ورد الشام

ورد الشام
عزيزي الزائر
هنالك فرق في التصفح كـ زائر والتصفح كــ صديق مسجل مع أننا أتحنا كل أقسام ورد الشام لكي يستفاد بها الجميع الزائرين
كثيرة المنتديات التي يسجل بها البعض ولكن قد يهمل دخولهم وتسجيلهم
هنا في ورد الشام
جرب أن تهتم وسوف نهتم

أجتماعي ثقافي أدبي ترفيهي


علمنى العوم

شاطر
avatar
محمد منسى
أسرة ورد الشام
أسرة ورد الشام

البلد : مصــــــــــــــــر
ذكر
العمر : 39
صديقة مقربة صديقة مقربة : مــآآآري
صديقة مقربة صديقة مقربة : سما فكري
عدد الرسائل : 5243
العمل/الهواية : الشعر * الشطرنج * كرة القدم
تاريخ التسجيل : 09/06/2009
مستوى النشاط : 19209
تم شكره : 24
القوس

علمنى العوم

مُساهمة من طرف محمد منسى في السبت 10 يونيو 2017 - 16:17


علمنى العوم

من قبل ما تنزل بيّا

 ف بحرغويط

لابُصْ ألاقى الموج حواليا

أغرق وأموت

والبحر عميق  .. عميق

ولو إن قراره

ياقوت وعقيق

لكن بيخوّف واعذرنى

أناعمر ما حدش علمنى

أنزل فى بحور الشوق وأضرب

وأقدف وأصارع وأتعب

من غير ماامسك بإيديّا الطوق

علمنى

***************

علمنى

دا أنا أصلى بـِنـَيّه

فتّحت لقيت ناس حواليا

بتضلم وتخبي عليّا

وتداري  بإيدها عينيّا

وقالولى اتهنى وعيشي سنين

ع الشط ولومليان بالطين

مافيهوش أخطار

وأهو بر أمان

لو حتى ماهوش بالخير مليان

لالالالالالالالالالالا

أنا عايزه أقطع بإيديا

التوب المتحكم فيا

وأشوفك

أشوفك عايم قدامى

بتشجع وتشاور ليّا

بعينيك الحلوه المليانه

ينابيع الشوق والحنيّه

بعيون فاهمانى وسهرانه

بتفكر وبتحلم بيّا

رح أنزل جوا الموج وأضرب

وأقدف وأصارع وأتعب

من غير ما أمسك بإيديّا الطوق

والشَعر اللى اتعود دايما ً

ينزل فوق خدّي ويتوضب

ح يثور ويّايا ويتبعتر

ويكون فى عيني شراع مركب

وعينيّا بترسم وتفكر

رح أكون جنيّة بحر عميق

ماشيه ع الموج كدا تتمخطر

ولا خايفه ولا ماسكه بطوق

وبأقدف وأنا راسي لفوق

لو حتى ف يوم ح أغرق وأموت

ح يقولو ساعتها

ما رضيتش تعيش ع الشط يومين

ما رضيتش تعيش على طول فى الطين

يا طهارة الطين

ماتت !!!!

ماتت جنيّة بحر عميق

ماتت

والبحر قراره ياقوت وعقيق

***************

*******




-----------------------------------------
(( إن لم يكن شعري كعهدي به


فحسنك الشعر الذي أهوي ))



    الوقت/التاريخ الآن هو الثلاثاء 19 يونيو 2018 - 15:18