صفحة joryaa الخاصة

الكنه وبيت حماها......( الكنة : زوجة الإبن)
دايما وبأي مكان نلاحظ وجود خلافات بين الكنه وبيت حماها....

وممكن تكون أشياء مهمة وممكن تكون أشياء سخيفة وعندي بعض الأمثال والمشاهد الكثيرة الواقعية...
رح أبدأ بأول مثال واقعي ؟؟؟؟
الكنه وحماتها وبنت حماتها قاعدين.... فإذا قالت الحماية لكنتها قومي ركبي الشاي بدها تعزل.....
ليش ياحزركم؟؟؟؟

لأنو ليش حماتي عم تطلب مني وبنتها قاعدة...
وبدها تزعل وتساوي الشاي بدون نفس ...
هذا أقل شي ممكن يصير بيناتهم ...

بس تعليقي !!!!!!!!!!!!!!!!!!!!!!!

لكل البنات!!! :bounce: يلي ممكن يصير معهن أو صار أو بيفكرهن هيك يعملن بالمستقبل....

أنتن يا بنات لما تصيروا ببيت الحماية حتصيرن مو ضيفات أكيد معزبات...
فليش تستنن حتى الحماية تقوللكن اعملن كدة أو كدة..

ليش ما بتظهرن جدارتكن وتشتغلن بدون ما حدى يطلب منكن ...
كدة بتقطعن حبل الشرمن أولو ...وعاي اذا كانت بنت حماكي موجودة هي أولا وأخيرا تعتبر ضيفة ....
فمجرد وجودك أنت بالبيت ونهايتها تروح على بيت حماها سواء كانت بنت أو متزوجة..
فليش ما تكسبي جميع الأطراف لصالحك وترضي الجميع سواء بهذا الموقف أو غيرو ....
*******
ممثال تاني واقعي ؟؟؟؟؟؟
النوم مشكلة كبيرة عند الصبح . صح؟؟؟
واي بنت ممكن تكون بيت أهلها بتنام لل11 بسبب السهر بالليل إما على التلفزيون أو الكمبيوتر أو الدراسة فهذا امر طبيعي ....
بس ياترى هل نوم المرأة ببيت حماها لل11 مقبــــــــــــــول؟؟؟؟؟؟؟؟؟؟؟؟؟؟؟؟؟

((((((((((((أكيــــــــــــــــــــد لالالالا...))))))))))

ممكن تكون الوحدة سهرانة مع زوجها....
وتعبانة وبحاجة لراحة جسدية ,,,,
وانا معها انها تنام ؟؟؟؟!!!!
بس ليش ما بتصحى لو الساعة 8 وتعمللها لفة على البيت كلو وتخلص الشغل بكير؟؟؟؟
واكبر بيت بيخلص شغلو بمدة ساعة ونصف تقريبا ...
وبعد ماتخلص يلي عليها ترجع على سريرها وتنام ... هيك بتكون كسبت بيت حماها لابيصيرو يحكو عليها أنها بتحب النوم ولا يشتموها انها ما بتشتغل صح؟؟؟؟
******

ومتال ثالث واقعي؟؟؟؟؟؟؟
روحة الكنة لبيت أهلها ... من المعروف دايما أي عاروس جديدة ببيت عمها بتحب وتشتاق لبيت أهلها ...

بس ماشي رحتي أول مرة وتاني مرة وتالث مرة وبعدين؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب مما فكرتي انوأهلك زوجوكي لحتى تنستري ببيت زوجك ...
فليش تخلقي زعزعات وصراعات كرمال تروحي لعند أهلك ....

طيب ليش من الأساس اتزوجتي اذا بدك تبقي سري مري على بيت أهلك!!!!!!!!!!!!!!

ليش ما بتحطي لنفسك برنامج كل10 ايام اروح ازورهم واسمع اخبارهم ..
وتطمني عليهم ...

بس المشكلة الأكبر اذا الوحدة متزوجة وعندها أولاد صغار وساكنة ببيت حماها وبفترض زوجها مسافر ...

وقال شو ؟؟؟ والله زوجي مسافر بيحقلي روح على بيت اهلي وأنام عندهم ..

طيب انت ما فكرتي بثقالة الدم على بيت أهلك ما فكرتي انهم مكن يكونو مشغولين عنك ...
ممكن يستقبلوكي يوم بس ياترى أكثر؟؟؟

طيب على فرض أهلك مع انو تنامي عندهم ...!!!
مافكرتي بمسؤوليتك ببيت حماكي فهم أمانة برقبتك فليش ما تسعديهم متل ما بتتمني السعادة لأهلك ليش؟؟؟؟؟؟

وإلا انت من النوع يلي بيقول((((منو علي من زوجي وأولاي وبس ))))..

مافكرتي انو حماتك اذا كانت عجوز بحاجة لمساعدتك .مافكرتي انو تعبت وشقيت على زوجك وزوجتك اياه كرمال تيجي مين تشيل الحمل عنها بذمتك ما بتستاهل تعامليها متل أمك ؟؟؟؟؟؟؟؟؟؟؟؟

جد حالات كتير غريبة في المجتمع؟؟؟؟؟

وكمان مثال رابع وواقعي بنهي فيو هالموضوع ؟؟؟؟؟؟؟
لما الوحدة بدها تروح مشوار وعلى فرض زوجها موجود ما بتخبر حماتها والله اني طالعة او ممكن تخبرها بعد ماتلبس؟؟؟ صح ....
لك هذا قمة الخطأ ....!!!!!!!!!!!

ليش ما تخليها تحترمك بهذا الأسلوب ...
((مرة عمي ... والله بدي روح اشتري أواعي بتحبي تروحي معنا ... هيك هي بنفسها بتقول نعم الإختيار لإبني وتصير تمدحك ..واذا قالتك روحي الله يسرلك . . قوليلها طيب حابة شي اشتريلك اياه من السوق فهي حتقولك من عزة نفسها لا ياحبيبيتي روحي بس لا تتأخري ..))) فأكيد الوحدة لازم تتقبل الموضوع بأريحية تامة ...صح؟؟

طيب مو لما كنت بنت تستأذني أمك لوين بدك تروحي وتخاف عليك وتقلك لا تتأخري ... صح !!!
فليش ماتعتبري حماتك أمك!!!!!!!!!!!!!!

والأحلى لما ترجعي واشتريتيلها شي حلو بتحس حماتك انك ما نسيتيها وانها الها الأولوية بكلشي وهيك بتكسبيـها دايما..

أنا اختصرت الموضوع بالأمثلة الشائعة تقريبا واذا بدي غمق أكتر مصيبة؟؟؟؟
لأني رح طلع المخبأ كلو!!!!!!!!
بس الموضوع القادم انشاء الله رح دخل الزوج وكيف المرأة تستغلو ضد أهلو ....

انطروا كلشي جديد وحقيقي...

(وانا صراحة حابة اسمع كلشي تعليق حقيقي على الموضوع هذا ومستعدة للنقاش معو سواء كانت بنت أم ذكر وسواء كانو متزوجين أم غير متزوجين)
أنا اتخذت بموضوعي الحالات يلي بتكون فيها الكنة ساكنة عند بيت احماها وهذ حالة شائعة...

يمكن بموضوعي تفكروني أنا مع الحماية ايما أكيـــــــــد لا ...
أنا مع الحق دايمـــــــــــــــــا!!!!!!!
أنا هلأ فقط كتبت عن أمثلة بسيطة بصقات البنت في بداية زواجا ....
وأكي رح تشوفو بموضوعاتي القادمة (( تدخل الأهل بحياة الزوجة!!!
وتبعية الرجل اما مع امو أو مع مرتو بدون ما يتطلع على الحق!!!!
اما بيكون بيحب أمه وصعب يرفضلها طلب او مرتو متحكمة فيو على التخت!!!!)))

انطروووووووووووووووا الحقائق الجديدة ....وانا صراحة كاتبة هذا الموضوع على مدونتي بجيرا ن وحبيت أنقلو لهنا حتى اسمع النقاش معكم .... جوري

صباح الخير ست جوريه
اسعدني موضوعك جدا بما اني كنت كنه وسكنت عند بيت حماي عشر سنوات
بغرفه واحدة وطعام مشترك
نعم اختي انت محقه ان الكنه تتنازل لبيت حماها وترعى حماتها وتاخد اذنها لما بدا اتروح اي مكان او تروح عند اهلها وتحترم اوقات النوم
ولكن اين انت من زماننا هذا
وبعدين انت حكيتي كلمه وذكرتي انه والدة زوجها اعطتها زوج وامه تعبت عليه
اليس ايضا اهل البنت لهم تعب على تربية ابنتهم وزوجوها واعطوها لذلك الزوج هي سنة الحياة
الان سوف اعطيك زبدة الكلام
الان انا خطبت لابني وان شاء الله بعد سنه او سنتين سوف يتم الزواج
هل اجبر زوجة ابني ان ترعاني وابنتي متكئه لا اطلب منها شيئ
هل احمل زوجة ابني اعبائي وعملي وخدمتي لزوجة ابني بحجة انني اعطيتها ابني
هل امنعها من زيارتها الى بيت اهلها
اظن تنتهي حريتي عندما تبدأحرية الآخرين اليس كذلك
اقول على الحما ان تحترم زوجة ابنها وتترك اي قرار لصاحب القرار ولا تتدخل بشؤون كنتها او ابنها إلا بمايرضي الله
وان تكون الام الثانيه ..وتتغاضى عن التدخل لحرية الكنه
وهذه نصيحه
سواء راحت عند اهلها او استقبلت اصدقائها او نامت للساعه 11 او نامت اكثر الاوقات اقول لها زوج ويجب ان يكون الامر له والاحسن من ذلك ان لاتسكن الكنه عند بيت حماها صدقيني الحما تهان لو تدخلت بشؤون الكنه وإذا كان للحما حق لا بد ان لا ننسى انه للكنه حق ايضا فلا نهمله
ولكن لو كانت الكنه حابي ان تتسيد ببيت حماها وتخدم ام الزوج او اب الزوج او تقوم على رعاية البيت من زوقها وقرارها هنا اقول بورك البطن الذي حملها وهذا لن يحصل من كنه بهذه الايام
سيدتي يجب على الكنه ان لاتقارب بيت حماها الا ضيفه فقط او الا اذا ارادت هيه وتترك حرية الاختيار لها فقط وليست مجبرة
شكرا لموضوعك والحمد الله الذي شرفني بزيارة صفحتك

مشكورة أختي الله يعطيكي ألف عافية

شكرا كتيييييييير جوري على موضوعك الحلو والمميز

يعطيكي العافية والله و أدعولي الله يبعتلي حماية تحبني

ميرسى الك

السلام عليكم ورحمة الله وبركاته أختي جورية
موضوع الكنة والحماية موضوع معقد جدا صعب نحدد مين الغالب ومين المغلوب فعند حدوث المشكلة كل وحدة تعتبر نفسها على حق من وجهة نظرها
أنا متزوجة وحماتي من النوع الصعب جدا اوافقك على رأيك بنحو 50%
يعني باختصار أن تعامل الكنة حماتها بما يرضي الله وأن لا تنسى أنها يوما ما سوف تصبح حمه
والحياة دين ووفاء
لكن المعاملة الحسنة لاتعني أن تصبح الكنة عبدة وتنسى أن لها كيان ولها أهل
ليس من الضروي أن تستأذن من حماتها كلما أرادت أن تحرك يدها فهي تزوجت حتى تستقر وتؤسس أسرةوتشعر بالمودة والرحمة مع زوجها ولم يكن ينقصها من يتحكم بها
صحيح الزوجة تأخذ الزوج من حضن أمه التي لها فضل عليه والجنة تحت قدميها ولكن بالمقابل الزوج أخذها من حضن أمها التي الجنة تحت قدميها أيضا(بالشامي هون ما في خيار وفقوس)
باختصارشديدالزواج تكافئ في كل شيءعلى الزوجة أن تحترم بيت الأحمى وتحبهم وتظهر لهم ذلك وعلى الزوج أن يعامل أهلها بالمثل وعلى الحماة أن لاتضغط على الكنة وتعذرها ان أخطأت لأنها الأكبر والأوعى
وعلى الزوجة أن تنتبه لتصرفاتها وتعامل حماتها كما تريد أن تعاملها كنتها في المستقبل
واعذريني على الإطالة
وشكرا