصغير ونحنا بالنص مساكين
مابيلحقنا شي
يعني بحاكيكي ياجارة لتسمعي ياكنه
لكن بالفعل الام تبقى ام وكل اولادها بيمثلو جزء كبير بحياتها .............الله يهديهم

ومن قال لكن أني سأقتنع بغير هذا حتى لو رأيت غير ذلك رأي العين فالأم تبقى أم
وبالمناسبة أود أن أتوجه مؤقتأ للسيدة ساكنة التلال وكل الأمهات بالتهنئة القلبية الخالصة بمناسبة يوم الأم . التي لن يكفي تخصيص 365 يوم وربع بالسنة لإيفائها حقوقها

هاد هيك بعد ولادة ثلاثة اطفال
لكن كيف بصير الوضع بعد اربعة او خمسة امو اكتر
يمكن بتصير كارثة حقيقية ههههه